Chblog, le blog chti

Commentaires

Fil des commentaires de ce billet

1. noléon le mardi, décembre 31 2019, 08:49

In dit aussi un ninoche!mais ch'est pour cha qu'ch'est un nigu(e) doulle !loin d'là !

2. noléon le mardi, décembre 31 2019, 08:52

In dit aussi un ninoche!mais ch'est pos pour cha qu'ch'est un nigu(e) doulle !loin d'là !Zeph quind i'prénot s'n'air innochint bin souvint ch'est qu'il avot fait d'travers!

3. M☼zinpeƒ le mardi, décembre 31 2019, 10:23

dins min coin, in dit: "un énochint".

4. Galibot-Les-Bons-Tuyaux le mardi, décembre 31 2019, 12:19

Dictons du 31 déchimpe :
-La saint Sylvestre nous indique l’temps d’juin.
-Bonne chère et cotillons, Saint Sylvestre donne el ton.
-Saint Sylvestre, un jour ed moins, étot de reste.
-Chaque saint Sylvestre sonnée nous fait plus viux d'eune année. (Cha, in s’in serot doutés !)
-A l’saint Sylvestre, repos champêtre.
-Pour l’saint Sylvestre, les jours croissent d'un pas d’maître.
-Quind déchimpe touche à sa fin, les jours augmintent un brin.
-Saint Sylvestre n’peut être qu'eune fos l'an, ch'est la veille du premier de l'An. (Ch’ti qui a invinté ch’dicton, i s’est pos foulé !)
-Calme et claire nuit d’l'an, à bonne année, donne l'élan.
-Des quate vints soufflant à minuit de la saint Sylvestre, l’vint d’l’année sera celui qui reste : Si dins l’nuit d’saint Sylvestre, l’vint souffèle du sud, l'année sera caude et prospère. S'il vient de l'ouest, in aura abondance ed blé et d’pichon. S'il vient du nord, timpêtes et fortes vagues ed frod. De l'est, les vints seront chargés d’fruits. Mais s'il vient du nord-est, de grindes calamités sont à craindre.
- Quind j’habitos à Arles (in région PACA), la semaine précédint l’1er jinvier, in se souhaitot eune bonne fin d’année : les gins disotent : "Bon bout d'an !" (à n’pos confonte aveuc "bon boudin" !)

5. ★ Galibot-Les-Bons-Tuyaux ★ le mardi, décembre 31 2019, 12:21

Aux innochints les mains pleines !

6. Kimberlotte le mardi, décembre 31 2019, 15:38

"Té souffelles dins s'n'orelle, té sins ch'courant d'air ed'l'aute côté !"
Cha ch'est surtout dins l'tiête des hommes qu'cha fait ein courant d'air, pasqu'y a de l'plache, leu neurones i sont pos dins leu tiête mais bin pus bas....

7. ★ Galibot-Les-Bons-Tuyaux ★ le mardi, décembre 31 2019, 16:29

Comme dirot quéqu'un que j'citerai pos : " Cha, ch'est d'la provoc' ou j'm'y connos pos !"

8. noléon le mardi, décembre 31 2019, 16:32

...bin pus bas ch'est pos des neurones qu'y a !!!in n'est pos des ninoches pou'nous in sortir eune parelle !!!quoique... si l'porte reste ouverte ch'est l'hôtel des courants d'air ! Bon réveillon quind même !!!

9. M☼zinpeƒ le mercredi, janvier 1 2020, 08:22

Bonne année à tertous!
J'arais au moins eu l'mérite d'mettre l'premier commintaire de ch't'année;
P't'ête que Mincoin ya prévu un cadeau pour cha?

10. ★ Galibot-Les-Bons-Tuyaux ★ le mercredi, janvier 1 2020, 10:54

A tout l'monte : Pour 2020, nouvelle décennie : Eune bonne et heureusse et eune lonque et vigoureusse !

11. ★ Galibot-Les-Bons-Tuyaux ★ le mercredi, janvier 1 2020, 10:57

"P't'ête que Mincoin ya prévu un cadeau pour cha?"
Bin sûr ! T'archevra un biau cadeau après qu'i m'aura livré les 20 cartons d'6 boutelles ed champagne que j'ai gagnés edpuis quèques années et qu'j'attinds toudis !

