janv.07
dans la catégorie Gros-mots, jurons
Pour bien commencer l'année une série de jurons chtis que l'on peut utiliser tous les jours !
Vingt noms de Diu
vinguette
Cré vinguette
Vingt diousses
Non dé diouss
Diu d'Diu
Myards d'Diu
Nom d'eun' pipe in bos
Nom d'in tchien
Vingt noms de Diu
Vingt Diou
Tonnerre des diousses
Plus rare :
Cré myards d'quévaux d'bos
Myards ed viaux
Nom d'inn'quisse.
Saperdié
Fil des commentaires de ce billet
Cré 20 millards de g'vaux, sus contint d'vire que Mincoin yé sorti d'hibernation! 
Ouais, cha fait plaisi !
Miladiou de diou comme dit Mr Rudelle, mais ch'est pas dins ch'Nord!
http://www.youtube.com/watch?v=detL...
Sacré nom dé diouss ! Mincoin i démarre l'année sur les chapeaux d'roue ! 
Ch'est biête : j'avos préparé 2 ou 3 histoires drôles à placher su l'précédint billet ! J'ai pos été assez vite ! 
J'vas les garder pour eune prochaine fos ! In arviendra bien su l'sujet ! 
Dictons du 7 jinvier :
-S'il gèle à l’saint Raymond, l'hiver sera core long.
-A l’saint Raymond, neiche à tous les monts.
-Neiche sur les monts à l'saint Raymond, nous les gardiniers, dormons !
-La saint Raymond insoleillée rind l’vigneron gai.
.
-Saint du 7 jinvier :
-Saint-Raymond est l’patron des avocats, des archivistes médicaux et des espécialisses du droit canon (Attintion ! Le droit canon, cha n’veut pos dire qu’in marche droit quind in a bu un canon !)
Vingt nams des aulx ! V'là qui s'armet à pluvoir ! Ras-le-bol de l'pleufe ! Cha, ch'est de l'faute à Mincoin ! I a r'treuvé la forme, ch'est extraordinaire, et quind quetcosse est extraordinaire, in dit qui va pluvoir ! Ben v'là !
Hon !hon !!hon !
Heu!..Sapré taque d'oil !Figure ed' pain crotté !
-Tiête d'ail !
HEIN!!!Fais attintion a chu que t'dis ragondin !
Eine tiote d'actu pou' n'pos braire:
In sait c'mint qu'Carlos y a quitté l' Japon!....i'avot l'mal du pays du cop i' s'est fait la malle !
"Mille millions de mille sabords", 
, arot dit l'capitaine Haddock!
Carlos s'est évadé !Saperlipopette !
Dany boune: HEIN !HEIN !
- un et un cha fait deux !
crévindiou!
Yavot l'grind-mère d'un copain, qu'in appelot "Tartine", (pasqu'ale arsimblot à l'héroïne d'eune binde dessinée du même nom)
Sin juron favori, ch'étot:
-Crrrrénom de t'tonnerrrre in roulant les "R"...J'l'intinds core... 
Noléon, cha te parle, l'binde dessinée: "Tartine"?
http://mafeuilledechou.fr/2014/05/2...
Dictons du 8 jinvier :
-Temps d’saint Lucien, temps d’kien.
-Séverin et ses coquins font tout geler sur les quémins.
-Au jour de l’sainte Gudule, l’jour croît, mais l’frod n’arcule.
-A l’Sainte Gudule, quind j’avinche, t’arcules, commint veux-tu que j’t’inocule (le vaccin contre la grippe !)
-A quémin trop battu, i n’croît jamais d'hierpe.
-Poussière de jinvier, abondance au guernier.
-Brouillard in jinvier, année insoleillée.
-In jinvier, quind l’hierpe pousse, ch’est toute l’année in mousse.
-Quind jinvier rit devant, i fait la grimace par derrière.
-Un janvier frod et sins neiche fait mal aux arpes et aux vignes.
.
-Sainte Gudule (nièce de Pépin le Bref), est l’patronne de Bruxelles et des brodeuses. Le “Tremella deliquescens” est eune sorte de joli champignon d’couleur oranche qui pousse sur les bos pourris et qui s’appelle aussi “fleurs de sainte Gudule”. Il fleurit in début jinvier. Certains associent Sainte Gudule à Sainte Gode 
dins la province de Liège. In la prie pour guérir de la goutte.
