Arcacher

sept.16

T'arcaches après perdu !

Arcacher : rechercher, rechercher de nouveau.

Commentaires

1. M☼zinpeƒ le lundi, septembre 16 2019, 09:57

Vingt diousses; edpuis l'temps qu'in arcache à treuver un nouviau billet, et v'là t'y pas qu'i arrive!
Cha fait du bin!
Merci Mincoin!

2. noléon le lundi, septembre 16 2019, 13:55

ZEPH!!qu'ale dit Véronique : j'arcache dusse qu'in a 'té in vagances l'année

dernière!!

C'mint cha té t'souviens pos???Mi non pus!Ch'est l'âge , probablémint! Par contre ej' sais qu'in étot dins l'sud-ouest à coté d'un grind bassin!!....
-Bin acoute ZEPH!arcachons in r'trouv'ra p' tête !!?

3. ★ Galibot-Les-Bons-Tuyaux ★ le lundi, septembre 16 2019, 18:31

In n'aura pos battu l'record du chiatique ! Le chiatique (793 coms) vainqueur devint l'rojin (758 coms) !

Pour artreuver ch'viux billet, j'ai arcaché !
Mais, dit-on Maîte in archerches ou Maîte in arcaches ?

4. Kimberlotte le lundi, septembre 16 2019, 19:33

Mi j'connaissos "cacher" mais pos "arcacher"...

5. ★ Galibot-Les-Bons-Tuyaux ★ le lundi, septembre 16 2019, 21:13

Quind in a du ma à s'tiête, faut arcacher d'aspirine !

6. M☼zinpeƒ le mardi, septembre 17 2019, 09:15

Va falloir arcacher au fond de s'tiête pour artreuver eune séquoi à dire dur la "Thématique du jour", comme i dirot quiquin que j'connos!

7. M☼zinpeƒ le mardi, septembre 17 2019, 09:20

In arcachant après un mot qui arsennot à: arcacher j'ai treuvé l'mot: "écacher", qui veut dire: aplatir, écraser. Au moins j'ai appris eune séquoi, aujourd'hui!

8. noléon le mardi, septembre 17 2019, 09:34

"écacher"!!AH! tiens! j'connaichos pos! ..Intéressant cha !

9. noléon le mardi, septembre 17 2019, 09:41

Un cache-à-croûtes ch'est un mindiant M'sieu!
Et un qui arcache toudis à sous?
Ch'est l'présidint d'la république M'sieu!

10. M☼zinpeƒ le mardi, septembre 17 2019, 09:47

Arwète le, li; yé in ticheurte,alors qu'i gèle à pierre finde! I cache la misère!
Bin ouais, ch'est pus facile aveuc cacher, putôt qu'arcacher!

11. ★ Galibot-Les-Bons-Tuyaux ★ le mardi, septembre 17 2019, 10:13

Dictons du 17 septimpe :
-Saint Lambert impêche la gelée de faire du tort au millet.
-L’printemps sera sec, s'il fait du soleil à l’Saint Lambert.
-La pleufe au jour de Saint Lambert, y in a pour un novenaire.
-Si Saint Lambert est pluvieux, suivent neuf jours dingereux.
-S'il pleut à l’saint Lambert, attinds-te à huit jours amers.
-Le jour de l’saint Lambert qui quitte s’plache, la perd. (Esplication : Ch’est la date du renouvellemint des baux de fermache)
-S'il pleut à l’Saint Renaud, l'automne s'annonce penaud.
-Soleil de Saint Renaud, printemps sins eau.
-Quind Renaud s'in vient, des biaux jours annoncent la fin.

12. ★ Galibot-Les-Bons-Tuyaux ★ le mardi, septembre 17 2019, 10:18

Saints du 17 septimpe :
-Saint-Robert Bellarmin est l’patron des catéchumènes.
-Sainte Hildegarde (de Bingen) : Toute tiote déjà, ale avot plein d’maladies accompagnées d’un état d’langueur permanent. Souvint, ale pouvot à peine marcher. Ale devint squelettique. In avot peur de la toucher et qu’ale tompe in morciaux.
Eduquée par eune anachorète, ale écrit plusieurs manuels de lapidothérapie. In la prenot pour eune pythonisse. Ale parlot un langache incompréhensipe arsannant à de l’glossolalie (à n’pos confondre aveuc la xénolalie !).
Elle, toudis malate, vécut jusqu’à 80 ans, c’qui, à l’époque étot rare ! Ch’étot la Jeanne Calment du 12ème sièque !
J'ai mis des mots qui sortent ed l'ordinaire pour qu'vous puissez aller cacher et arcacher sur Gogole ou dins l'dico ! Thématique oblige !

13. noléon le mardi, septembre 17 2019, 11:00

Quind in éteut jonne in juot à "cache-cache" Un qui s'démuche ,l'aute qui s'recache!! alors t'arcache!
démucher:Faire sortir d'eune cachette(= muchette)

14. M☼zinpeƒ le mardi, septembre 17 2019, 11:58

J'pinse qu'i va falloir que Kimberlotte ale arcache après un nouviau inglais!

15. Kimberlotte le mardi, septembre 17 2019, 17:52

Nan, mi ch'cache pus après ein Ingliche. Janmais deux sins tros, ch'est fait, mais pos ein d'perdu dix d'artreuvés !

16. Kimberlotte le mardi, septembre 17 2019, 17:58

Par conte, j'cache quind même toudis apreu ein amoureux, mais j'cros que j'cache après perdu...

17. ★ Galibot-Les-Bons-Tuyaux ★ le mercredi, septembre 18 2019, 09:14

Dictons du 18 septimpe :
-Frod à l’saint Joseph (de Cupertino) annonce pour bétôt la neiche.
-Saint Nadège in col blanc, l'hiver sera franc.
-Bielle leune d'argent, ch'est du biau temps.
-Récolte n'est arrivée, tant que la leune rousse n'est pos passée.
-Guêpes agitées, biau temps passé.
-Qui finque sin camp in l’défonçant, l’finque pour dix ans.

18. ★ Galibot-Les-Bons-Tuyaux ★ le mercredi, septembre 18 2019, 09:18

Saint du 18 septimpe : Saint Joseph de Copertino : Extraordinaire personnage qui passa l’mitan de s’vie suspindu in l'air pindint ses lévitations ! Ch'est d'ailleurs pourquo il est l’patron des aviateurs !
Un jour, Joseph s’artrouva coinché dins un olivier, après s'ête soulevé du sol et pris dins les branques de l'arpe.... Eune aute fos, il monta dins les airs pindint l’messe et atterrit sur les cierges de l'autel ! Mais l’histoire n’dit pos si les cierches étotent alleumés et s’il a eu l’fu au cul !
Après cha, in lui interdit d’participer aux offices. Cha n’l'impêcha pos d’léviter quotidiennemint. I restot parfois deux heures in l'air.
Il étot incapape de tirer quetcosse de ses dix dogts et ne comprenot rin à rin. Il passot sin temps in extase, avot toudis l’bouque bée. In le surnomma Boccaperta (bouque ouverte). Il étot toudis "débranché" d’la réalité, il avot l’air de toudis cacher et d’arcacher quetcosse. Et quind il le trouvot, il le laissot querre par tierre ! Il cassot régulièremint l’vaisselle quind i devot mett’ eul tape.
Chaque fos qu'il veyot eune imache de la Vierge, il lévitot et fonçot comme un bolide in volant au pied de l'imache in poussant un grind et impressionnant cri guttural qui faisot peur à tout l’monte !
Il fut congédié d’partout. Finalemint, les Capucins l'acceptèrent pour garder la mule du couvent ! Ch’est tout c’qu’i pouvot faire sins faire ed bêtisses. Et quind i lévitot devint l’mule, chelle-chi ne s’posot pos d’question !
Malgré toutes ses casseroles, i fut canonisé quind même in 1767 et in 2003, l’pape Jean-Paul II le présenta comme un modèle de sainteté in l'appelant le "saint de la lévitation".
Il est l’patron des équipages aériens (pilotes et personnel de bord) et l’protecteur des gins qui voyagent in avion.

19. M☼zinpeƒ le mercredi, septembre 18 2019, 10:58

Ch'étot donc l'aïeul à Zapata aveuc sin flaïborde, si i lévitot !
Mi,ch'est quind j'vos un nid d'poule su la route, que j'essaye d'léviter!

20. ★ Galibot-Les-Bons-Tuyaux ★ le mercredi, septembre 18 2019, 21:14

Li non pus, in n'pouvot l'éviter dins l'temps, ch'étot Félix Lévitan, l'grand patron du Tour de France !

21. Kimberlotte le mercredi, septembre 18 2019, 21:55

Et y avot ein aute Lévitan, l'marchand d'meuble, aveuc l'pub des années 50 :
"Bien l'bonjour, M'sieur Lévitan
Vous avez des meubles, vous avez des meubles
Bien l'bonjour, M'sieur Lévitan
Vous avez des meubles qui durent lonptemps !"
In pouvot pos l'éviter, ch'te pub-là, quid in écoutot Radio Luxembourg !

22. M☼zinpeƒ le jeudi, septembre 19 2019, 08:35

Ouais, ch'étot des meupes costauds! Avint t'acatos un meupe qui faisot toute t'vie, et que tes infants i récupérottent quind t'étos mort!
Acht'heure, les jones i z'acatent un meupe, et au bout d'eune paire d'ans, i l'ruent à l'huche, pasque yé pus à la mode!
Acoutez ichi, eune anecdote véridique:
L'année passée, j'ai dis à m'fille:
-Quind j's'rai mort, t'hériteras de min biau viux buffet "Hinri 2", plus que chintenaire!
Ale m'a répondu:
-Bin nan, papa, j'peux pos!
-Bin pourquo?
-Pasque aveuc toutes les couches de vernis et de cire qu'i a eu depuis 100 ans, ça va encrasser mon poële à bois!
Ale m'a tué, ch'jour là!

23. ★ Galibot-Les-Bons-Tuyaux ★ le jeudi, septembre 19 2019, 08:44

Bin mi, j'vas pos chez Lévitan, j'fais mes meupes mi-même ! A m'baraque et amon d'mes parints, j'ai fait pos mal de meupes. In ch'momint, j'sus in tr'in d'refaire eune table basse de salon. J'adore cha travailler l'bos. Si ch'étot à r'faire, ch'est menuisier-ébéniste que j'feros ! I'est trop tard ach't'heure !

24. ★ Galibot-Les-Bons-Tuyaux ★ le jeudi, septembre 19 2019, 08:46

Dictons du 19 septimpe :
-Qui sème à l’Saint Janvier, de l'an récolte le premier.
-A l’Saint Janvier, les chrysanthèmes repoussent du pied.
-A l’Sainte Emilie, luzerne à pleine faucille.
-A l’Sainte Emilie, soleil et pleufe à demi.
-Biau temps du jour de l’Sainte Emilie donne du fruit à la folie.
-A l’Sainte Emilie, imbellie rime avec brin d’folie.
-A l’Saint Théodore (de Cantorbéry) i fait toudis plus frod dehors.
-Orache de l’Saint Théodore annonce eune année in or.
-In septimpe, quind t’intinds l'grive canter, arcache la baraque pour t'abriter ou du bos pou t’cauffer.

25. ★ Galibot-Les-Bons-Tuyaux ★ le jeudi, septembre 19 2019, 08:47

Saints du 19 septimpe :
-Saint-Janvier est l’patron des banques de sang. Il est invoqué pour faire cesser eune éruption volcanique.
-L’grind miraque de Sainte Lucie (d'Écosse) fut qu'un jour, ale plinta s’quenouille (aveuc laquelle ale filot pindint qu'ale gardot sin troupeau), dins l’tierre. La quenouille pris racine. Ale se couvrit de fleurs blanques et s’multiplia. Cha devint le "Bois de sainte Lucie", ou Cerisier de Sainte-Lucie ou Faux-merisier (du genre Prunus). Si in cache un tiot peu, in troufe d’autres noms plus communs : quénot, canot, canonier, moussis. Et si in arcache cor’, in troufe aussi : mahaleb, amarel et prunier odorant ou puant !
Et pour ceuss qui ont querre les pipes (J’in connos quèques-uns !) in utilisot aussi l’bos d’Sainte Lucie pour fabriquer des pipes. Et pour ceuss qui n’ont pos querre les pipes (tant pis pour euss !) i pouvotent se consoler aveuc les fruits pour faire de l’eau-de-vie !

26. ★ Galibot-Les-Bons-Tuyaux ★ le jeudi, septembre 19 2019, 09:39

"Ale m'a tué, ch'jour là"
Comme dit l'dicton : "Fais du bien à un baudet, i t'pètera au nez !"

27. Kimberlotte le jeudi, septembre 19 2019, 15:33

Comme dit l'dicton : "Fais du bien à un baudet, i t'pètera au nez !"
Galibot, à Kimbré in dit putôt : "Fais du bien à un baudet, t'erchuvra ein pet !", mais in dit pus souvint "Fais du bien à ein baudet, t'erchuv'ras des cops de pied !"
Et cha arrife souvint !!

28. noléon le jeudi, septembre 19 2019, 21:02

Si t'harnaique tin baudet
in forme ed' bidet cha s'rot d'hasard qu'i t'pète point au nez !

29. noléon le jeudi, septembre 19 2019, 22:05

Cafougnette va tous les mercredis soèr au cours ed' patois inseigné par eul' prof' ; meussieu' GAILIBOT agrégé
-BON ! C'soir nous allons essayer d'coprinte ce dicton qui dit : Fais du bin à un baudet;t'as les quates pattes au nez!
M'sieu!un baudet i'rue par les deux pattes de drère et i'est in extension sur ses pattes de d'vant!!si i'fait comme vous dites eh bin i' s'reverni d'tout sin lon !
Bravo! Cafougniette!! t'es apte à daller su' l'blog à Régis !!

30. noléon le jeudi, septembre 19 2019, 22:07

Y'a pos b'soin d'arcacher pus lon!!!L'tiot Cafougnette i'a raison !!

31. ★ Galibot-Les-Bons-Tuyaux ★ le jeudi, septembre 19 2019, 22:35

Tiens, comme in parle ed baudets, j'ai arcaché eune blague que j'avos racontée ya eune paire d'années :
Un matin, un éleveur de gvas découvre tros d'ses gvas tombés du haut de l'falaise. El lindemain, incore tros de plus.Et tous les jours, un d'puss !
I s'inquiète et deminde conseil à sin visin qui li dit :
-Edmain, j'vas venir aveuc min baudet Pédro et tes problèmes seront réglés ! Vous savez pourquo ?

32. ★ Galibot-Les-Bons-Tuyaux ★ le jeudi, septembre 19 2019, 22:37

J'vas pos vous laisser cacher et arcacher trop longtimps, v'là la réponse :
Pasque "Pédro l'âne ralentit la chute des chevaux !"

33. Kimberlotte le jeudi, septembre 19 2019, 23:49

Ch'est tiré par les ~~ch'vaux~~ ch'veux, t'n'histoire, Galibot !

34. ★ Galibot-Les-Bons-Tuyaux ★ le vendredi, septembre 20 2019, 09:02

"Ch'est tiré par les ch'vaux ch'veux, t'n'histoire, Galibot !"
Mi, j'ai querre les blagues capillotractées !

35. ★ Galibot-Les-Bons-Tuyaux ★ le vendredi, septembre 20 2019, 09:04

Dictons du 20 septimpe :
-Gelée blanche de Saint Eustache grossit l’rojin qui tache.
-Saint Eustache de tous les maux détache.
-Pour Saint Agapit, si té n’veux pos suer, inlèfe tes habits.
-Pleufe de septimpe, pleufe de novimpe, seront gelées in déchimpe.
-In septimpe, si l’brume reste in haut, i pleuvra à seyeau.
-Leune pâle eul soir ou l’matin fait querre de l'iau de la nue.
-Aujord’hui, in fête aussi Saint Davy : Mais je n’sais pos si ch’est Davy Gel (qu’in invoque quind in a faim) ou Davy Croquettes (L’saint préféré des cats et des kiens !)

36. noléon le vendredi, septembre 20 2019, 10:24

Galiboooot !Va pos trop loin; té vas perte tes ch'veux!
Pos d'gelée blanche c'matin!(9 degrés)J'sus d'avis(crocket)qué perfos l' météo s'trompe!
-AH!ch'est l'momint des chimpignons pour cheux qui affectionnent les rindonnées pedestres comme mi;aveuc chés légères breumes matinales ch'est l'momint d'aller respirer l'air frais!! mais ...pourvu qué j'rinconte pos d'baudet..qui pète au cuir !!!!
Bonne Journée !

37. noléon le vendredi, septembre 20 2019, 10:33

Eune tiote précision:...tous les ans" j'cache "des champignons et j'arcache des pâtures dusse qu'i'in a beaucop!des kilomètes d'marche et bin souvint j'arviens mes sacs tout plein mais physiqu'mint j'sus mat comme un coucou!A+

38. M☼zinpeƒ le vendredi, septembre 20 2019, 11:10

Ouais, té n'dos pos in treuver gramin, des champignons, aveuc l'sécrèche qu'in a in ch'momint!
Dins min coin aussi, dins les pâtures dusqu'i a des gvaux, que dalle; I fait trop sec!

39. M☼zinpeƒ le vendredi, septembre 20 2019, 11:13

"l’rojin qui tache."..., ch'est ch'i lale qui donne l'gros rouche qui tâche dins les boutelles in plastoc???

40. noléon le vendredi, septembre 20 2019, 12:14

J'connos un artiss'peinte i'muche ses oeuvres pour la "postérité"!Ch'est dit-il: "l'ART caché !"il a raison ! aveuc toutes les spoliations qu'in vot à l'heure actuelle !

41. ♫ Maestro Galibot ♫ le vendredi, septembre 20 2019, 22:33

"j'cache "des champignons et j'arcache des pâtures dusse qu'i'in a beaucop"
Bin, mi j'ai arcaché un tiot peu et j'ai treuvé cha : http://nsm09.casimages.com/img/2019...

42. ★ Galibot-Les-Bons-Tuyaux ★ le samedi, septembre 21 2019, 10:11

Dictons du 21 septimpe :
-A l’saint Matthieu, jour égal à la neu (nuit).
-Quind i pleut à l’Saint Matthieu, fais couquer tes vaques et tes bœufs.
-Si Saint Matthieu brait au lieu d’rire, l’vin in vinaique vire.
-A l’Saint Matthieu, cueille l’rojin si té veux.
-Quind vient Saint Matthieu, l'été, adieu.
-Pou l’Saint Matthieu, l'automne rimplache l'été.
-Quind vient Saint Matthieu, l’pinchon fait ses adieux.
-A l’Saint Matthieu, s'il fait biau, l'année suivante s’ra bonne.
-A l’Saint Matthieu, s'il fait bleu, ch'est qu'il fait biau, prépare tes tonniaux.

43. noléon le samedi, septembre 21 2019, 10:28

L'prinmière imache in heut à gauche ch'est i' m'san-ne à vir eine" vesse ed' leu!"quind i' fait sec l'vesse ed' leu ale foursèque et i' n'reste pus qu' de l'poussière!

44. ★ Galibot-Les-Bons-Tuyaux ★ le samedi, septembre 21 2019, 10:29

Saints du 21 septimpe :
-Saint-Matthieu est l’patron des comptapes, des binquiers, des agents des douane, des impôts, des gardiens d’sécurité, des agents d’change et de toutes les professions qui s’rapportent au secteur financier .
-Saint Jonas étot dins un batiau quind survint eune grosse timpête. L’capitaine consulta les astres qui dirent que ch’étot Jonas qui avot créé l’timpête. Les marins le jetèrent donc illico presto par dessus bord et l’timpête s’arrêta !
A ch’ momint là, un énorme pichon qui passot par là, et qui avot certainemint eune tiote faim se dit : « Tiens, si j’avalos un homme, j’n’nin ai jamais mingé ! » Et il avala Jonas tout cru.
Et chti chi resta tros jours et tros nuits dins l’vinte du pichon ! Comme il avot oblié d'printe des mots-fléchés, il a treuvé l'temps long ! Alors i passot sin temps in cantant le psaume "De profundis", c’qui dénote un certain sens ed l’humour in parelle circonstince car « de profundis » veut dire « des profondeurs » !
Puis, l’pichon qui avot du ma à digérer Jonas le vomit su l’rivage ! In n'sait pos pourquo mais Jonas étot devenu chauve !
Acht'heure, in sait que l’pichon ch’est pos bon pour les caveux ! Miux vaut eune bonne lotion "Pédro l'âne" !
Par ailleurs certains racontent qu’ch’étot eune baleine qui l’arot avalé, mais ch’est des cacoules !
Ch'étot l'mineute culturelle, hagiographique (vous l'avez pos oblié ch'mot là j'espère !?)et aquatique ed Galibot

45. noléon le samedi, septembre 21 2019, 12:20

MI!j'connos un JONAS ch'éteut un artiste ed' Valinciennes_Anzin; prix d'ROME et de surcroit grind ami de Jules Mousseron el'créateur d'notre célèbre Cafougnette !!I' nous ont bin égayé par leur grand art et aussi leurs cacoules ! ch'étot l' intelligentia d'l'époque tournée vers le peuple ou l'masse prolétarienne!eune corde sensipe qu'i' faut toudis avoir dins queuque coin d' note mémoire !!

46. noléon le samedi, septembre 21 2019, 18:07

Lucien JONAS !!!un nom à Arcacher sur gougueule !(Pou chti qu'cha intéresse bin intindu )
Bon et saint Diminche !

47. noléon le samedi, septembre 21 2019, 20:43

...aveuc' tous mes sintimints !!

48. ★ Galibot-Les-Bons-Tuyaux ★ le dimanche, septembre 22 2019, 08:44

Dictons du 22 septimpe :
-Semis d’saint Maurice, récolte à tin caprice.
-Sème les pos, l'blé à l’saint Maurice, t’in auras à tin caprice.
-A l’saint Maurice, clair temps annonce timpête et vint.
-L’biau temps à l’saint Maurice est un présache de timpête in hiver.
-El lind’main de saint Matthieu, té sèmes, je sème.(in s’aime ?)
-Bel automne vient plus souvint que biau printemps.
-Mauvais automne n'inrichit personne.

49. ★ Galibot-Les-Bons-Tuyaux ★ le dimanche, septembre 22 2019, 08:55

Saints du 22 septimpe :
-Saint Sylvain est invoqué pour guérir la stérilité des femmes. In l'appelle aussi saint Biroutin.
Il est invoqué aussi pour guérir de la lèpre, mais aussi des maladies d’piau, de l’gorche et pour les diphtéries.
-Saint Maurice est l’patron des teinturiers, des soldats, des fabricants d’épées, des patrouilleurs alpins et des Gardes Suisses du Vatican. Il est invoqué pour soulager les crampes.
.
Bonne fiête à min papa qui s’appelle Maurice. J’vous avos dit ya quèques semaines qu’i s’étot cassé l’col du fémur. Après rééducation, i recomminchot à r’marcher un tiot peu et ya tros jours, il a voulu faire sin malin in marchant tout seu, sans canne, dins l’couloir ed l’hôpital. Et il a voulu s’appuyer sur un chariot ! Mais il avot sûr’mint oblié qu’un chariot cha a des reulles !
Il est quéu à nouveau ! Résultat : I s’est re-cassé l’fémur ! Tout est à arcommincher : opération, rééducation et tutti quanti !
Pfff ! Chés viux, ch’est pire que les gosses ! Faut les surveiller tout l’temps ! I font qu’des bêtisses !

50. M☼zinpeƒ le dimanche, septembre 22 2019, 10:47

Pauve papa Maurice;
Tu pousses le ~~chariot~~ bouchon un peu trop loin, Maurice!
http://www.youtube.com/watch?v=ASc4...

51. M☼zinpeƒ le dimanche, septembre 22 2019, 10:48

Bon rétablissemint à tin papa, Galibot!

52. noléon le dimanche, septembre 22 2019, 19:09

Bonne reéducation à vote "dad "Maurice!Galibot !

53. Kimberlotte le dimanche, septembre 22 2019, 21:51

Bon courache à tin père, Galibot ! S'casser l'col du fémur, ch'est pos rigolo, mais l'casser deux fos, ch'est l'infer !

54. noléon le dimanche, septembre 22 2019, 23:02

I'vont li armette eine broche je présume si l'aute ale a bougé mais il a dû avoir d'ma à s'n'âge !quéqu'un arot dû l' accopagner pou' les b'soins essentiels cha quait sous l'bon sens !!!

