janv.28
dans la catégorie Chti artésiens
Gifle se dit baffe en chti.
Dans ma jeunesse si le maître d'école donnait une baffe, ch'tiot n'allait pas se plaindre à ses parents, il savait qu'il en recevrait une deuxième.
Baffle se dit aussi en chti :
Torgnole, calotte, claquot, tatoulle, beigne, volée, macaron, claque'musiau, morniffe, papin...
Fil des commentaires de ce billet
Quind m'mère ale a eu douze ans, ale a parti ouvrer au tissache d'Avesnes-lez-Aubert. Ein jour, su l'métier, l'fil i a cassé, l'production ale a baissé. Ale étot payée à l'semone, et s'paye ale a diminué. Ale s'est fait ingueulée par sin père pasqu'ale ramenait moins d'sous. Ale i a répondu : "ch'est mieux qu'ti, t'es chômeur !" Là ale a r'chu l'torgnole de s'vie !
Té veux un aller-r'tour ? 
Si té continues à faire el zouafe, té vas archevoir mes chinq marionnettes sur tin théatre !
Dictons du 28 jinvier :
-Saint Charlemagne in larmes, février in armes.
-Pour Charlemagne, les écoliers doivent fermer livres et cahiers.
-Si in ne l'a pos fait pour sainte Geneviève, ch'est à l’saint Charlemagne qu'in met la vigne à sève.
-Saint Thomas, l’hiver jamais n’a de bas.
-A l’saint Thomas d'Aquin, le frod n'est jamais loin.
-Pour l’saint Thomas, si t'as un porc, donne-lui sur le nas (le nez, assomme-le !) ; Aille in voler un qui n'in a, Saint Thomas lui pardonnera.
-Pour saint Thomas, tue tin porc maique ou gras.
-Pour l’saint Thomas, plinte tes pennetières si t’in as.
-S'il gèle à l’saint Thomas, i gèlera pour trois mois.
-De saint Thomas à sainte Mathilde (14 mars), le temps est à la neiche souvint.
-A l’saint Thomas, ne fait pas gras.
-A l’saint Thomas, les jours tombés au plus bas vont edmain grindir d’un pas.
-Pour la saint Thomas, alleume si tu n'y vos pas.
-S'il gèle à la saint Sulpice, l’printemps sera proprice.
-Quind la grive cante au genévrier, in n'est pos loin d’févérier.
-In janvier, l’paysache n'a rien.
-Jinvier de givre, année de fruits.
-Un mos d’jinvier sins gelée n'annonce jamais eune bonne année;
-In a vu l’plus mauvais temps quind jinvier moutre les dents.
-Le traval de jinvier ne dot pos valoir un denier.
Saints du 28 jinvier :
-Bienheureux Charlemagne: Patron des Ecoliers.
-Saint-Thomas d’Aquin est l’patron des étudiants, des écoles catholiques, des philosophes, des éditeurs, des théologiens et des universités. Il est invoqué pour faire cesser les oraches et pour être préservé de l’foudre.
-Sainte Libérate (ou Livrade ou Vilgeforte) étot portugaise, fille d'un roi qui promit sa fille in mariage au roi sicilien. Mais Libérate qui n'in voulot pos, pria Dieu de lui donner l’moyen d'échapper à ch’malheur. Dieu fait alors pousser eune lonque barpe bin épaisse à Livrade! Sin père, in veyant cha, s’énerfe et fait crucifier s’fille ! Ch’est qu’in n’rigolot pos à l’époque !
Dins les pays du nord, Sainte Libérate (appelée sainte Débarras) est invoquée par les femmes qui ont invie de s’débarrasser d’leur mari.
Ch’est aussi la patronne des femmes à barbe.
Ale est invoquée aussi pour la délivrince des femmes in couche (Livrade ou Délivrade) et pour les infants malingres.
-Saint Pelade est invoqué contre la chute des caveux.
Euh, Mincoin, té confondros pos par hasard: eune baffe et eune baffle?
Té mérites des baffes! 
"Euh, Mincoin, té confondros pos par hasard: eune baffe et eune baffle? Té mérites des baffes!"
Ah bon ? Les baffles sont féminines ach't'heure ! UN baffle !!!!
Ti aussi, té mériteros eune paire ed baffes !
Quand t'archeus eine torgnole in plein blair et que t'as plaché l'micro sur l'ampli connecté aux" BAFFLES 150 watts efficaces" cha t'fait un bruit époux ventape!l'miux bin seûr ch'est d'éviter les pêches in pleine poire in sachant qu'l'aute i' va s'payer ta pomme !!J'm'adresse ichi à cheux qui z'ont eine chaîne oui-fi stéréo!
Quind il a r'chu eine beigne il a perdu s'calotte !
Porquo qu'in l' seurnomme" Marie Tatoulle?"
-Ben ! à t' n' idée !!!
EUNE beigne!=eune chataigne!un pétard su' s'n'oeul !
Un macaron ch'est un oeul au beurre noir !
I'a cor eu un" papin su' s'guife !
Quind t'ercheus eune baffle su' t'n'orelle cha fait différinds bruits:PIF ! smack! POPS! splatch! VLAN !clac!et j'in passe!!!in appelle cha des baffes acoustiques !....
Au temps des grinds seigneurs i' disotent pos:" ej'vas t'coller un papin Denis" mais plutôt :"je vais te souffleter du revers de mon gant!"i' disotent pos:té vas morfler mais :j'vas t' troer la paillasse !!te pourfendre en trois !!!
Je me souviens surtout du "Fais gaf ou tu vas prendre une torgnole" de ma grande tante, c'était juste magique.
Et si l'baffe ale suffisot pos, y avot l'martinet !
BAH! i' faisot plus d'peur que d'ma !ch'père fouettard !
Bin seûr si i' tapot réell'mint dins un accès d'rache(délirium très mince) dû a un taux d'alcoolémie avinché là in disot: crénom des diousses!L'tiot! il a r'chu eune rude doublure in l'intind jusqu'au bout dé l'rue !Certains passants disotent complaisamment :Il a l'danse Saint GUY !!!
Bonjour min gamin et bravo pour tin blog, je suis de st-quentin, picard de naissance et cousin proche des chti. C'est drôle de partager le langage bien particulier et surtout les variantes. continue comme ça, saque'dans !
Saint - Quentin!!!crénom ch'est un artique pou' Galibiot cha!i'connot tous les saints du paradis !!cha n'a pus d'secret pour li !!
Dictons du 29 jinvier :
-S'il pleut à l’saint Sulpice, ch’est tous les jours comme vaque qui pisse.
-S'il gèle à l’saint Sulpice, l’printemps sera propice.
-Temps d’saint Gildas, temps d’glace
-A l’saint Constance, plein hiver in France.
-Si jinvier ne fait pos sin devoir, février lui saute au poil.
-Biaux jours de jinvier, trompent l'homme in févérier.
-Quind jinvier est sec, ne dot s’plaindre le guernier.
-Sécheresse de janvier,Richesse de fernier.
-Pleufe qui dure in jinvier suffit pour toute l'année.
-Pour jinvier pleufe est signe de disette.
-Ce que l'été a cueilli, l'hiver le mingera.
- Saint Gildas a ressuscité la femme du roi Conomor de bretagne qui s’appelot Trifine. (A n’pos confondre aveuc le regretté Triczine !) 
"Saint - Quentin!!!crénom ch'est un artique pou' Galibiot cha!i'connot tous les saints du paradis !!cha n'a pus d'secret pour li !!"
Yaka d'minder !
Saint Quentin est un martyr du 3ème sièque dont l’corps aurot été découvert par St Eloi et Ste Eusébie à “AUGUSTA VEROMANDUORUM” devenue la ville de SAINT QUENTIN dins l’Aisne.
Il fut horriblemint martyrisé par ch'cruel gouverneur RICTIOVAR.
In l'mit par deux fos su l'chevalet où il fut fouetté. In lui versa su l’dos de la poix et de l’huile bouillante, puis in mélingea de l’chaux, du vinaique et de l’moutarte et in versa le tout dins s’bouque afin qu’il soit réduit à s’taire !
Puis in l’transperça aveuc deux broches in fer infoncées edpuis l’cou jusqu’aux cuisses.
Infin, on le noya dins la Somme
Sainte Eusébie l’artrouva 55 ans plus tard, dins les eaux. Ale se mit in prière et l’corps de Quentin, qui étot au fond, chargé d’eune masse ed plomb, se mit à flotter. S’tiête d’un côté et sin corps ed l’aute ! Les deux parties se rassemblèrent et Eusébie pu artirer l'corps de la Somme. Et miraque ! Ale étot aveuque mais ale recouvra la vue après l’avoir artiré de l'iau !
Et in dit que QUENTIN, ch’est li le P’tit QUINQUIN !
...et quand in cante le p'tit quinquin eine pieuse pinsée pou' Saint QUENTIN!
I'a eu un papin su' s'gamelle !(expression
chti très courante)
i'a fait tros tours dins ses godasses!
cha ch'est digne d'asdérix!
Faut pos confonde un papin et du papin !
Par tous les saints!!!...et l'pape!!? hein !!!
Quand un chti mi rinconte un aute chti li cosse qu'i' s'racontent....des histoères sur chti nous !!
Oh !les conjugaisons !Mi, ti, pis li !!
Ch'est quind j'l'ai vu passer pa' l'ferniête
à l'horizontale là! d'vant mi qué j'mé sus dit: Cha ch'est" eune rude volée !"gare à l'atterrissache !!
Dictons du 30 jinvier :
-A l’saint Hippolyte, bin souvint l'hiver nous quitte ! Ch’est n’importe quo ! Incore eune fos, ch’ Pape a quingé l’date de l’fiête de saint Hippolyte ! Ach’t’heure, ch’est l’13 août ! Donc ch’dicton i veut pus rin dire ! Pffff !!! Faudrot pétête qu’chés papes i pinsent aux dictons avint d’quinger les dates ! Carton rouche incore eune fos !
-Prinds garde à l’sainte Martine car souvint l'hiver se mutine.
-Attention à l’sainte Martine, l'hiver arprind dès mâtines.
-Si l’brouillard intoure saint Martin, l'hiver passe tout bénin.
-S’il tonne in jinvier, cuves au fumier et barils au guernier.
-Beaucop d’neiche et longtemps nourrit trèfle et fruits de l'an.
-Quind jinvier met d’l’hierpe, si t’as du grain, garde-le.
-Un mos d’jinvier sins gelée n’amène jamais eune bonne année.
-Autant de bonnes journées in jinvier, autant d’mauvaisses in mai.
-Douceurs de jinvier, rigueurs in févérier.
-Si jinvier ne prind sin manteau, malheur aux arpes, aux moissons, aux coteaux.
-Vint de jinvier, pleufe de juillet.
.