J’vas vite raconter eune histoire avint qu’Mincoin i n’mette un nouviau billet !
L'épicière d'un tiot villache avot un biau perroquet, "Coco", qui parlot. Tous les matins alle sortot s’cage et la mettot devint sin étal d’fruits et légumes.
Un jour, Djamel Debbouze, qui passot par là, s'arrête devint l’cage du perroquet.
Et in l’veyant, Coco s’met à crier :
- Cré vindiouss ! Ah ! Un arabe ! Dehors, les Arabes. Dehors les Arabes ! Nom dé diouss !
Interloqué, n'in croyant pos ses orelles, Djamel passe sin quémin, mais le lindemain, pour in avoir le coeur net, il arpasse devint l'épicerie, s'arrête de nouviau devint l’cage et de nouviau, le perroquet crie :
-Vindiouss de vindiouss ! Ah ! Un arabe ! Dehors les Arabes. Dehors les Arabes ! Nom de diou !
Djamel, furieux, intre dins l’magasin et menace l'épicière :
- J’arpasserai demain et si tin perroquet m’dit incore "Dehors les Arabes", j’li cope el cou !
La paufe femme, qui tenot beaucoup à sin Coco, se deminde commint faire pour lui éviter de s’faire zigouiller. Ale comminche à argretter d’avoir acaté l’perroquet à Marine Lepeigne.
- Min Dieu, venez-me in aide ! comminche t-elle à implorer.
Subitemint, il lui vient eune idée :
- J’y pinse ! Monsieur le Curé a aussi un perroquet de l’même race que Coco ! J’vas li deminder de faire l'échinge aveuc el mien pour quèques jours, le temps que Djamel se calme.
Ale va li deminder et l’curé lui prête volontiers sin perroquet.
Le lindemain, Djamel arpasse devint la cage du perroquet... Rien ! L’perroquet n’dit rin !
Etonné, il poursuit sin quémin, fait demi-tour, arpasse devint l’cage, toudis rien ! Pos un mot ! Complètemint indifférint ! Il arcomminche plusieurs fos et l’perroquet n’dit pos un mot !
Alors Djamel se dit : « Ch’est bizarre ! J’vas essayer de l’provoquer pour l’faire réagir !!! »
Et i s’met à lui chuchoter :
- Allez ! Répète : « Cré vindiouss ! Dehors les Arabes ! Dehors les Arabes ! Vindiouss ! Dehors les Arabes ! »
Alors le perroquet s’artourne vers li et li répond : « Que Dieu vous entende, mon enfant ! "
Evidemmint!! j'in ai lu pas mal ! In fait ale arot pu rincontrer Astérix cha arot fait un mariache percutant !!
Dictons du 9 jinvier :
- Saint Adrien amène l’glache ou fait qu’l'hiver trépasse.
- Pour saint Adrien, l’frod nous arvient.
- Souvint à l’saint Adrien, gelée ne gèle que les mains.
- Pour saint Adrien, l’frod nous dit: j’sus ichi !
- Saint Julien brise l’glache, s'il ne la brise ch'est elle qui l'imbrasse.
- Solel de sainte Alix prolixe, hiver au beau fixe.
- Prépare l’tierre du potager intre sainte Alix et saint Félix (12 févérier).
- Quind i pleut à l’sainte Alice, ch'est souvint comme vaque qui pisse.
-Leune blanche, jornée franche.
-Leune pâle, l'iau dévale ; Leune rouge, l’vint bouge.
-Quind la leune chevauche in jinvier, autant d’gelées in mai.
-Quind sec est jinvier, ne dot se faire plaindre le sincier.
-Jours croissants, frod cuisant.
-Aux grands jours, les grands frods.
-Si l’hiver ne comminche à céder ce jour, i va arprindre ed plus belle.
-Si jinvier ne prind sin manteau, malheur aux moissons et aux coteaux.
-Biaux jours de jinvier trompent l'homme in févérier.
Tiens, Mincoin, t'aros pu mett' cha pour illustrer l'billet ! http://nsm09.casimages.com/img/2020...