55. noléon le lundi, septembre 23 2019, 08:02

Sapristi!Aujord'oui ch'est Saint Constant!!!J'viens d'arcacher sur "gougueule"!!!
-y'a vécu au cinquième sièque in italie à
Saint Etienne d'Ancône. il éteut sacristain tell'mint croyant qu' il arrivot
à dèplacher des montagnes!!!Un bia jour
Constant constate qu'i' n'a pus d'huile dins les loupiotes pou' li alleumer l'autel,du cop i' met à l'l'plache de l'iau et s'met à prier qu'cha fonctionne comme aveuc l'huile.Eh! bin! croyez me;les mêches ales ont brûlé toute el' jornée et pis cor!!!....comme si qu' ch'étot dé l'huile d'olife!!!!
Eul' pape ed' l'époque Gringoire el' GRAND dins sin life"Les Dialoques" révèle l'existince et l'comportémint estraordinaire d' CONSTANT in certaines euh! circonstances!

56. ★ Galibot-Les-Bons-Tuyaux ★ le lundi, septembre 23 2019, 09:22

Merci pour papa Maurice ! J'pinse qu'i va s'in r'mette ! Ch'est du chiendent ! I va faire comme s'mère (donc m'grind-mère) vivre jusqu'à 100 ans !

57. ★ Galibot-Les-Bons-Tuyaux ★ le lundi, septembre 23 2019, 09:22

Dictons du 23 septimpe :
-A l’Saint Lin, récolte tin lin.
-A l’Saint Lin, fais rouir le lin.
-A l’Saint Constant, temps d’printemps durera incore longtemps.
-A l’Saint Constant, compte tes sous dins tes mains.
-A l'automne, rojin in foudre avint qu'il ne tonne.
-Le colchique d'automne fleurit, l’rojin mûrit.
-Caleur de l’automne pique fort et cause à bien des gins la mort.
-Jinvier sort au balcon, septimpe s’cache sous l’édredon.

58. ★ Galibot-Les-Bons-Tuyaux ★ le lundi, septembre 23 2019, 09:30

Sainte du 23 septimpe :
Théoclie, avot fiancé s’fille Thécle à un riche seigneur appelé Thamyris. Mais Thécle n'voulot pos de ch’type là ! La mère alla vir le juge et deminda que s’fille seuche brûlée vive si ale ne quingeot pos d’avis ! A l’époque, cha rigolot pos aveuc les mariaches arringés !

Comme Thécle restot sur ses positions, l’juge fit allumer un grind brasier et commanda d'y jeter Thècle. Mais à ch’momint là, i s’mit à dracher de chez dracher et l’pleufe éteignit l’bûcher. Ale s’infuit de l’ville et partit pour eune aute ville.
Comme ale étot belle, un notable de la ville, Alexandre, tomba amoureux d'elle. Comme ale refusot ses avances, il l'insulta en public. Mais ale se rua sur li et lui déchira s’tunique ! Ch’est qu’ale n’étot pos commode Thécle ! Fallot pos l’énerver !
Alexandre se défendit, l’impoigna et la conduisit devint l’gouverneur qui la condamna à ête dévorée par les biêtes.
In la mit nue dins l'arène et in lâcha les lions qui vinrent lui léquer les ortels !
Puis in la mit dins une grande fosse pleine d'iau rimplie de nombreux phoques affamés qui devotent la dévorer. Ale s'y jeta. Mais ya eu un éclair et les phoques moururent tous tués par le feu !
In la remit dins l’cirque et l’magistrat la fit attacher à des taureaux sauvaches qu’in excita mais les taureaux restèrent placides.
Le gouverneur précipita alors la vierge dins eune fosse où in avot placé des serpints et toutes sortes de reptiles venimeux. Mais les animaux s’éloignèrent et s'indormirent.
Devint les réactions du peuple qui admirot Thècle, l’gouverneur ne put que la libérer !
Pour eune fos, eune sainte ne fut pos décapitée après tout cha !
Et cha s’termina comme dins un conte de fées : ale vécut heureusse jusqu’à 90 ans ~~et eut beaucoup d’infants~~ !

59. noléon le lundi, septembre 23 2019, 09:37

Fantastique!!!!

60. noléon le lundi, septembre 23 2019, 10:25

CH'COM'a eune journée d'avinche Sainte Thècle s' fête el' Mardi 24 sectimpe! ..mais ...
ch'est pos grave;ch'est si bin raconté !Mercredi in a saint Hermann!!chti là j'ardoute! i'faut se l'farcir !!!j'ai arcaché sur" oui qui pédia"!!!ch'est l'saint des saints !!

61. M☼zinpeƒ le lundi, septembre 23 2019, 11:16

"Sainte Thècle s' fête el' Mardi 24 sectimpe!"
Edpuis l'timps qu'je l'dis, que ch'Galibot ya un calindrier à l'artourne!
Mais personne i veut m'croire!

62. noléon le lundi, septembre 23 2019, 11:38

I' rinverse eul' temps! j'm'in sus aperçu !car i' faut quind minme l'momint d'réflexion passé , sans toudis tourner au pluscourt(virage sec) laisser eune miette ed' plache à ses inter-locuteurs(trices) afin qu'i 'puissents'exprimer aussi !

63. ★ Galibot-Les-Bons-Tuyaux ★ le lundi, septembre 23 2019, 16:47

Qu'est-ce qu'i faut pos intindre ?
Cha alors ! Galibot appelé aussi par certains : GMID (Grind Maîte In Dictons) ne s'trompe jamais (ou ch'est quéqu'un qui l'a induit in erreur !)
Je persiste et signe pasque j'ai raison : Sainte Thècle se fête le 23 septimpe (Eglise catholique). Ch'est l'égliche orthodoxe qui la fête le 24 septimpe ! Et que je sache, ichi, in n'est pos in Grèce ni in Russie ! In est in France !
Tous les dictons sur le temps que j'donne tous les jours, sont tous issus du calindrier catholique !
Alors, qui ch'est qui est à l'artourne, hein ?
Faut pos toudis s'fier à Wikipédia qui contient des erreurs ou qui n'est pos toujours suffisammint précis, ni au calindrier de La Poste pour Mozinpef, qui n'est pos eune référince ! Tout c'qu'ya d'bien dins l'calindrier d'La Poste, ch'est les bielles photos d'chatons !
V'là un site où in dit qu'ch'est l'13 septimpe, mais j'peux vous in donner d'autes !

CQFD

http://reflexionchretienne.e-monsit...

64. noléon le lundi, septembre 23 2019, 17:16

Faut arrêter !!J'ai sous les yux l'armenach

frinçais ed' 1930 sue lequel il est noté:

Saint LIN

65. noléon le lundi, septembre 23 2019, 17:33

J'vas téléphoner au POPE! li i'va nous dire quo sur el' 23 sectempe!!!Quind je pince qué CHTI d'ARRAS; l'ROBESPIERRE il avot seupprimé tout cha pou'nous mette chés calindriers in terminaison ..."OSE" !pluviose, vintose;nivose;overdose et j'in passe;cha m'donne eul' frisson !Cha n'avot vraimint pus d'sins!ch'est l'cas de l'dire!

66. noléon le lundi, septembre 23 2019, 17:39

Dicton chti:"Perfos i'vaut miux s'adresser au bon djiu qu'a ses saints"J'attinds eune réponse de" Pope Galibot"

67. M☼zinpeƒ le lundi, septembre 23 2019, 18:48

"ichi, in n'est pos in Grèce ni in Russie ! In est in France "
Pourtint, min calindrier d'"La Poste", qui, li, est bin frinçais, jusqu'à preufe du contraire, li, i dit qu'i faut fêter chelle paufe Thècle l'24 du mos d'septimpe!
J'vos d'ichi l'tiête d'min facteur, quind i va passer pou l'z'étrennes, et que j'vas rin i donner, pasque min copain Galibot, ya dit que ch'étot in minteux!
I va m'dire:
-"Par tous les saints, M'sieur Mozinpef, vot' copain, i m'parait pos très catholique!

68. M☼zinpeƒ le lundi, septembre 23 2019, 18:51

"GMID (Grind ~~Maîte~~ Minteux In Dictons)"

69. ★ Galibot-Les-Bons-Tuyaux ★ le lundi, septembre 23 2019, 19:20

Té peux foute à l'huche tin calindrier d'la Poste !
Pour venir t'arnaquer tous les ans pou t'vindre un calindrier, i sont forts, mais pour l'exactitude hagiographique, i sont nuls !
Té peux l'dire à tin facteur et si yé pos contint, qu'i vienne m'arcacher !
Tiens, v'là l'adresse d'un site œcuménique qui confirme que ch' Grind Maîte in Dictons a cor' raison ! Comme d'hab !:
http://je-n-oeucume-guere.blogspot....

70. noléon le lundi, septembre 23 2019, 19:50

Mercredi ch'est queu saint ?grégorien! catho! oecuménique!orthodoxe!Dins m'rue i'a un protestant qui prind tous l'ans l'calindrier d'la poste! i'a minme un témoin d'yeova qui brairot c'jour là si i' n'avot pos sin calindrier!J'ai l'calindrier d'1930! eine image magnifique !jé l'ravett'ros toudis !!Ch'est aute cosse que les vrais navets qu'in vot souvint sur l'inter-pas-net !

71. noléon le lundi, septembre 23 2019, 19:55

Eh! ouai!un tiot rappel pou' ch'décalage ed' jour in février 2020 divisipe par quate: ch'est eine année bicepstile !les saints i' vont 'cor meronner(marmonner) qu'in les cange souvint d'plache ! ed'plache !!

72. M☼zinpeƒ le lundi, septembre 23 2019, 21:13

Bon, in va arrêter d'batiller sur chés saints, et l'jour d'leus fiêtes, mais j'espère que té s'ras d'accord aveuc mi pour dire qu'aujord'hui, sins raviser tin calindrier orthodosque , que ch'est l'équinosque d'automne!
Ouais, j'va pos tarder à rintrer in hibernation!!

73. ★ Galibot-Les-Bons-Tuyaux ★ le lundi, septembre 23 2019, 21:40

Ach’t’heure in fonctionne avec le calindrier Grégorien (du nom de ch’Pape Grégoire XIII) qui rimplache l’calindrier Julien. Si dins les pays catholiques, la réforme grégorienne fut vite adoptée, cha n’fut pos l’cas dins les pays protestants, orthodoxes et musulmans.
In France, in a adopté l’calindrier in 1582 mais les ingliches seulement en 1752 et les Eglises orthodoxes orientales seulemint in 1923 !
A cause du retard pris par l’calendrier russe par eximple, "la Révolution d'Octobre" a in fait eu lieu in novimpe. Et l’ calendrier julien est incore utilisé dins l'église orthodoxe pour certaines fiêtes !
Chés orthodoxes ont foutu l’brin dins les calindriers et après cha, faut pus s’étonner si i z’ont mis l’fiête ed Sainte Thècle le 24 septimpe au lieu du 23 !
I z’avotent qu’à faire comme tout l’monte !

74. ★ Galibot-Les-Bons-Tuyaux ★ le lundi, septembre 23 2019, 21:48

Ah ! J'avos pos vu tin commintaire ! Ch'est vrai qu'ch'est l'équinoxe ! Mais ch'est jamais l'même date ! Tous les ans, cha quinge ! Des fos, ch'est l'21 ou l'22 ou l'23...
Ch'est l'faute à qui ?

75. noléon le mardi, septembre 24 2019, 07:08

Ch'est des esprits totalitaires dont l'entièrisme et toutes ses conséquences ne peut que s'averer nuisible!ET en plus si tu contestes ,ils n'admettent aucune contradiction!!Par respect sur toute chose ch'est des gins à éviter!!!!!

76. ★ Galibot-Les-Bons-Tuyaux ★ le mardi, septembre 24 2019, 08:33

Dictons du 24 septimpe :
-A l’Saint Gérard, du vin fait bon marc.
-Souvint à l’Saint Géraud nous arrive tros jours de biau.
-L’été de l’Saint Géraud n’dure que tros jours.
-Pour Saint Géraud, les châtaignes font l’caud.
-Un saint d’not’ coin : Au 7ème sièque, vécut saint Géry de Kimbré, remarquape pour sa charité invers les paufes. Il fut évêque de Kimbré pindint 39 ans.
I parait que Géry étot toudis poursuivi par un certain Tom...

77. M☼zinpeƒ le mardi, septembre 24 2019, 08:40

Re-bonne fiête, Thècle!
Vaut miux deux fos qu'eune!

78. ★ Galibot-Les-Bons-Tuyaux ★ le mardi, septembre 24 2019, 08:43

Au milieu de toutes les mauvaisses nouvelles qu'in intind par chi, par là, in v'là pétête eune bonne !? http://www.lavoixdunord.fr/641710/a...

79. ★ Galibot-Les-Bons-Tuyaux ★ le mardi, septembre 24 2019, 10:02

Après Thomas Cook qui est in faillite, Maeva Coucke pour Miss Univers, et nous, in va minger eune bonne couque !

80. M☼zinpeƒ le mardi, septembre 24 2019, 10:42

Ouais, et faut surtout pos oblier qu'avint d'ête miss France, elle a été: "Miss Pévèle"!!!!
♫ Ah ch'qu'elles sont jolies, les filles d'min pays ♫...Zaï, zaï, zaï, zaï....

81. M☼zinpeƒ le mardi, septembre 24 2019, 10:43

Pour ceusses qui m'croivent pos;
http://france3-regions.francetvinfo...

82. noléon le mardi, septembre 24 2019, 11:00

In t'cros! in t'cros !LAÏ !LAIIÏ¨!LAÏIÏ¨!nom d'un saint !!!la-imétou-lalèèèreeu!

83. noléon le mardi, septembre 24 2019, 15:53

J'ai perdu ma chûte ,flûte! zut!....Ch'est l'que Saint aujord'oui aveuc tout cha !!??Au fait!In vot pus Kimbrélotte !?

84. ★ Galibot-Les-Bons-Tuyaux ★ le mardi, septembre 24 2019, 18:13

Alle a égalemint été dauphine à Miss Pays minier ! Zaï, zaï, zaï, zaï… aussi !

85. ★ Galibot-Les-Bons-Tuyaux ★ le mardi, septembre 24 2019, 18:16

Et Mincoin i dot faire Zaï, zaï, zaï, zaï…aussi pasqu'ale a été Miss Côte d'Opale sud !

86. ★ Galibot-Les-Bons-Tuyaux ★ le mardi, septembre 24 2019, 18:19

In s'gargarise aveuc Maeva mais in oblie qu'ale est née in Bretagne !

87. M☼zinpeƒ le mardi, septembre 24 2019, 19:01

Mi, j'voudros bin savoir si ch'est eune vraie rousse?

88. ★ Galibot-Les-Bons-Tuyaux ★ le mardi, septembre 24 2019, 21:17

Nan, ch'est pos eune vraie rousse ! Ch'est eune blonde !

Mais je n'suis pos allé vérifier !
http://www.leparisien.fr/laparisien...

89. Kimberlotte le mardi, septembre 24 2019, 23:02

Si Maëva est Miss Univers, quind j'vas dire ichi qu'dins l'Nord, in a les plus bielles femmes du monde, in pourra pus m'contredire !

90. Kimberlotte le mardi, septembre 24 2019, 23:07

T'inquiète pos, Noléon, j'sus pos souvint su ch'blog in ch'momint, pasque j'sus débordée ! J'prépare note FesCh'tival des 90 ans de l'association, et j'ai toudis des problèmes urgints à régler ! Et puss que cha passe, et puss que je n'n'ai !
J'sus toudis obligée d'canger l'programme, si fait qu'j'ai pos core pu lincer les affiches et les tracts, et cha c'minche l'19 octope ! Que brin !

91. ★ Galibot-Les-Bons-Tuyaux ★ le mercredi, septembre 25 2019, 08:52

Dictons du 25 septimpe :
-A l’Saint Firmin, les biaux jours arbroussent quémin.
-Pleufe fine à l’Saint Firmin, ch’est comme s’il pleuvot du vin.
-A l’Saint Firmin, l’hiver est in quémin.
-A l’Saint Firmin, les blés battent au vint.
-A l’saint Firmin, in attrape les mouques à la main.
-A l’Saint Firmin, ne bos pos trop d’vin.
-Intre Saint Firmin et Saint Baudouin (17 octope), artourne tin gardin.
-Aujord’hui, ch’est aussi La Saint-Hermann, qui étot surnommé « le Boîteux ».
Comme il marchot très lintemint et qu’il n’étot pos rapide, certains disotent aussi : « Il n’est pas speed Hermann ! » (Source à vérifier)

92. noléon le mercredi, septembre 25 2019, 10:13

Ch'est vrai note Miss du Nord n'a rin à arcacher ! tout est biau à vir.Chti qui couque avec i'a tout à gagner !

93. ★ Galibot-Les-Bons-Tuyaux ★ le jeudi, septembre 26 2019, 08:31

Dictons du 26 septimpe :
-Priez saint Côme et saint Damien, vous vous porterez toudis bien.
-A la saint Côme et saint Damien, in troufe des noix plein les quémins.
-Saint Cosme aux pruniers cueille la gomme.
-Si le lys a fleuri pou l’Saint Jean, j'irai vindinger pou l’Saint Céran.
-A l’sainte Justine, toute fleur s'incline.
-Saint-Côme et Saint-Damien sont les patrons des personnes non voyantes, des pharmaciens, des barbiers, des médecins, des apothicaires, des coiffeurs et barbiers, des chirurgiens, des chimistes. Ils sont invoqués pou l’soulagemint des hernies.

94. M☼zinpeƒ le jeudi, septembre 26 2019, 15:35

Autre dicton du jour:
-Si, comme aujord'hui i drache à l'St Damien
-té t'arpose, et surtout, té fais rin!

95. ★ Galibot-Les-Bons-Tuyaux ★ le jeudi, septembre 26 2019, 18:45

Bin, mi aujord'hui, j'ai fait quetcosse : j'sus allé visiter la brasserie Castelain à Bénifontaine ! Ch'est là qu'in fait la bière CHTI !
Visite très intéressante avec un parcours ludique et d'excellintes esplications du fils Castelain. Et après, évidemmint eune bonne dégustation des différintes bières produites par la brasserie !
J'ai appris que Mozinpef qui est un drôle de zig et un sacré zigoto, est aussi un zythologue !
Et j'ai appris c'que ch'étot un cervalobélophile ! J'ai pos perdu m'jornée !

96. Kimberlotte le jeudi, septembre 26 2019, 18:57

J'ai pos fait d'recherche généalogique de ch'côté-là, mais ein' ed mes cousines disot qu'in est apparintés aveuc el'brasserie Castelain. M'mère ale s'appelot Castelain aussi... In tout cas, si ch'est vrai, ch'est pos pou cha qu'j'a quère el bière !

97. M☼zinpeƒ le jeudi, septembre 26 2019, 19:00

J'sus pos cervalobélophile, mais dins l'temps, j'étot un tiot peu tégestophile!
J'ai aussi visité ya eune paire d'ans l'brasserie Castelain; d'accord aveuc ti pour dire que ch'est eune visite intéressante. Té pouvos acater des tiots souvenirs et à l'époque i donnottent des autocollants "CHTI" gratos. Comme j'étos expatrié à l'époque dins la Beauce, je n'avos collé un au tchu de m'carette!

98. M☼zinpeƒ le jeudi, septembre 26 2019, 19:07

Jacques Chirac, qui est mort aujord'hui, yavot gramin quère boire eune bonne bière!
Et là, i attind d'ête mis en bière!

99. M☼zinpeƒ le jeudi, septembre 26 2019, 19:19

http://www.facebook.com/france3nord...

100. ★ Galibot-Les-Bons-Tuyaux ★ le jeudi, septembre 26 2019, 19:55

Ch'est vrai qu'ch'étot un amateur, mais d'bière mexicaine au citron...J'ai goûté eune fos. Ch'est pos mauvais. Mais j'in boirai pos tous les jours !

Sur les photos affichées à l'brasserie Castelain, yavot François Hollande qui dégustot de l'Bière du Chti ! Yavot pos Sarkozy car li, i n'bot que de l'iau ! Pfff! Et Giscard, ch'est l'champagne ! Pfff !

101. ★ Galibot-Les-Bons-Tuyaux ★ le jeudi, septembre 26 2019, 19:57

Que vois-je ? J'ai core gagné l'100ème commintaire ! Mincoin, j'in ai assez des boutelles ed champagne ! Eune bonne boutelle de bière de garde, cha m'ferot plaisir !

102. M☼zinpeƒ le vendredi, septembre 27 2019, 08:51

"Et Giscard, ch'est l'champagne !"
Et dix ans plus tard, le ~~Giscard~~ canard étot toudis vivant!

103. ★ Galibot-Les-Bons-Tuyaux ★ le vendredi, septembre 27 2019, 08:53

Dictons du 27 septimpe :
-Saint Vincent de Paul trouble, met du vin dins l’gourde.
-A l’Saint Vincent, l'automne est incore efflorescent.
-A l’Saint Vincent, prinds tin temps.
-Saint Vincent clair et bleu fait l’tonniau.
-A l’Saint Vincent, clair et biau, autant d’vin que d'iau.
-A l’fête de Saint Vincent, l’vin monte dins l’sarment, Août mûrit, septimpe vendange ; In chés deux mos, tout bien s'arringe ; Puis, pus tard, à l’Saint Martin (11 novimpe) tout l’moût est dev’nu vin.
-Frodure à l’Saint Laurent, frodure à l’Saint Vincent.
-Saint-Vincent de Paul est l’patron des organisations charitapes, des professionnels de santé et des prisonniers. Il est aussi l’protecteur des gvas. Il est invoqué pour soulager l’fatigue générale.

-Anniversaire : Cha s’est passé le 27 septimpe 1968 : La France déclare s'opposer énergiquemint à l'intrée de l’Grande-Bretagne dins l’Marché Commun ! Chinquante ans pus tard, la France voudrot qu’l’Grande-Bretagne reste dins l’Union Européenne ! Ch’est cha la Politique ! Ch’est cha l’Economie ! Va-t-in comprinte !

104. ♫ Maestro Galibot ♫ le vendredi, septembre 27 2019, 09:09

V'là un tiot montache des photos qu'j'ai prises hier à l'Brasserie Castelain !
http://nsm09.casimages.com/img/2019...

105. ★ Galibot-Les-Bons-Tuyaux ★ le samedi, septembre 28 2019, 09:07

Dictons du 28 septimpe :
J'ai beau cacher et arcacher, pour la saint Venceslas, pos de dictons hélas !

106. ★ Galibot-Les-Bons-Tuyaux ★ le samedi, septembre 28 2019, 09:22

Allez, comme ya pos de dictons, eune tiote histoire !
Un mari rintre un soir à s’baraque. S’femme lui saute au cou in li disant :
- Chéri, j'ai eune grande nouvelle ! J’sus in retard d'un mos...J’cros qu’in va avoir un bébé ! J'ai fait l’test chez le méd’cin aujord'hui... mais tint qu’in a pos d’certitute, faut in parler à personne.
L’jour suivant, un contrôleur EDF sonne chez elle car i n'ont pos payé leur dernière facture d'électricité.
- Vous êtes bien Madame Kimberpef ? Vous avez un mos d’retard !
- Commint qu’vous savez cha ? balbutia l’jone femme.
- Mais Madame, ch'est inscrit sur nos registres.
- Quo qu’vous dites ? Ch'est d’jà inscrit... sur vos registres ?
- Absolumint !
Eul soir, ale raconte cha à sin mari qui, fou d’rache, s’précipite dès le lindemain aux bureaux de l'EDF.
- Quo qu’ch’est que chette histoire ? hurle-t-il. Vous inscrivez dins vos registres que m’femme a un mos d’retard ? Ed quo vous vous mêlez ?
- Acoutez ! dit l’contrôleur, calmez-vous. Ch'est pos bin grafe. Vous n'avez qu'à l'acquitter et in n'in parle pus...
- La quitter ? Mais pos question ! Je n’la quitterai jamais, ni ach’t’heure, ni pus tard !
- Dins ce cas, j’vous préviens, si vous refusez d’l'acquitter, in va vous la coper !
- Quo ? Me la coper ? Mais que deviendra m’femme ?
- Je n’sais pos, mi.... ale n'aura qu'à se servir d'eune bougie...

107. Kimberlotte le samedi, septembre 28 2019, 10:43

Ah, l'linque frinçaisse !

108. noléon le samedi, septembre 28 2019, 14:17

...et ses faux-semblants !!In a minme la brasserie des faux semblables!si! si! ch'est vrai !!