Saints du 30 jinvier :
-Saint-Aleaume est l’patron des majordomes, des servantes, des femmes de ménache et de tout l’personnel domestique in général
-Sainte Aldegonde patronne de Maubeuge. Comme ale ne voulot pos s’marier, ale s'infuit de l’baraque ed’ ses parints et finit par arriver à un désert qu'ale appela Maubeuge. (Du latin Malbodium = mauvais terrain, marécage) Mais ch’est seulemint au 15ème sièque que le nom devient définitif après diverses variantes : Melbarium, Villa Malbodiensis, Melbodium, Malbode, Malboege, Melboege, Mabuge, Mabeughe et Mauboege
-Sainte-Aldegonde est invoquée pour le soulagemint des plaies
Merci Galibot ! j'connossos pos l'histoire du nom Maubeuge.
!!et ses variantes à travers les sièques!! Très instructif !
Ch'est comme Aldegonde!!a' m'fait pinser oussi à Frédégonde...mais ch'est cor eune autre histoire avec Brunehaut !
!!et ses variantes à travers les sièques!! Très instructif !
Ch'est comme Aldegonde!!a' m'fait pinser oussi à Frédégonde...mais ch'est cor eune autre histoire avec Brunehaut !
...sins oblier Cunégonde!!! mais d'ou viennent tous ces noms dont la terminologie est....ONDE comme Brice Lalonde !!Hein !!!
J'sais pos si j'dos dire que cha m'énerfe, ou si j'dos ête contint, mais ch'matin, j'ai intindu ch'mauvillard qui comminchot à canter!
L'année passée, yavot comminché sin ramache fin février, cha fait qu'i a un mos d'avinche!
Ya pos qu'li qui est in avinche, tous chéas arpes i sont in bourgeons, et i parait qu'i comminche à y avoir d'z'allergies aveuc l'pollen des nojettiers qui z'ont d'jà les chatons qui pindouillent!
Ya vraimint eune séquoi ed déréglée dins l'climat; et cha m'énerfe!
Dictons du 31 jinvier :
-Pour saint Cyrien, le frod nous arvient.
-Pour qu’l'année seuche de bon aloi, i faut que l’neiche couvre le sol neuf fois !
-Fin janvier, mitan guernier, mitan fenier.
-Si les mouques dinsent in janvier, ménage tin foin au guernier.
-Jinvier et févérier comblent ou vident le guernier.
-A jinvier de neiche et d'iau succède un été bon et biau.
-Arc-in-ciel le matin fait marcher l’moulin.
-Si l'arc-in-ciel paraît tros jours biaux, tros jours laids.
-Quind jinvier intre doux comme un agneau, i sort comme un taureau.
-Les souris qui creusent trop bas, les fourmis qui bâtissent trop haut, présagent un hiver peu caud.
- Les 6 derniers jours de jinvier arprésintent le temps des 6 derniers mos d’l'année.
- Saint Pierre Nolasque. (13ème sièque.) avot eune piètre opinion de li-même puisqu’il signot souvint au bas de ses lettres : "serviteur inutile", "le vrai néant" …
Y'a pos qu'ti Mozinpef!!!L'gardin i'est saturé d'éau !!c'matin j'ai écrasé eine punaise dins l'cour! d'habitute à parelle époque in n'in vot pos!i' comminche à faire caud ! bon ! j'rinte y'a un chinois qui passe dins l'rue !!i' travaillot chez CORONA à Saultain!!!vite!! min masque!!
"J'sais pos si j'dos dire que cha m'énerfe... vraimint eune séquoi ed déréglée dins l'climat; et cha m'énerfe!"
Ch'climat i'est déréglé mais ya pos qu'li !
La preufe :"cha m'énerfe", ch'est l'billet précédint !
Ach't'heure, in est sur "la gifle en chti", comarate Mozinpef ! !
Mais sur le fond, t'as raison, in n'sait pus commint qu'in vit ! Ch'temps est déréglé ! J'ai mes rosiers qui comminchent à bourgeonner et j'vas devoir tondre m'pelouse !
Mais ch'est pos d'aujord'hui : M'paufe grind-mère disot d'jà ya 30-40 ans :"Ach't'heure, ya pus d'saison ! Cha dot ête de l'faute à l'bombe atomique" !
Ach't'heure, ch'est de l'faute au récauffemint climatique !
Et d'main, cha s'ra quo ? Un virus chinois qui dérègle le climat ?
Mi m'grind mère ale disot que ch'étot de l'faute des "pousniks" (ale savot pos dire spoutniks), que chés russes i z'inveyottent in l'air!
"Ach't'heure, in est sur "la gifle en chti", comarate Mozinpef ! !"
I laiche rin passer, monhomme!
"Ach't'heure, in est sur "la gifle en chti", comarate Mozinpef ! !"
I laiche rin passer, monhomme!
M'mère ale arot dit : "battez-vous mais vous disputez pas ! "
"I laiche rin passer, monhomme!"
Comme dit si bien l'proverpe :"Qui aime bien, châtie bien !"
BAF!eine fos qu'ch'est pos un châtiment corporel !!
Cha m'fait pinser à Ravaillac le catholique!ch'étot pos un saint chti'lal !bon! passons à aute cosse !
Chés inglais i z'ont foutu eune rude baffe à l'Europe! 
Paufe Kimberlotte, cha va ête plus compliqué ast'heure pour artreuver un british!
"Paufe Kimberlotte, cha va ête plus compliqué ast'heure pour artreuver un british!"
Te peux l'dire !
L'pire, ch'est pou chés Frinçais qui vif'tent in Ingleterre edpis 50 ans. I sont oligés de d'minder un permis d'séjour permanent ! In leur foutrot des baffes comme pou rire à chés Britishes ! Du moins, à certains...
Dictons du 1er févérier :
- Si un hérisson sort de sin terrier le jour de sainte Brigid,(ou Brigitte) l’temps à venir sera doux. À l'inverse, l’temps sera mauvais pour la prochaine saison à venir.
- A la saint Ignace (d'Antioche), l'iau est d’glace.
- A la sainte Ella, neige et verglas.
- Neiche de février est mitan fumier.
- La veille de l’Chandeleur l'hiver s'arrête ou arprind vigueur.
- S'il tonne in févérier, point de vin au cellier, jette les fûts au fumier.
- Jamais févérier n'a passé sins voir le groseillier feuillé.
- Jinvier fier et frileux, Févérier court et fiévreux, March poudreux, Avril pluvieux, Mai joli, gai et vinteux, dénotent l’an fertile et plantureux.
- Si févérier ne donne de l’tiête, i donnera de l’queue.
- Févérier, le plus court des mos est de tous el pire à la fos.
- Févérier tourne sin bonnet sept cops devint et derrière.
- Févérier l’plus court des mos et l’pire cint fos.
- Févérier est court et laid.
- Févérier est, de tous les mois, l’plus court et l’moins courtois
- L’temps de févérier ne resse pos in plache.
- Si févérier ne févrotte, march vient qui l’garotte.,
- Fleur de févérier va mal au pommier.
- La neiche de févérier brûle el blé.
.
-Du 1er au 15 févérier, in entre dins l’période des Lupercales romaines où les femmes se faisotent fouetter par des lanières d’un leu qu'in avot sacrifié et découpé. Le fouettemint devot normalemint assurer la fécondité.
-Sainte Brigitte (de Kildare) étot très belle. Mais comme in la pressot de s’marier et qu'ale ne voulot pas, ale pria Dieu de la rindre laide. Et bing ! Dieu l’exauce ! Ale perdit alors un oeul et sin visache devint tellemint difforme que plus personne ne songea à l'épouser !
Donc, ale n’avot pus vraimint l’choix : Ale se fit religieusse.
Brigitte est l’protectrice des animaux de ferme, particulièremint des vaques et des volailles. Ale est l’patronne des infants et de l'allaitemint, des poètes, des crémières, des forgerons, des éleveurs de volaille, des navigateurs, des imprimeurs et des guérisseurs.
-Sainte-Ours d’Aoste est invoqué pour soulager les vertiges, les étourdissemints et les rhumatisses, et pour guérir les maladies des reins.
"Paufe Kimberlotte, cha va ête plus compliqué ast'heure pour artreuver un british!"
Te peux l'dire !
Les ingliches, cha t'exit toudis Kimberlotte ?
I' n'ont minme pus l'droit d'voter in FRINCE !Fernand Raynaud disot d'jà: restons Francais !!Les pêqueux Frincais i' z'ont intérêt à r'meurer dins les iaux territoriales sinon le britich leur dira: eh! t'es pos in Europe ichi !Eul brin in ingelterre ch'est qu'i a les pro europe et les pro brexit!queu' dallache !!!
Vla commint qu'in trinsforme les mentalités !cha fini in queue d'pisson .Ach't'heure i'in a tell'mint qui r'vindiquent l'Europe..j'in dit pos puss'...je médite !!
....et pis in invinte des nouviaux noms: "low cost"comme si qu'in n'da pos assez comme cha !!eul' concurrence est ardoutape !in casse tout mais i' faut vinte! allez! va ! bon ouik'aine !vive l' verre à bas l'plastique !
Aujord'oui ch'est l' chand'leur!!A vos crêpes!chti qui n' in veux pos j'y colle un raton !
L'chand'leur ou l'heure du chant!
benheureux l'homme qui chante dins la grisaille !!
Bon Diminche dins ch'NORD !
Dictons du 2 févérier :
- Solel au deux février, l'hiver s’ra prolongé.
- Si la Chandeleur est goutteuse, les vaques seront laiteusses et les poules pondeusses.
- Rosée à la Chandeleur, hiver à sa dernière heure.
- Chandeleur claire, hiver derrière, chandeleur noire, l'hiver a fait sin devoir, chandeleur trouble, l’hiver redouble.
- S'il pleut à la Chandeleur, les vaques donnent beaucop d’beurre.
- Lorsque la draine (grive) cante à la Chandeleur, autant de frod devint comme derrière.
- A la Chandeleur, grinde neiche et frodeur.
- Solel de Chandeleur annonce hiver et malheur.
- A la Chandeleur, la chandelle pleure.
- Quind la Notre-Dame de la Chandeleur luit, l'hiver quarante jours s'ensuit.
- A la Chandeleur verdure, à Pâques, neiche forte et dure.
- Biau temps le jour de la Chandeleur, autant d'hiver à passer que passé.
- Chandeleur derrière, je me moque de l'hiver !
- A la Chandeleur, au grand jour, les grandes douleurs.
- Pour 7 semaines, il s'hiverne, quind à la Chandeleur le soleil fait lanterne.
- A la Chandeleur, l’jour croît de deux heures.
- A la Chandeleur, de deux tiotes heures, à la saint Barnabé, du saut d'un baudet.
- A la Chandeleur les jours croissent de plus d'une heure et l’frod pique aveuc douleur.
- Lorsqu'à la Chandeleur le temps persiste au biau, berger, serre tin foin, fais paître tin troupeau.
- Neiche et vint à la Chandeleur, printemps proche.
- A la Chandeleur, au grand jour, les grandes douleurs.
- Chandeleur couverte, quarante jours de perte.
- A la Chandeleur, la neiche est à sa hauteur.
- A la Chandeleur, rose n'in sintira que l'odeur.
- Rosée à la Chandeleur, l'hiver à sa dernière heure.
- Intre Noël et la Chandeleur, y a pus d’laboureur.