Par Toutatis !!
Chés flaminds i disent souvint:
-Godferdomme!!
Mein gott!ventrebleu; morbleu ;palsambleu; et vertuchou!Ventre-saint-gris !
Dins m'jonne temps quind l' garte champête i' passot dins l'rue et qui nous veyot à chaque fos i' s'mettot à brailler:Tas d' garnéments d'brigands d' vauriens j'vas vous infreumer à l'cave d'la mairie!!!!
Alors in criot à tue-tiête:Eh ! Fouldroule !! Fallot vire sin visache;... i' noirchissot comme sin costume !!
Ch'est bin r'connu que chu qu'i' fait la richesse ed' not' patois ch'est sa diversité !
Dictons du 10 jinvier :
- Quind l’frod à l’saint Grégoire frappe, la carette dérape.
- A l’saint Guillaume, t’aras du blé plus que d’chaume
- Si les mouquerons dinsent in janvier, ménage le foin du fenier.
- Jinvier n’veut pos vir picher un rat.
- Seuls les drapiers s’affairent in début d’année où l’tierre ingourdie laiche aux hommes des camps un peu d’répit.
- Quind i n’pleut pos in jinvier, i faut étayer l’guernier.
- Cadeau de jinvier, ingratitute de févérier.
- Jinvier frileux gèle l'osiau sur ses ués.
- Saint Guillaume est invoqué pour stimuler les infants
I manque un bout : - Saint Guillaume est invoqué pour stimuler les infants qui tardent à marcher.
avec tout cha aujord'oui in s' crorot au printemps!in n'a jinmais vu cha ed'pus des sièques!et toudis chés nuaches gris querqués d'jé n'sais quo qui passent au d'sus d'nos tiêtes!Tonnerre de Brest !
Vingt diouss' ! V'là l'frod qui arvient ! Deux tros jours i pleut, deux tros jours i gèle. In a pos l'timps d's'habituer que l'timps i a d'jà cangé ! Apreu, te t'étonnes qu't'es mate... Que brin !
Ch'est comme eul' visin ;quind j'y parle du temps i' m'dit toudis: HEIN !!HEIN !..à la fin ch'est agaçant alors du cop j'li ai répondu : un et un cha fait deux, no' cat i'a eine queue si i' in arot pos i' s'rot bochu !!
Dictons du 11 jinvier :
-A l’saint Paulin, in compte les hirondelles autour d'Amiens.
-A l’saint Paulin, in compte les hirondelles sur les dogts d'eune main.
-A l’saint Paulin, plus de laine que d’lin.
-Solel câlin à l’saint Paulin ne dit pos hiver su’ l’déclin.
-Gelée d’ saint Paulin, l’hiver fait l’vilain.
-Biau ciel bleu à l’saint Paulin, sors vite le merlin (hache)
-Plantation à l’saint Paulin, les rachennes dins l’pralin.
-Grosse pleufe à l’sainte Hortense, i faudra diminuer l’pitance.
-Si l’gel de sainte Hortense met l’vigneron in transes, le gel de sainte Césarine (15 avril) le pousse à la ruine.
-Dins l’nuit du 11 au 12, ravisez d’quel côté l’vint souffèle :
- Mieux vaut kien inragé que solel in jinvier. Nom de diou !
- Quind i tonne in jinvier, cha fait le cimetière bosser et les louves avorter. Crénom d’eune pipe !
Mille milliards de g’vos in bos ! Chés dictons i foutent la troulle ! Vindiouss de vindiouss !
" Chés dictons i foutent la troulle!"
Aveuc l'épidémie d'gastro qui ya in ch'momint, cha s'rot putôt:
-Chés dictons i foutent la droulle!
Et in mingeant des frites, in risque pos d'attraper la droulle !
V'là le résultat annuel de la Meilleure friterie de France 2019 :
- La Frite à dorer, à Wambrechies, rimporte le trophée.
- La Friterie douvrinoise (Douvrin) occupe l’deuxième plache
- Maqueux d’frites (Samer, 3e),
- Beef’aur (Cambrai, 4e), Vindiouss ! In est bons, à Kimbré !