109. ★ Galibot-Les-Bons-Tuyaux ★ le samedi, septembre 28 2019, 22:11

"Ah, l'linque frinçaisse !"
Raymond Devos arot pû raconter l'histoire ! Ch'est dins sin style !

110. noléon le dimanche, septembre 29 2019, 08:43

Zeph ,pou li approfondir sa technique de langache va au cours de PATOIS à mobylette.
Ch'est la rentrée des classes!!!!
_Bonjour les amis! je suis vote nouveau professeu'ed' patois: Monsieu Quenesson!!AH bon qu'i dit l'Zeph!!!donc si j'traduis vous êtes mr Caleçon !!

111. ★ Galibot-Les-Bons-Tuyaux ★ le dimanche, septembre 29 2019, 08:44

Dictons du 29 septimpe :
Comme quo les jours se suivent et n’s’arsannent pos ! Aujord’hui, pléthore de dictons ! Je n’les ai pos tous mis car beaucop s’arsannent.
-A la Saint Michel, départ d'hirondelles.
-Quind l'hirondelle voit la Saint Michel, l'hiver ne viendra qu'après Noël.
-De Saint Michel à la Toussaint, laboure grand train.
-Bise à la Saint Michel, octope au sec.
-Toutes les pleufes perdues sont à Saint Michel rindues.
-Telle Toussaint, tel Noël, tel jour de Saint Michel, Pâques au pareil.
-Pleufe de Saint Michel sins orache d'un hiver clément le présache.
-A la Saint Michel, ravise le ciel, si l'ange se baigne l'aile, i pleut jusqu'à Noël.
-Pleufe de la Saint Michel, signe que l'hiver ne sera pos terrible.
-Pleufe de Saint Michel, soit devant, soit derrière, ale ne demeure au ciel.
-Saint Michel importe le goûter au ciel, Saint Mathias l’ardèquind.
-A la Saint Michel, cueille tin fruit tel quel.
-Pour la Saint Michel, goûte tin miel.
-A la Saint Michel sème tin seigle.
-A la Saint Michel, le mont se couvre de gel.
-Pour la Saint Michel, pour semer ch’est assez tôt.
-A la Saint Raphaël, la caleur monte au ciel.

112. noléon le dimanche, septembre 29 2019, 08:44

Ale est bonne cheulle-chi !!!

113. noléon le dimanche, septembre 29 2019, 08:45

NAN ?

114. ★ Galibot-Les-Bons-Tuyaux ★ le dimanche, septembre 29 2019, 08:48

Saints du 29 septimpe :
- Saint-Gabriel est l’patron des professionnels du secteur de la télédiffusion (radio, télévision), des professionnels du secteur des communications (téléphonistes, messagers, etc.), des diplomates, des philatélistes, des services postaux et des professionnels de ce secteur. Ch’est aussi l’patron des baroudeurs. Il est invoqué pour soulager les problèmes de constipation.
- Saint-Raphaël est l’patron des aveuques et/ou malades, des médecins, des pharmaciens, des infirmiers, des amoureux, des bergers, des voyageurs et des jones. Il est invoqué pour ne pos faire de cauchemars et pour la guérison des maladies des ziux.
- Saint-Michel est l’patron des ambulanciers, des artistes, des banquiers, des navigateurs, des urgentistes, des radiologistes, des épiciers, des chapeliers, des parachutistes, des officiers de police, des gardiens de sécurité, des personnes malates, des aviateurs, des escrimeurs, des marchands d’fruits et légueumes,des balanciers, bonnetiers, chapeliers, maîtres d'escrime, fabricants de gaufres, merciers, peintres, vitriers, géomètres, doreurs, plafonneurs Il est invoqué pour lutter conte la tintation et pour faire cesser les timpêtes in mer. Il est aussi l’patron des moribonds. A la fin des temps, quind in intindra la voix de Saint Michel, les morts ressusciteront. Des zombies ?

115. ★ Galibot-Les-Bons-Tuyaux ★ le dimanche, septembre 29 2019, 09:15

"Ale est bonne cheulle-chi !!!"
J'dos pos ête réveillé mais j'ai pos compris la blague !

116. M☼zinpeƒ le dimanche, septembre 29 2019, 10:18

St Raphaël, ch'étot aussi eune marque d'apéritif (du vin cuit, comme ale disot mémère); yavot aussi dins l'même gamme: Byrrh, Dubonnet, Vabé, Cinzano, Ambassadeur.

117. noléon le dimanche, septembre 29 2019, 10:26

Errata ZEPH!....caleçon in chti ch'est:Quann'çon ou :cann'çon !Zeph!!! té fais bin d'arcacher après tes cours !Ch'est monsieur Quenesson qui n'est pos cotint !!! in puss' qu'in est grind et qu'i porte des longs cann'çons!...

118. noléon le dimanche, septembre 29 2019, 10:28

EINE mineute de silence pou' un saint qu'in a tendance à oblier: SAINT ZANO !

119. noléon le dimanche, septembre 29 2019, 11:43

Du beau; du bon; du net ch'est l'Quinquina!!
Véritape intiseptique cicatrisant, i'a des
propriétés inti-inflammatoires et diuhérétiques.In puss' i' fait arpousser les caveux miux qué l' pétrole ane ;i' stimule l'organiss' in augmintant l'appétit ! AHHH!Saint RAPHAËL !.....

120. noléon le dimanche, septembre 29 2019, 11:56

Sans trop arcacher d'dins l'temps in n'peut passer sous silence c'vin au quinquina des coopérateurs: le "COOPQUINA"!.....qui est Toudis in vente!

121. noléon le dimanche, septembre 29 2019, 12:01

...MIDI!7 HEURES ...l'heure du berger !!

122. noléon le dimanche, septembre 29 2019, 12:12

L'saint Raphael!!!!un frais jus !

123. noléon le dimanche, septembre 29 2019, 12:28

Au sujet des saints; je pince sans rire que nos saints doivent s'adapter à tous les temps et états d'santé!Ce qu'explique bien notre comarate Galibot de nature perfectible quind i' dit:Saint Gabriel!! ch'est l'patron d'la télédiffusion et plus étonnant encore quind ce saint soulage les problinmes de constipation inhérents à chaque individu!!

124. noléon le dimanche, septembre 29 2019, 16:47

Note bin qu'té pos obligé d'boire du Quinquina mais l'Zeph;li quind qu'i 'n'a i dépinse tout in quinquinettes à LILLE !!Faut l'faire !

125. noléon le dimanche, septembre 29 2019, 19:24

AAAhhhh! caleçon jolies les filles de mon pays...LAÏ LAÏ LAÏ La tralalère....LAÏ...LAÏ..l'ail là !

126. ★ Galibot-Les-Bons-Tuyaux ★ le dimanche, septembre 29 2019, 21:31

Noléon, entre nous : T'as consommé des produits illicites ? Ou trop d'vitamines ?

127. ★ Galibot-Les-Bons-Tuyaux ★ le dimanche, septembre 29 2019, 21:57

"caleçon in chti ch'est:Quann'çon ou :cann'çon "
Bin, je l'savos pos ! In n'd'apprinds tous les jours !

128. Kimberlotte le dimanche, septembre 29 2019, 23:09

Quind j'étos tiote, in cantot :
"Gabriel,
Qui descend du ciel
Avec une échelle
L'échelle est cassée
Gabriel il est tombé !"

129. noléon le lundi, septembre 30 2019, 00:28

Conclusion:In ardevalle quequ'fos pus vite qu'in a monté!
Bonsoir à vouzotes et pis mi aussi !L'marchand d'sape i' vient d'passer !

130. ★ Galibot-Les-Bons-Tuyaux ★ le lundi, septembre 30 2019, 10:13

Dictons du 30 septimpe :
-A l’saint Jérôme, hoche tes pommes.
-Saint Jérôme venu, sors ta charrue.
-A l’saint Jérôme, prinds tes mancherons et suis ta charrue.
-A l’saint Jérôme, garchon, i faut prindre de ta charrue les manchons.
-Si les crapauds font musique avant l’15 août, in n’les verra pus sauter avant la fin d’septimpe.
-S'il tonne in septimpe, la neiche sera haute.
-In septimpe, les feignants peuvent s'aller pindre.
-Saint-Jérôme est l’patron des archéologues, des archivistes, des libraires, des écoliers, des étudiants et des traducteurs.

131. ★ Galibot-Les-Bons-Tuyaux ★ le lundi, septembre 30 2019, 10:37

"L'marchand d'sape i' vient d'passer !"
Arcachez dins vos souv'nirs !

http://nsm09.casimages.com/img/2019...

132. noléon le lundi, septembre 30 2019, 19:09

Min marmouset i' faisot des rudes bonds quind i' veyot Casimir et i' n'arrêtot d'frotter ses yux !

133. M☼zinpeƒ le mardi, octobre 1 2019, 08:36

Bon, vu qu'i a gramin quéhu d'iau edpuis eune semaine, j'm'in va arcacher après des "rosés des prés" dins chés patures dusqu'i a des g'vaux!
In espérant que ch'nuache d'Rouen i n'est pos passé par au d'sus d'min coin!

134. ★ Galibot-Les-Bons-Tuyaux ★ le mardi, octobre 1 2019, 10:13

Et l'vin qui accompagne l'rosé des près, ch'est un tiot rosé ?

135. ★ Galibot-Les-Bons-Tuyaux ★ le mardi, octobre 1 2019, 10:14

Dictons du 1er octope :
L'mos d'octope, i m'fout l'cafard ! Et novimpe, ch'est core pire !
-A l’saint Rémy, de semer in dot avoir fini.
-A l’saint Rémy, la grinde caleur est finie.
-A l’saint Rémy, perdreau vaut perdrix.
-A l’saint Rémy, l’cul assis.
-A l’saint Rémi, l’mauvais temps comminche.
-Octope le vaillant, surmène el’paysan.
-In octope, l’vint met les feulles aux camps.
-Octope insoleillé, déchimpe immitouflé.
-Brouillard d'octope, pleufe de novimpe, font bon déchimpe.
-In octope qui n’fume rin, ne récolte rin.

136. ★ Galibot-Les-Bons-Tuyaux ★ le mardi, octobre 1 2019, 10:17

Saints du 1er octope :
-Saint-Rémi de Reims est invoqué par les gins qui sont in train d’arcacher un boulot.
-Saints aveuc des noms à couquer dehors : Saint Jean Coucouzelle (!) et Saint Allowin (de Belgique) qui n’a rin à vir aveuc Halloween !
-Sainte-Thérèse de Lisieux est l’patronne des missions africaines, des équipages aériens. Ale est invoquée pour la guérison du Sida et des maladies des poumons. Ale étot de santé fragile et souffrot de tuberculosse qui lui inleva la vie à 24 ans. A sa mort, les gins étotent tristes et disotent : « I nous reste pus que ~~les yeux~~ Lisieux pour pleurer… »

137. M☼zinpeƒ le mardi, octobre 1 2019, 10:39

"Min marmouset i' faisot des rudes bonds quind i' veyot Casimir et i' n'arrêtot d'frotter ~~ses yux~~ Lisieux " .
Ya aussi: ♫ Ale a Lisieux rivolvère ♫

138. noléon le mardi, octobre 1 2019, 13:28

Ch'nuache rouennais i's'arrête in Pévèle!!l'info vient d'quéir sur TF2! In vot effectiv'mint l'barbouze EDOUARD sans masque,la tiête nue rassurer tous chés gins qui craignent un nouvia TCHERNOBILL!Ch'est bin vlai qu'y a pos d'finquière sans fu !!INFO?INTOX?....FLY-TOX !

139. ★ Galibot-Les-Bons-Tuyaux ★ le mardi, octobre 1 2019, 15:38

Et j'te l'dis Lisieux dins Lisieux: J'in connos qui ont Lisieux plus gros que l'vinte !

140. noléon le mardi, octobre 1 2019, 15:42

Ach't'heure avec chés microparticules qui s'baladent "un peu " pertoute chaque citoyen dot prinde conscience qu'i' est necessaire d'avoir un compteur "gégèr" et un détecteur ed' particules pou' li savoir queu' jours de pointe i' peut sortir de s'mason !Sin compter l'z'alertes oranches les tros quarts ed' l'année!Mais bon ! là un parapuie costaud suffit largémint !...sauf si l'nuache querqué d'pouèf' n'rinconte pos su'sin quémin eul' nuache ed' Rouen!!!!J'dis cha ..j'dis rin !!!

141. [★] Galibot-Les-Bons-Tuyaux [★] le mardi, octobre 1 2019, 16:13

J'me souviens quind l'nuache ed Tchernobyl a traversé l'Europe, i s'étot arrêté pile-poil à l'frontière frinçaise ! Quind j'ravisos la télé belche, i disotent que l'nuache étot in Belgique ! Mais i n'a pos franchi l'frontière, car nous, in avot d'bons douaniers qui ont impêché ce nuache toxique d'arriver illégalemint in Frince !
Je n'sais pos si vous avez ravisé la série "Chernobyl" qui est passée à l'télé ya quèques semaines, cha raconte bien que pour les autorités russes, l'nuache n's'est pos propagé partout in Europe et qu'il n'y aurot eu que 47 morts, alors qu'in réalité aveuc tous les gins qui sont morts de cancer dins les années suivintes, ch'est in dizaines de milliers, voire de centaines de milliers de morts qu'il y a eu !
Ah ! J'pinsos qu'in vivot au sièque de l'information mais ed puss in puss, j'pinse qu'in vit au sièque de la désinformation !
http://www.youtube.com/watch?v=skCi...

142. noléon le mardi, octobre 1 2019, 18:08

....quind j'pinse qu'y a des" touristes" qui y vont pou' s'rincer l'oeul!!!J'iros pos pour un empire!!...quind aux cintrales qu'in rafistole dins note pays parcqu'ales fuient;faut seurtout pos in parler !!et l'uranium qu'in a trinsporté per nuit dins des vagons pou' l'arcycler(La Hague)ch'étot du ni vu,ni connu!!

143. Kimberlotte le mardi, octobre 1 2019, 18:52

A propos de microparticules, i paraît qu'y en a plein dins l'thé quind in utilisse des sachets. L'plupart du timps, chés sachets i sont in plastique et avec l'caleur d'l'eau bouillante, ch'plastique i s'décomposse din l'thé !
In n'n'apprind tous les jours. In n'sait pu quo boire ni minger !

144. ★ Galibot-Les-Bons-Tuyaux ★ le mardi, octobre 1 2019, 21:26

"In n'sait pu quo boire ni minger !"
Bin si ! Faut minger du chocolat !
J'allos l'oblier, mais aujord'hui 1er octope, ch'est la Journée Mondiale du Chocolat et du Cacao !
Cha tompe bin : j'ai eune tiote devinette : Quel étot la marque de chocolat préférée des Trois Mousquetaires ?
Fastoche !
Ya un biau cadeau à gagner !

145. noléon le mardi, octobre 1 2019, 22:05

Ch'éteut eune barre ed' chocolat caramel :la marque ? très simple:Musketèers !L'pus vorace ch'étot ARAMIS !

146. ★ Galibot-Les-Bons-Tuyaux ★ le mardi, octobre 1 2019, 22:55

"très simple:Musketèers"
J'me doutos bin que quéqu'un allot m'donner cette réponse !
Mais ch'est pos la bonne ! Ch'est eune marque plus connue !
Ch'est plus subtil ! D'aucuns, que je n'citerai pos, diront qu'ch'est plus tordu...
Cogitez, cogitez et cha va faire tilt !
Té connos cha in B.D, Noléon : Quind un personnache a treuvé la solution, ya eune ampoule qui s'alleume dins la bulle au d'sus de s'tiête !
Un tiot peu de remue-méninges et la leumière du phare viendra éclairer l'océan de la réflexion !

147. M☼zinpeƒ le mercredi, octobre 2 2019, 06:56

Vu que chés mousquetaires i "crojottent l'fer" souvint, ch'est p't'ête des Fer-réro mais, bon, là au réveil, ch'est pos facile!
"In n'sait pu quo boire ni minger !"
Bin si ! Faut minger du chocolat !
Ouais, sauf qu'in Afrique, i copent tous chés arpes pour faire pousser du cacao!

148. M☼zinpeƒ le mercredi, octobre 2 2019, 08:57

Oubin pasque leu devise ch'étot:
-Tous pour Poulain, Poulain pour tous?

149. ★ Galibot-Les-Bons-Tuyaux ★ le mercredi, octobre 2 2019, 09:37

Bravo Mozinpef !!!
Ch'étot bin l'chocolat Poulain pasque...:

http://nsm09.casimages.com/img/2019...

150. ★ Galibot-Les-Bons-Tuyaux ★ le mercredi, octobre 2 2019, 09:41

Mozinpef, t'as gagné un biau cadeau ! J'vas aller vir c'que j'ai in stock !

151. ★ Galibot-Les-Bons-Tuyaux ★ le mercredi, octobre 2 2019, 09:43

Dictons du 2 octope :
-A l’Saint Léger, faut s’purger !
-Ne sème point au jour de Saint Léger, si té veux blé trop léger ; Sème au jour de Saint François (le 4), i t’rindra grain de bon poids ; Mais n'attinds pos la Saint Bruno (le 6), tin blé serot tout noiraud.
-Si les feulles tompent à l’Saint Léger, suivra eune bonne année.
-De Saint Léger à Toussaint, la boue va grand train.
-Quind à l’Saint Léger octope est imbrumé, novimpe est annoncé, ch’est sûr qu'i va dracher.
-Si octope est trop caud, in févérier, l’glache est au carreau.
-L'temps n'est pos lourd à l’saint Léger ! (Ch’est lourd…mais j’n’ai pos pu m’in impêcher ! )
-Saint Léger étot évêque d'Autun, mais in ne l’répètera pos assez : Ch’est pos li qui a écrit « Autun in importe le vint » !
-Aujord’hui, ch’est aussi l’fiête de tous les anges gardiens. Joséphine dot ête dins l’tas, certainemint !

152. ★ Galibot-Les-Bons-Tuyaux ★ le mercredi, octobre 2 2019, 10:02

Cha y est ! J't'ai trouvé tin cadeau Mozinpef ! Un biau ticheurte :
http://nsm09.casimages.com/img/2019...

153. noléon le mercredi, octobre 2 2019, 11:45

Je pinsos(pinceau)qu'ch'étot l' chocolat menier!BRIN !évla note comarate Mozinpef avec pou hiberner un nwé ticheurte !Félicitations mon gars!

154. Kimberlotte le mercredi, octobre 2 2019, 12:46

L'chocolat, faut s'in méfier ! Ein jour, in cassant ein' plaque ed chocolat pour mi minger ein morciau, surprisse : y avot ein ver ed dins ! J'ai arporté l'plaque à Auchan, et heureuss'mint, i m'ont rimboursé. Quind même, cha fait drôle...

155. noléon le mercredi, octobre 2 2019, 15:37

I'a d'quo! seurtout quind i'ont vu l' ver !!??...Cha peut arriver aussi qu'i' in ait plusieurs !Fort héreus'mint dins l'cas présent ch'étot un ver solitaire !OUF!

156. noléon le mercredi, octobre 2 2019, 15:45

I'in a i'sont fous du chocolat LANVIN !J'préfère l'chocolat POULAIN car quind y'in a pou'l'un,y'in a pou' l'aute!D'autres s'esclament in disant:" y a bon Banania !"

157. Kimberlotte le mercredi, octobre 2 2019, 17:26

Quind j'étos tiote, j'avos quère l'chocolat Delespaul-Havez ! In avot des points DH et in faisot collection d'bielles imaches !

158. M☼zinpeƒ le mercredi, octobre 2 2019, 18:43

J'm'in rappelle aussi; Yavot aussi des points sur chés Carambars.
Dalespaul-Havez i faisot aussi les marques: Corona et Laitta.

159. noléon le mercredi, octobre 2 2019, 20:11

Y'avot aussi des belles affiches incitant à la goumandisse. I' a quelques années in Alsace sur l'plache ed' Colmar j' veyos sur un manèche d'infants la réplique de cette fameusse affiche;hélas j'avos pos m'n'apparel photo pou' saisir c't'instant privilégié !

160. ★ Galibot-Les-Bons-Tuyaux ★ le mercredi, octobre 2 2019, 22:28

Et in se souvient aussi du chocolat qui fond dins la bouche et pas dins la main ?

161. Kimberlotte le jeudi, octobre 3 2019, 00:39

Les Treets ! In in refait, je n'n'acate à l'gare du Mans. Hummmm !
A Kimbré, y avait aussi l'chocolat Cardon. La pub, ch'étot : "Oh ! pardon, c'est du Cardon !"

162. ★ Galibot-Les-Bons-Tuyaux ★ le jeudi, octobre 3 2019, 09:13

Toutes chés vieilles affiches ! Un régal !
http://www.google.fr/search?q=affic...

163. ★ Galibot-Les-Bons-Tuyaux ★ le jeudi, octobre 3 2019, 09:14

Dictons du 3 octope :
-A l’saint Gérard, la récolte est incore au hasard.
-A l’saint Gérard, les noix sont mûres pour ti et pour mi.
-A l’saint Gérard, du vin fait bon marc.

164. Kimberlotte le jeudi, octobre 3 2019, 10:02

Galobot, i manque l'chocolat Cardon dins tes affiches. Les v'là !
https://www.google.com/search?sxsrf...__kAhV67OAKHTfxBWEQsAR6BAgJEAE&biw=1525&bih=694

165. ★ Galibot-Les-Bons-Tuyaux ★ le jeudi, octobre 3 2019, 11:35

"Galobot" ?
V'là t-y pos qu'té déformes min biau pseudo, Kimbiloute !!!

166. Kimberlotte le jeudi, octobre 3 2019, 12:35

J'sus tell'mint concintré sur l'préparation d'min FesCh'tival qu'j'ai pos pris l'timps d'm'arlire ! Mes excuses !

167. noléon le jeudi, octobre 3 2019, 18:07

Si j'évoquos precédemmint le quenn'çon ej' m'apercheu qué quind j'ai l'cul tourné la sexialité a vite arpris l'dessus!! j'dépose eune émotion d'censure car i' fat pos oblier que l'nord intier nous r'garde !!

168. noléon le jeudi, octobre 3 2019, 18:09

A l'saint Gérard minche un bon carambar !

169. ★ Galibot-Les-Bons-Tuyaux ★ le jeudi, octobre 3 2019, 21:10

"J'sus tell'mint concintré sur l'préparation d'min FesCh'tival qu'j'ai pos pris l'timps d'm'arlire !"
"concentréE", ch'est pos miux pour eune finme ? Hé ouais, faut s'arlire, in ne l'dira jamais assez !

170. M☼zinpeƒ le vendredi, octobre 4 2019, 08:12

Cha faisot lontimps que t'avos pos corrigé eune faute; mais, bon, in avot dit que quind ch'étot écrit in patois, yavot pos d'faute, alors:
- Tais-te, Galibot, Tais-te !

171. ★ Galibot-Les-Bons-Tuyaux ★ le vendredi, octobre 4 2019, 09:51

J'ai pos dit qu'ch'étot eune faute.C'que j'voulos signaler ch'est qu'ale dit "j'devros m'arlire" et dins l'même phrasse, in vot qu'ale s'est pos arlue ! J'dirai comme disent les maîtes d'école : "Etourdie !"
Mais t'es pardonnape Kimberlotte : in vot bin qu't'es in foufelle avec tin FesCh'tival ! Bon courache !

172. ★ Galibot-Les-Bons-Tuyaux ★ le vendredi, octobre 4 2019, 09:53

Dictons du 4 octope :
-A l’Saint François d'Assise, si té bâtis, sois prudint pour tes assises.
-A l’Saint François, de l’patte d'eune oie, l’jour décroit.
-A l’Saint François, in sème, si l'on veut, et plus tôt même.
-Sème à l’Saint François, si té veux que tin grain ait du poids.
-Pour Saint-François, fait le haricot, paysan.
-Intre Saint Michel (le 29 septimpe] et Saint François, prinds ta vendange telle qu'ale est ; A Saint Denis (le 9), prinds-la si ale y est incore.
-A l’Saint François, vient l’premier froid.
-A l’Saint François, la bécasse est au froid.
-A l’Saint François, la bécasse est au bois.
-A l’Saint Francis, tout fruit est exquis.
-Saint-François d’Assise est l’protecteur de l’environnemint et des animaux (particulièremint des zoziaux). Il est l’patron des écologistes. Il est invoqué pour le maintien de l’paix, pour ne pos mourir tout seu et pour combattre le feu.