- Les jours intre Noël et la Chandeleur, i vaut mieux vir le leu qu'un valet laboureur.
- Miux vaut un loup au troupeau qu’à la Chandeleur un jour biau.
- La Chandeleur venue, ringe le rouet et prind la charrue.
- Si la loutre vot son ombre le jour de la Chandeleur, pindint quarante jours ale rintre dins sin tro.
- Si la louve se met au soleil le 2 février, six semaines d’hiver derrière.
- Selon que nos vieillards ont dit, si l’soleil se moutre et luit à la Chandeleur, croyez qu'incore un hiver vous aurez. Partant gardez bien votre foin, car il vous sera de besoin.
- S’il pleut pour Notre-Dame des Chandelles, y aura beaucop d’cire et d’miel.
- Etrennes d'honneur durent jusqu'à la Chandeleur.
- Du perce-neiche la blanche fleur est la violette de la Chandeleur.
- A la Chandeleur, le plaisir sera fait de farine, de lait et de beurre.
- Qui minge des crêpes quind la Chandeleur est arrivée est sûr d'avoir argent toute l'année.
- La Chandeleur rompt le cou aux veilleurs, mais les bons enfants vont jusqu'à Carême prenant.
- Qui ne veut blé charbonneux, minge des crêpes à la Chandeleur.
- A la Chandeleur, l'frod fait douleur
- Si à l'Chandeleur ch'leu sort de s’tanière, ch'est signe ed’ mauvais temps.
- Si l’solel luit avint midi l'jour de l'Purification, l'ours rintre dins s’tanière pour six semaines.
- Solel du matin de Chandeleur, quarante jours l'ours à l’tanière.
- Hiver vite fini si l’ciel est gris pou l’matin d’la Chandeleur
- A l’Chandeleur, in est à mitan du pain et à mitan du foin.
- Si l’solel paraît, l'ours sort de s’tanière, fait trois sauts et y rintre pour quarante jours. Mais s'il fait vilain, i pinse que l'hiver est fini.
- Chandeleur caude, l'hiver après Pâques.
- A l’Chandeleur verdure, à Pâques neiche forte et dure.
- A l’Chandeleur, les jours croissent de plus d'eune heure.
- Biau et clair à l’Chandeleur, l'hiver garde sa rigueur.
- Si l’Chandeleur est noire, l'hiver a fait sin devoir.
- Pour eune vieille tradition paysanne, la chandeleur est l’jour où l'ours sort de s’caverne à la fin de son hibernation (qui a comminché le 11 novimpe), à condition que la leune seuche noire ou cachée par el mauvais temps. Si la leune est claire, il rintre et artourne hiberner pour 40 jours car le printemps n'est pos incore arrivé. Il a passé 80 jours aux enfers, in compagnie des âmes des morts. Il les armonte avec li dins sin vinte. Si la leune est noire et donc que l’printemps est là, il pète les âmes tout in déchaînant les vints de printemps qui vont féconder l’tierre !
- A l’Chandeleur, i faut minger l’soupe dorée (crêpes) pour avoir d’l’argint toute l’année. Cha tompe bien : j’vas aller faire mes crêpes ! Et j’vas donc avoir plein de sous !
J'cros qu'j'ai battu l'record du nombre de dictons !
Mincoin, quo qu'j'ai gagné ?
Sapré Galibot!! t'aros pu attinte d'arriver à chint!!ton impatience te perdra !!!
Quoquidit "mincoin" !
Dictons du 3 févérier :
-A l'saint Blaise, l’vint du 3 févérier sera victorieux et dominera pindint l'année.
-Les vints s’battront comme des chiffonniers au jour de la Conversion de Saint Paul (25 jinvier) à l’Saint Blaise.
-Gel à l’saint Blaise durcit la glaise.
-A l’saint Blaise, jamais gelée n’est mauvaisse.
-Devant saint Blaise, tout s'apaise.
-Si l’jour de l’saint Blaise est serein, bon temps pou l’grain.
-S'il ne pleut pos ou ne neiche à l’saint Blaise, in mars, l’frod in prendra à s’n’aise.
-A l’saint Blaise s'il pleut ou vinte, sept semaines ed’pleufe ou d’vint.
-A l’saint Blaise, les jours rallongent d'un tour ed’ charrette dins l’glaise…. Qui pourrot dire combin d’temps cha fait !?
-A l’saint Blaise, l'hiver s'apaise, mais s'il redouble et s'il s’arprind, longtimps après, in s'en ressint.
-Quind l’jour de saint Blaise est brumeux, i pleuvra dins un jour ou deux.
-A l’saint Blaise, dort core le mélèze.
-A l’saint Blaise, l’gardin vit intre parenthèses.
-A l’sainte Catherine, les sardines tournent l'échine. A l’saint Blaise, ales reparaissent.
- In invoque Saint Blaise contre les biêtes farouches, contre la toux et l’coqueluche, contre tous les maux d’gorche in général, contre le goitre et pour l'espèce porcine.
Qui a armarqué qu'hier, diminche, ch'étot un jour palindrome ?
02/02/2020 ! Cha s'lit à l'indrot aussi bien qu'à l'inviers !
L'dernier jour palindrome parfait, ch'étot le 11/11/1111 !
Ch'étot l'mineute culturelle et inutile ed Galibot !
"Fais gaf à toi tiot ou tu vas prendre eine giffe dans t'gueule !" Tellement magique comme réplique
Tchien! vlà Veranis!!Régis t'as du monde à tape !....cha rapplique et ch'est tant miux! espérons qu'in va y gagner puss' in qualité qu'in quantité !Et Zébulon!!???in n'a pos d'nouvelles !!?li qui perlot si bin!!!quo qui dit!!in tout cas si i' lit chés lignes j'li souhaite eine bonne et héreuse année bicepstile! j'espère qu'il a cor min life comique su' l'père PACHNORD et j' li dit cor mille mercis ! A dé !
A propos de ch'père Pachnord; l'an dernier j'ai eu un tour.j'm'in va à Englefontaine avec min copain surnommé paind'chuque! in arrife; au prinmier stand i' avot plein d'vielles BD , des lifes ed' grinds écrivains ; des partitions d'meusique dusse qu'i' minquot des paches! i'avot minme la Saint-phonie inachevée de bithovent! El'camelot i'me ravett' in disant :ichi i'a que d'la qualité!!!(Icachot à nous faire coprinte qu'i' n'vindot pos d'la camelote!!)Tout d'un cop
i'sort de l'pile un life ed' BD in m'disant:chti chi jé l'vindros pos pou' un empire!!!!eberlué j'ravette eul' prinmière ed' couverture tout in couleur!cosse qué j'vos!! ch'étot"el' z'avintures de ch' père Pachnord"! Aussiteut j'li rétorque:tiot père t'as d'vant ti l'auteur de ch'life!!!et j'comminche à i' réciter des poaimes in patois d'min coin!!Du cop i'a eu un attroup'mint ; cha vénot d'partout!tout l'monde voulot vir ch'life !j'étos aux anges! l'brocanteu' qui vénot d'Bretane s'met à canter le tiot quinquin! i' m'restot pus qu'à apprinte el' breton!! ch'est beau la décentralisation d' la tchulture me dis-je!J'réussi quind minme à m'extirper de ch'mêlée pire qu'un match ed' ruchby et à foncer avec paindchuque à l'voiture pindint qué l'camelot in foufielle criot: un autogaphe!!!un autographe !!un orthographe !!!J'm'in souverrai !!!
In appelle cha: "la rançon du père Magloire d'la gloire!"
Ahh!!!ch'père Magloire! che n'n'est un aussi chti-là!!Li i'est du Calvados à cent pour cent !!
Et t'as pos donné d'z'autographes à tes fans, Noléon ? T'as dû provoquer plein d'frustrations... Bé qué malheur !
"Les ingliches, cha t'exit toudis Kimberlotte ?"
Ben nan ! Mais comme j'treufe pos d'Frinçais nan pus, faut pos r'noncer coplèt'mint, in sait janmais...
J'pinsos jinmais à eune parelle!!habile min stylo m'étais-je dit dins l'algarade!! hélas j'l'avos laisseu su' l'tape ed' min viux burlingue avint d' m'in aller!Pos d' dédicaces!Hélas !!!
J'viens d'vire su' internet dins l'peub, des finmes bin meûres qui cachent après l'âme-frère! eul' site ch'est "demain i'est cor temps !"A d'main !!
J'ai un copain i'a 'té eune fos su' un site ed' rinconte! i'est kéu su' eine finme ale portot un tiot voile!In fait ale voulot pos tout d'suite dévoiler es' personnalité!
-Commint qu' vous vous epelez?
Mi !ch'est AÏCHA!! A...Ï....cha !
Si qu' vous pourrotes inl'ver vote masque!ichi i'a pos d"corona!!
AÏCHA s'executa docilement laissant aperchuvoir sin nez rejoignant sin minton avec s'bouque sans dints au mitan !
Ar'voir AÏcha!!in tous cas si in s'vot pus...in s'écrira !!!
Là d'sus,in sortant l'copain i'qué nez à nez avec el' patron du site d'rinconte.Alors t'as trouvé tin bonheur li dit l'drôle in s'torténant d'rire!
Crénom! i'a r'chu un d'ces claquots dont i' s'souviendra !
Dictons du 4 févérier :
-A l’sainte Véronique, les marchands d’marrons plient boutique.
-Quind vient sainte Véronique, l’solel nous fait la nique.
-A l’saint Isidore, si l’solel dore, l’blé sera haut et chenu, mais l’pommier sera nu.
-Lindemain d’saint Blaise, souvint l'hiver s'apaise. Mais si vigueur il arprind, pour longtemps in s'in ressint.
-Lindemain de saint Blaise serein d’eune année fertile est l’présache certain.
-Prenez garde au lindemain d’saint Blaise, s'il est serein car cha présage eune année toute fertile et fortunée ; S'il neiche ou pleut : cherté ; S'il fait brouillard : mortalité ; S'il fait vint : in verra que mars fera voler ses étendards !
- Sainte Véronique (ou Vénice ou Vénisse) est invoquée par les femmes contre leurs maladies. Ale est patronne des lingères, des blanchisseuses et des photographes
Ya un tiot malin qui a trouvé l'truc pour faire fouir sin camp, sins s'fatiguer !
http://www.lavoixdunord.fr/704283/a...source=mailing&utmmedium=email&utmcontent=article-1&utmcampaign=newsletter-soir&M_BT=4371408519212
"Ya un tiot malin qui a trouvé l'truc pour faire fouir sin camp, sins s'fatiguer !"
Bah, aveuc chés tracteurs, ach'teure, ch'est pus fatiguant ! Et pis, ch'est pou la bonne causse !
Ahhh! FOUIR ! quelle noble besogne !!!i' parait qu'i' avot aussi des beiches!I'a beaucop d'gins qui ont louché pa' leu'ferniête pour vir cha !Exemple à suivre !
Dictons du 5 févérier :
-A la sainte Agathe, les oignons se plantent même in hâte.
-Pour la sainte Agathe, sème tin oignon, même dins l’glache, i deviendra bon.