12. ★ Galibot-Les-Bons-Tuyaux ★ le mercredi, janvier 1 2020, 11:00

Dictons du 1er jinvier :
-Nuit de nouvel an sereine, signe d'eune année pleine.
- Calme et claire nuit de l'an à bonne année donne l'élan.
- Jour de l'an biau, mos d'août très caud.
- L’vint du jour d'l'an souffèle la mitan d’l'an.
- Année de neiche, année de pain.
- Année neigeusse, année fructueusse.
-Quind l'an intre in nageant, in peut plaindre el paysan.
-Mauvais an intre in nageant, mais s'il gèle, l'année s’ra belle.
-Les douze premiers jours de janvier indiquent el temps qu'i fera les douze mos de l'année.
-Ravise comme sont menées edpuis Noël douze journées, car, in suivant chés douze jours les douze mos feront leurs cours.(chés 12 jours sont appelés "les jours mâles")
-A janvier sache, bon présache.
-A l'an neuf, les jours croissent du pas d'un boeuf.
-Au jour de l'an, les jours croissent d'un vol de faisan.
-Quind l’soleil brille le jour ed l'an ch'est signe de beaucop d’glands.
-Quind i pleut l’premier jour de l'an, les chariots arviennent sales des camps.
-Quiconque travaille le premier d’l'an, travaille tous les jours d’l'an.
-Au premier de l'an, fais deux crêpes pour avoir de l'argent.

13. ★ Galibot-Les-Bons-Tuyaux ★ le mercredi, janvier 1 2020, 23:01

Ch't'aprèm', quind j'sus allé vir min papa à l'hôpital, j'li ai dit : "Bonne année ! Bonne santé", et i m'a répondu "J'te l'arflouque !"
J'avos jamais intindu cha ! V'là un mot d'patois que j'connossos pos !
Cha veut dire :"Pareil pour mi ! J'te dis l'même cosse ! J'te rends la pareille !"
Et tizotes, vous connaissiez ?

14. M☼zinpeƒ le jeudi, janvier 2 2020, 07:49

In n'd'apprind tous les jours!

15. ★ Galibot-Les-Bons-Tuyaux ★ le jeudi, janvier 2 2020, 10:49

Dictons du 2 jinvier :
- Saint Clair porte quarantaine (durera 40 jours)
- Par saint Clair sont donnés les temps clairs et sereins.
-Dins s’minsuétute, saint Basile aux sans-abris donne asile.
-Pleufe de saint Grégoire, autant d’vin ed puss à boire.
-L’temps du deux janvier présache celui d’septimpe
-Au deux de l’an, les jours croissent d’un vol de faisan.
-Sous l’iau la faim, sous l’neiche le pain.
-S’il pleut in jinvier, paysan étaye tin guernier.
-Dieu te garde d'un bon jinvier.
-Garde-te du mos d’jinvier comme un voleur au guernier ; S'il fait vint, in aura la guerre; Et si in vot d’épais brouillards, mortalité de toutes parts.
.
Saints du 2 jinvier
-Saint Clair est invoqué pour y vir clair et contre l'orache. Y a plusieurs saints Clair qui sont tous invoqués pour guérir des maladies des ziux. Ch’est l’patron des lunetiers, des verriers et des lanterniers.
-Saint-Adalhard est l’patron des gardiniers (Incore un ! Mais combin y in a ?). Il est invoqué pour l’guérison des maladies provoquant des fièfes importantes.
-Saint-Macaire d’Alexandrie est l’patron des chefs pâtissiers.

16. ★ Galibot-Les-Bons-Tuyaux ★ le jeudi, janvier 2 2020, 10:55

Attintion, cha a comminché : ch'mos chi ; "Dry january" ! Autremint dit "jinvier sec", autremint dit "jinvier sins alcool" !!!
Quo qu't'in pinses, Mozinpef ?
http://www.leparisien.fr/video/vide...

17. M☼zinpeƒ le jeudi, janvier 2 2020, 11:41

Par solidarité invers chés marchinds d'vins et espiritueux, je n'participe pos à chelle campagne!

18. Kimberlotte le jeudi, janvier 2 2020, 18:05

Ben mi, jinvier, ch'est l'seul mos dins l'année aveuc déchimpe dù que j'bos ein peu d'puss d'alcool ! D'abord pou Noël et l'Jour de l'an, pou les voeux d'tous chés élus (maire, conseillers départemintaux, députée...) et pou m'n'anniversaire ! Sinon, mi j'fais févérier, mars, avril, mai, juin, ju-illet, a-oût, sectimpe, octope, et novimpe secs !

19. ★ Galibot-Les-Bons-Tuyaux ★ le jeudi, janvier 2 2020, 18:30

J'te comprinds Kimberlotte !
http://nsm09.casimages.com/img/2020...

20. Pronnier le mardi, janvier 28 2020, 19:37

Guet' un peu s'norelle à s'tila !