- Central Frites (Bully-les-Mines, 5e),
Sur les 15 meilleures friteries de France, 13 sont installées dins l’Nord ou l’Pas-de-Calais. Ya pas photo !
Sinon, si t'habites pos loin d'la frontière, t'as aussi la meilleure frite belge à Péruwelz; ch'est juste à côté d'St Amand les Eaux.
Pour les meilleures frites belges, j'ai treuvé cha :
http://www.fritmap.com/fr/classemen...
cha met in appétit tout cha !!
BIN souvint in dit: j'ai la pêche!! est'c'qu'in peut dire aussi : j'ai la frite !!Bonne question!!
Vinguette ! Hier in a organisé ein' soirée "Chansons en Nord" dins l'cade des 90 ans de l'association, et l'salle ale étot pleine à craquer ! J'in suis core su l'cul ! Et in a eu ein biau programme, aveuc des bielles canchons du Nord ou d'canteux originaires du Nord, amusintes obin émouvintes. L'public i étot chaleureux et réactif. Et la buvette presque 100% ch'tie a eu sin succès aussi. Vive Ch'tis en Maine !
Bravo kimberlotte! vive les CHTIS !
Té vos Kimberlotte, 2020, cha comminche bien !
Dictons du 12 jinvier:
-Arcade et Hilaire (demain) gèlent les rivières.
-Les douze premiers jours de jinvier, indiquent el temps qu'i fera les douze mos d’ l'année ! Bof !
-S'il tonne in jinvier, cuves au fumier, barils au guernier.
-Jinvier amasse les souches, Févérier les brûle toutes.
-Saint-Benoît Biscop est l’patron des peintres et des musiciens.
"Té vos Kimberlotte, 2020, cha comminche bien !"
Pourvu qu'cha dure !
Bravo à ti, Kimberlotte; ch'est grâce à tin dynamisme et à tin investissemint que t'n'association ale a autint d'succès!
Chapeau bas, pasque t'as du mérite! ;(
Dictons du 13 jinvier :
- A l’saint Hilaire l’jour croît d'une main (ou d’un pas ou d’une heure) de bergère.
- A l’saint Hilaire, l’vin gèle dins l’verre.
- Neiche de saint Hilaire annonce méchant hiver.
- Solel au jour de saint Hilaire, fends du bos pour tin hiver.
- S'il neiche à l’saint Hilaire, i fera frod tout l'hiver.
- Qui file le jour de saint Hilaire est sûr de filer sin suaire.
- Solel et caleur à l’saint Hilaire n'indiquent pos l’fin d’l'hiver.
- Pour saint Hilaire, le jour augminte d'un chaudron d’choux.
- L’solel pour saint Hilarion, i faudra force tisons.
- Solel et douceur de sainte Yvette n’est jamais bon prophète.
- Sous l’douceur de sainte Yvette se muche souvint l’tempête.
- A l’sainte Yvette, jamais l’hiver ne fait la courbette.
- Des caresses de sainte Yvette, Saint Rodrigue (13 mars) payera la dette.
- Quind l’jour de l’saint Léonce est serein, l’meunier peut compter sur beaucop d’grains.
- Mauvais temps à l’saint Léonce, peu d’fruits et beaucop d’ronces.
- Saint-Hilaire de Poitiers est invoqué pour éloigner les serpents, s’préserver de leurs morsures et guérir de l’grippe ! Cha tompe bin : la grippe arrife !
Kimbrélotte a réuni les deux conditions essentielles pou' l'succès du Patois car ale a la pêche et la frite !ale nous l'dit carrément:Viens cht'y enmène !!C'mint résister à ses faveurs !!!
Qué bande eud' moqueu d'gens !
Ah ! Un nouviau su ch'blog ! Cha tompe bin : in avot b'soin d'sang neuf ! Bienvenue comarate !
Puisque t'es d'Berck, té connotros pos un certain Mincoin d'Berck ? I'est connu comme el loup blanc !
Chalut eul' Berckois!!té drot connaîte un certain Régis qui régit ch'blog patouasant avec ferveur!!si confirmation ; t'es des notres !
Bonne année à TI !
eune tiote pou t'donner eine idée ....
Ch'est ALI qui s'promone monté sur sin Baudet, i rinconte eul' Zeph!
-OH !Salut à TI Ali!Bonne Anée !!