-A la sainte Agathe, si l’iau court dins l’ruisseau, le lait coulera dins l’chaumière.
-Pour la sainte Agathe, sème tes porions, tire de l’iau du pré car l’hiver est passé.
-Si pour la sainte Agathe, i pleut, l’maïs croît miux, même sur les pierreux.
-Pour la sainte Agathe, fais t’pouratte.
-Si té sèmes tes porions à la sainte Agathe, pour un brin, t’in auras quate.
-Pour la sainte Agathe cante l'alouette.
-L’iau qui court à la sainte Agathe mettra de l'iau dins l’baratte.
-Si pour la sainte Agathe i pleut, le maïs croît au miux.
-Les nuaches d'orache de sainte Agathe indiquent la grêle tout l'été.
-Sème tes oignons à la sainte Agathe, i deviendront comme el cul d'eune gatte
-A la sainte Agathe, mitan de tin foin et de t’paille.
- Sainte-Agathe est l’patronne des fondeurs de cloches, des pompiers, des bijoutiers, des brasseurs, des infirmières, des bergères et des tisserands. Alle est invoquée contre les tremblemints d’tierre, les oraches, les incendies, pour faire fuir les leus et pour faire querre (ou cesser) la pleufe, pour soulager les breulures et pour guérir les maladies de l’poitrine.
Brin de brin ! Ya min ordi qui RAM rame ! Et i n'arrête pos de s'coper ! Ya plein d'messaches d'erreurs !
Ch'est pos l'coronavirus, des fos ?
Cha sint l'sapin ! J'sais pos si in dit cha pour un ordi !?
Chinq ans, ch'est l'âche de l'artraite pour un ordi ? Mes 3 précédints ordis ont vécu chinq ans ! 
Bref, si vous m'voyez pus chés prochains jours, faut pos vous étonner !
T'as fait d'l'informatique GALIBOOOOOT ?
R A M Cha signifie: Randow Access Memory!ch'est incroabe chu qu'in peut inmagaziner aveuc cha in mémoire vive! aprés si in poursieu y'a la mémoère morte R O M cheulle là té n'peut pos l'effacer!Si tin ordi i' débloque faut souhaiter qué cha n'vient pos dé t' carte mère ou bin d' l'unité centrale !!! bonne chance à ti !
-Sème tes pos à l"Ste Agathe, pour un té n'aras eune plone jatte!
Et eune agate cha vaut 10 mapes;
Et i faut 10 agates pour 1 calot!
Cha fait cent mapes!eune agate ch'est eine mape in verre! un calot!!!jé n'sais pos!
Mozinpef i' touche sa mape!..chapeau !
Un calot, ch'est eune grosse agate.
Et un biscaillard, ch'est eune grosse mape in inox qu'in récupérot dins les roulemints à biles.
In attindant le prompt retour de notre éditorialiste Galibot fêtons aujourd'hui saint GASTON ou saint waast.Il étot evêque chti à Arras et a fait catéchime à CLOVIS qui étot franc!
Les dérivés d'Gaston
Forme féminine:Gastonne; Gastonnette
Forme masculine:Gastoun; Gastounet.Enfin pour conclure Gaston Lagaf' dins SPIROU!!
EINE blague venant de Gaston ch'est eune Gastonnade !
J'sus cor' là ! J'vas aller porter min ordi chez l'toubib des ordis ! La preufe, l'magasin d'réparation d'ordis s'appelle "La clinique du PC" !
Dictons du 6 févérier :
-Gardinier qui taille ses rosiers à sainte Dorothée est bin culotté. Ben, mi, j'dos ête culotté pasque j’viens d’les tailler pasqu’i z’avotent drôlemint poussé !
-Qui laboure à sainte Dorothée, rintre toudis tout crotté.
-Le six févérier, la plus forte gelée.
-A l’sainte Dorothée, la plus forte neigée.
-A l’sainte Dorothée, tin potager i faut terreauter.
-A l’sainte Dorothée, de pensées et de primevères plinte tes potées.
-Bin souvint, sainte Dorothée nous fait guerlotter..
-A l’saint Gaston, trie la semence, inlèfe tes bourgeons.
-Tailler sa treille à l’saint Gaston est toudis de bon ton.
-A l’saint Gaston, bin souvint l’temps n'est pos bon.
-Vint de l’saint Gaston chasse la neiche et pose les glachons.
- A l’saint Gaston, ya l’téléfon qui son.. ! Et ya l’ordi qui décon.. !
.
- Saint-Gaston est invoqué pour stimuler les enfants qui tardent à marcher. Mais Saint Gaston a un aute nom : Dins not’ coin, in l’appelle Saint Vaast qui s’occupa du diocèse de Kimbré et fut évêque d'Arras. Quèques temps après s’mort, un incendie éclata à Arras menaçant toute la ville. Eune femme Abite invoqua Saint Vaast qui apparut et écarta les flammes.
- Sainte Dorothée est invoquée pour les maladies d’piau des infants (eczéma, érysipèle, zonas, croûtes etc.) .Ch’est eune des patronnes des brasseurs, des jones époux et des gardiniers fleuristes
"La preufe, l'magasin d'réparation d'ordis s'appelle "La clinique du PC""
Attintion, la clinique du PC, ch'est pos l'clinique du Parti Communiste ! Quoique...In peut pos dire que l'Parti communiste seuche in bonne sinté ! I n'd'a même qui disent qu'i'est moribond....
Pou le crêpes, d'la chandeleur, faut pos confonde la Gastonade, et la vergeoise!
Exact!j' m'in doutos qu'i' avot eine pétite différence !J'ai lu dins un rapport officiel qué l'vergeoise breune provient de l' bett'rafe à chuque et la gastonnade de l'canne à chuque.Cuit pus logtimps in a du chuque roux !In dit alors de l'Gastonnade caramélisée ou bin aussi cristallisée !
Mi j'ai habité rue Saint Vaast à Kimbré. Mes parints i z'avotent acaté in 64 ein' vielle mason qui étot toute délabrée. I l'ont fait démolir pour in faire construire ein' neufe. J'ai appris pus tard que l'vielle mason ch'étot l'presbytère d'l'église Saint Vaast qui étot juste in face dins l'timps jadis ! Aujord'hui, cha s'rot pus possipe ed faire cha...
Parfos j' me'pose des questions:je m'déminde si Saint-Waast a connu Saint Valentin ?
A l'sainte Eugenie, j'ai pus d'ordi !
Te peux toudis essayer d'y donner ein' torgnole à tin ordi, mais j'cros pos qu'cha va y faire quetcosse !
A la Ste Jacqueline, racate un ordi en ligne!
Mais pour faire cha, i faut avoir un ordi qui marche!
Commint faire
J'peux toudis commander avec mon téléphone portable ! Quoique,aujourd'hui,c'est la Journée mondiale sans téléphone portable !!!
A la saint Gaudin, sans ordi, ch'est l'brin !
J'peux toudis commander avec mon téléphone portable ! Quoique,aujourd'hui,c'est la Journée mondiale sans téléphone portable !!!
A la saint Gaudin, sans ordi, ch'est l'brin !
J'peux toudis commander avec mon téléphone portable ! Quoique,aujourd'hui,c'est la Journée mondiale sans téléphone portable !!!
A la saint Gaudin, sans ordi, ch'est l'brin !
T'as pus d'ordi, et in puss te doublonnes ! Ch'est vraimint l'brin !
Pire que doublonner ch'est: tiplonner!
Ya triplonné pour li arriver l'prémier au chintième commintaire; mais aolrs là :"bernique", Mozinpef i l'i a copé la chique!
Mozinpef ya tellemint voulu aller vite, qu'i a dislexiqué!
Ch'est pos vrai!! té n'me diras pos !!
_ moralité: un ordi pou' qu'i fonctionne bin i' faut i' faire un PC!(petit câlin !)
A la sainte Jacqueline,
ton ordi tu câlines..
Cha y est ! J'ai récupéré min ordi réparé !!!!!
Je revis !
Ch'est là qu'in vot qu'in est dépendant ! Ch'est eune addiction !
" Garçon !? L'addiction, s'il vous plait !"
Et quind in parle chti, in a l'addiction la diction patoisante.
Tout est bin qui finit r'comminche bin !
Y'a un viux dicton qui dit : quind ch'est fini N;N; I; NI ! tout i' arcommin.in .in che! BON DIMINCHE à Pauline !
Dictons du 9 févérier :
- A sainte Apolline, présache certain, l'hiver s'achemine ou touche à s’fin : Garde l'assurince, s'il est sur la fin, qu’l'été sera mouillé. Mais si i s’rinfrogne, après s’grogne, in aura mos insoleillés.
- Si sainte Apolline nous mouille, que saint Claude (le 15) le ciel débrouille.
- A la sainte Apolline, taille la santoline.
- Dès sainte Apolline, comminche la taille des picholines
- Quind sainte Apolline dégouline, i mouille jusqu’à la Caroline (le 9 mai).
- In févérier, l’tonnerre fait tenir l'huile dins eune cuillère.
-I n’faut pos qu’févérier laisse sins feuille le groseillier.
-Sainte-Apolline fut arrêtée et condamnée au bûcher après avoir eu les dints arrachées. Ch’est pour cha qu’ale est l’patronne des dintistes, et est invoquée pou l’soulagemint des raches de dints et pou l’guérison des caries.
Pou' l'condamner au bûcher i' avot pour elle du dédain!!
Dictons du 10 févérier :
-Au solel de saint Arnaud volent les moniaux.
-A l’saint Arnaud, gardinier finaud épand du guano.
-A l’saint Arnaud, in resse près du fourneau.
-A l’saint Arnaud, les fourneaux à fond.
-Gels matinaux de saint Arnaud, l’hiver armonte au créneau.
-Bise et grind vint à l’saint Amand font mal au froment.
- Quind févérier comminche in lion, i finit comme un mouton.
- Quind la bise oublie févérier, ale arrive in mai.
- Févérier rigoureux effraie les frileux.
-Quind févérier brait, avril rit.
-Quind févérier n'a pos d’grand frod, l’vint dominera tous les autes mos.
-Neiche qui tompe in févérier, la glaine l'importe aveuc eul pied
- Févérier soufféle et tue l’merle dins sin nid. Paufe mouviard ! Aveuc l’vint qu’i fait, faut l’plaindre !
.
Saints du 10 févérier :
- Sainte Austreberthe est l’patronne des lavandières et des blinchisseuses, qui purifient le monde des souillures ordinaires. Comme toutes les lavandières, ale est sorcière et possède des pouvoirs qui lui viennent de l'au-delà, ou de l'en-deçà !
- Aujord’hui, ch'est l'fiête aux deux seins saints de Kimberlotte :
-Saint Hughes de Cambrai : ancien évêque de Kimbrai !
-Sainte-Scholastique : patronne de la ville du Mans ! (Ale est invoquée pour éloigner les oraches et contre le somnanbulisme.)
Pos trop de dégats chez vous aveuc l'vint, mes gins?
Galibot, tes bananiers i sont pos involés?
Mi, j'ai eu eune paire ed tuiles d'involées, et eune paire d'branques par tierre, mais ch'est tout.