173. ★ Galibot-Les-Bons-Tuyaux ★ le vendredi, octobre 4 2019, 10:06

Aujord'hui, ch'est la Journée Mondiale des Aveugles et Malvoyants. Prétexte à eune tiote histoire :
Ch’est un aveuque et sin kien qui attindent à un feu rouche. Plusieurs fos, ch’feu passe au rouche et au vert et ch’kien réagit pos !
Cafougnette s’approche et dit à l’aveuque :
-Vot’ kien n’est pos très intelligint : cha fait tros fos qu’vous auriez pu traverser !
L’aveuque n’dit rin et donne un morciau d’chuque à ch’kien
Cafougnette li dit :
- Ch’est incroyape ! I n’fait pos sin boulot et vous l’récompinsez ?
- Nan, nan ! J’arcache dù qu’i’est sin museau pour pouvoir y mett’ min pied au cul !

174. Kimberlotte le vendredi, octobre 4 2019, 19:25

Ein' devinette : tros aveuques ont ein frère, mais ch'frère i n'a pos d'frère. Quel est l'degré d'parinté intre tertous ?

175. ★ Galibot-Les-Bons-Tuyaux ★ le vendredi, octobre 4 2019, 20:09

Bin, chés aveuques sont les soeurs de leur frère !
Quo qu'j'ai gagné ?

176. Kimberlotte le vendredi, octobre 4 2019, 23:24

Félicitations ! T'as gagné... euh... ma plus grande considération !

177. ★ Galibot-Les-Bons-Tuyaux ★ le samedi, octobre 5 2019, 09:39

"T'as gagné... euh... ma plus grande considération !"
Ch'est pos juste ! Mi, j'fais des biaux cadeaux !

178. ★ Galibot-Les-Bons-Tuyaux ★ le samedi, octobre 5 2019, 09:41

Dictons du 5 octope :
-Quind arrive la Sainte Fleur, pour aller au verger, ch'est plus l'heure.
-A l’Saint Placide, l’verger est vide.
-A l’Saint Placide, la gelée est l’première de l'année.
-Sainte Galla de Rome surnommée « La barbue » (6ème sièque). Ch’étot eune illustre matrone romaine. Ale avot un tempéramint très caud. Des médecins lui conseillèrent de s‘marier sous peine de s’voir pousser l’barpe. Mais ale ne tint pos compte du conseil. Et ch'est c’qui arriva : Ale est souvint arprésintée avec eune grosse barpe touffue ! A n’pos confondre avec Sainte Barbe, évidemmint !

179. ★ Galibot-Les-Bons-Tuyaux ★ le samedi, octobre 5 2019, 15:49

Sainte Galla de Rome surnommée « La barbue » est ressuscitée !
http://nsm09.casimages.com/img/2019...

180. ★ Galibot-Les-Bons-Tuyaux ★ le dimanche, octobre 6 2019, 09:03

Dictons du 6 octope :
-Quind in sème à l’saint Bruno, la rouille s'y mettra bétôt.
-N'attinds pos l’saint Bruno pour semer, tin blé serot abruné (noirci)
-A l’saint Bruno, les feulles tombent dins l’bos
-A l’saint Bruno, les feuilles tombent au fil de l'iau.
-A l’saint Bruno, les faines ont l’noyau bon.
-A l’sainte Foy, prinds la nèfle quind té la vois.
-Avant la saint Serge, acate des habits de serge.
-Pou’ l’Saint René, des vêtemints cauds t’armets.
-A l’Saint René, couvre tin nez.

181. ★ Galibot-Les-Bons-Tuyaux ★ le dimanche, octobre 6 2019, 09:05

Tiote devinette : Mr et Mme Dajain ont un fils qui s’appelle…
Comme ch'est trop fastoche, ya rin à gagner !

182. Kimberlotte le dimanche, octobre 6 2019, 09:21

Bruno !

183. noléon le dimanche, octobre 6 2019, 10:03

Bruno d'Ajain ! jé l'connos bin !!ch'est l' cousin d'Eddy Denante!

184. M☼zinpeƒ le dimanche, octobre 6 2019, 10:55

Ch'est pos facile ed répéter dix fos d'suite, rapidemint:
-Pruneau cru, pruneau cuit.......

185. noléon le dimanche, octobre 6 2019, 11:35

Ch'est terripe j'y arrife pos !Ch'est le "r" qui passe pos !!!à pruneau cru...

186. ★ Galibot-Les-Bons-Tuyaux ★ le lundi, octobre 7 2019, 11:16

Dictons du 7 octope :
-A la Saint Serge, acatez vos habits de serge.
-A la Saint Serge, la charrue in tierre pour niveler les taupinières.
-A la Sainte Justine, toute fleur s'incline.
-A la Sainte Justine, l’vint nous turlupine.
-Vint d'octope lisse les pelisses.
-Vint d'octope, ta pelisse, i faut qu’tu sortes.
-In octope i faut que l'homme vite s'habille quind l’mûrier s’déshabille.
Saint du 7 octope :
L’préfet d'Orient Antiochus, voulot qu’Serge renonce à ête chrétien. Comme ch’ti chi voulot pos, il fit chausser Serge aveuc des cauchures garnies d’clos in dedins et l’obligea à courir devint sin chariot jusqu'à la ville voisine. (15 kilomètes quind même)
La nuit suivante, Serge fut guéri d’ses blessures grâce à un ange qui passot par là. Le Préfet croyant qu’ch’étot d’la magie, lui fit endurer eune seconde fos le supplice…mais l’ange le re-guérit. Le préfet qui n’étot pos contint du tout, fit donc décapiter Serge ! Ch’cop là, l’ange n’a pos pu l’guérir !

187. Kimberlotte le lundi, octobre 7 2019, 15:13

Octope, ch'étot ein des mos qu'min père y avot l'puss ed boulot. Y étot tailleur, et tout l'monde cangeot d'tenue pou l'hiver à l'Toussaint ! Ch'étot parel in mars-avril car tout l'monde cangeot d'tenue pou l'été à Pâques. Et in puss, y avot les communians et les mariaches.
Acht'heure, in cange d'habit tous les jours in fonction du timps qu'i fait !

188. ★ Galibot-Les-Bons-Tuyaux ★ le lundi, octobre 7 2019, 18:32

Si tin père étot tailleur, i devot connaîte la contrepèterie :
-Le tailleur vend de la serge !

189. ★ Galibot-Les-Bons-Tuyaux ★ le lundi, octobre 7 2019, 18:34

J'in ai eune aute du même ginre :
-Eune tiote fait l'avion aveuc vot' Serge ?

190. ★ Galibot-Les-Bons-Tuyaux ★ le lundi, octobre 7 2019, 18:36

Et pour terminer, un tiot virelangue :
"Suis-je bien chez ce cher Serge ?"
A répéter 10 fos d'suite,à toute vitesse et sins bafouiller ! Ch'est impossipe !!!

191. ★ Galibot-Les-Bons-Tuyaux ★ le mardi, octobre 8 2019, 09:24

Dictons du 8 octope :
-A l’Sainte Pélagie, in réagit à l’magie.
-Quind Sainte Pélagie la caleur nous ôte, les fleurs sont moins féroces.
-Si l'arpe, in automne, fleurit eune seconde fos, jusqu'in mai prochain durera l’frod.
-In octope, qui n'a pos d’minteau dot in trouver un bétôt.
-In octope, si t’es prudint, acate grains et vêtemints.
- Sainte Remfroye, sainte de not’ coin : Fondatrice et abbesse l’abbaye de Denain.

192. ★ Galibot-Les-Bons-Tuyaux ★ le mardi, octobre 8 2019, 09:54

Pour Mozinpef
http://www.fourchette-et-bikini.fr/...

193. M☼zinpeƒ le mardi, octobre 8 2019, 11:55

Tout cha ch'est véridicte!
quind t'as eune prône et que te culbutes, te n'sins rin su l'coup, et ch'est foque el lindemain que t'as du mô!

194. M☼zinpeƒ le mardi, octobre 8 2019, 19:08

"Si l'arpe, in automne, fleurit eune seconde fos, jusqu'in mai prochain durera l’frod."
N'in v'là core un dicton à l'artourne:
L'année passée, min lilas ya arfleuri au mois d'octope! (j'avos jomais vu cha); et pourtint in n'a pos eu gramin d'hiver!

195. M☼zinpeƒ le mardi, octobre 8 2019, 19:18

Et ya aussi un canteux minteux (paix à son âme), qui cantot cha aussi que chés lilas i n'arfleurissent pos à l'automne!
Bon, d'accord que min lilas i n'a eu que 3 ou 4 fleurs rabougrites, mais ya arfeuri quind même!
http://www.youtube.com/watch?v=_94N...

196. ★ Galibot-Les-Bons-Tuyaux ★ le mercredi, octobre 9 2019, 09:22

Dictons du 9 octope :
-Pleufe à Saint Denis, tout l'hiver la pluie.
-S'il pleut à la Saint Denis, l'hiver sera humide et sins glache.
-S’il pleut à la Saint Denis, la rivière sort neuf fos d’sin lit.
-Bieau temps à la Saint Denis, hiver pourri.
-Biau temps à la Saint Denis, l'hiver sera bétôt fini.
-Le jour de la Saint Denis, l’vint s’marie à minuit.
-A la saint Denis, l'hiver fait sin nid.
-A la Saint Denis, le laboureur se réjouit.
-A la Saint Denis, ramasse tes fruits et mets tes biêtes à l’abri.
-A la Saint Denis, la bécasse est au pays.
-A la Saint Denis, dernières semailles au pays.
-Qui sème à la Saint Denis, comptera les semis.
-Intre Saint Denis et Saint François, prinds ta vendange quelle qu'elle seuche. Ravise bin auparavant et après la Saint Denis les jours : Car si té vos qu'i gèle blanc, les viux assurent que toudis le semblable temps t’arvois pendint un, deux ou trois mois.
-A la Saint Denis, l'hiver court par les chemis (chemins).
-Temps sec à la Saint Ghislain nous annonce un hiver d'iau plein.
-A la Saint Ghislain, va y avoir du vilain.
-Timps pluvieux à la Sainte Ghislaine, la fin du mos s'annonce vilaine.
-A la Saint Paulin, in compte les hirondelles autour d'Amiens.
-Saint Denis l'aréopagyte qui est un saint céphalophore , est invoqué pour soulager les maux d’tiête et pour guérir la rache.
-Anniversaire : Cha s’est passé un 9 octope 1595 : L'armée espagnole prind Kimbrai ! Après moultes guerres, l'Espagne abandonne enfin Kimbrai (traité de Nimègue signé le 10 août 1678). Merci à Louis XIV d’avoir réussi à c’que les kimberlots seuchent ardevenus frinçais ! Mais cha n’a pos été facile !

197. noléon le mercredi, octobre 9 2019, 10:47

Villars; Condé!!Ch'est bin pour cha qu'à sa mort ; au passache du cortèche funèpe à Paris i'a été hué par eune foule affamée in délire!!

198. ★ Galibot-Les-Bons-Tuyaux ★ le jeudi, octobre 10 2019, 08:58

Dictons du 10 octope :
- Saint Clair porte quarintaine.
- A la Saint Clair, dins tin jeu, j'vos clair !
-Si té veux moissonner, ch'est l'heure de semer.
-Octope à mitan pluvieux rind le laboureur joyeux, mais le vindingeur soucieux met de côté sin vin vieux.
-Pour bin faire le labour d'automne, attinds qu'un biau temps, Dieu te donne.
-In octope, miux vaut faire l’fu que labourer par temps mou.
-Brouillard qui n’tombe pos, donne pour sûr, des eaux in bas.
-Chute de feulles tardives, frodure sera vive.
-Saint-François de Borgia est invoqué pour faire cesser les tremblemints de tierre.

199. ★ Galibot-Les-Bons-Tuyaux ★ le jeudi, octobre 10 2019, 09:11

Allez, cha faisot longtimps :un tiot jeu des 7 erreurs !
Fastoche, comme d'hab !
Ya un biau cadeau à gagner !
http://nsm09.casimages.com/img/2019...

200. ★ Galibot-Les-Bons-Tuyaux ★ le jeudi, octobre 10 2019, 09:13

In attendant l'bonne réponse, mi j'gagne un biau cadeau offert par Mincoin pou l'200ème commintaire !!!
Bravo Galiboooooooooot !
Mais quo qu'i va donc bin m'offrir ch'cop-chi ?

201. ★ Galibot-Les-Bons-Tuyaux ★ le jeudi, octobre 10 2019, 09:16

Pour le jeu des 7 erreurs : les bulles, cha compte pos, évidemmint !

202. Kimberlotte le jeudi, octobre 10 2019, 14:13

Merci à Louis XIV d’avoir réussi à c’que les kimberlots seuchent ardevenus frinçais !
Ben, avint d'être espagnols, chés Kimberlots i z'étotent pos frinçais. Kimbré étot rattaché au Saint Empire Germanique !

203. Kimberlotte le jeudi, octobre 10 2019, 14:15

Et quind chés Kimberlots i sont d'venus frinçais, i z'étotent pos fort cotints... I z'étotent pus trinquilles aveuc chés Espagnols...

204. ★ Galibot-Les-Bons-Tuyaux ★ le jeudi, octobre 10 2019, 19:07

Chés kimberlots i z’étotent frinçais sous Louis XI mais chti chi les a abindonnés pour leur donner un statut de neutralité qu’i z’ont gardé quind même pindint 70 ans. Mais comme i z’ont pos respecté leur neutralité, Charles Quint les annexés à sin impire germanique ! Chés kimberlots i z’ont été romains, gaulois, espagnols, sins compter les invasions barbares, normandes, hongroises… Ya eu du mélinche !
L’essintiel est qu’ach’t’heure, chés kimberlots préfèrent minger des frites plutôt que de l’paëlla ou de l’choucroute !

205. M☼zinpeƒ le jeudi, octobre 10 2019, 19:25

Bin mi, j'connos eune kimberlotte, qui a un nom flamind, et qui armeure dins la Sarthe; Vas-t-in vire!

206. noléon le jeudi, octobre 10 2019, 20:34

Escusez du peu!! j'erviens sur min com'197 ! in arcachant dins min life d'histoère j'ai trouvé chechi :Le cortèche funèpe s'ébranla douchemint sous les huées du peuple!! ... puis il accéléra; traversant la ville à" toutes pompes " pour écaper aux cops d' fourqués à quate dints !!!....

207. Kimberlotte le jeudi, octobre 10 2019, 23:50

Chés kimberlots i z’étotent frinçais sous Louis XI
Oui, du 25 mai 1477 au 10 juin 1478 !!!

208. ★ Galibot-Les-Bons-Tuyaux ★ le vendredi, octobre 11 2019, 09:01

Dictons du 10 octope :
-A la saint Firmin, l'hiver est in quémin.
-A la saint Firmin, les biaux jours arbroussent quémin.
-A la saint Firmin, in attrape les mouques à la main.
-A la saint Firmin, les blés battent au vint.
-A la saint Firmin, artourne tin gardin.
-A la saint Firmin, ne bos pos trop d’vin.
-Si la saint Gomer (chevalier à la cour de Pépin le Bref) arrive par temps sec, l'hiver sera humide dès l’début.

209. ★ Galibot-Les-Bons-Tuyaux ★ le vendredi, octobre 11 2019, 09:22

Chés kimberlots i z’étotent frinçais sous Louis XI
Oui, du 25 mai 1477 au 10 juin 1478 !!!
I z'étotent frinçais bien avant. La France ne s'appelot pos France mais Royaume des Francs puis empire carolingien, puis Francie, et les habitints s'appelottent des frinçais si je n'm'abuse...
Enfin, j'cros ! Pasque j'vos pos commint in pouvot les appeler autremint...

210. Kimberlotte le vendredi, octobre 11 2019, 22:35

Ne pos confonde Royaume des Francs et Francie aveuc la France qui n'existot pos core à l'époque. Quant à Kimbré, ale est dev'nue ville impériale, rattachée au St Empire romain germanique au Xème sièque.
L'histoire de Kimbré est compliquée. I faut lire l'"Histoire de Cambrai" de Louis Trénard pou essayer d'y coprinde quetcosse ! Ch'qui est sûr, ch'est qu'ale n'a été officel'mint rattachée à la France qu'in 1678.

211. ★ Galibot-Les-Bons-Tuyaux ★ le samedi, octobre 12 2019, 09:55

Dictons du 12 octope :
-Saint Wilfrid insoleillé, deux jours plus tard immitouflé.
-Octope est bon, s'il est de saison.
-Si l’bise souffèle, semons vite, l’grain germera bien.
-Octope et mars s’arsannent.

212. ★ Galibot-Les-Bons-Tuyaux ★ le samedi, octobre 12 2019, 10:08

"Ne pos confonde Royaume des Francs et Francie aveuc la France qui n'existot pos core à l'époque."
In est bien d'accord. Mais c'que j'veux savoir, ch'est à partir de quind in est des frinçais ! Lors du partache de 843(Francie, Lotharingie, Germanie), l'royaume des Francs a explosé en 3. Mais les historiens sont pos tous d'accord: In peut résumer Les habitants de la Germanie sont des germains, ceuss de Lotharingie sont des Francs qui ne veulent absolumint pos que ceuss de Fancie gardent le nom de Francs mais qu'i doivent s'appeller "Frinçais" ou évintuellemint des "gallis".Donc, in serot frincais edpuis 843 même si la France n'existe pos core !
L'plus important, ch'est c'qu'in nous a appris à l'école primaire : "Nos ancêtres les Gaulois..."

213. noléon le dimanche, octobre 13 2019, 08:04

Ch'étot l'temps des huttes in bos!aveuc des toits d'chaume!d'jà à l'époque y'avot beaucop d'chaumeurs à longues moustaches qui rindotent du traval d'utilité collective pindint qu'les gauloises préparotent la bouffe dins des couets et participotent aux travaux dins les camps !

214. ★ Galibot-Les-Bons-Tuyaux ★ le dimanche, octobre 13 2019, 09:23

Dins l'temps, j'avos querre les gauloises, mais j'ai arrêté d'finquer !

215. ★ Galibot-Les-Bons-Tuyaux ★ le dimanche, octobre 13 2019, 09:25

Dictons du 13 octope :
-Souvint à l'saint Géraud, nous arrivent tros jours de biau.
-L'été de l'saint Géraud n’dure que tros jours.
-L'été de l'saint Géraud, les châtaignes font le caud.
-A l'saint Edouard, l’temps est raremint bon.
-Qui pleufe deminde à saint Ebbon n’est pos laiché à l’abindon.
-Saint-Edouard est invoqué pour les problèmes de mariache difficile.

216. noléon le dimanche, octobre 13 2019, 09:53

POU' pus finquer faut pus d'mecs hauts!donc supprimer les clopes! hé !Bonne jornée à tertous !Aujord'oui ch'est l'erpas des ainés! UN TIOT KIR d'entrée ! et "in avant la musique !!!Bon diminche par tous les saints !

217. noléon le dimanche, octobre 13 2019, 09:59

nota bene: Ch'est Felix KIR!.. un chanoine qui a invinté l' Kir !au grind plaisi' d' tertous !!

218. noléon le dimanche, octobre 13 2019, 12:06

Un mégot par tierre à Paris ch'est chochinte euros d'aminde!(si t'es vu !)eine bagnole mal garée ; fourrière !!!J'dis rin mais in c'momint y'a du bon lait qu'in fout à l'huche d'vint les préfectures!sins compter les infiltrés radicalisés dins la police!!!mais cha in s'in doutot!!!Après la bavure de Ligonaisse et tous chés incendies bizèrres cosse qu'in va 'cor avoir su' l'dos ???a plus !!!!In tous cas: bon appétoit!i' fait biau! ciel clément 20 degrés dins m' véranda! dusse qué j'ai rintré mes biaux plants d' poivrons!A dé !!Ch'est l'heure du berger!

219. ★ Galibot-Les-Bons-Tuyaux ★ le lundi, octobre 14 2019, 09:45

Dictons du 14 octope :
-A l’saint Calixte, ya pus d’fleur à calice.
-Pour faire le labour d'automne, attinds qu'un biau temps te donne.
-Beaucop d’pleufe in octope, beaucop d’vints in déchimpe.
-In octope, brume passe, biau temps passe.
-Octope in brumes, mos à rhumes.
-In octope tonnerre, vendanges prospères.
-Sainte Angadrême est eune picarde, patronne de Beauvais. Ale est invoquée contre les calamités publiques, notammint les incendies et l’séqueresse.

220. ★ Galibot-Les-Bons-Tuyaux ★ le lundi, octobre 14 2019, 09:47

-Saint du 14 octope :
Aujord’hui, ch’est aussi la saint Juste (ou Just) et quind in parle de Juste, cha fait pinser à cha : (Le dîner de cons)
PIERRE BROCHANT : I s'appelle Juste Leblanc.
FRANÇOIS PIGNON : Ah bon, il a pos d’prénom ?
PIERRE BROCHANT : J’viens d’vous l’dire : Juste Leblanc.
FRANÇOIS PIGNON : …
PIERRE BROCHANT : Leblanc, ch'est sin nom, et ch'est Juste, sin prénom.
FRANÇOIS PIGNON : …
PIERRE BROCHANT : Monsieur Pignon, vote prénom à vous, ch'est François, ch'est juste ?
FRANÇOIS PIGNON : Ouais…
PIERRE BROCHANT : Eh bin li, ch'est parel, ch'est Juste.
FRANÇOIS PIGNON : …
Evidemmint, ch’est beaucop miux aveuc le son et l’imache ! In n’s’in lasse pos !
http://www.youtube.com/watch?v=LEoG...

221. noléon le lundi, octobre 14 2019, 22:04

Octope aveuc ed'z'éclairs ....pas d'hiver! Octope! l'mos des geucques et des nosettes !
Octope qui fait risette in s'met in quémisette !Pwêtt! pouêt !!

222. M☼zinpeƒ le mardi, octobre 15 2019, 06:31

Bin ouais, i z'avottent annoncé d'z'oraches mais dins min coin, ya eu d'z'éclairs tout l'soir, mais pos un cop d'tonnerre, pos eune goutte d'iau; Tint miux!
Là, j'm'in vas arcacher après des biaux cèpes d'Bordeaux dins l'forêt d'Mormal.
Dèjà 10 kgs edpuis 1 mois; Très bonne année!
http://www.rustica.fr/articles-jard...

223. M☼zinpeƒ le mardi, octobre 15 2019, 06:40

"Que d'chère" qu'in dit du côté d'Camaracum!

224. noléon le mardi, octobre 15 2019, 07:07

EXCELLINTE idée!!!l'odeur fraîque des sous-bois implit les poumons et arpose el' tiête !Quind té rintes dins un bos ou forêt ;tout d'un cop té t'sins ailleurs !Té là, tout seu' et t'as l'impression qu'tout est à ti !!!Et l'peu qu't'es eune miette observateur t'as in puss comme cadeau d'la nature les couleurs d'automne avec ses feuillaches qu'in n'vot qu'eune fos dins l'année! Fantastique!!!

225. ★ Galibot-Les-Bons-Tuyaux ★ le mardi, octobre 15 2019, 09:52

Bin, mi j'ai pos querre les champignons ! J'ai jamais aimé cha. J'supporte les champignons d'Paris dins l'boeuf bourguignon, ch'est tout !
Ya quèques semaines, m'bielle-soeur nous avot invités et ale nous avot fait des trompettes de la mort ! J'ai failli vomir in mingeant cha !
Ah si ! J'aime bin les morilles ! J'ai découvert cha dins l'Jura. Un bon poulet aux morilles à la crème et au vin jaune, ch'est délicieux !

226. ★ Galibot-Les-Bons-Tuyaux ★ le mardi, octobre 15 2019, 09:55

Dictons du 15 octope :
-A l’sainte Thérèse (d'Avila), souvint neiche à s’n’aise.
-Souvint Sainte Thérèse nous apporte un tiot été, mais surtout gardinier, ne va pos te déshabiller.
-Souvint au 15 octope, l’temps s'apaise, car ch'est l'été de l’sainte Thérèse.
-La gelée de Sainte Thérèse met les vignerons mal à l'aise.
-A la sainte Aurélie, les semailles sont finies.
-Le bon semer est quinze jours avant Toussaint et quinze jours après.
-Au mos d’octope, fumez bien, l’tierre produira bien.

227. ★ Galibot-Les-Bons-Tuyaux ★ le mardi, octobre 15 2019, 10:05

Sainte du 15 octope :
Sainte Thérèse, Fondatrice du « Carmel déchaussé » (I marchottent à pieds décaux, sûremint ? ) mourut le 4 octope 1582 au soir et fut enterrée 11 jours plus tard, le 15 octope !!! Et pourquo 11 jours pus tard ? J’vous laisse arcacher ! Faut bin respecter la thématique !