Merci d'vote soutien ! Ch'est vrai que j'm'décarcasse pou faire vivre l'association et faire connaîte el Nord ichi, mais quind in a ein' bielle soirée comme samedi, j'sus heureusse comme ein' reine ! Ach'teure, j'prépare ein' ducasse à pierrots. Té d'vrot connaîte cha, Mozinpef ? Mi j'ai découvert cha au Mans, quind j'sus rintrée dins l'association !
Dictons du 14 jinvier :
-Si sainte Nina s'fait douce, gardinier, prépare tes housses.
-Solel de sainte Nina, pour un long hiver rintre tin bois.
-Pommier taillé à sainte Nina, plus d’pommes n’y a.
-I vaut mieux vir un voleur dins sin guernier qu'un laboureur in quémiche in janvier.
-I vaut miux vir un leu su’ l’fumier qu'un homme in quémiche in jinvier
-I vaut miux vir un kien inragé qu'un limachon in jinvier.
-A jinvier sache, bon présache.
-Pleufe de jinvier rimplit les cimetières !
-Sainte-Macrine l’ancienne est l’protectrice des paufes. Ale est invoquée pour lutter conte la pauvreté.
"j'prépare ein' ducasse à pierrots"
Ch'est pos fait pour maigrir, cha !
Bah, d'pis Noël, ein tiot peu d'puss ou ein' tiot peu d'moinss, in est pus à cha près !
Dictons du 15 jinvier :
- Souvint à saint Macaire, arviennent les giboulées d'hiver.
- Doucheur de saint Rémi, l’printemps frémit, mais l’gardinier blêmit.
- A l’saint Rémy, perdreau vaut perdrix.
- A l’saint Rémi, cul assis.
- A l’saint Rémi, la caleur est finie.
- Le 15, (aveuc le 17 jinvier et le 20 jinvier) ch’est l’jour el plus frod d’l'année.
- Au jour de la saint Maur, l’hiver est à mitan dehors.
- A l’saint Maur, ne t'étonne pos si l’vint souffèle fort.
- Le quinze jinvier, Maur réjouit les chaudronniers.
- A saint Maur, tout est mort.
- A la saint Maur, brûle le bos mort.
- Tout arpe plinté à la saint Maur aura mauvais sort.
- Au milieu de jinvier, à mitan vide est l’guernier.
- Mos d’jinvier laiche eul tierre s’arposer.
- Caleurs de jinvier, ruine de l'été.
- Quind l’crapaud cante in jinvier, serre ta paille, métayer.
- D’un biau mos d’jinvier, prions Dieu de nous garder.
- Saint Ablebert, (✝ 645) frère de sainte Gudule, est d’not’ coin : Evêque de Kimbrai et d'Arras, il fut inhumé à Maubeuge
- Saint-Maur est invoqué pour guérir la goutte et pour soulager la gorche inrouée et les douleurs causées par la chiatique ou les rhumatisses.
J’vous avos donné eune liste partielle. V’là la liste complète. Ce classemint 2019 met in concurrince 1 238 friteries installées dins toute la France. Sur quinze « meilleures friteries » de France, treize sont installées dins l’Nord ou le Pas-de-Calais.
1. La frite À Dorer à Wambrechies
2. La friterie Douvrinoise à Douvrin
3. Les Maqueux D’Frites, Samer
4. Le Beef’aur à Cambrai
5. Central Frites, Bully-les-Mines
6. Friterie Mollien à Calais
7. Friterie chez Mel en Champagne-Ardenne à Langres
8. Snack Jo – Friterie Orchésienne, Orchies
9. La friterie Morbecquoise à Morbecque
10. Planet’Frites à Bully-les-Mines
11. Bienvenue chez Nous à Hénin-Beaumont
12. Burger Magic à Aniche
13. La Ch’tite Frite à Raillencourt-Sainte-Olle
14. Friterie Marie, Les Pieux
15. Friterie de la gare à Bruay-la-Buissière
J’vous avos donné eune liste partielle. V’là la liste complète. Ce classemint 2019 met in concurrince 1 238 friteries installées dins toute la France. Sur quinze « meilleures friteries » de France, treize sont installées dins l’Nord ou le Pas-de-Calais.