Dictons du 11 févérier :
-A l’saint Séverin, la neiche est in quémin.
-A saint Séverin, cauffe tes reins.
-Séverin et ses coquins (Valentin le 14, Faustin le 15) font tout geler su l’quémin.
-Ardeur à l’saint Rodolphe (21 juin), fureur à l’saint Adolphe.
-Février, bon mos, pour semer carottes et pos.
-Miux vaut un arnard au poulailler qu'un homme in quémiche in févérier.
-Au mos d’févérier, parapluie ne minque d’importer.
.
Saints du 11 févérier :
-Saint-Jonas est invoqué pour faire cesser les saignemints d’nez.
-Sainte-Théodora est invoquée par les gins qui éproufent des regrets après avoir commis un adultère.
-Saint Séverin: Il a guéri l'roi Clovis de l’fièf’ in lui passant sin vêtemint monastique. Edpuis, in l'invoque pour guérir de l’fièf’ !
"Galibot, tes bananiers i sont pos involés?"
Cha risque pos, vu qu'j'les ai copés à ras in octope !
Un bananier étant composé à 95% d'iau, i n'supporte pos la moindre gelée !
Sauf el pied resté in terre ! 
Et i va refaire ed nouvielles feulles au printemps ! Et rapidemint atteindre 2 mètes !
Mais aveuc ch'climat du Nord, j'risque pos d'avoir un régime ed bananes ! Quoique...aveuc le récauffemint climatique, dins quèques années, cha s'ra pétête possipe !
Ichi, ch'est mi qu'j'ai failli m'involer in fésant mes courses hier !
Et in puss, à Kimbré, in vient d'archevoir de sacrées giboulées ! Paufes bourgeons !
Héreus'mint qu' j'ai pos pris l'avion!!!
Ch'est in allant au gardin saquer des porions qué l'vint i' s'a mis à monter in bourrasque! Brusquémint in tournant l' peignon j'ai rchu eine giffe qu'i m'a décoiffé! pusse qué j'essayos d'avincher et puss qué j'herculos!!l' forche du vint ch'est incroÏabe ale vous propulse in l'air comme un fétu d'palle !!J'in ai vu un qui s'involot dins les airs avec sin parapuie !Fort héreus'mint j'ai réussi à m'ragripper tant bin qu'mal à l' clinque de l'grind -porte et à m'faufiler jusqu'à l' véranda!Tout déconfit J'ai dit à m'finme avec grinds regrets qué pour les poireaux faudra qu'ale attinte qu'i faiche meilleu'.
Coincidence? min bia commintaire 115 ch'est aussi eul' numéro de m' mason d'campagne ou j' armeure loin des bruits d'la ville !
...mais pos des hurlements du grand vint qui s'ingouffre pertout!
Après s' être rinfreumée pindint tros jours pou' des raisons d'sécurité m'visone CLARA a fini par moutrer l' bout d'sin nez in claironnant: i'z' arotent pu trouver un aute prénom a c'te tempête !!Ah! j'vous jure !!
Zeph qui passot par là et ayant intindu eul' coversation répliqua: CLARA ! t'as oblié tes leunettes ;ch'te tempête qui déracheine les arpes ch'est l' timpête" scie à ras" !!!
Yé in plone forme ch'copain Noléon, ch'matin!
Baf !d'pus l'temps qu'in écrit tout dévient automatic !Et pis y'a l'actualité!!tous les jours y'a quette cosse!aujord'oui j'apprinds qu'in cange eul' nom du CoronaVirus pou' mieux l'arténir !!!Aveuc tout cha les hôteliers d'Paris i' sont in rache!à croire qu'in les a mis in quarantaine!!i'a pus beaucop d'tourisme d'gins argentés !i'vont être obligés d'aller chiner ailleurs !mêh que malheur!!
Hier sur FR-tros i'a un jonne commin-tateur qui nous à ténu l'crachoir avec" l'gastonnade "vergeoise" in faisant des grinds gestes !voilà incore un qui est v'nu copier-coller d'sus ch'blog à Régis me suis-je dit aussiteut!!
Hier sur FR-tros i'a un jonne commin-tateur qui nous à ténu l'crachoir avec" l'gastonnade "vergeoise" in faisant des grinds gestes !voilà incore un qui est v'nu copier-coller d'sus ch'blog à Régis me suis-je dit aussiteut!!
Chés hôteliers i' perdent des doubes et mi j' doublonne !!!
"Chés hôteliers i' perdent des doubes"
Cha tompe bien :aujord'hui, ch'est la Saint Julien (l'hospitalier), patron des hôteliers ! I z'ont pus qu'à faire eune tiote prière à Saint Julien !
.
Dictons du 12 févérier :
- Biau temps à la saint Julien, promet abondance de biens.
- Saint Julien brise la glace. S'il ne la brise, ch'est qu'il l'imbrasse.
- Vers la saint Félix, souvint l’temps varie.
- Si l’solel luit pour saine Eulalie, pommes et poires à l’folie.
- Le douze févérier, si l’solel est clair, cha sera core quarinte jours d'hiver.
- Si l’jour de la sainte Eulalie les pommiers sont couverts de neiche, y aura des pommes à pleine aire.
- A l’sainte Eulalie, pensées et myosotis sont fleuris.
- Solel qui rit pour sainte Eulalie fait des pommes et des prones mais pos d’vin.
- S'il fait laid à l’sainte Eulalie, in peut s'attindre à six semaines ed pluie.
- Sainte Eulalie aveuc la pluie, quarante jours resse dins tin lit.
- Vers la sainte Eulalie, souvint l’temps varie.
.
Saints du 12 févérier :
- Sainte Eulalie : Sin crâne est conservé dins eune abbaye à Caen. I suffit d’verser de l'iau dins l’crâne, puis d’la boire, pour guérir de l’dysinterie ou faciliter les accouchemints. Ale est aussi invoquée pou s’débarrasser des poux.
- Saint-Julien (l’Hospitalier) est l’patron des aubergistes, des hôteliers, des marins, des travailleurs du cirque (jongleurs, clowns,), des violonistes, des personnes timides, des voyageurs (pour treuver eune champe dins un hôtel lors d'un déplachemint) et pour éviter de tomber à l'iau quind in prind eune tiote barque.
Puisqu'in parle ed tempête, Dracula il appelle cha un "vent pire" !
Un que l' tempête n'arriv'ra jinmais à faire décoller ch'est " l'ventripotent"
J'évoquos precedemment avec angoisse eul' tempète" Ciara" et vla ti pas qu'ach't'heure arrife sur nos cotes et à l'intérieur des terres el' timpête DENNIS!!in n'est pos sortis d'l'auberche !!!!
Dictons du 13 févérier :
- A l’sainte Gisèle prinds garde s’il gèle.
- De sainte Béatrice la nuée assure six semaines mouillées.
- A l’sainte Béatrice, mets radis d'hiver, raifort et choux dins t’pelisse.
- Pleufe de févérier vaut jus d’fumier.
- Crapaud qui cante in févérier a l'hiver derrière li.
- In févérier, les agneaux naissent plus biaux.
- In févérier, signe de biau, quind les agaches bâtissent haut.
- In févérier, bon temps pour les blés.
- Si févérier est sec et caud, garde du foin pour tes g’vaux.
- Si févérier laisse les fossés pleins, les guerniers seront pleins aussi.
- Si févérier n'a ni pleufe ni giboulées, tous les mos de l'année seront innuyés.
- Saint-Lézin est l’patron des ardoisiers.
- Saint-Martinien est invoqué par les femmes qui souhaitent être bien préparées au momint d’accoucher.
- Sainte-Maure est invoquée par les gins qui souffrent d’un glaucome.
Faut arrêter de s'plaindre du vint et de l'timpête ! Mi, cha m'déringe pos ! Bin au contraire !
http://nsm09.casimages.com/img/2020...
Ch'est vrai!faut pos confonte les voiles au vent et.....du vent dans les voiles!!!j'in parlos i' a pos longtimps à min couple ed' visins: André ;Aline! i' sont intièr'mint d'accord!!Eine fos qu' ch'est du BON VENT!
Ch'est pos jusse, in verra janmais l'vint soul'ver l'maronne ed chés hommes ! Quoique... l'vue ale s'rot sûr'mint moins bielle... Hein, Galibot !
"Ch'est pos jusse, in verra janmais l'vint soul'ver l'maronne ed chés hommes ! Quoique... l'vue ale s'rot sûr'mint moins bielle... Hein, Galibot !"
J'sais pos mi ! Quo qu't'in pinses ?
http://nsm09.casimages.com/img/2020...
J'in doutos qu'i allot treuver un Ecossais in kilt!
Ch'qui m'étonne, ch'est que Robocop i ne l'a nin vu; pour mi, yé incore in train d'hiberner!
ROBOT!COPE!robot! cope !
ROBOT!COPE!robot! cope !
Robe !!!oh!....
Robe !!!oh!....
Scoop!
Dictons du 14 févérier :
-Pou l’saint Valentin, l’printemps fleurit.
-Tel temps l’jour de saint Valentin, tel temps au printemps qui vient.
-Ciel clair à l’saint Valentin annonce plénitude ed’ biens.
-A l’saint Valentin, tous les vints sont marins.
-Pou l’saint Valentin, La pie monte au sapin ; Si ale n'y couche pos, ne t’réjouis pos.
-Saignée du jour de saint Valentin, fait l’sang net soir et main ; Et l’saignée du jour d'avant, garde des fièvres tout l'an.
-A l’saint Valentin, l’reule gèle avint l’moulin.
-S'il ne fait frod l’jour d'Adam et Eve, vingt jours trop tôt montera l’sève.
-À l’saint Valentin, n'oblie pos l’thym.
-A la saint Valentin, accouplez les serins.
.
Saint du 14 févérier :
-St-Valentin est l’patron des amoureux, des couples et des fabricants d’cartes ed voeux. Il est invoqué pour favoriser les mariaches heureux et pour prévenir les risques d'évanouissemint.
ll est aussi invoqué pour nous délivrer des ravaches causés par les rats des camps, de la peste ou contre l'épilepsie qui est appelée soit le mal saint Jean ou le mal saint Valentin ou incore le mal caduc.
Valentin étot un tel baratineur qu'il arrivot à convertir les juges qui lui reprochotent sin état de chrétien !
L'impereur Claude II mit fin à cette influince in l’faisant décapiter ! A l’époque, ch’étot l’meilleur moyen pour faire taire quéqu’un !
Ch'est pétête in raison de ses capacités d’persuasion qu'il est l’patron des amoureux. Il est souvint arprésinté aveuc un solel dins l’main ou aveuc un gaufrier. Un solel pasqu'il arprésinte le solel qui comminche sérieusemint à arprindre des forches à l’mi-févérier; Et un gaufrier car il annonce les réjouissances de carnaval.
"J'in doutos qu'i allot treuver un Ecossais in kilt!"
Et pas qu'un !
Kimberlotte va ête continte !