Un tiot peu d’réflexion et vous trouverez l'réponse ! In a d’jà parlé d’cha su ch’blog !
.
In l’interra mais même morte, ale sintot trop bon ! I parait qu’ale sintot l’odeur céleste ! J’vos pos à quo cha peut arsanner ?
Donc, in la déterra et in la copa in tiots morciaux pour in faire des reliques qu’in distribua par chi, par là ! In li copa l’main gauche pour in faire cadeau aux Carmélites déchaussées de Lisbonne. In copa l’bras gauche qui fut laissé à Albe. Un d’ses pieds fut trinsporté à Rome et plaché dins l’couvent de Sainte Marie de la Scala. Puis, in fit cadeau d'un dogt de l’main à Elisabeth de France, femme de Philippe IV, roi d'Espagne qui in fit cadeau à la reine Marie de Médicis (I z’avotent de drôles d'idées pour s’faire des cadeaux, à l’époque ! ). Mais cha n’a pos dû li plaire car ale le donna au monastère des Carmélites de Paris.
Le Carmel de Bruxelles prit possession de sin chinquième dogt et aussi d'une bielle relique : eune clavicule. L'index de l’main droite s’troufe au couvent de Regina Coeli à Rome. Un aute dogt est chez les carmélites de Séville. D’autes restes furent portés au monastère Saint Joseph à Avila. Et tout l’reste, in n’sait pos ! Que peuzeule s’il avot fallu la reconstituer telle la créature de Frankenstein !

228. ★ Galibot-Les-Bons-Tuyaux ★ le mardi, octobre 15 2019, 22:25

"Sainte Thérèse... mourut le 4 octope 1582 au soir et fut enterrée 11 jours plus tard, le 15 octope !!! Et pourquo 11 jours pus tard ? J’vous laisse arcacher !"
Apparemmint personne n'a arcaché vraimint ou bin z'avez arcaché mais pos treuvé l'solution !
J'sus déçu....
Donc, j'vas donner la réponse !

Sainte Thérèses est morte le 4 octope qui
est l’dernier jour du calendrier Julien,et le lindemain, ch’est le 15 octope, premier jour du calendrier Grégorien, le nôtre.Ya 10 jours qui se sont perdus dins l'quingemint d'calindrier ! In réalité, ale a donc été interrée el lindemain de s'mort même si ya 11 jours calendaires intre s'mort et s'n'interremint !
CQFD
J'intinds d'ichi la foule crier : "Merci Galibot de tes bons tuyaux !!! Ch'est ti l'meilleu ! Bravooooo !" . .

229. M☼zinpeƒ le mercredi, octobre 16 2019, 07:29

T'aros dû dire:
-La foule "en liesse"!
Te devros t'présinter à chés prochaines élections "munies d'ses poils", à Quimbrai, l'année prochaine.
T'es tellemint populaire, que t'es sûr d'passer au 1er tour!

230. ★ Galibot-Les-Bons-Tuyaux ★ le mercredi, octobre 16 2019, 10:56

"Te devros t'présinter à chés prochaines élections "munies d'ses poils", à Quimbrai, l'année prochaine."
Cha, ch'est eune bonne idée !
comme slogan, j'pourros dire :
"Votez Galibot ! Ch'ti kivoufaut !"
Obin :
"Votez Galibot, ch'est ch'plus biau des kimberlots !"
Ch'est sûr que j'passerai non pos haut-la-main mais haut-les-mains !

231. ★ Galibot-Les-Bons-Tuyaux ★ le mercredi, octobre 16 2019, 10:57

Dictons du 16 octope :
-Le vin de saint Gall n'est jamais un régal.
-Pou l’saint Gall, l’rojin fait du mauvais vin.
-Si saint Gall cope le rojin, mauvais signe pou l’vin.
-Si saint Gall cope le rojin, in hiver, ch'est un vrai régal. (Faudrot savoir !)
-Cope tin chou à la’saint Gall, in hiver, ch'est un vrai régal.
-A l’saint Gall, première chute de neiche.
-Quind de saint Gall arrive l'heure, les pommes doivent ête dins l’sac et l’vaque à l'étable demeure.

232. ★ Galibot-Les-Bons-Tuyaux ★ le mercredi, octobre 16 2019, 11:01

Saints du 16 octope :
-Saint Léothade, évêque d'Auch a appartenu à la famille de Charles Martel. Il a laissé en héritage : S’mâchoire inférieure avec 13 dints - 24 côtes et le sternum - l'os hyoïde - la partie supérieure du larynx - deux clavicules - deux omoplates - 24 vertèbres - l'humérus droit, le cubitus et le radius droits - l'humérus gauche - les deux fémurs avec les deux rotules - le tibia et le péroné droits - les deux calcaneum et plusieurs oches du tarse, du métatarse et des ortels - quèques oches du carpe, du métacarpe et des dogts. Les héritiers doivent ête contints !
-Saint-Gall est le protecteur des zoziaux, des glaines et des oies.
-Saint-Gérard Majella est l’protecteur des femmes enceintes et d’l’infant qu’ales portent.
-Saint-Maimboeuf étot invoqué pour la protection du bétail (patronache découlant d’eune déformation de sin nom « main sur le bœuf » )
-Saint Mommolin de Constance est parti avec des amis évingéliser les habitants du Pas de Calais. Saint Omer, évêque de Thérouanne, y étot déjà et les accueillit in les installant sur eune colline qui s'appelle core aujord'hui "Motte de Saint Mommolin". Ils y passèrent huit années puis se fixèrent dins un domaine qui se situot sur les bords de l'Aa et qui s'appelot Sithiu.
-Saint Mommolin est l’patron des bègues, sins doute à cause de sin nom !

233. noléon le mercredi, octobre 16 2019, 11:51

Nous y voilà!!!Sans bébégaiement !!!!
Galibot;tout chu qu'il écrit;bin souvint ch'est des apocryphes!!mêhh comme il est capiteux et souvint in alacrité in n'peut pos li in vouloèr!.....

234. noléon le mercredi, octobre 16 2019, 11:56

...parfos dins ses dichotomies et autres contrepets,i' d'vient coruscant(i' brille fort); diligent;et nous met in exhalaison!!
I'est aussi souvint un trop exhaustif....!
mais n'dit-on pos qué tout cha ch'est des qualités irréfragables dins leur sérendipité!...A vous d'juger !

235. M☼zinpeƒ le mercredi, octobre 16 2019, 15:41

Noléon: T'aros pos un décodeur,des fois?

236. noléon le mercredi, octobre 16 2019, 17:28

In informatique effectiv'mint j'ai fait eune zique ed' décodage avec l'adgèpe ed' BOOLE !des trucs à cobinaisons multipes et final'mint m'in suis lassé!! Bref! comme dijot "Pépin" le décodache ch'étot d'jà obsolète donc ej' sus erparti à mes sources naturelles :l'déco..art!Des cops in dit mais l'artificiel n'rimplach'ra jinmais l'naturel!!

237. M☼zinpeƒ le mercredi, octobre 16 2019, 17:37

Ah ouais, vu comme cha, tout d'suite ch'est plus clair; In comprind miux!

238. noléon le mercredi, octobre 16 2019, 17:38

...mais BON !! chacun sa spécialité !et ses goûts ! IN déco d'art à m'n'âge et à l'insu d' BILL GATES j'ai pris un bia pseudo: Léonard TISTE pou' infin parvénir à la postérité !

239. ★ Galibot-Les-Bons-Tuyaux ★ le mercredi, octobre 16 2019, 21:40

Tout c’que té dis noléon, n’est pos un amphigouri et ch’est loin d’être abscons. Ch’est compendieux. Cha irradie eune nitescence qui nous laissera un souvenir immarcescible !

240. ★ Galibot-Les-Bons-Tuyaux ★ le mercredi, octobre 16 2019, 22:31

Tiens, ch'midi, in est allés dins un excellint restaurint à Kimbré. J'vous l'conseille ! Cuisine ch'ti, super accueil et pos ker ! Cha faisot des années qu'j'avos pos mingé des frites aussi bonnes !
Kimberlotte connot pétête ?
http://www.tripadvisor.fr/Restauran...

241. ★ Galibot-Les-Bons-Tuyaux ★ le jeudi, octobre 17 2019, 09:40

Dictons du 17 octope :
-Quind Baudouin cope le rojin, ch'est mauvais pou l’vin mais bon pou l’chou :Tout l'hiver, t’in auras l’goût.
-Intre Saint Firmin (11 octobre) et Saint Baudouin, artourne tin gardin
-A l’saint Ignace (d'Antioche), l’iau est de glace.

242. ★ Galibot-Les-Bons-Tuyaux ★ le jeudi, octobre 17 2019, 09:44

Sainte du jour :
Sainte Marguerite-Marie (fêtée le 16 ou le 17) :
Les bonnes soeurs de l'époque la prenotent pour eune tarée, ou au moins pour eune personne bizarre.
Alle détestot l’fromache. Ch'étot eune vraie maladie : la tyrophobie. Un jour, in lui en servit et après l'avoir mingé par obéissance, ale tomba malate pindint 3 jours.
Surmontant sin dégoût, ale se força à minger du fromache et, pindint 8 ans, ale tombot malate pour 3 jours à chaque fos. A ch’régime, ale étot maique comme un clo !
Un jour qu'elle puisot de l'iau au puits, l’manivelle lui écappa et vint la frapper à l’mâchoire. Ale tomba, les dints fracassées et des morceaux de gencives qui lui sortotent de l’bouque.
Ale s’arleva aussi sec et toudis calme, deminda à ses collègues d'aller arcacher des cisiaux pour coper les lambeaux d’chair pindantes. Ales furent tellemint effrayées qu'ales se sauvèrent. Qu'à ch’la n’tienne, Marguerite-Marie prit les cisiaux et s’les copa elle-même comme s'il s'agissot de morciaux de tissus.
Quind ale s'occupot des malates, ale ne supportot pos la moindre saleté à tel point qu'un jour, ale absorba le vomi d'un malate. Bon appétit !
Pos étonnant, aveuc tout cha, qu’ale mourut à 42 ans.

243. M☼zinpeƒ le jeudi, octobre 17 2019, 09:59

"D'io à s'bouque"
J'connos! route de Douai. Ya un canal juste à côté J'y ai été ya 4 ou 5 ans, et ch'est vrai que cha m'avos bien plu. Décor rustique. I m'simbe bin que j'avos pris eune carbonade aveuc des frites et j'm'avos bin régalé!
Et ch'etot pos trop quer

244. noléon le vendredi, octobre 18 2019, 07:41

Près de l'gare ed' kimbré nous in va à "LA FLAMBEE"minger l'saumon fumé et l'magret d'canard cuit à point et bin rosé.Eul' personnel et l'garchon sont formidapes;i' nous salutent comme chi qu'in étot des rois!!In ira 'cor !

245. ★ Galibot-Les-Bons-Tuyaux ★ le vendredi, octobre 18 2019, 09:14

J'vas pos souvint au restaurint, mais j'sus preneur des bonnes adresses !

246. ★ Galibot-Les-Bons-Tuyaux ★ le vendredi, octobre 18 2019, 09:18

Dictons du 18 octope :
-A l’saint Luc, la pleufe est au vallon et la neiche est su l'mont.
-A l’saint Luc, l’betterafe devient chuque.
-Si la saint Luc est pluvieuse, la fin d’l'an est malheureusse.
-A l’saint Luc, ne sème pus ou sème dru.(car peu d'grains lèveront)
-A l’saint Luc, i faut semer que l’tierre seuche molle ou dure.
-A l’saint Luc, tue tes pourchiaux et bonbonne bien tes tonniaux.
-A l’saint Luc, les châtaignes tombent du perchoir.
-A l’saint Luc, termine ton emblavure (tierre insemincée) ch'est l’meilleur des trucs pour qu’ale ait bonne tournure.
-A l’saint Aimable, la carotte est sous la paille.
-A l’saint Aimable, la carotte est délectable.
-Saint-Luc est l'patron des artistes peintres, des relieurs, des bouchers, des médecins, des vitriers, des orfèvres qui travaillent l’or, des notaires, des sculpteurs, des fabricants d’vitraux, des chirurgiens et des hommes célibataires. Les hommes qui souffrent d'impuissance peuvent solliciter son aide ! Et LUC est l'anagramme de CUL, faut pos l'oblier !

247. noléon le vendredi, octobre 18 2019, 10:32

Ch'est comme Léon !pa' l'invers cha fait Noel !i'in a d'autres bin seûr comme ce héros de BD:" Bob "!dins un gag!

248. M☼zinpeƒ le vendredi, octobre 18 2019, 11:27

Ya core miux qu'cha comme palidrome:
- "leon a rasé césar à noel"
Lis le à l'invers!

249. noléon le vendredi, octobre 18 2019, 11:55

Ave! Mozinpef!ceux qui n'ont pus d'caveux te saluent !...
Parfos in s'déminde si i'faut mette l'adjectif avint le nom ou bin l'inverse!

Eximpe: l'lent ver ou bin "l'ver lent !?

250. ★ Galibot-Les-Bons-Tuyaux ★ le vendredi, octobre 18 2019, 11:59

"paliNdrome" !
Et ch'ti làl :
"Luc notre valet alla te laver ton cul !"

251. noléon le vendredi, octobre 18 2019, 14:42

AH!...Ch'est très spontané in c'momint!!D'main i'est Samedi !

252. noléon le vendredi, octobre 18 2019, 21:11

Y'a que'ques jours il étot fortémint question de " saint gall" !In arcachant dins la bible à l'bibliothèque municipale j'ai su sin prénom! ses potes familièr'mint disotent ;Salut Martin !ch'est vrai qu'in apprécie miux d'être app'lé par sin prénom qu'par saint nom !!

253. noléon le vendredi, octobre 18 2019, 21:11

254. noléon le vendredi, octobre 18 2019, 21:14

ZUT !J'ai doublonné ! cha m'est égal!

255. ★ Galibot-Les-Bons-Tuyaux ★ le vendredi, octobre 18 2019, 21:58

"cha m'est égal!"
Cha m'fait pinser eune canchon du groupe belche Sttellla:
"Tout ça m'est égal
Qu'il reste ou qu'il s'en aille
Tout ça m'est tergal
Qu'il veste ou qu'il chandail"

256. ★ Galibot-Les-Bons-Tuyaux ★ le vendredi, octobre 18 2019, 21:59

"ZUT !J'ai doublonné !"
In t'escuse : pour eune fos qu'cha t'arrive !

257. ★ Galibot-Les-Bons-Tuyaux ★ le samedi, octobre 19 2019, 10:53

Dictons du 19 octope :
-A l’saint René, couvre tin nez !
-Pou l’Saint René, des vêtemints cauds t’armets.
-S'il pleut à l’saint René, cueille beaux cèpes et ~~beaux laids~~ bolets.
-Quind les guernoulles coassent, point de gelées ne menacent.
-Frod d'octope tue les chenilles et les micropes.
-Sainte Frideswide, dins le Pas-de-Calais, est vénérée sous l’nom de Frévisse.
-Le 19 octope 1985, nous quittot Jean Mineur. Né à Valenciennes, pionnier de l'publicité et du cinéma publicitaire in Frince. Son agence de publicité étot symbolisée par le célèbre personnache du « Petit Mineur ». Cha m’rappelle des souv’nirs quind j’allos au cinéma quind j’étos tiot… :
http://www.youtube.com/watch?v=feET...

258. noléon le samedi, octobre 19 2019, 13:02

J'avos un pote sin prénom ch'tot René!l'problinme à li ch'est qu'il étot comme Cyrano...il avot un greu nez!!Alors pou' s'moquer certains disotent:"Salut greuné!cha n'i' faijot pos plaisir !

259. ★ Galibot-Les-Bons-Tuyaux ★ le samedi, octobre 19 2019, 17:51

Au fait, j'avos mis un jeu des 7 erreurs (com 199 du 10 octope !)
Ya personne qui a répondu ! Z'avez pos treuvé ?
In vot que Kimberlotte est trop occupée aveuc sin fechtival pour pouvoir répondre !
D'habitute, ale gagne haut la main ! Profitez-in les hommes !
J'rappelle qu'ya un biau cadeau à gagner !
http://nsm09.casimages.com/img/2019...

260. ★ Galibot-Les-Bons-Tuyaux ★ le samedi, octobre 19 2019, 17:56

Brin ! Ch'lien i n'marche pus !
J'vas aller arcacher m'photo et j'l'armets :
http://nsm09.casimages.com/img/2019...

261. noléon le samedi, octobre 19 2019, 22:28

J'avos un copain ;SIMON ! pis in s'a perdu d'vue!j'savos vagu'ment qu'i' étot perti dins l'Eure!pis un bia jour j'archeus un courrier !! ch'étot Simon qui m'trinsmettot toutes ses amitchiés!!et à la fin dé s'lette i' m'dit;" té peux m'écrire j'ai mis min adresse au cul dé l'lette!!!d'fell'té j'ertourne l'inv'loppe ! il l'avot bin noté:SIMON CUSSONET

   TOREL  
   EURE

262. ★ Galibot-Les-Bons-Tuyaux ★ le dimanche, octobre 20 2019, 10:44

Et mi, j'ai archu eune lettre de Claire DELUNE à Maubeuge !
Et eune aute de Adémar HOKAR de Tours !

263. ★ Galibot-Les-Bons-Tuyaux ★ le dimanche, octobre 20 2019, 10:45

Dictons du 20 octope :
-A l’a sainte Adeline, lintemint, mais sûremint l'hiver quemine.
-A l’saint Vital, pleufe et gel font tout l’mal.
-A l’sainte Irène (de Tomar), s’il fait biau, y aura moins d’vin que d’iau.

264. noléon le dimanche, octobre 20 2019, 11:26

L'patronyme TICHAUX est très prisé dins note coin!Recemment eine jone famile portant ce nom vient d'avoir un garchon à l'maternité d'kimbrai ils l'ont prénommé Abélard !

265. ★ Galibot-Les-Bons-Tuyaux ★ le lundi, octobre 21 2019, 11:11

Dictons du 21 octope :
-Sainte Céline blinchit l’colline.
-A l’saint Ursule, l'été d'un pas arcule.
-A l’saint Ursule, l’temps parfois est un tiot printemps.

266. ★ Galibot-Les-Bons-Tuyaux ★ le lundi, octobre 21 2019, 11:17

Comme personne n'a treuvé l'jeu des 7 erreurs, v'là la solution. L'prochaine fos, j'ferai un jeu plus facile ! Pourtint, j'trouvos qu'ch'étot fastoche, qu'même un infant d'chinq ans arot pu treuver !
http://nsm09.casimages.com/img/2019...

267. ★ Galibot-Les-Bons-Tuyaux ★ le lundi, octobre 21 2019, 11:22

Tiens, cha m'rappelle eune histoire:
Ch'est deux blondes qui discutent. Y in a eune qui dit à l'aute :
- J'viens d'finir d'assimbler min peuzeule !
- Ah ouais ? T'as ms combin d'temps ?
- Bin, 6 mos !
- T'in a mis du temps !
- Mais pos du tout ! J'ai fait cha très vite ! Su l'boite, ch'étot écrit "de 3 à 5 ans" !

268. ★ Galibot-Les-Bons-Tuyaux ★ le mardi, octobre 22 2019, 10:15

Dictons du 22 octope :
-A l’saint Vallier, faut qu'i y ait du bos au bûcher.
-A l’saint Vallier, l’charrue sous l’poirier ; La Toussaint venue, quitte la charrue.
-Le laboureur, à l’saint Vallier ringe sa charrue sous l’fumier.
-A saint Modéran, cornalles plein les camps.
-Au jour des saintes Maries, laboure avec énergie.

269. ★ Galibot-Les-Bons-Tuyaux ★ le mardi, octobre 22 2019, 10:19

Bon, comme ya pos franmint d'dictons aujord'hui, v'là eune tiote histoire !
3 copains discutent :
L’un dit :
-Hier soir, j'ai massé m’femme aveuc de l'huile aromatique, puis in a fait l'amour tellemint intensémint qu'ale a hurlé pindint chinq mineutes !
L’deuxième qui intind cha, répond :
-Ouais, pos mal ! Hier soir, mi aussi, j'ai massé m’femme aveuc du pur burre de cinse . Après, in a fait l'amour tellemint fort qu'ale a hurlé pindint 15 mineutes !
Cafougnette intervient à sin tour:
-Mi, j’ai massée m’femme aveuc du chocolat !!! Insuite in a fait l' amour et ale a hurlé pindint 3 heures !
Les deux autes, curieux et stupéfaits :
- Mais commint qu’t’as fait pour qu'ale hurle pindint 3 heures ?
- Bin…j'ai essuyé mes mains sur les rideaux !

270. ★ Galibot-Les-Bons-Tuyaux ★ le mardi, octobre 22 2019, 10:21

"franmint"
"granmint", ch'est miux !

271. ★ Galibot-Les-Bons-Tuyaux ★ le mercredi, octobre 23 2019, 09:14

- Dictons du 23 octope :
-A l’saint Séverin, cauffe tes reins.
-Saint Séverin amène les premiers frods.
-Séverin et ses coquins font tout geler sur les quémins.
-A l’saint Jean d'automne, arpiquez avant l’soleil levé.
-A l’saint Jean d’automne, verjus pendant vaut argent comptant.
-De glands tin porc sera dépouillé, si pour saint Jacques tin toit est mouillé.
-Saint Jacques serein, hiver chagrin.
-Quind les oignons ont tros pelures, attention à l’frodure.

272. ★ Galibot-Les-Bons-Tuyaux ★ le mercredi, octobre 23 2019, 09:20

Saints du 23 octope :
- Saint Jean le Bon faisot tous les carêmes. V’là c’qu’i mingeot :
Eul premier jour, 100 grammes ed pain : Ch’est pos grinmint, mais cha va cor’.
Eul deuxième jour, quatre tiges de persil frites dins l'huile : Ch’est un repas gastronomique !
Eul trosième jour, sept fèves cuites ! Ch’est bombance !
Puis il arcomminchot !
Avec les restes qu'il laissot, il parvenot quind même à payer un bon repas d’Pâques à ses frères ermites. In s’deminde commint !
In dit qu'il avot tros lits :
-L'un, fait de troncs d'arpes mal ajustés exprès;
-L’deuxième étot eune fosse qui étot plus profonde d'un côté que d’l'autre, pour qu’cha seuche bin inconfortape;
-L’trosième eune simple planque in bos. Jugeant que l’planche sur laquelle il dormot étot trop confortape, il se fit un lit d’feulles de houx bin piquantes !
Et avec tout cha, il mourut à l'âche de 98 ans.
.
-Ch’est aussi l’fiête des Bienheureuses martyres de Valenciennes. Quind leur couvent fut confisqué à l’Révolution frinçaise, ales se sauvèrent à Mons (in Belgique, qui n’existot pos incore) qui appartenot à l’époque à l’Autriche. Quind les autrichiens furent battus, ales furent arrêtées et condamnées à l’guillotine. Mais cha n’les effraya pos plus que cha, car ales montèrent toutes à l’échafaud in riant bin fort !

273. ★ Galibot-Les-Bons-Tuyaux ★ le jeudi, octobre 24 2019, 08:32

Dictons du 24 octope :
-Souvint à l’Saint Florentin, l'hiver laisse sin quémin.
-Au jour de l’saint Florentin, si té t’assis, l’frod craint.
-A l’saint Florentin, laboure aveuc entrain.
-Pleufe de l’Saint Florentin dure jusqu'au lind’main.
-Biau temps à l’saint Florentin, assure bielle récolte pour certains.
-Quind arrife l’Saint Magloire, vigneron sait c’qu'i peut boire.
-A l’Saint Regnobert mets les choux par tierre.

274. Kimberlotte le jeudi, octobre 24 2019, 22:06

In vot que Kimberlotte est trop occupée aveuc sin fechtival pour pouvoir répondre !
T'as raison, Galibot ! D'pis ein mos, i m'faudrot tros tiêtes, quate bras et des jours ed 48h ! L'esposition a c'minché sam'di 19. Ch'est ouvert tous les jours ed 14h à 18h. Ale est très réussie, et chés Sarthois i z'in sont su l'cul. Mais que boulot ! Et y a toudis des imprévus, des problèmes à régler... L'soir, j'ai ein' tiête comme ein' bouleusse ! Même pus l'timps ni l'courache ed lire chou qu'y a su ch'blog...
Au fait, Galibot, ch'est ein FesCh'tival !