1. La frite À Dorer à Wambrechies
2. La friterie Douvrinoise à Douvrin
3. Les Maqueux D’Frites, Samer
4. Le Beef’aur à Cambrai
5. Central Frites, Bully-les-Mines
6. Friterie Mollien à Calais
7. Friterie chez Mel en Champagne-Ardenne à Langres
8. Snack Jo – Friterie Orchésienne, Orchies
9. La friterie Morbecquoise à Morbecque
10. Planet’Frites à Bully-les-Mines
11. Bienvenue chez Nous à Hénin-Beaumont
12. Burger Magic à Aniche
13. La Ch’tite Frite à Raillencourt-Sainte-Olle
14. Friterie Marie, Les Pieux
15. Friterie de la gare à Bruay-la-Buissière
J'me suis dit , ch'est curieux : la friterie N°7 est en Campagne-Ardennes ! Commint se fesse fait-ce ?
Ch'est simple : faut raviser c'qui est écrit su l'camion :
http://fr-fr.facebook.com/lafritedu...
commint se fece?!....Dins l'Denaisis in dirot plutôt ou plus tard:" commint qu'cha s'fait"....
"Dins l'Denaisis in dirot plutôt ou plus tard:" commint qu'cha s'fait"...."
Dins l'Kimbrésis aussi !
Comme i'fait bia aujord'hui (du temps hors saison) in a presque invie d'dire: chauffe MARCEL !
"Dins l'Denaisis in dirot plutôt ou plus tard:" commint qu'cha s'fait"...."
Dins min coin, tiote variante, in dit:
-Queumin qu'cha s'fait.
Zeph i' n'arrête pos d'jurer in c'momint chi!Il est vrai que y'a vraimint d'quo!!!L'governémint i' l'y a rabaissé s'n' éparne qui est d'zéro chonq pour chint!!du jinmais vu!!In nous mène in" bas taux" ch'est scindaleux !!!du cop j'ai r'pinsé à m'grind-mère aveuc sin bas d'l'aine qui constituot les bourses:Ale dijot toudis: l'épargne ch'est mi !!!
Dictons du 16 jinvier :
-A l’saint Marcel, arpique la laitue et cope l’radicelle.
-Prépare pou’ l’saint Marcel tes graines nouvielles.
-S’il gèle à saint Marcel, sur les allées jette du sel.
-Pleufe à l’saint Marcel n’fait pos germer l’vermicelle.
-A l’saint Marcel, gardinier à l’taille de l’vigne, excelle.
-A l’saint Marcel, prépare les dernières chicorées d’Bruxelles.
-Taillé à l’saint Marcel, le pommier étincelle.
-A l’saint Marcel, du potager bêche toutes les parcelles.
-Pommiers et poiriers taillés à l’saint Marcel, fruits dins l’escarcelle.
-Pour saint Cyrien, l’froid nous r’vient
-Saint Marcellin, bon pour l'iau, bon pou l’vin.
-A l’saint Honorat, raremint solel il y a.
- Pleufe qui dure in jinvier suffit pour toute l'année.
- Pleufes de jinvier ne vont pos dins l’panier.
- Saint-Honorat est invoqué pour conjurer la malchance et pour agir su l’pleufe (pour la faire querre ou la faire cesser, cha dépind de c’qu’in veut !)
- Saint-Fursy, qui est un picard, est invoqué pour guérir l’angine.
J’viens d’vir à l’télé que l’usine TOYOTA d’Onnaing dins l’valenciennois, va core se développer, créer 350 emplois et devenir la 2ème plus grinde usine de France. Formidape !
Mais j’me méfie un tiot peu des japonais ! In vient d’vir que l’mariache intre RENAULT et NISSAN est compromis ! Ya un cat dins l’horloche ! Et leur tiot infant Carlos, né de leur union, a fait eune fugue au Liban.
Ach’t’heure, i paraitrot qu’cha s’rot possipe un nouviau mariache intre TOYOTA et MICHELIN ! Si eux aussi, i veulent avoir un infant, cha donnera cha :
http://nsm09.casimages.com/img/2020...
Ch'est un photo-montache In vot bin que ses pieds i sont in plastoque!
Derniers commentaires