J'sus pour l'égalité homme-femme !
http://nsm09.casimages.com/img/2020...
ah! kimberlotte!cha ch'est pos des fakes niou!!ch'est du vrai de vrai!!I'a pus qu'a ...in avant pou' l'carnaval....Galibot t'es un poète froufroutant !!heureux et saint homme !
Si un moyen d'espression ch'est bin l' patois ; cha d'vient tout un ART !..et aveuc Galibot cet art en sort victorieux !
"Kimberlotte va ête continte !"
Bin nan, ale préfère les inglais à les écossais!
Pourtant les écossés i' font l'pois!!
"Bin nan, ale préfère les inglais à les écossais! "
Ach't'heure qu'ale sait c'qu'y a sous l'kilt des écossais, cha va pétête la faire quinger d'avis !
Et des fos, vaut miux pos vir !
http://www.rtl.fr/actu/insolite/en-...
"Kimberlotte va ête continte !"
Bof ! Rin d'sentationnel...
"Bin nan, ale préfère les inglais à les écossais!"
Bin nan, mi j'ai quère aussi chés Ecossais ! Je n'n'ai ein dins mes amis d'pis fort logtimps... Mais je n'd'ai pos core eu dins mes amoureux... Pétête equ'cha va v'nir ?
Un beauty écossais !avec des belles cauchettes!vlà Kimberlotte ,notre Camilla chti rhabillée pou' l'hiver!
Dictons du 15 févérier :
-Jamais frod de saint Claude ne galvaude car l’hiver incore rôde.
-Les haricots de l’saint Claude rattraperont les z’autes.
-Si sainte Apolline (le 9) nous mouille, que saint Claude le ciel débrouille.
-A l’saint Claude, si l’solel minaude, l’hiver incore maraude.
-A l’saint Claude, ravise tin seïau, té ne l’verras pos plus haut.
-Ciel d’émeraude à l’saint Claude, l’hiver baguenaude.
-Gardinier qui marivaude à l’saint Claude archevra bin vite eune chiquenaude..
-S'il neiche à saint Onésime, l’récolte est à l'abîme.
-Au mitan de févérier, la grange et le guernier sont réduits à moitié.
-Le quinze févérier, considère quel temps i fait ; tel temps espère.
-A mi-févérier, el jour et l’nuit sont parels.
-A mi-févérier, la merlette dot couver.
-A mi-févérier, la bonne oie dot couver.
-A mi-févérier, faut qu’té seuches à mitan dins tin guernier, à mitan dins tin fenier, à mitan de tin gerbier, à mitan de tin bûcher et lard tout intier.
-A mi-févérier,t'as pos fini d'ête mouillé.
-Au mois de févérier, chaque biête cache sin parel.
.
Saints du 15 févérier :
-Saint Faustin et Jovite invoqués contre rats et mulots. (Mi, ch’est pos la peine d’les invoquer ! Min cat i s’in occupe tout seu !)
-Saint-Décorose est invoqué pour faire cesser la pleufe
-Saint-Claude est l’patron des fabricants d’jouets.
Quind j’habitos dins l’Jura, j’avos querre aller à Saint Claude : Ch’est là où in taille les meilleures pipes !
" Ch’est là où in taille les meilleures pipes !"
Ah bon? J'm'ai toudis laiché dire que ch'étot dins l'bos d'Boulone!
Ch'étot du temps ou tu finquos comme un pipoteux !Chez nous in a connu la pipe en terre! la doyenne de nos pipes!
Ch'est eine fabrication espéciale faite aveuc dé l'tierre à pipe bin calotée pou' l' combustion de ch'toubac beiche(beurck).A part cha! cha va pote !!
V'là eune photo (sans trucache, je l'précise !) que j'ai faite à Saint-Claude qui moutre qu'eune pipe, quind ale est bien faite, cha peut ête grandiose !
http://nsm09.casimages.com/img/2020...
Ch'est eune pipe pou' GARGANTUA cha!..ou mieux....Polyphème(traduction chti:Paul i' feume )s'finme ch'étot Galatée!!!!hein !
Ya pos qu'à St Claude, qui arvindiquent d'ête l'pays d'la pipe!
Ceusses d'Cogolin, dins l'Var, à côté d'St Tropez, ales sont aussi réputées!
http://www.varmatin.com/faits-diver...
Aveuc l'récauff'mint climatique, in vot pus d'bonshommes ed neige aveuc ein' pipe dins l'bouque... Et aveuc les interdictions de funquer dins les lieux publics, in vot pus beaucop d'hommes aveuc ein' pipe nan pus...
tout i'est pipé !
...et final'mint pou' l'non fumeu' tout cha ch'est d'la pipe !ma carotte !
...euh! l' boraine ale est in tierre et l' TEUCHE ale est in BOS !
A dé! bon finquache !
A la Sainte Julienne à la tienne Etienne !!
Prénant machinal'ment s'pipe;ZEPH ;in y mettant l'toubac Roisin dit:BAN! j'vas biloquer eins saquée et après j'irai biloquer(faire un gros labour)pindint qu'min fiu jue au bilboquet !....Ch'est biau l'patois !!!crénom d'eine pipe !
Biloquer: merci à Noléon d'm'avoir appris eune séquoi aujord'hui!
Par conte, "l'toubac Roisin"
LA PIPE SCOUFLAIRE (in tierre cuite)
....Epatant sur son banc les rondeurs de ses reins,Un bourgeois à boutons clairs,bedaine flamande,savoure son ONNAING d'ou passe le tabac par brins déborde
-Vous savez ,c'est de la contrebande....
A .RIMBAUD Charleville-Mézière
Dictons du 16 févérier :
- Dès l’saint Romain, nettie tin gardin ; Après, ch’est un traval de romain.
- Gel de saint Romain rind l’gardin chagrin.
- Biau ciel à l’saint Romain, y aura des denrées et du bon vin.
- Profite de l’saint Romain pour faire tout c’que té n’cesses d’armette au lindemain.
- Solel de saint Romain, l’printemps est in quémin.
- A l’saint Romain, sème le cumin.
- A l’sainte Julienne, faut toudis que l’solel vienne, s'il luit peu, bon pour les boeufs, s'il luit prou ch'est un bon août.
- S'il neiche à l’saint Onésime, la récolte est à l'abîme
- Févérier neigeux, été vinteux.
- Neiche de févérier fuit comme un lévrier.
- Quind l’bise oblie févérier, ale arrife in mai.
- Qui taille in févérier met du rojin dins sin panier.
- Févérier aveuc neiche nous garantit un bel été.
- Fossés pleins in févérier, abondance dins les guerniers.
- Sainte-Julienne (de Nicomédie) est l’patronne des malates. Ale est invoquée pour soulager les maux de dints.
- Saint Onésime est l’patron des serviteurs et des domestiques.
"l' boraine ale est in tierre et l' TEUCHE ale est in BOS !"
Ch'est min grind-père, grand fumeur de pipe, qui disot TEUCHE pour pipe.
J'sus allé vir sur Gogole pasque j'pinsos que teuche ch'étot plutôt un mot d'argot qu'un mot chti et v'là c'que j'ai treuvé :
http://www.dictionnairedelazone.fr/...
L'teuche ale aot d'jà fait l'objet d'un billet.....Ya lontimps!
http://www.chblog.com/post/2011/12/...
Vlà l'teuche armise au goût du jour Par conte dins min jonne temps quind in s'in allot s'mucher pour feumer eune" ichlife" dins les caves brûlées dues aux bombardémints d'45 in disot: j'm'in va saquer eune teuche !eune taffe!
- Papy ! prête-me ta pipe…
– Non, ch’est pos pour les infants !
– Papy, s’il te plaît, prête me ta pipe…
– Non, les infants ne finquent pos !!!
– Mais je n’fumerai pos, j’te le jure. Ch’est juste pour la tenir…
– Té me l’promets ? Bon, alors la v’là, mais fais-y attention…
L’tiot garchon prind l’pipe, la jette par tierre, et l’écrase à coups d’talon. Stupéfait l’grind-père crie :
– Mais quo qui t’ prind ? Ch’étot m’teuche préférée ! Pourquoi t’as fait cha ? T’as l’diape dins l’vinte ?
Et l’tiot répond :
– Pasque papa dit toudis : « Vivemint que l’pépé casse sa pipe, in s’acatera eune bielle carette et in fera l’tour du monte !! ».
Se fendre la pipe, sans la casser, ch'est: morir de rire!
.....in effet!! ch'est quind minme mieux qu' d'aller au casse-pipe la fleur au fusil !
Ch'est incroïape ! L'aute jour, j'me suis fait tromper in acatant des pipes !
(contrepèterie)
Cha arrive de s'tromper!Eustache !
Noléon, j'ai lu ch'matin dins l'jornal qu'i avot eu eune tornade à Saulzoir; Cha va, te tes pos involé?
https://www.lavoixdunord.fr/711251/...
Ben acoute!!in n'fait qu'parler d'cha dins tout l'villache!!!J'étos in heut in train d'écrire un com pou' un blog pis tout d'un cop l'vint i' s'a mis à mugir féroc'mint!! J'intindos les persiennes claquer su' les ferniêtes!! Aussiteut j'm'écrie : FINME! ch'est pour nous!!!!J'ceurs dusse qué l' bruit sinistre i' venot et j'ai foque eu l' temps in l'espace ed' 10 segondes d'arténir el' ferniête qui tran'not comme dins un trimblement d'terre!Pis pus rin!!...ch'étot calmé !!! j'ai sorti à l'cour et avec soulag'mint j'ai constaté qué l'toit étot cor là!!Après in a eu l'panne d'elestrézété rin qu'dins note rue due à l'rupture d'un cable!!l'intervention a été rapite et eine paire d'heures après l' coran i' étot rétabli! N' faites pos attintion aux fautes d'orthograves ch'est dû à l'émotion !!!eh bin !!! in s'in souviendra cor !!!Comme dit chti là: ch'est d'u qu'cha passe !!!
Dictons du 17 févérier :
- A l’saint Sylvain, frod ou caud, mets les derniers arpes dins l’tro.
- Taillis pluvieux à l’saint Sylvain fait tout l'an incertain.
- A l’saint Alexis, foin occis.
- S'il neiche à l’saint Alexis, le laboureur rit.
- Févérier pluvieux, mars hâleux, bons pour les laboureux.
- Fossés pleins en févérier, abondance dins les guerniers.
- S'il tonne in févérier, point d’vin au cellier, jette les fûts au fumier.
- Par la blanque gelée, la pleufe est présagée.
- Si déchimpe et jinvier ne font leur lutin, févérier fait le lutin.
- Crapaud qui cante in févérier a l'hiver derrière li.
.
Saints du 17 févérier :
-Saint Sylvain, mort in 717, étot un saint de not’ coin ! Moine bénédictin à l’abbaye d’Auchy-les-Hesdin dins le Pas-de-Calais (Avant, ale s’appelot Auchy-les-Moines )
-Saint-Alexis est invoqué pour résister à l’tentation de succomber à l’attrait des futilités.
-Saint-Polychrone est invoqué pour faire arrêter les bourdonnemints d’orelles
Tiote blague d'infant :
-Quo qu'i disent papa tempête et maman ouragan, à leur tiot infant ?