275. M☼zinpeƒ le vendredi, octobre 25 2019, 06:14

Et mi, j'ai fait un A.I.T (accident ischémique transitoire) l'ouikaine passé.
Ch'est un mini AVC!
J'arrivos pu à parler, j'ai du ma à écrire correctemint, j'ai un eul qui brait toudis et j'salive gramin au coin de m'bouque.
J'ai fait un scanner,et mardi j'vas faire un IRM. in verra bin.
Là i m'a fallu 20mn pour écrire ch'messache, pasque j'me gourre dins chés touches.
D'après ch'médecin, cha va s'armette, mais va falloir du timps!
Qué brin!

276. noléon le vendredi, octobre 25 2019, 09:49

Courache à tizautes!tous mes souhaits d'bonne sinté à Mozinpef!! bonne continuation et m'n'admiration pou' tout l'dévouemint de Kimberlotte pou' s'n'asso'!Quant à mi j'prinds eine fin d'année sabbatique pou' raisons d'santé(troubles d'équilipe !dins m'prope mason!!A plus!j'ergrette ed'pos avoèr un plain-pied!!

277. ★ Galibot-Les-Bons-Tuyaux ★ le vendredi, octobre 25 2019, 12:02

Hé bé ! J'me sintos bin seul su ch'blog edpuis quèques jours. J'comprinds miux acht'heure !
Mais vaut miux un AIT qu'un AVC. généralemint, ya pos d'séquelles !
Bon courache à tout l'monte, alors !!! L'fin d'année va s'faire sur les g'noux !
Bin, mi j'ai passé ma matinée aux Urgences ! Hier après-midi, j'me suis tordu l'pied in taillant mes haies. J'ai pos dormi de l'nuit tellemint qu'j'avos ma et j'pouvos pus poser l'pied par tierre. Mais après radio, j'ai rin d'cassé !Juste un trauma sur l'oche du pied ! Cha devrot disparaitre dins quèques jours ! Mais étant donné que tout l'monte dins m'famile, s'est cassé l'pied ou l'gambe, chés dernières semaines, j'pinsos qu'j'avos fait parel !

278. ★ Galibot-Les-Bons-Tuyaux ★ le vendredi, octobre 25 2019, 12:05

V'là quind même, aveuc un peu d'retard les :
Dictons du 25 octope :
-A l’saint Crépin, les mouques voient leur fin.
-A l’saint Crépin, la pie monte au sapin.
-A l’saint Crépin, ramasse les coings.
-A l’saint Crépin, in a rentré l’bos, enfin.
-Soleil au jour de saint Hilaire, rintre tin bos pour l'hiver.
-S’il neiche à l’saint Hilaire, i fera frod tout l’hiver.
-A l’saint Hilaire, l’vin gèle dins l’verre.
-Qui file le jour de l’saint Hilaire est sûr de filer sin suaire.
-Si l’coq cante avant minuit, ch'est du brouillard ou de l’pluie.
-Saint-Crépin et Saint-Crépinien sont les patrons des artisans qui travaillent le cuir (tanneurs, cordonniers, selliers, gantiers, etc.).

279. noléon le vendredi, octobre 25 2019, 21:25

Merci à Galibot au nom d'min père:il a été cordonnier d'1945( j'avos tros ans) à 1952! insuite i'a ouvré à l'papét'rie d'Prouvy; chu qu'i' n'l'impêchot pos d'nous arsemm'ler nos cauchures si besoin étot!souvenir! souvenir !
Bon ouikaine .

280. Kimberlotte le samedi, octobre 26 2019, 00:26

L'sobriquet des habitants d'St Hilaire, ch'est "Culs in l'air" ! J'sais pos pourquo... Noléon, té l'sais pos, ti ?

281. noléon le samedi, octobre 26 2019, 07:55

J'sais qu'à Bermerain in dit "cul d'poulain " parc'qué les finmes sont réputées pour leurs formes avintageuses!!!A Honnecourt les "culs bagnés " car ils sont baignés par l'Escaut!Thun saint Martin :"les culs d'é"( d'eau)car les sources sont nombreuses!!

282. noléon le samedi, octobre 26 2019, 08:04

...Saint PYTHON les" culs d'caudron"là aussi in n'a jinmais su pouquo qu'i' disot'nt cha !!A saint Hilaire j'ai pos trouvé non pus!!?c'pindant in peux dire que tout cha vénot des rivalités intre villaches artransmis d'familles in familles ed' pus l'quatorzième sièque et ch'étot in minme temps leurs distractions !!!

283. noléon le samedi, octobre 26 2019, 08:16

Nota:intre Saint-Aubert et Villers(Villeu)les Villerois disotent aux Aubertois:Saint Aubert" culs en l'air",papillotes culs d'marotte(poupée)alors les autres lançaient:Villeu culs troeus!!!Intre Maretz et Bertry ch'étot pos mieux:Cheux d'BERTRY diso'nt "A Maretz les culs frais"....

284. noléon le samedi, octobre 26 2019, 08:27

Intre Rumilly et Masnières l'opposition étot proverbiale:les seconds disotent:Rumilly: tiêtes ed' kien!!!les autres répliquotent":Masnièros tiêtes ed' sot,fous tin cul dins les piquots"(épines)...

285. ★ Galibot-Les-Bons-Tuyaux ★ le samedi, octobre 26 2019, 10:39

Dictons du 26 octope :
-A l’saint Amand, sont mûrs les glands.
-Bise et grind vint à saint Amand font mal au froment.
-A l’saint Dimitri, l’frod est bin pris.
-A l’saint Dimitri, ardouble la pluie.
-A saint Evariste, jour de pleufe, jour triste.

286. noléon le dimanche, octobre 27 2019, 06:39

A sainte Emeline;vite!!!capuche et pèlerine vlà la pluie fine !!! et y a aussi pou' braire ;faut cor canger d'horaire !!!
bon Diminche !!

287. noléon le dimanche, octobre 27 2019, 08:56

...En ligue 1:LILLE-BORDEAUX 3-0 !e' vlà d'quoi continter Mozinpef !

288. M☼zinpeƒ le dimanche, octobre 27 2019, 09:13

J'ai plus quère quind ch'est Lens qui wanne, mais bon, faut pos faire l'fine bouque, pasque l'semaine qui s'annonche ale va pos ête folichonne:
-Mauvais timps,
-Quingemint d'heure,
-Allo ouine,
-Fiête des morts.....
Qué biau programme!

289. ★ Galibot-Les-Bons-Tuyaux ★ le dimanche, octobre 27 2019, 10:40

Dictons du 27 octope :
-A l’sainte Antoinette, la neiche s'apprête.
-A l’sainte Emeline, jornée de bruine.
-Gelée de sainte Emeline tue la vermine.
-A saint Evariste, jour de pleufe, jour triste.
-A l’saint Didier (d'Auxerre), i fait bon fessorer !
Mais quo qu’cha veut dire « fessorer » ? allez-vous m’deminder !
Hé bin, ch’Galibot i va vous l’dire ! Fessorer, ch’est utiliser un fessoir qui est un outil qui sert à écobuer ! Voilà ! Ch’est-y pos formidape m’n’esplication lumineusse ?
Voilà ! J’sus contint d’vous avoir appris quetcosse aujord’hui !

290. ★ Galibot-Les-Bons-Tuyaux ★ le dimanche, octobre 27 2019, 10:45

"l'semaine qui s'annonche ale va pos ête folichonne"
Pour armonter l'moral, v'là eune tiote histoire !
La DGSE dot recruter des nouvielles espionnes, des agentes de Top Niveau pour la lutte contre le terrorisme, des femmes au coeur d’acier, impitoyapes…
Après eune lonque et rigoureusse sélection, 3 candidates sont toudis dins la course. Pour l’ultime test, in plache les femmes, chacune devint eune porte métallique, et in leur remet un pistolet.
– Quelles que soient les circonstinces, in veut s’assurer qu’vous allez suivre nos instructions. Derrière chaque porte, ya eune personne ligotée sur eune cayelle, et vous devrez l’abattre aveuc ce pistolet.
(Evidemmint, ch’est un test : les pistolets sont chargés à blanc !)
Les 3 femmes intrent dins les pièces. Les portes s’arferment…
La première candidate ressort immédiatemint:
– Mais ch’est min mari!!! Vous voulez que j’tue min mari ?? Cha, jamais !
– Alors, désolés, vous êtes refusée !
Parel pou l’deuxième candidate ! Au bout de 2 mineutes, ale sort de l’pièce, les larmes aux ziux.
– J’peux pos ! Ch’est min mari. J’ai pointé l’arme, mais j’peux pos…
– Alors, désolés, vous êtes refusée !
Dins l’trosième pièce, la candidate est toudis dins l’cellule. Soudain, in intind tros coups d’feu répétés. Puis un silince… Puis tros autes cops d’feu…! Puis un grand, grand silince….
D’un cop, l’ fille pousse la porte violemmint et lance in criant:
– Cha y est ! Mission accomplie ! Mais j’ai dû étranner min mari su s’cayelle ! Mais ch’est qu’ i voulot pos s’laisser faire ! Et tout cha, pasqu’y a un neuneu qui s’étot trompé et avot mis des balles à blanc !

291. noléon le lundi, octobre 28 2019, 07:00

...Après cha qui ch'est qui osera parler des finmes battues ???.....

292. ★ Galibot-Les-Bons-Tuyaux ★ le lundi, octobre 28 2019, 11:02

Dictons du 28 octope :
-Quind Simon et Jude n'apportent pos la pleufe, ale n'arrife qu'à l’sainte Cécile (le 22 novimpe).
-Quind saint Simon et saint Jude sont arrivés, souvint i portent la neiche à leurs sorlets.
-Quind saint Simon et Judas sont passés, l'hiver effectue sa rentrée.
-Quind in vot les mouques à l’saint Simon, les cinsiers peuvent canter eune canchon, l’ vin sera bon.
-A l’saint Simon, mouque vaut mouton.
-A l’saint Simon, l'évintail s’arpose.
-A l’saint Simon, les raves au timon.
-A partir de l’saint Simon, té peux semer tes melons.
-Rojin cueilli à l’saint Simon ne donne pos un vin bin bon.
-A l’sainte Simone, i faut avoir rintré ses pommes.
-A l’saint Dimitri l’frod est bien pris.
-A l’saint Rémi, cul assis.
-Saint Rémi l’mauvais temps comminche.
-A l’saint Rémi, tout perdreau est dev’nu perdrix.
-A l’saint Rémi, les perdreaux sont pris.
-A l’saint Rémi, de semer in dot avoir fini.
-Saint-Jude est l’patron des personnels hospitaliers. Il est invoqué pour les causes désespérées ou les causes oubliées.

293. noléon le lundi, octobre 28 2019, 12:22

C'matin j'ai aperchu deux rouches gorches dins l'pélousse; ch'est signe ed' frodure !

294. ★ Galibot-Les-Bons-Tuyaux ★ le lundi, octobre 28 2019, 18:33

Hier matin, j'ai vu aussi trottiner un rouche-gorche dins min gardin. Hier soir, il étot dins la gueule de min cat ! Il a réussi à l'attraper au vol ! Sale biète !
La veille, min cat avot tué eune grive musicienne, et l'avant-veille eune mésanche charbonnière ! Sale biète !
J'ai beau li dire qu'in peut pos tuer des zoziaux, i m'acoute pos !
I m'a aussi tué au moins 5 biaux merles noirs ! Et i s'attaque même aux pigeons !
Ya pus un oziau qui chiffle dins min gardin ! Sale biète !
A sa décharge, i m'a tué 4 gros rats, 5 ratons, eune douzaine de souris et mulots. Quint aux musaraignes, j'les compte pus !
Ah ! L'instinct de chasseur !
Sins compter tout c'que j'ai pas vu ! Mais souvint, i vient m'les apporter comme cadeau ! I ne les minche pos ! I préfère sa pâtée !

295. noléon le lundi, octobre 28 2019, 21:27

Ch'est un cas particulier tin cat!i'li faudrot eine catte poète; eine catte à strophes!!et pis si l'osiau i' trottine pa' d'vant l'cat ch'est pos normal!!!in principe i' sautille ...surtout l'rouche gorche réputé insaisissape !!!

296. ★ Galibot-Les-Bons-Tuyaux ★ le lundi, octobre 28 2019, 22:11

Puisqu'in parle ed cat, i faut s'poser les bonnes questions :
Quo qu’ch’est, un cat ?
– Les cats font c’qu’ils veulent.
– Ils vous obéissent raremint.
– Ils sont complètemint imprévisipes.
– Quind vous voulez vous amuser, i veulent être trinquilles.
– Quind vous voulez être trinquille, i veulent s’amuser.
– I s’attindent à c’que vous les nourrissiez jusqu’au moindre caprice.
– Ils ont l’humeur très variape.
– Ils laissent leurs poils partout.

Et ach't'heure, quo qu’ch’est, eune femme ?
- Mêmes réponses…

297. M☼zinpeƒ le mardi, octobre 29 2019, 07:15

T'as bin raison;
Un cat, ch'est aussi l'animal qui fait l'amour l'plus mal.....
Pasque: chat, la fout mal!

298. M☼zinpeƒ le mardi, octobre 29 2019, 07:46

Bonne fiête à min comarate Narcisse!
I s'arconnaîtra!

299. noléon le mardi, octobre 29 2019, 08:17

Chat ch'est vrai dirot Gelluck!avec CK !

300. ★ Galibot-Les-Bons-Tuyaux ★ le mardi, octobre 29 2019, 09:34

Dictons du 29 octope :
-A l’saint Narcisse, les mouches aux pêcheurs, les touches.
-A l’saint Narcisse, i s’peut que l’temps s'éclaircisse
-Neiche le jour de l’saint Narcisse, pou l’blé est un bénéfice.
-Quind à l’Saint-Narcisse, y a trop d’moucherons, pour le laboureur, ch’est pos bon.
-Octobre au coin du feu, fait venir le leu .
-Saint-Narcisse est connu pour avoir opéré un miraque in transformant de l’iau in huile ! Bof ! Même pos capap’ de trinsformer de l’iau in vin !
-Saint Bond (Rin à vir avec 007 et sin prénom n'est pas James !) est invoqué pour réunir les familes divisées ou quind l’cat est dins l’horloche pour un couple. Ch’est l’patron des thérapeutes familiaux ou des allocations familiales. Mais in l'invoque aussi pour calmer les coliques, les maux de dints et pour guérir les animaux.

301. ★ Galibot-Les-Bons-Tuyaux ★ le mardi, octobre 29 2019, 12:38

Chat alors ! J'ai cor' gagné l' 300ème commintaire !
I va cor'pleuvoir des cadeaux à n'pus savoir quo in faire !
Mincoin, j'veux pus d'boutelles ed champagne ! Aveuc tout c'que j'ai gagné m'cafe est pleine !
Un carton de 6 "Ch'ti grand cru" (75cl), cha m'plairot bien !

302. noléon le mardi, octobre 29 2019, 13:41

Régis j'dis rin mais fais quette cosse!!!..cha pète au cuir !il est in train d'te dévaliser!

303. Kimberlotte le mardi, octobre 29 2019, 15:10

Régis j'dis rin mais fais quette cosse!!!
L'seule solution, ch'est d'canger d'billet pus souvint, comme cha in arrife même pos à 100 commintaires !

304. noléon le mardi, octobre 29 2019, 17:24

BIN! ouai! i' nous faut un O O pour diriger l'bateau!

305. ★ Galibot-Les-Bons-Tuyaux ★ le mercredi, octobre 30 2019, 10:09

★Dictons du 30 octope :
-A l’sainte Bienvenue, eune chose mal venue est survenue.
-Si octope s'implit d’vint, du frod té pâtiras longtimps.
-Octope trop doux garde in vie les poux.
-Si octope s’fait froid, du vin caud té boiras.
.
★Saints du 30 octope :
-Sainte Bienvenue étot maso. Ale se mortifiot beaucop. Pour ne pos dormir, ale se mettot du vinaique dins l’oeul !
-Sainte Dorothée avot eune faim particulière pour l'hostie ! Ale se levot la nuit et attindot l'aurore afin d’pouvoir aller à l'église où ale aurot bin arraché l'hostie de l’main du prêtre si ale avot pu l’faire !

306. noléon le mercredi, octobre 30 2019, 13:44

Médor dit au cat qui trottinot par là: "Té veux un os ti?

307. ★ Galibot-Les-Bons-Tuyaux ★ le jeudi, octobre 31 2019, 09:06

Dictons du 31 octope :
-A l’saint Quentin, la caleur a sa fin.
-Pou l’saint Quentin, couvre-te les reins.
-A l’saint Quentin, queminée allumée, té seras bien.
-A l’saint Urbain, c’qui est à l’vigne est au vilain.
-Après l’saint Urbain, c’qui reste à l’vigne n’vaut rin.
-Quind d'octope vient la fin, Toussaint est au matin.
-Vilaine veille de Toussaint ne présage rin d’bien.
-L’vint souffèle les trois quarts de l'année comme il souffèle la veille de l’Toussaint.
-Quind octope prind sa fin, dins l’cafe est le rojin.
-À la fin du mos, blé semé, aussi tout l’fruit rinfermé.
-Saint-Wolfgang est l’patron des charpentiers et des gins paralysés. Il est invoqué pour la guérison des maladies d’estomac et pour éloigner l’risque d’ête victime d’eune crise d’apoplexie.

308. Kimberlotte le jeudi, octobre 31 2019, 09:32

Sainte Bienvenue étot maso
Ein' tiote histoire ed maso :
Ch'est ein maso qui dit à ein sado : "Fais-moi mal !"
Et l'sado répond : "Nooon !".

309. ★ Galibot-Les-Bons-Tuyaux ★ le jeudi, octobre 31 2019, 22:16

« L’artichaut, ch'est le légueume el plus sado-maso : D’abord in lui cope eul queue, insuite in lui arrache les poils, et seulemint après in lui bouffe le cul ! »
Coluche

310. noléon le vendredi, novembre 1 2019, 09:52

....et l'artifrod !!!!?Maestro !!!

311. ★ Galibot-Les-Bons-Tuyaux ★ le vendredi, novembre 1 2019, 10:15

Dictons du 1er novimpe :
-De l’saint Michel (29 septimpe) à l’Toussaint, laboure grand train.
-La Toussaint venue, laboureur, rintre ta charrue.
-De l’saint Léger (2 octope) à l’Toussaint, la boue va bon train.
-Vint de Toussaint, terreur de marin.
-Novimpe : Toussaint le comminde, Saint André (le 30) le vot déchinte.
-A l’Toussaint, l’froid arvient et met l'hiver in train.
-A l’Toussaint, sème tin grain.
-Pou l’Toussaint, laiche l'évental et prinds les gants.
-A l’Toussaint, manchons aux bras et gants aux mains.
-S'il fait soleil à l’Toussaint, l'hiver sera précoce.
-S'il fait biau à l’Toussaint, in n'a pus que tros jours pour rintrer de la tierre les biens.
-A l’Toussaint, comminche l'été de la saint Martin (le 11).
-S'il neiche à l’Toussaint, l'hiver sera frod.
-A l’Toussaint, la neiche est dins les camps ; A l’saint André (le 30), les ruisseaux sont gelés.
-Autant d'heures de soleil à l’Toussaint, autant de semaines à souffler dins les mains.
-De l’Toussaint à l'Avent, jamais trop de pleufe ni de vent.
-Intre Toussaint et Noël, ne peut trop pleuvoir ni vinter.
-Telle Toussaint, tel Noël et Pâques parel.
-Givre à l’Toussaint, Noël malsain.
-S'il fait caud le jour de l’Toussaint, i tompe toudis de l’neiche le lindemain.
-S’il fait caud à l’Toussaint, i pleut le lindemain. (Faudrot savoir ! I pleut ou i neiche ?)
-De la verdure incore à l’Toussaint, ch'est de l’neiche à Pâques.
-Quind Toussaint aura fleurs nouvelles, morte saison sera cruelle.
-Chti qui a tros fos sept ans ne laisse pos pou l’Toussaint ses pennetières dins les camps.
-A l’saint Lothain, si l’belette est blanque, rimplis deux fos ta remise de branques.
-A l’saint Mathurin, tire tin vin et laisse l'iau pou l’moulin.
-A l’Saint Mathurin, des fruits rouches ch'est la fin. (Ch’est pos vrai ! Mi, j’ai plein d’framboises dins min gardin ! Et cor’ des fraises !)
-Les maris peuvent adresser des prières à St-Mathurin pour supporter plus facilemint eune femme jalousse. (I dot ête vach’mint sollicité saint Mathurin !)
-

312. ★ Galibot-Les-Bons-Tuyaux ★ le vendredi, novembre 1 2019, 10:16

Comme ch'est le fiête de tous les saints, bonne fiête Saint Galibot !

313. noléon le vendredi, novembre 1 2019, 12:42

Bonne fiête !Saint Galibot!et tous ses saints martyrs des misos et autres masos !

314. Kimberlotte le vendredi, novembre 1 2019, 13:57

Mi, j'ai d'jà deux fiètes, l'18 févérier et l'16 avril. Aveuc el'Toussaint, cha fait tros !

315. M☼zinpeƒ le samedi, novembre 2 2019, 07:44

Pourquo l'16 avril??

316. ★ Galibot-Les-Bons-Tuyaux ★ le samedi, novembre 2 2019, 09:43

Dictons du 2 novimpe :
-La neiche le jour des Trépassés annonce un printemps insoleillé.
-Novimpe est l’mois des morts, si té n’veux pos mourir incore, habille-te plus fort.
-Novimpe caud au début, frod à la fin.
-In novimpe, i faut semer quind l’décours est arrivé.
-Qu'in ces jours el blé seuche semé, que l’fruit aussi seuche serré.

317. ★ Galibot-Les-Bons-Tuyaux ★ le samedi, novembre 2 2019, 09:46

"Pourquo l'16 avril?? "
Si t'avos l'calindrier d'Galibot, té sauros pourquo ! Ch'est là où in vot que l'calindrier des Postes a ses limites !

318. ★ Galibot-Les-Bons-Tuyaux ★ le samedi, novembre 2 2019, 09:49

Ch'est ichi : commintaire n°75 ! http://www.chblog.com/post/2019/04/...

319. Kimberlotte le samedi, novembre 2 2019, 11:44

"Pourquo l'16 avril?? 8-O"
L'16 avril, ch'est l'date normale, dins l'monde intier, pasqu'ale est morte l'16 avril 1879. Mais in Frince, ch'est le 18 févérier, pasque ch'est l' 18 févérier 1858 qu'eul Vierge Marie a dit à Bernadette : "je ne vous promets pas de vous rendre heureuse en ce monde mais dans l’autre".
Ch'étot l'mineute historique et mystique ed Kimberlotte !

320. noléon le samedi, novembre 2 2019, 20:57

M'grind'mère disot:"du bonheur in n'd'aura mais i' faut attinte "et ch'étot pos eine "miss TIC" quoique parfos ale avot des tocs !

321. ★ Galibot-Les-Bons-Tuyaux ★ le dimanche, novembre 3 2019, 09:58

★ Dictons du 3 novimpe :
-A l’Saint Hubert, les oies sauvaches fuient l'tierre.
-A l’Saint Hubert, les oies sauvaches fuient l'hiver.
-A l’Saint Hubert, qui quitte s’plache la perd.
-A l’Saint Hubert, tout s’libère.
-Si l'hiver va sin quémin, i comminche à l’saint Martin.
-Si la lune est à son croissant à l’saint Martin, ch'est le signe d'un hiver mou et pluvieux.
-À saint Martin bos l’bon vin, et laiche l'iau pou’ l’moulin.
-La pleine leune à l’saint Martin donne abondance de neiche.

-Si les rivières débordent avant l’saint Martin, ales sont toudis là ou in quémin.
-A l’sainte Ida, craint tiotes gelées et coups d’froid.
-S'il neiche à l’sainte Sylvie, le laboureur rit.
-In novimpe froid le laboureur à foi.
-Début d’novimpe in gelée casse les reins à l'hiver comminché.
.
★ Saints du 3 novimpe :
-Saint-Hubert est l’patron des archers, des travailleurs forestiers, des chasseurs, des mathématiciens, des métallurgistes, des fabricants d’instrumints d’précision et des trappeurs. Il est invoqué contre les morsures de kien, l’hydrophobie et pou l’guérison de l’rache.
-In invoque Saint-Pirmin pou s’débarrasser des serpints et de l’vermine.
-Ch’est aussi l’Saint Malachie. Et comme chacun sait, "bien Malachie ne profite jamais" !