- Viens ichi : in va t'faire eune tiote bise !
Cha va, in n'a pos perdu Noléon ! Déjà qu'in n'est pos nombreux su ch'blog !
Hier, ch'est min gros barbecue qui s'est involé dins l'gardin ! Et pourtant, i'est lourd !
Hier, l'visin a sorti les poubelles pou l'ramassache du lundi : Ales se sont artreuvés au bout de l'rue !
Heureuz'mint, aujord'hui, ch'est l'calme après la tempête !
"Ales se sont artreuvéEs"
Mi, du coup, j'ai pos mis mes poubelles...
ESSAIS :
๑ ۞ ♥ ஐ • @ ღ ● ₪ √ ™ № ╬ ~ ξ € ﺕ ≈ ॐ ♪ ® ♂ ♀ û â î ♣ ♠ ◊ εїз ^ + * & % # ¨ o 0 »-> ø ¤ ? ¿ © † ♡ <-« ๏ ย ร ø ж ° ■ஹ ஸ ఋ ఊ ௌ ொ
இ ౖ ௲ ூ ஃ ஊ ஏ ஐ ஒ ஓ ஔ ஜ ஞ ి ಔ ృ ూ ప ௯ ௮ ி ஞ ஜ ಋ ౡౠ ౖ ಱ ಯ ಮ ಭ ಬ ↔ ↕ ﻬ ҳ̸Ҳ̸ҳ ± Ψ ╦ ╩ § ▲♦ ¶ ∩ $ ¼ ½ ¾ x » « ╚> <╝❤♫ ♬ ♪ ♩ ♭ ♪☀
ஐღ♂♀♥♡☜☞☎☏♠♣▣▤▥▦▩♬♪♩♭♪の☆→あⓛⓞⓥⓔ｡°º¤•εïз╬㊈㊉㊊㊋㊌㊍㊎㊏㊐㊑㊒㊓㊔㊕㊖㊗⑪⑫⑬⑭⑮⑯⑰⑱⑲⑳㊀㊁㊂㊃㊄㊅㊆㊇㊈㊉㊊のஐღ♂ ♀ ♥ ♠ ♣ ♪ の ☆→ あⓛⓞⓥⓔ ｡°º¤•εïз ╬㊈㊉㊊㊋㊌㊍㊎㊏ ㊐㊑㊒㊓㊔㊕㊖
Ch'Galibot ya treuvé un bon tuyau : des caractères spéciaux qui marchent su ch'blog !
Quo qu'jai gagné Mincoin ?
Et cha, cha marche ?
╬ ღ ♂ ♀ ♥ ↔ ↕ → ← ▪ ๑ ▄ █ ▌ ✄ © ® ⁂ ░ ▒ ▒ ▓ ◊ ◦ ♠ ♣ ♪ の → ° ■ ♀ Ψ № ← ∑ ξ ζ ω ∏ √ ∩ ¤ ∞ ≡ ▄ ≠ _ ─ = » « ﺴ ۩ ๑ ๑ ۩ ۞ ۩ ๑ ▲ γ ō
◊♥╠═╝▫■□۩۞๑»«ஐҳ̸Ҳ̸ҳ©†εïз♪ღ♣♠•±җ°•
ോ ൌ ് ൗ ൠ ാ ി ീ ു ൂ ൃ ಂ ಃ ಅ ಆ ಇ ಈ ಉ ಊ ಋ ಌ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ೠ ೡ ೦ ೧ ೨ ೩ ೪ ೫ ೬ ೭ ೮ ೯ ௩ ௪ ௫ ௬ ௭ ௮ ௯ ௰ ௱ ௲ ભ મ ય ર લ ળ વ શ
४ ५ ६ ७ ८ ९॑ ॒ ॓ ॔ क़ ख़ ग़ ज़ ड़ ढ़ फ़ य़ ॠ ॡ ॢ ॣ । ॥ ० १ा ि ी ु ू ृ ँ ं ः ॄ ॅ ॆ े ै ॉ ॊ ो ौ ् ़ॐ २ ڧ ڨ ை३
ஹ ஸ ್ರ" ಳ್௮ ಆ ಕ್ಷ್ ఋ ன ಠ್ ಳ್ ப ம உ ஊ ఊ ௌ ொ இ ౖ ௲ ூ ஃ ஊ ஏ ஐ ஒ ஓ ஔ ஜ ஞ ి ಔ ృ ూ ప ௯ ௮ ி ஞ ஜ ಋ ౡౠౖ ಱ ಯ ಮ ಭ ಬ  ҈ لّـّـّّا ® © җ ♥
♂ ♀ ♥ ↔ ↕ ▪ ๑ ಕ▄ █ °¹²³∙ ▒ ◊ ◦ ♠ ♣ ♪ の →°■♀ Ψ №← ∑ ξ ζ ω ∏ √ ∩¤ ∞≡ ▄ ≠ _ ─ = ≈≌ ﺴ۩๑ ๑۩۞۩๑ ▓ ▲ γ ō ╦ ╩ ε ┘ ┌ ╬ ω § Θ I ™ ۣ۞
ù ν ώ x ч ž ۩₪۩ﺴ۩๑ ೪.೫ ๑۩۞۩๑ »»><«« ๑۩۞۩๑๑۩ﺴ≈۩₪۩ ∂ † ‡ ‼ ﻙ ფ ﻍ ﻪა ბ გ დ ხ ჯ ჰ ჱ ე ป ผ ฝ พ ฟ ภ ม ย ร ฤ ล ฦ ว ศ ษ ส •.:.•ോ سيف
ભ મ ય ર લ ળ વ શ ષ સ હ ઼ ઽ ા િ ી ુ ૂ ૃ ૄ ૅ ે ૈ ૉ ો ૌ ્ড ঢ ণ ত থ দ ধ ন প ফ ব ভ ম য র ল শ ষ স ঁ ং ঃ অ আ ই ঈ উ ঊ ঋ ঌ এ ঐ ও ঔ ক খ গহ
ಐ ಓ ಔ ಕ ಖ ಗ ಘ ಙ ಝ ಞ ಲ ಶ ಹ ೀ ಾ ಿ ಧಿ ೈ ೋ ೌ ೬ ೂ ೄ
.:｡✿*ﾟ‘ﾟ･✿.｡.:* *.:｡✿*ﾟ’ﾟ･✿.｡.:* *.:｡✿*ﾟ¨ﾟ✎･ ✿.｡.:* *.:｡✿*ﾟ¨ﾟ✎･✿.｡.:*【】√ ¤ ∞ ㊝ ≡ ✖ ™ 乀 の♈ ◖◗♋ 灬 ≈ ◈Ш ǎ ☃ ☎ ☏ ☺ ☻ ▧ ▨ ♨ ◐
J'sus contint d'mi !
▁ ▂ ▃ ▄ ▅ ▆ ▇ Galibot ▇ ▆ ▅ ▄ ▂ ▁
"des caractères spéciaux qui marchent su ch'blog !"
Bin aveuc cha, in est bin montés !
Nous v'là propes aveuc tout cha!
Pos facile d'placher cha dins la conversation!
Pou décoder cha jé n' vos que CHAMPOLLION et pis 'cor !!!ch'est d'l'écriture figurative autrémint dit des z'hiéroglyphes!!!
"Pos facile d'placher cha dins la conversation!"
Bin si ! Par eximple :
J'❤ Kimbré pasqu'i fait toudis du biau ☀ ! In peut s'✎ ou bin s'☎ !
J'pinse que Galibot essaie d 'intrer in relation avec les estra-terrestre!!i'a des signes qui n'trompent pos!!Alpha;omega ;bêta; têta;lambda;iota;pi;Zêta la liste est longue....bon courache !!!
J'comprinds pos : min messache i passe pos ! Quo qu'j'ai fait Robocop ?
J'arcomminche !
Bonne fiête à toutes les Bernadette ! Mi j’in connos qu’une mais ch'est eune sacrée pièche ! Ale in vaut dix ! Elle s'arconnaitra ! ❤
Dictons du 18 févérier :
- A l’sainte Bernadette, paye tes dettes.
- A l’sainte Bernadette, sème les fleurs que té plinteras à Sainte Odette (le 20 avril).
- À l’saint Bernadette, souvint l’☀ est d’la fête.
- A l’sainte Bernadette, les hellébores ont la vedette.
- Des jours frileux d'févérier, sainte Bernadette est souvint la cadette.
- A partir de l’saint Siméon, té peux semer tes melons.
- A l’saint Siméon, la neiche ❄et les tisons.
- A l’saint Alexandre, finies les cendres.
- Neiche❄in févérier, biau temps pour les blés.
- Si févérier est chargé d'iau, l’printemps n'in sera que plus biau.
- Sainte-Bernadette est l’patronne des bergères, des paufes et des malates. Ale est invoquée pour guérir toutes les maladies incurapes.
"À l’saint Bernadette, souvint l’☀ est d’la fête"
Pou ein' fos, ch'dicton i dit vrai !
"Mi j’in connos qu’une mais ch'est eune sacrée pièche ! Ale in vaut dix ! Elle s'arconnaitra !"
J'vos pos d'qui qu'te veux parler...
Mi non pus!Berlotte! sin prénom ch'est Kim!comme Kim Nowak!
"Kim!comme Kim Nowak!"
Tant qu'à choisir, j'ai pluss querre Kim Basinger❤❤❤que Kim Novak !
http://nsm09.casimages.com/img/2020...
"Tant qu'à choisir, j'ai pluss querre Kim Basinger❤❤❤que Kim Novak !"
T'as raison Galibot, ch'est tout min portrait !
Mozinpef!!!Faut faire quette cosse!! j'ai l'impression que Kim-berlotte sous l'apparence de Kim Bassine-gère flirte avec notre vénérable Galibot qui; à chu qu'i' parait va acater un KILT pou' la séduire et li juer de la cornemuse !!!
Aujord'oui ch'est saint Jean Gabin ! ch'étot li aussi un grind séducteur !!!un bas-yeux comme in dit dins min coin!
Dictons du 19 févérier :
- A l’saint Gabin, nettie tin pétrin.
- Au jour de l’saint Boniface, toute boue s’efface.
- Le bon saint Boniface intre in brisant la glace.
- Févérier, l’plus court des mos, est aussi l’pire cent fos.
- Si févérier ne févrière pos, tout mos de l'an peu ou prou le fera.
- Si févérier ne févrotte, mars marmotte.
- Si févérier ne donne de l’tiête, i donnera de l’queue.
- Au mos d’févérier, deux jours ne doivent pos s’arsanner.
- Bielle avoine in févérier donne l'espérince au guernier.
- Au mos d’févérier chaque herpe fait sin pied.
- Pus d’févérier sins fleur d'amandier.
- Si févérier n'a ni pleufe ☂ ni giboulée, seront innuyeux tous les mos d’l'année.
- Si févérier ne donne pos ses bourrasques, tous les mos seront courroucés. Cha tompe bin : In févérier, des timpêtes, in in a eu !
- Si l’temps ne vomit ses fièfes in févérier, l’vint soufféle toute l'année.