322. Kimberlotte le dimanche, novembre 3 2019, 22:49

Su l'calindrier d'la Poste, Sainte Sylvie, ch'est l'5 novempe... J'dis cha, j'dis rin...

323. M☼zinpeƒ le lundi, novembre 4 2019, 07:05

Ouais, mais te sais bin, que ch'copain Galibot, i préfère sin calindrier à l'artourne, putôt que l'très officel calindrier d'la poste!
Mais sin calindrier yarot pû aussi souhaiter l'fiête a à chés gins là: Alaire, Allaire, Alpais, Alpaïs, André-Hubert, Bertie, Bertin, Bomer, Ermengaud, Ganaël, Guénaël, Guénaut, Gwenaël, Gwenaëlle, Hibert, Hibertin, Hilaire, Hilari, Hilarie, Hilary, Huberte, Hubertie, Hubertin, Ibert, Ibertin, Lavena, Lavinia, Marian, Mariano, Naamas, Papoul, Pirmin, Rowan, Rowena, Uber, Ubert, Vigor, Yvertin.

324. Kimberlotte le lundi, novembre 4 2019, 10:08

Vinguette ! Tout cha ! Et ch'est comme cha tous les jours ?

325. noléon le lundi, novembre 4 2019, 10:17

Ch'est inimaginape !!!!Y'a des noms qu'in n'vot pos: Belzébuth; Machiavel;Satanas;Diapazel;....Hallo!ouine!et j'in passe!...

326. ★ Galibot-Les-Bons-Tuyaux ★ le lundi, novembre 4 2019, 11:40

"Su l'calindrier d'la Poste, Sainte Sylvie, ch'est l'5 novempe... J'dis cha, j'dis rin..."
Mais ch'est cha l'problème ! L'calindrier des Postes n'est pos fiable ! J'n'arrête pos de l'dire !
Le 3 novimpe, ch'est bien la Sainte Sylvie ! Nom de diousss !!!
In fête aussi la Sainte Sylvie le 5 novimpe, mais ch'est eune fête locale !!!
Yaka raviser sur ce site officiel de l'Eglise Catholique :

http://nominis.cef.fr/contenus/sain...
Le Martyrologe romain (Martyrologium Romanum) est le martyrologe officiel du rite romain de l'église catholique romaine. Il liste les saints, bienheureux et martyrs reconnus comme tels par l'Église.

327. ★ Galibot-Les-Bons-Tuyaux ★ le lundi, novembre 4 2019, 11:50

"Ouais, mais te sais bin, que ch'copain Galibot, i préfère sin calindrier à l'artourne, putôt que l'très officel calindrier d'la poste!"
J'ai pos d'calindrier à l'artourne pasque je n'ai pas qu'un seul calindrier, mi !
Pour vous concocter mes dictons du matin, j' consulte 7 calindriers !!!
Cha m'prinds du temps tous les jours ! Mais quind in est artraité in a tout son temps !
Heureuz'mint que ch'Galibot i s'décarcasse pour vous délivrer la substantifique moelle quotidienne !
Et i s'fait cor' critiquer...

328. M☼zinpeƒ le lundi, novembre 4 2019, 11:51

Martyrologe?
Mi, j'sros œnologue, à la limite: Martinirologue...et incore..

329. ★ Galibot-Les-Bons-Tuyaux ★ le lundi, novembre 4 2019, 11:54

★ Dictons du 4 novimpe :
-A l’Saint Charles, la gelée parle.
-A l’Saint Charles, in aimerot bin qu'ale nous parle.
-Saint Félix et la Présentation amènent el frod pour de bon.
-A l’saint Amans sont mûrs les glands.
-Caleur de novimpe nuit fort.
-Novimpe, l’mos des brumes, récauffe par-edvant et arfroidit par derrière.
.
★ Saints du 4 novimpe :
-Saint Girard de l'oiselière, qui étot un drôle d’oziau puisqu’il étot, li aussi, un maso ! I décida d’vivre dins eune tiote cellule où il n’arrêtot pos d’braire. I portot un lourd collier d’fer à sin cou. Du collier pindot eune chaîne qui tenot eune lourde pierre. Il avot un silice garni de pointes ed fer et eune ceinture in fer. Sous les aisselles, il portot aussi un anneau d’fer. Ses cuisses in étotent cerclées. Il dormot sur un paquet d’joncs aveuc eune pierre pour oreiller. Il fit beaucoup de miraques. Il mourut en 1123 complètemint décharné et usé par l'ascèse qu'il s'imposot ! Pffff !
-Saint-Charles Borromée est l’patron des évêques, des catéchumènes, des séminaristes, des directeurs spirituels et des fabricants d’amidon ! J’vos pos l’rapport ! Il est invoqué pour la guérison des ulcères, des problèmes intestinaux et des maladies d’l’estomac.

330. noléon le lundi, novembre 4 2019, 11:58

Intre nous euh!à m'fraique connaissance el'martyrologe Hiéronymien ch'est l'pus incien et i' argroupe pus d'6000 noms d'saints dins leur calendar!!!
Léon l'arcacheux

331. noléon le lundi, novembre 4 2019, 12:00

J'sus cotint de vir que Mozinpef cha va miux!i'a des signes qui n' trompent pos !!

332. Kimberlotte le lundi, novembre 4 2019, 18:13

"A l’saint Amans sont mûrs les glands."
Ch'est équivoque, cha...!

333. noléon le lundi, novembre 4 2019, 18:39

Nan,nan!cha veut bin dire c'qué cha veut dire!!A la sainte Amandine attintion!!ah! l'épine !

334. ★ Galibot-Les-Bons-Tuyaux ★ le mardi, novembre 5 2019, 09:49

Dictons du 5 novimpe :
-Le chinq, té sauras quel mos t’auras.
-Sainte Elisabeth nous moutre quel bonhomme l'hiver sera.
-A l’sainte Elisabeth, tout c’qui porte forme n’est point bête.
-A l’Saint Zacharie, y a des corbeaux gris.
-S'il gèle à Saint Zacharie, l’paysan rit.
-In novimpe, si l’première neiche ne prind pos, de l'hiver ale ne prindra.
-Quind les berbis secouent leur cloque, la pleufe est proche.
-Quind l'iau sort au mos mort (novimpe) toute l'année, ale sort.
-Quind t’intinds la grive canter, rintre à t’majon pour t'abriter et rintre du bos pou’ t’cauffer.

335. noléon le mercredi, novembre 6 2019, 07:41

Saint Léonard i'est connu pou' avoir fait libérer des prisonniers au temps d' Clovis!Pour un taulard Saint Léonard est la solution!Insuite il a sauvé la vie d'une finme et d'l'infant dins un accouch'mint difficile par un miraque!Comme cadeau in li a donné eune pâture pou'li mette sin baudet!! incroÏabe !!!!Eune ville du Pas d'Calais porte sin nom et Léonard devint CHTI !!

336. ★ Galibot-Les-Bons-Tuyaux ★ le mercredi, novembre 6 2019, 10:08

Dictons du 6 novimpe :
-A l’saint Léonard, toute vermine part.
-Saint-Léonard est l’patron des épiciers, des marchands d’primeurs, des fromagers, des fabricants d’burre, des mineurs de carbon, des serruriers, des portiers, des gardiens d’sécurité, et des personnes captives (prisonniers et aliénés). Il est invoqué pour obtenir la libération d’eune personne captive, pour ête préservé des risques de cambriolache ou pour faire fuir les cambrioleurs mais aussi pour corriger un problème de bégaiemint et pour éviter d'avoir un accouchemint difficile.
-Saint-Winnoc est l’patron des meuniers. Il est invoqué pour obtenir la guérison de l’fièf’ et de l’coqueluche

337. ★ Galibot-Les-Bons-Tuyaux ★ le mercredi, novembre 6 2019, 10:55

Ch'est bien biau la Joconde de Léonard ! Mais nous, in a miux su ch'blog : Mona Lolotte ! http://nsm09.casimages.com/img/2019...

338. noléon le mercredi, novembre 6 2019, 11:28

Belle photo d'Mona Lisa au bia sourire angélique !Au fait !!!...Je m'déminde si Mona est dins l'calinderier officiel ed'La Poste ???

339. ★ Galibot-Les-Bons-Tuyaux ★ le mercredi, novembre 6 2019, 12:06

J'sais qu'Mona ch'est l'27 août car l'mère de m'bielle-soeur s'appelle Mona (ale est italienne) et ch'est aussi l'anniversaire de min frère !
Par contre, j'sais pos si ch'est dins l'calindrier de l'Poste ! Sûremint qu'y a Monique ! Faut d'minder au MECEP (Maîte Espécialisse du Calindrier ed la Poste !) bin connu su ch'blog !

340. Kimberlotte le jeudi, novembre 7 2019, 09:47

"Mais nous, in a miux su ch'blog : Mona Lolotte !"
Vos in avez de l'chince !

341. ★ Galibot-Les-Bons-Tuyaux ★ le jeudi, novembre 7 2019, 10:07

""Mais nous, in a miux su ch'blog : Mona Lolotte !" Vos in avez de l'chince ! "
In puss, Mona Lolotte est rigolotte (cha rime !) et a l'sourire moins énigmatique que chti d'Mona Lisa !

342. ★ Galibot-Les-Bons-Tuyaux ★ le jeudi, novembre 7 2019, 10:08

Dictons du 7 novimpe :
-A l’saint Ernest, ramasse les pommes qu'i t’reste.
-A l’sainte Carine, s'il ne pleut, il bruine.
-A l’saint Florent, l’courant est revigorant.
-A l’saint Florent, ch’est bien d’semer l’froment, mais sins perdre ed temps.
-A l’saint Florent, l'hiver s'in va ou arprend.
-S'il neiche à l’saint Florent, les récoltes seront in excédent.
-Souvint à l’saint Florentin, l'hiver lisse le quémin.
-Saint-Willibrord est invoqué pou l’guérison de l’épilepsie, des convulsions, des dartres et des inflammations de l’piau connues sous le nom de « feux sauvages » (autremint dit, des boutons d’fièf’ !)

343. noléon le jeudi, novembre 7 2019, 13:26

Aujord'oui ch'est sainte Karine au calindrier d'la poste!Eh! oui!!..car i' n' faut pos l'oublier! ch'étot eune belle finme qui a subi des violences ainsi qué s'n'homme et leur garchon au 4eme sièque!

344. Kimberlotte le jeudi, novembre 7 2019, 17:14

Ouais, et su l'calindrier d'la Poste, St Florent, ch'est l'4 juillet ! Mais comme y a ein' bonne douzaine ed St Florent, et donc ein' douzaine ed dates de fête de St Florent, Galibot et la Poste i z'ont raison tous les deux !

345. ★ Galibot-Les-Bons-Tuyaux ★ le jeudi, novembre 7 2019, 17:42

Ch’est qu’y in a des saints chaque jour! Ch'est difficile ed les mett’ tous ! Pour l'7 novimpe, v'là la liste :

Saint Agmer évêque de Senlis (VIIe siècle)
Saint Amandin (date ?)
Saint Amaranthe martyr dans le Tarn (IIIe siècle)
Bienheureux Antoine Baldinucci Jésuite à Pofi, au diocèse de Veroli (✝ 1717)
Saint Athenodore évêque de Néocésarée - Asie Mineure (✝ 269)
Saint Baud Evêque de Tours (VIe sècle)
Saint Blinvilet évêque de Vannes (Xe siècle)
Saint Congar abbé d'origine galloise (VIe siècle)
Saint Engelbert Archevêque de Cologne (✝ 1225)
Saint Ernest Abbé de Zwiefalten (✝ 1147)
Saint Florent de Strasbourg Evêque de Strasbourg (✝ v. 600)
Bienheureux Francois Palau y Querf fondateur des Instituts du Carmel (✝ 1872)
Sainte Gertrude de Remiremont 4e abbesse du Saint-Mont (✝ 672)
Saint Herculan Evêque de Pérouse (✝ 547)
Saints Hiéron, Nicandre, Hésyque et leurs compagnons martyrs à Mélitine en Arménie (IVe siècle)
Saints Hyacinthe Castañeda et Vincent Lê Quang Liêm prêtres dominicains martyrs au Tonkin (✝ 1773)
Saint Ké saint légendaire (Ve siècle)
Saint Lazare le Thaumaturge Ermite au mont Galision, près d'Éphèse (✝ 1054)
Bienheureuse Lucie de Settefonti (XIIe siècle)
Saint Pierre Wu Guosheng martyr en Chine (✝ 1814)
Saint Prosdocime évêque de Padoue (date ?)
Saint Raverein (✝ 682)
Saint Restitut aveugle de l'Évangil et premier évêque du Tricastin? (Ier siècle.)
Saint Ruf évêque de Metz (IVe siècle)
Saint Théodote (✝ 303)
Saint Trémeur (VIe siècle)
Saint Vincent Grossi Fondateur de l'Institut religieux des Filles de l'Oratoire (✝ 1917)
Et sins parler de tous les prénoms dérivés : eximples : Pour Karine : Caren, Carine, Karel, Karelle, Karen
Ch’est qu’cha in fait du monte tous les jours ! Mi, j’donne la priorité aux saints associés à un dicton et aux saints qui ont eu eune vie exceptionnelle, ou aux saints barjos ou masos !

346. ★ Galibot-Les-Bons-Tuyaux ★ le jeudi, novembre 7 2019, 18:04

"Mais comme y a ein' bonne douzaine ed St Florent, et donc ein' douzaine ed dates de fête de St Florent"...
Ch'est pos miux pour d’autes prénoms ! Par eximple, au hasard, prenons Léon ! Ch’est qu’y in a !
Léon(✝ 541)
Léon abbé de Mantenay (✝ 550)
Léon (IVe siècle)
Léon archevêque de Rouen (✝ 900)
Léon martyr en Lycie (IVe siècle)
Léon Confesseur, évêque de Catane en Sicile (✝ 787)
Léon ermite en Calabre (XIIe siècle)
Léon martyr à Ceuta (✝ 1227)
Léon de Thrace Empereur (✝ 474)
Léon Dehon fondateur de la Congrégation des prêtres du Sacré-Coeur (✝ 1925)
Léon et Parégoire de Patare martyrs (IIIe siècle)
Léon Ier abbé près de Naples en Italie (✝ 1079)
Léon II Pape (80e) de 681 à 683 (✝ 683)
Léon II abbé en Campanie (✝ 1295)
Léon III Pape (96e) de 795 à 816 (✝ 816)
Léon IV Pape (103e) de 847 à 855 (✝ 855)
Léon IX Pape (150e) de 1049 à 1054 (✝ 1054)
Léon le Grand Pape (45e) de 440 à 461 (✝ 461)
Léon Luc abbé de Corléon (✝ v. 900)
Léon Nowakowski prêtre de Wroclawek et martyr (✝ 1939)
Léon Wetmanski évêque et martyr (✝ 1941)
Léon, Joseph, Marie, Raphaël, Crescence...martyrs de la guerre civile espagnole (✝ 1936)
Léon-Ignace Mangin et Paul Denn jésuites français missionnaires, martyrs en Chine et leurs compagnons (✝ 1900)
.
Après, in a les noms dérivés d’ Léon :
Léonard ermite dans la région du Mans (VIe siècle)
Léonard Evêque d'Avranches et confesseur (✝ 630)
Léonard de la Cave abbé (✝ 1255)
Léonard de Noblat Ermite en Limousin (VIe siècle)
Léonard de Port-Maurice Frère mineur à Rome (✝ 1754)
Léonard du Dunois ermite près d'Orléans (VIe siècle)
Léonard Kimuro et ses compagnons, martyrs à Nagasaki (✝ 1619)
Léonard Murialdo prêtre fondateur de la Société de Saint-Joseph (✝ 1900)
Léonarda de Jésus Crucifié religieuse passionniste (✝ 1953)
Leonardo Pérez Larios martyr mexicain (✝ 1927)
Léonce Evêque de Saintes (✝ 640)
Léonce Martyr en Arménie (IVe siècle)
Léonce évêque de Césarée (IVe siècle)
Léonce évêque de Fréjus (✝ 433)
Léonce d'Achaïe ermite (Ve siècle)
Léonce de Jérusalem moine (✝ 1190)
Léonce de Rostov (✝ 1077)
Léonce de Tripoli Martyr à Tripoli (IVe siècle)
Léonce et ses compagnons martyrs sous Dioclétien à Pergé en Pamphylie (✝ 300)
Léonce l'ancien archevêque de Bordeaux (✝ v. 541)
Léonce le jeune Archevêque de Bordeaux (✝ v. 574)
Léone prêtre (IVe siècle)
Leonella Sgorbati religieuse missionnaire italienne martyre (✝ 2006)
Léonide Père d'Origène et martyr (✝ 204)
Léonide et 7 compagnes martyrs à Corinthe (IIIe siècle)
Léonide Féodorov martyr (✝ 1935)
Léonie Françoise de Sales Aviat religieuse fondatrice des Oblates de Saint François de Sales (✝ 1914)
Leonie Maria Nastal religieuse mystique polonaise (✝ 1940)
.
Et faut pos oblier Léon de Saulzoir ! Mais beaucop disent que ch’est loin d’ête un saint !

347. noléon le jeudi, novembre 7 2019, 18:22

Comme in connot ses saints;comme in les adore! Min prénom ch'est Gaston ! J'utilise Léon dins les grindes occasions!Noléon appartient à ch'blog!et infin pou' chlore le tout: "Léonard TISTE !loin d'être un saint ej' sus puteut un" invinteux d'cacoules"ch'est chu qui rest'ra dins la mémoère collective!J'avouerai qué j'ai aussi parfos un cataractère un peu trop trempé comme l'acier d' prinmière fusion mais aveuc l'âge i' s'est bin émoussé! voilà monsieur Galibot m'n'autobibliographie ! aux dieux ne plaise !

348. noléon le jeudi, novembre 7 2019, 19:06

...et pis;y a ceux qui n'sont pos saints: Léon BLOUM ! Léon Grambetta!Léon xitrone!Léon Daudet eul' frèrot d'Alphonse !..;à bintôt donc au 10 novempe !! pou'tous chés Léon !

349. ★ Galibot-Les-Bons-Tuyaux ★ le jeudi, novembre 7 2019, 19:33

"Min prénom ch'est Gaston ! J'utilise Léon dins les grindes occasions!Noléon appartient à ch'blog!"
Hé bin, in aura appris quetcosse aujord'hui !
Ya des Gaston célèbres ! Ch'ti que j'préfère, ch'est évidemmint Gaston Lagaffe !
Et Enrico Macias qui a canté les gens du nord, sin vrai prénom ch'est Gaston !
Et l'plus connu ch'est "Gaston, ya l'téléfon qui son "!
http://www.youtube.com/watch?v=buUq...

350. noléon le jeudi, novembre 7 2019, 20:27

Dins m'jeunesse l'ouikaine in passot in équipe au café "Chez Gaston" in minme temps il étot coiffeur!!...et parfos in rallant in disot: Salut! Gaston!! émêchés in intindot aussi:" In a l'gaz' ton! Alors i' répondot: mi aussi !!I' fallot pos qu'i' nous coiffe c' jour là in avot des rudes équelles!!!

351. Kimberlotte le jeudi, novembre 7 2019, 21:57

"Et l'plus connu ch'est "Gaston, ya l'téléfon qui son "!"
Mi j'a querre ch'canchon-là ! Je m'd'minde bin pourquo...

352. ★ Galibot-Les-Bons-Tuyaux ★ le jeudi, novembre 7 2019, 22:41

Pasque ch'est eune canchon très chouette !?

353. noléon le vendredi, novembre 8 2019, 08:54

NINO i'a composé c'canchon là sur des gins qu'i' connaissot(Gaston et s'finme) et qui disotent exactémint parel d' chu qu'i' cantot !...Il l'a pos inventé!i'étot aussi artisté peinte et faijot du "moderne "Il a eu un succès mitigé!ch'est bin dommache car in l'aimot bin ! !!L'succès ch'est l'produit d'tros facteurs: l'talent; l'traval et pis....la chance !!!....Pour min avis personnel s'pus belle canchon ch'est "LE SUD "

354. ★ Galibot-Les-Bons-Tuyaux ★ le vendredi, novembre 8 2019, 09:18

"Pour min avis personnel s'pus belle canchon ch'est "LE SUD ""
D'accord mais si il avot, aveuc el même mélodie, rimplacé "LE SUD" par "LE NORD", cha aurot été eune meilleure canchon ! J'dis cha sins chauvinisme, évidemmint !

355. ★ Galibot-Les-Bons-Tuyaux ★ le vendredi, novembre 8 2019, 09:20

Dictons du 8 novimpe :
-A saint Geoffroy, les oisons sont des oies.
-Temps froid à l’saint Geoffroy amène tros jours ed froid.
-Il pleut au saint jour des Reliques et vinte à décorner les biques. Mais souvint l’grand saint Martin (le 11) pour tros jours sèque le quémin.
-Saint Geoffroy, évêque d'Amiens au 11e sièque, est arprésinté quèquefos aveuc un kien. Chti-chi mourut impoisonné après avoir mingé un morciau d’pain qui contenot du poison destiné à Geoffroy. Pauf’ biête !

356. noléon le vendredi, novembre 8 2019, 09:38

..."i vinte à décorner les biques..."Hem!donc...
eine bique sans corne ch'est comme un académicien sans bicorne.

357. ★ Galibot-Les-Bons-Tuyaux ★ le vendredi, novembre 8 2019, 09:59

Puiqu'in parle ed cornes, quind j'habitos à Dole dins l'Jura, in faisant un tour dins min guernier, j'ai armarqué qu'toutes chés grosses poutres comminchotent à ête bouffées ! Pos par des termites mais par des capricornes ! Sales biêtes ! J'in avos jamais intindu parler ! Ya fallu un sacré traitemint pour s'in débarrasser !

358. ★ Galibot-Les-Bons-Tuyaux ★ le vendredi, novembre 8 2019, 10:01

A l'saint Geoffroy, i fait froid !
A l'sainte Angèle, in s'les gèle !

359. noléon le vendredi, novembre 8 2019, 12:16

Ej'sus sauvé min signe ch'est le scorpion !intre le23 octope et l'22 novempe !Du cop j'm'in vais vire dins m' guernier!! cha s'rot l'comble si i'arot là un ..capricorne!!

360. noléon le samedi, novembre 9 2019, 00:10

Enrico MACHIAS; Gaston ch'est sin prénom à li?i'a d'quo in rester baba !

361. ★ Galibot-Les-Bons-Tuyaux ★ le samedi, novembre 9 2019, 09:36

Haricot Machiasse a abindonné sin prénom de Gaston car Enrico, cha faisot plus "méditerranéen" et comme i juot de l'guitare aveuc des jones gitans qui s'appelottent les frères Enrico, ch'est là qu'il a treuvé l'idée d's'appeler Enrico !
Ch'étot l'mineute culturelle, historique et musicale ed Galibot

362. ★ Galibot-Les-Bons-Tuyaux ★ le samedi, novembre 9 2019, 09:39

Dictons du 9 novimpe :
-A l’Saint Théodore fleurit l’bouton d'or.
-Orache de l’Saint Théodore annonce eune année in or.
-A l’saint Théodore, i fait toudis plus frod dehors.
-A l’Saint Mathurin, des fruits rouches, ch'est la fin.
-A l’saint Mathurin, bos l’vin et laisse l'iau pou l’moulin.
-Au jour de Saint Montan, l’olive de l’arpe descend.
-Leune qui naît mécante, dins tros jours charmante.
-Si l’pic-vert donne sin cant, signe ed pleufe ou d’vent.
-Novimpe est un mauvais mos pour les berbis tondues.
.
-A Rome, la fille de l'impereur Maximien étot possédée et tombot régulièremint dins les transes. Ale clama que seul Mathurin pourrot la guérir. In l’fit donc venir. Il lui fit boire de l'huile et ale vomit sin démon. In fête saint Mathurin à des dates différintes intre le 1 et le 10 novimpe. Il est invoqué pou l’guérison des fous qu’in appelot "mathurins" ou "mathelins". Il est aussi invoqué contre les finmes mécantes et les bouffons l'ont pris pour patron !

363. noléon le samedi, novembre 9 2019, 10:36

J'connos un Mathurin mais ch'est pos un saint:POPEYE !!!