- Saint-Boniface est invoqué pour soulager les douleurs des rhumatisses.
- A l’Saint Boniface, que veux-tu qu’la bonne y fasse !?
- Saint-Conrad est invoqué pour obtenir la guérison des hernies.
Et qui ch'est qui a core gagné l'200ème commintaire, hein ?
❤Galibot-Les-Bons-Tuyaux❤ !!!!!!
Que l'champagne pleufe à flots !!!!
Dins min coin, un séducteur, in dit: un "jolicoeur" ❤
Comme je n'sais pos commint que Galibot ya treuvé ses nouviaux maloutes, j'fais un copiécolé de ceusses qu'i met!✿
♥ ♥ un joli coeur !♥
♥ ♥ un joli coeur !♥
AH!
Ch'est bizarre ! Chés nouviaux maloutes i z'ont pos l'même aspect sur l'ordi et sur un téléphone portape !
"Comme je n'sais pos commint que Galibot ya treuvé ses nouviaux maloutes, j'fais un copiécolé de ceusses qu'i met!"
Tu me fends le ❤ Ⓜ☼zinpeƒ !
Té vos, j't'ai treuvé un biau Ⓜ pour tin pseudo !
Et cha, ch'est les signes du zodiaque :♈ ♉ ♊ ♋ ♌ ♍ ♎ ♏ ♐ ♑ ♒
L'ordi d' Galibot i' r'fonctionne !! hourrah !un momint in a eu peur !in croyot qu' ch'étot cor eine d'ses blagues! eh! bin cha y'est in a l' patois s'n'émile-ey et emoticon 's !incroyape!!! jusqu'ou ira-t-il?
✌bravo !
Ch'voisine, "arrete ti ou tu va preindre eine torgnole dans t'gueule !" MDR
echt'après mi qu'té n' d'a ???
Dictons du 20 févérier :
-Souvint à l’sainte Aimée, la campagne est inneigée.
-A l’sainte Aimée, point d’moutons affamés.
-Taillis pluvieux à l’saint Sylvain, fait tout l'an incertain.
-A l’saint Sylvain, frod ou caud, mets les derniers arpes dins l’tro !
-Quind la bise oblie févérier, ale arrife in mai.
-Saint-Eucher est invoqué pour treuver des matériaux pou s’cauffer.
Dictons su 21 févérier :
- A l’saint Pierre-Damien, l'hiver arprind ou s'éteint.
- A l’saint Pierre-Damien, co cantant est présache ed’ mauvais temps.
- A l’saint Pierre-Damien, l’hiver est souvint bohémien.
- A l’saint Pierre-Damien, taille ta vigne et lave tin kien.
- Framboisier taillé à l’saint Pierre-Damien, récoltes assurées à l’saint Maximien (21 août).
- Saint Pierre-Damien pluvieux☂ est pour trinte jours dangereux.
- Douceur à l’Saint Pépin, plinte un sapin.
- Ch’est trop tard à l’saint Pépin pour plinter les arpes à pépins.
- A l’saint Pépin, plinte tes arpes à pépins.( Faudrot savoir !)
- Solel de saint Pépin, réveille l’aubépin ! Tiens ! J’savos pos qu’yavot un Monsieur Aubépin ! Mi, j’connaissos qu’Madame Aubépine !
-In févérier s'il tonne, ch'est la marque d'un bel automne.
-In févérier, travaille, laboureur !
-Biau févérier, ch'est disette au guernier.
-Févérier tourne sin bonnet sept cops devint derrière.
-In févérier quind té vos les glaines su l’fumier, ch'est dins l’jornée orache assuré. ☂
►Dictons du 22 février :
-Neiche ❄à l’sainte Isabelle fait l’fleur ✿❀ plus bielle.
-S'il gèle à l’sainte Isabelle, incore quarante jours d'hiver.
-A l’sainte Isabelle, si l'aurore est bielle, et s'il fait solel ☀ au matin, ch'est du bon pour tous les grains.
-A l’sainte Isabelle, l'hiver a incore la part belle.
-L’temps qu'i fait à l’sainte Isabelle dure jusqu'aux Rameaux.
-Vinds tes primevères ✿❀ à l’sainte Isabelle ; Si ales ne l’sont point, ales ne seront pos plus bielles.
-A la chaire de saint Pierre, hiver sous tierre.
-A la chaire de saint Pierre, l’hiver s’in va ou s’resserre.
-S'il neiche ❄ à la chaire de saint Pierre, la vigne est réduite au tiers.
-A la chaire de saint Pierre, s'il gèle, l’frod persistera quarinte jours ; S'il fait biau, i n’ gèlera pus.
► Sainte-Marguerite est invoquée pour avoir la forche ed lutter conte les tintations.
► Isabelle (archiduchesse d'Autriche), fille de Philippe II, étot très pieuse : Comme sin mari assiégeot Ostende in Belgique, ale pria et fit voeu de n’pos quinger d’quémiche avant la prise d’la ville d'Ostende ! Or, le siège dura 3 ans !!! Déjà qu'à l'époque, in n'se lavot quasimint jamais...In puss, pas quinger d'quémiche pindint 3 ans...A m’n’avis qu’i valot miux la vir de loin plutôt que d’près, Isabelle !
Du côté de m'mère, y avot tros cousines Isabelle. Ch'étot pos facile ed savoir ed quelle Isabelle in parlot ! Alors, in disot "cousine Isabelle", "la p'tite Isabelle", et "Isabelle la fille à Jean".
.
Là, j'sus bin d'accord aveuc ti, Noléon!
Noléon a le silence éloquent…
◄ Dictons du 23 févérier ►
-Souvint quind saint Lazare appelle le frod, i n’resse pos.
-A l’saint Florent, l'hiver quitte ou arprend.
-Quind saint Florent s’éveille in brayant, Saint Aubain (1er mars) s’indort dins sin bain.
-A l’saint Florent, faut semer l’froment, mais sins perte ed’ temps.
-A l’saint Lazare, souvint l’temps est bizarre.
-In dit qu’à l’Saint Lazare, in plante les épinards, mais les cornichons à l’saint Léon. Ch’est vrai cha ?
-Busard qui plane à saint Lazare, printemps musard.
-Si à saint Lazare, court le lézard, l’été sera grisard.
-A saint Lazare, gardinier ne laisse rin au hasard.
-A l’saint Lazare, taille, mais jamais au hasard.
-A l’saint Lazare, taille tes rosiers sins retard.
-A l’saint Polycarpe, mets t’n’écharpe.
- Neiche de févérier, demi-fumier.
▶ Saint-Polycarpe est invoqué quind in a du ma à ses orelles.
▶ Saint-Sérène le Gardinier, est invoqué pour protéger chés femmes conte les maladies, in général.
▶ Saint-Lazare est invoqué quind in a du ma quind in s’breûle.
"Noléon a le silence éloquent…"
"Silence éloquent" ch'est un oxymore.
Noléon a fait un oxymore sins l'savoir, comme Monsieur Jourdain faisot de l'prose sins l'savoir !
Eine" jonne grind- mère" ch'est un oxymore.
un duel au pistolet qui s'termine mal...
y a bin souvint un occis mort! parfos deux !
Chu qu'j'écris là, cha n'est pos d'trop prosaÏque !Remarquez les tros tiots points..
pou' donner au lecteur l'temps d's'interroger avant la chûte finale !
Attintion néanmoins; au mot" chute "précédent...y a un accent circonspect !!! CHUT !....
"Attintion néanmoins"...nez en moins, in n'sint pus grind-cosse !
L'finme du ZEPH(Véronique) étot fort in colère invers s'n'homme!!al'li arprochot ed' consummer trop d'gnole in affirmant qu'il avot tort!Au pus fort dé s'colère ale li a collé eins "torgnole" bin méritée !Après avoir r'chu eune dérouillée i's'est mis à l'éau in disant amèr'ment: l'éau cha rouille !
Pauf' ZEPH!!!Il a 'cor eu d'sus s'guife!!quand j'pinse qu'il luttot pou' la défense des finmes battues!In puss i' dévot aller faire eine photo d'identité mais dit-il, cha l'imbête ....
◄ Dictons du 24 févérier ►
- A saint Mathias, corbeau té t'in vas, coucou ramèneras, dins sept semaines l'intindras.
- Qui se saigne à l’saint Mathias, un an d’santé il aura.
- Saint Mathias, le replâtreur, sins neiche❄ne pourrot faire.
- Saint Mathias casse eul glache : S'il n'y in a pas, il in f’ra.
- A l’saint Mathias, ch'est souvjnt la fin des glaces.
- Saint Michel importe le goûter au ciel ; Saint Mathias l’ardéquind.
- A l’saint Mathias, l’hiver cède s’place.
- A l’saint Matthias, les agasses pour leur nid cachent la place.
- A l’saint Modeste, arpique tes choux s'il in reste.
- Févérier caud par aventure, à Pâques armet s’frodure.
▷ Mathias préside les charpentiers et les taillandiers. Ch’est l’patron des buveurs repentants ainsi que de ceuss qui sont atteints de l’tiote vérole ou qui la redoutent. In n’sait pos pourquo, mais Mathias a été déménagé au 14 mai…
▷ Saint-Modeste est invoqué pour guérir la rougeole.
"Ch’est l’patron des buveurs repentants,In n’sait pos pourquo, mais Mathias a été déménagé au 14 mai…"
P't'ête que ch'est l'jour d'l'anniversaire à Mincoin?
?hein!
◄◐Dictons du 25 févérier◑ ►
- Saint Roméo sourit raremint à l’météo.
- S’il fait sec et caud ☀ à l’saint Roméo, garde du foin pour tes g’vaux.
- Souvint les jours de saint Roméo sont plutôt nivéaux (I neiche!❄ ).
- A l’saint Roméo, plinte et transplinte s’il fait biau.☀
- Printemps à l’saint Roméo, gardinier attinds-te à tous les fléaux.
- Févérier intre tous les mois, l’plus court et l’moins courtois.
- Févérier est de tous les mois, l’plus court et l’plus matois.
- Févérier le plus court des mois est de tous le plus sournois.
- Févérier l’plus court, l’plus curieux.
- Mos de févérier, le plus tiot, le plus diape !
- I vaut miux voir un loup dins l’troupeau qu'un mos d’févérier trop biau.
- Févérier pluvieux,☂ march hâleux font riches laboureux.
- In févérier, l’bon gardinier se hâte lintemint ! (Et fait donc un oxymore !)
- Si le lin savot parler, il demanderot à ête semé in févérier.
▷ Ste-Adeltrude étot eune sainte de not’ coin puisqu’ale étot abbesse de Maubeuge (✝696)
▷ Sainte-Walburge, patronne des moissonneurs, est invoquée pour guérir les morsures, le chancre mou et les maux de gorche
▷ Eune prière adressée à Saint-Césaire permet d’être protégé lors d’un tremblemint de tierre.
"Eune prière adressée à Saint-Césaire permet d’être protégé lors d’un tremblemint de tierre."
Ben cha, cha n'arrife pos souvint dins ch'Nord !
Derniers commentaires