364. ★ Galibot-Les-Bons-Tuyaux ★ le samedi, novembre 9 2019, 18:04

"J'connos un Mathurin mais ch'est pos un saint:POPEYE !!!"
Quind j'étos tiot, j'avos pos querre les épinards ! Comme beucop d'jones !
Min père i m'disot qu'les épinards ch'étot plein d'fer et qu'j'allos avoir plein d'muscles et ête fort comme Popeye !
Alors, j'mingeos mes épinards tint bien qu'mal...
Après, min père me disot : "Fais vir tes biscottos ! Et i m'tâtot les biceps in m'disant : "Vindiouss! T'as d'jà pris des muscles ! "
Et cha, j'y croyos dur comme fer !
Et j'ai continué à minger des épinards ! Et j'in minge toudis ! Mais acht'heure, j'me régale !

365. noléon le samedi, novembre 9 2019, 19:36

La mache ou doucette ch'est eine salate qui a du fer!!on in minche in c'momint chi!J'ai un copain i'a treup d'fer et i'aime bin la mache mais i'peut pos!!I' m'a dit: té sais Gaston parfos ch'est dur de s'y faire !Alors pou' l'consoleu j'y ai versé un bon verre d'éau ferrugineusse !

366. ★ Galibot-Les-Bons-Tuyaux ★ le dimanche, novembre 10 2019, 09:51

Dictons du 10 novimpe :
-A l’saint ~~Gaston~~ Léon, mets tes artichauts in monts.
-Soleil rouche el matin, fait trimbler l’marin.
-Grind solel, tiot vint ; tiot solel, grind vint.
-In novimpe, fou engendre, in août, gît s’femme.
-Caleur de novimpe nuit fort, et provoque ed bien des gins la mort.
-Biau temps in novimpe, fais du fu dins l’champe.
-In novimpe du four la finquée vaut miux que rafale glacée.
-Agache dins l’ferme, neiche à court terme.

367. M☼zinpeƒ le dimanche, novembre 10 2019, 10:27

Eune bonne fiête à note Léon national, vu que j'ai oblié s'n'anniversaire ya 15 jours, mais j'étos à l'hosto, alors j'espère qu'i m'escusera!

368. ★ Galibot-Les-Bons-Tuyaux ★ le dimanche, novembre 10 2019, 10:46

Brin! Mi aussi j'ai oblié et j'ai pos d'escusse vu qu'j'étos pos à l'hôpital !
Ch'est vrai qu'in a pris l'habitute de s'reposer sur le GMDA (Grand Maîte en dates d'anniversaire) qui a un calindrier dins l'vinte : Mozinpef !
Bon anniversaire avec retard, Noléon !

369. M☼zinpeƒ le dimanche, novembre 10 2019, 11:17

Ouais, un grind merci à ch'calindrier (d'la poste) dusque j'arcopie tous l'z'ans chés anniversaires.
Mais acht'heure, ch'est miux d'les marquer dins tin portape, li, au moins i oblie pos de te l'rappeler!

370. noléon le dimanche, novembre 10 2019, 12:43

Merci à vous!Y'a pos d'oubli!..et, bonne sinté à tertous!ch'est l'principal!
Bon diminche !

371. Kimberlotte le dimanche, novembre 10 2019, 21:02

Aveuc incore puss de r'tard, bon anniversaire, Noléon ! Ein' baisse sarthoisse !

372. noléon le lundi, novembre 11 2019, 08:30

Eul' nouvel an i'approche avec tout cha!Merci Kimberlotte!Parell'mint ! !

373. ★ Galibot-Les-Bons-Tuyaux ★ le lundi, novembre 11 2019, 09:45

Dictons du 11 novimpe :
-L'été de l’saint Martin dure tros jours et un brin.
-A l’saint Martin, eune éphémère caleur arvient.
-A l’saint Martin, l'hiver est in quémin, manchons aux bras et gants aux mains.
-Saint Martin, saint Tourmentin.
-Eul temps du jour de saint Martin, est d’l'hiver le temps commun.
-S'il fait biau l’jour de l’saint Martin, bonne récolte, s'il pleut, moisson molle.
-Si l’brouillard intoure saint Martin, l'hiver passera tout bénin.
-Si l’vint du sud souffle pou l’saint Martin, l'hiver ne s’ra pos coquin.
-Pleine leune à l’saint Martin, abondance de neiche et d’biens.
-Bel été de saint Martin présache un hiver certain.
-S'il pleut el jour de saint Martin bouillant i pleuvra six semaines de rang.
-Si l’rivière déborde à saint Martin, ale est toudis là ou in quémin.
-Fume tes camps à l’saint Martin, té t'in trouveras bien.
-A l’saint Martin, mène ta maguette au bouquin.
-A l’saint Martin, té peux tuer tin cochon et goûter tin vin nouveau.
-A l’saint Martin, l'oie et l’bon vin et l'iau pou l’moulin.
-A l’saint Martin, mets l'oie au toupin et convie tin voisin.
-A l’saint Martin, borde tes barriques et bos tin vin.
-A l’saint Martin, la neiche est in quémin, Si ale n'y est pos l’soir, ale y est l’matin.
-Si la leune est à son croissant à l’saint Martin, l'hiver sera mou et pluvieux.
-Si l'hiver va droit sin quémin, vous l'aurez à l‘saint Martin.
-A l’saint Martin, les soirées arsannent aux matins.
-Si à l’saint Martin, les oies vont sur l’glace, à Noël, ales marcheront sur la face.
-Saint-Martin est l’patron des personnes démunies, des mendiants, des cavaliers, des agents d’police, des écuyers, des intendants, des aubergistes, des hôteliers, des anciens alcooliques, des soldats, des tailleurs, des viticulteurs. Il est invoqué pour lutter contre la pauvreté et les femmes victimes de l’violence d'un mari alcoolique, pour faire arvenir un animal domestique égaré (kien ou cat), et enfin pour soulager les coliques néphrétiques, et pour ête délivré d’eune dépendance à l’alcool. Donc, i soulache l'alcoolique qui ~~alcoolique~~ a l’colique !

374. M☼zinpeƒ le lundi, novembre 11 2019, 10:50

L'été d'la St Martin, n'in v'là core eune bielle connerie! A l'météo in Belgique, i z'annonchent de l'neiche pou chelle semaine !

375. ★ Galibot-Les-Bons-Tuyaux ★ le lundi, novembre 11 2019, 12:51

"L'été d'la St Martin, n'in v'là core eune bielle connerie!"
Si, si ! I fait biau ! Mais faut aller sur l'île de Saint-Martin dins les Antilles ! L'été d'la Saint-Martin à Saint-Martin, ch'est super !
Quind j'habitos in Martinique, j'ai passé deux jours à Saint martin (ch'est pos très loin). L'île a un statut bizarre; ale est copée in deux ; eune partie frinçaise et eune partie hollandaise.Selon la légende, pour délimiter la frontière intre les deux parties, deux coureurs à pied sont partis chacun d'eune extrémité de l'ile et quind i se sont rejoints, cha a délimité la frontière.La partie frinçaise est plus grande. La Frince a expliqué cha in disant que l'coureur frinçais avot bu beaucop d'punch (prononcer ponche) et cha lui avot donner du punch (prononcer peuntche) ! Les hollindais, mauvais perdants, ont dit qu'le frinçais avot triché ! Pfff!
In tous cas, c'qui est intéressant là-bas, ch'est qu'ch'est un port franc ! Ya pos d'taxes ! J'me suis acaté un bel apparel photo et un camescope pour un prix dérisoire ! Evidemmint, faut pos s'faire prindre à la douane ! J'ai fait un biau sourire à l'douanière et ale m'a laissé passer sins m'contrôler ! A l'époque, min charme opérot ! Ach't'heure, 30 ans plus tard, j'sus moins certain !
Ch'étot l'mineute culturelle, historique et géographique ed Galibot

376. ★ Galibot-Les-Bons-Tuyaux ★ le lundi, novembre 11 2019, 18:02

Cha s'est passé un 11 novimpe 1918 :
http://nsm09.casimages.com/img/2019...

377. M☼zinpeƒ le lundi, novembre 11 2019, 18:57

Mi, je m'rappelle que le 11 novimbe 1972, à l'caserne, in a fait l'pied d'grue dins l'neige, pindint tros heures, in attindint que l'colonel i daigne passer, ch'étot à Donaueschingen là dusque l'Danube i prind s'source, in Allemagne! L'hiver yétot in avinche ch't'année là. Triste souvenir

378. Kimberlotte le lundi, novembre 11 2019, 18:57

Cha s'est passé un 11 novimpe 1918
Pou l'11 novimpe 2018, j'ai fait ein' esposition au Mans su l'sujet et su l'reconstruction d'Kimbré ! J'ai appris plein d'cosses. Ch't'année-chi, j'ai témoigné à l'télé...

379. ★ Galibot-Les-Bons-Tuyaux ★ le mardi, novembre 12 2019, 09:26

Dictons du 12 novimpe :
-Saint Christian, temps sanguin annonce pleufe du lind’main.
-A l’saint Emilien, les soirées arsannent aux matins.
-La reinette de sortie s’in va arcacher la pluie. (Cha respecte la thématique !)
-Si t’intinds la cloche du visin, t’auras la pleufe edmain.
-Sème tes épinards in hivernal, t’in auras un quintal !
-L’vint de novimpe arrache la dernière feulle.
-Temps cuivreux au couchant annonce la pleufe sûrement.

380. ★ Galibot-Les-Bons-Tuyaux ★ le mardi, novembre 12 2019, 09:35

Tiote blague su l’traval :
- In aimerot bin vous ingager, mais hélas, in n’a pos de traval pour vous...
- Oh... Travailler ne m’intéresse pos tellemint...

381. noléon le mardi, novembre 12 2019, 21:11

...Ah! ouai!! j'coprinds acht'heure!!!....VOUS !!!vous travaillez du chapeau !!!
Espression très courante !

382. M☼zinpeƒ le mercredi, novembre 13 2019, 07:48

Si ya eune profession qui s'appelle:"Médecine du traval", ch'est bin pasque ch'est arconnu, que l'traval ch'est eune maladie, nan?

383. ★ Galibot-Les-Bons-Tuyaux ★ le mercredi, novembre 13 2019, 09:45

Dictons du 13 novimpe :
-A l’saint Brice, eul temps sera chti du jour ed l'an.
-Tel jour saint Brice, tel jour Noël, tel premier jinvier.
-Ravisse saint Brice se levant, té sauras l’temps d’Noël et du Jour de l’An.
-Si l’brouillard intoure la saint Brice, l'hiver passe tout bénin.
-El soleil venu, saint Stanislas ouvre tout grand les vasistas.
-A l’saint Stanislas, trop d’vint nous lasse.
-S’il gèle à l’saint Stanislas, in aura deux jours ed glace.
-Quind in novimpe la pleufe noie l’tierre, cha sera du bien pour tout l'hiver.
-In novimpe, soleil rouche le matin fait trimbler l’marin.
-Intre la Toussaint et Noël i n’peut trop dracher et vinter.
-Quind i tonne intre Toussaint et Noël, l'hiver est in r’tard.
-In novimpe, bon paysin va vindre sin poulain.

384. ★ Galibot-Les-Bons-Tuyaux ★ le mercredi, novembre 13 2019, 09:49

Saints du 13 novimpe :
-Saint Brice : In l'accusa d'ête le père d'un enfant né d'eune religieusse qui s'occupot de sa lingerie ! Ooooh !
Lors d'eune assemblée, Brice prit l’bébé à bout de bras et l’bébé qui n’avot jamais dit un seul mot, commincha à parler in disant : "Non, vous n'êtes pos min père !". Incroïape ! Ch’est un miraque ! Ou alors, Brice étot vintriloque !
In l'invoque contre les maux de vinte ! (Pétête pasqu’il étot justemint vintriloque !)
-Saint-Homobon est l’patron des gins d’affaires, des modistes et des cordonniers.
-Saint Quintien qui serot à l’origine du dicton : « Quintien vaut miux que deux tu l’auras… ». Mais in n’in est pos sûr du tout ! Mais alors, pos du tout !

385. Kimberlotte le mercredi, novembre 13 2019, 15:44

"Ravisse saint Brice se levant, té sauras l’temps d’Noël et du Jour de l’An."
J'espère que ch'dicton i dit vrai : y avot ein biau solel ch'matin ! A vérifier...!

386. ★ Galibot-Les-Bons-Tuyaux ★ le mercredi, novembre 13 2019, 18:25

Tiote blague su l'traval :
- Min patron m’a enfin donné plus de responsabilités !!!!
Désormais, j’sus responsape de tout c’qui va de travers !

387. Kimberlotte le mercredi, novembre 13 2019, 23:15

A propos d'traval :
Cafougnette renconte ein comarate.
- Alors Cafougnette, t'as trouvé d'l'ouvrache ?
- Ouais, mais ch'est terripe ! Faut s'léver à quatre heures ! Faut déchinde à six chints mètes ! Faut ouvrer al caleur ! Faut supporter ch'porion qui est toudis sus tin dos ! T'as vingt minutes pour minger ! T'as pas l'drot ed't'arrêter ! Et quand qu't'armontes, t'es tellmint mate que té t'laiches querre comme inne mouque jusqu'à c'que ch'rével i sonne à tros heures du matin !
- Mais ch'est terripe ed'l'ouvrache parel ! Et té fais cha ed'pis quand ?
- Ed'pis... d'main matin !

388. ★ Galibot-Les-Bons-Tuyaux ★ le jeudi, novembre 14 2019, 09:06

Dictons du 14 novimpe :
-A sainte Philomène, misère dins les garennes.
-Mauvais temps l’jour de la sainte Sidonie n’est rien, juste des gouttes de pluie.
-In novimpe, s'il tonne, l'année sera bonne.
-Tonnerre in novimpe rimplit l’guernier.
-Cat se cauffant est signe d’mauvais temps.
-La chouette annonce la pleufe.
-Temps sanguin annonce pleufe du lindemain.
-Caleur de novimpe cause de bien des gins la mort.

389. ★ Galibot-Les-Bons-Tuyaux ★ le jeudi, novembre 14 2019, 09:12

Comme ch’est la Sainte Philomène, v’là eune tiote canchon de circonstance :

A c't heure in n'danse pus la samba ♪ ♫
y'a plus personne qui saurot l'faire
Et l'polka et pis l'mazurka
min père dansot avec eum 'mère
mi, j'va vous ar'mettre tous in route
avec eune bielle danse à la mode
mais il faut qu'té r'touches à min coude
préparez-vous cha ravigote !
.
Abaisse-te, ar'lève-te ! ♪ ♫
frotte t'boudaine contre l'mienne Philomène
et abaisse-te, ar'lève-te !
comme cha té peux y'aller toute el' semaine
et abaisse-te, r'lève-te !
arfrotte t'boudaine contre l'mienne Philomène
ar'baisse-te, ar'lève-te ! ♫
.
Ch'est simple, i's’agit d'avoir eune bonne dégaine
Comme té vos ch'est pas compliqué
suffit d'avoir des bonnes gambettes
et l'scottish, chés vieux l'ont dinsée
bien avant ti y a belle lurette
si t'as des caillos dins tes genoux
in va t'apporter eune burette
N'attinds pas qu'cha craque tout partout
et n' rest' pas là comme eune lavette
.
Abaisse-te, ar'lève-te ! ♫
frotte t'boudaine contre l'mienne Philomène
et abaisse-te, ar'lève-te !
comme cha té peux y'aller toute el' semaine
et abaisse-te, r'lève-te !
arfrotte t'boudaine contre l'mienne Philomène
ar'baisse-te, ar'lève-te ! ♫
.
Dins six mos cha ira ben mieux
quand t'auras laissé pousser t'boudaine
Té verras comme té s'ras heureux
quind té n'd'auras eune comme philomène
ichi ché n'est point comme à l'armée
Y s'agit pas d'rintrer sin vinte
Au contraire y faut l'ben gonfler
Pus qu'y est gros pus qu'elle est continte
.
Abaisse-te, ar'lève-te ! ♫
frotte t'boudaine contre l'mienne Philomène
et abaisse-te, ar'lève-te !
comme cha té peux y'aller toute el' semaine
et abaisse-te, r'lève-te !
arfrotte t'boudaine contre l'mienne Philomène
ar'baisse-te, ar'lève-te ! ♫
.
Edmond Tanière
http://www.youtube.com/watch?v=gu7e...

390. ★ Galibot-Les-Bons-Tuyaux ★ le vendredi, novembre 15 2019, 10:03

Dictons du 15 novimpe :
-A l’saint Albert, reste bin couvert.
-Saint Albert vot l’première neiche du mos.
-A l’saint Léopold, couvre tes épaules.
-Le bon semer est quinze jours avant Toussaint et quinze jours après.
-Si à l’mi-novimpe la neiche est épaisse, ch’est d’un hiver frod la promesse.
-À la mi-novimpe passée, i peut vinter et neiger à souhait.
-Saint-Albert est l’patron des sciences naturelles, des techniciens médicaux, des philosophies, des scientifiques, des écoliers et des étudiants.
-Saint-Léopold d’Autriche est l’patron des familes nombreusses et des biaux-parints.

391. ★ Galibot-Les-Bons-Tuyaux ★ le vendredi, novembre 15 2019, 10:09

Puisque ch'est la Saint Léopold et qu'in est dins ch'Nord, v'là eune canchon d'un groupe des années 80 qui s'appelot "Léopold Nord & Vous"
http://www.youtube.com/watch?v=KVyZ...

392. ★ Galibot-Les-Bons-Tuyaux ★ le samedi, novembre 16 2019, 10:53

Dictons du 16 novimpe :
-S'il pleut à l’sainte Marguerite, les noix seront rintrées bien vite.
-Soleil à l’sainte Marguerite, les noix seront rintrées bien vite.
Faudrot savoir !!!
-A l’sainte Marguerite, forte pleufe est maudite, mais l'hiver arrive vite.
-A l’sainte Gertrude, tire la charrue du guernier et laboure rude.
-A l’sainte Gertrude, la caleur sort ed tierre.
-A l’sainte Rita, l’frod n’dure pos.

393. ★ Galibot-Les-Bons-Tuyaux ★ le samedi, novembre 16 2019, 10:58

Saint du 16 novimpe :
-Saint Emilion : Il étot l'intendant du comte de Vannes et il in profitot pour voler du pain dins les cuisines du câteau afin de l’distribuer aux paufes. Un jour, le comte le surprind et li deminde c’qu'i muche sous sin manteau ; Emilion se sint gêné et lui répond que ch'est du bos ! Il oufe sin manteau et miraque ! Ch’pain i s’étot trinsformé in bos ! 1er miraque !
Puis i deviendra moine et même moine-boulanger. Un jour, au momint de récupérer les pains du four, i n’troufe pus s’pelle à pains. « Ch’est pos grafe ! » dit-il et i rintre dins l’four et in ressort sins aucune brûlure ! Deuxième miraque !
Puis il habita dins eune grotte. A côté d’sin lit, creusé dins l’roc, y a le « fauteuil de méditation, » égalemint appelé fauteuil de fécondité. En effet, il est dit que si eune femme stérile s'y assoit et fait l’voeu d'avoir un infant, ale sera enceinte dins les mos qui suivent : 3ème miraque ! Et cha dot ête vrai puisqu’à l’heure actuelle, l’Office du Tourisme archoit régulièremint des faire-part de naissance ! Véridique !
Et l’plus important : Un jour, i trinsforme l’iau destinée à ses invités en vin !!! D’où l’origine du bon vin se Saint Emilion !!! 4ème miraque !!! Ch’est pour cha qu’il est le patron des vignerons !
(Sauf que ce 4ème miraque n’est pos véridique !!! Ch’est totalemint invinté par ch’Galibot qui d’temps in temps a querre raconter des carabistoulles !!! Et Saint Emilion n’a rin à vir, ni avec el vin, ni avec les vignes ni avec les vignerons !!! Les patrons des vignerons sont saint Urbain et Saint Vincent ! Et j’parieros m’quémiche qu’il y in a qui ont gobé l’histoire ! Mais faut bin rigoler ed’temps in temps !)

394. M☼zinpeƒ le samedi, novembre 16 2019, 16:04

-Si à la St Valentin,
-Elle te caresse la main,
-Vivemint la Ste Marguerite!

395. M☼zinpeƒ le samedi, novembre 16 2019, 16:14

J'ai armarqué que l'prix du St Emilion, ya tindince à baisser edpuis eune d'années; In treuve des boutelles à 7/8€ alors qu'avint, i fallot mette l'doupe pour acater eune boutelle; surproduction?
Chest pos min préféré, j'ai plus quère un Pauillac, ou un St Julien, mais là, les prix i sont pos parels. Faut compter 25€ minimum la boutelle!

396. ★ Galibot-Les-Bons-Tuyaux ★ le dimanche, novembre 17 2019, 11:37

Dictons du 17 novimpe :
-A sainte Elisabeth, tout c’qui porte fourrure n'est point bête.
-A l’sainte Élisabeth, l’automne fait la courbette et l’hiver t’imbête.
-A l’sainte Élisabeth, dins l’gardin plus de bettes.
-Dès l’sainte Élisabeth, de Noël fais les emplettes.
-Sainte Elisabeth nous moutre commint l'hiver sera.
-Sainte Elisabeth nous moutre quel bonhomme l'hiver sera.
-Pleufe du jour de l’saint Grégoire autant d’vin ed puss à boire.
-Oignon bin habillé verra fortes gelées.
-Frod, neiche : si l’fourmi importe ses ués, bergère, alleume tes feux.
.
-Sainte-Élizabeth (de Hongrie) est l’patronne des boulingers, des mendiants, des bénévoles qui travallent dins les œuvres ed charité, des gins in exil, des gins itinérants, des SDF, des malates hospitalisés, des fabricants d’lacets, des services infirmiers et des randonneurs. Ale est invoquée pour résoudre les problèmes reliés à la bielle-famile et pour soulager les maux de dints.
Avant Vatican II, in fêtot sainte Élisabeth le 19 novimpe - ale est plachée aujord'hui le 17 ! J’dis cha au cas où l’calindrier d’la Poste ne serot pos au courant !

397. ★ Galibot-Les-Bons-Tuyaux ★ le lundi, novembre 18 2019, 11:10

Dictons du 18 novimpe :
-Jornée de sainte Aude, ordinairemint n'est pos caude.
-A l’sainte Aude, l’hiver maraude.
-Ciel d’émeraude à sainte Aude, gelées in maraude.
-Gelée de sainte Aude n’est que chiquenaude.
-Oraches de sainte Aude, l’année sera caude.
-Jamais à sainte Aude, plantations ne galvaude.
-A l’mi-novimpe passée, i peut vinter et neiger à souhait.
-Gelée d’novembre, adieu l'hierpe tendre.
-Quind in novimpe la pleufe noie l’tierre, cha fera du bien pour tout l'hiver.
-Vint d'octope, pleufe de novimpe font bon déchimpe.
-Si tiote pleufe veut, ale rind grind vint silincieux.
-De l’neiche à prévoir si les agaches, pinsons et rouches-gorches s'approchent des majons.

398. ★ Galibot-Les-Bons-Tuyaux ★ le lundi, novembre 18 2019, 11:15

Saint du 18 novimpe :
Saint Maudez étot le 10ème infant du roi d'Irlande. Ses parints voulotent le marier mais li, i n’voulot pos ! I deminda donc à Dieu de lui invoyer eune infirmité ! S’prière fut exaucée : Dieu li donna eune odeur pestilintielle ! Pus personne n'osot s'approcher d’li ! Surtout pos les femmes ! Il étot contint d’avoir écappé au mariache !
I devint prêtre et s'installa sur eune île de l’Archipel de Bréhat et construisit eune capelle.
Quind saint Maudez voulut attacher des ardoises sur l’couverture de s’capelle, il n’avot pos d’clos, et i s’désolot pasqu'il ne savot pas commint s'in procurer sur l’île. Un homme du pays ayant appris que l’paufe saint Maudez n'avot pos d’clos lui in apporta !
Et vous allez vir que tout cha est vraimint étonnant pasque l’homme qui li avot apporté des clos… avot aussi des clos (qui sont des furoncles) sur sin cul !!! Cha l’faisot beaucop souffrir et l'impêchot d’travailler; Saint Maudez, pour le récompinser le guérit aussitôt d’ses clos !
Pour résumer, pour ceuss qui n’auraient pos tout compris : Maudez n’avot pos d’clos. Quéqu’un li apporte des clos et Mandez prind ses clos mais pour le récompinser li inlève les clos du cul ! Et tout cha à huis clos ! Et voilà, ch’dossier est clos !
A l’heure actuelle, in continue de délayer de l’tierre de cette île aveuc de l’liqueur et in la fait boire aux infants qui ont des viers !

399. Kimberlotte le lundi, novembre 18 2019, 12:43

Pou ch'nouviau Kimberlot :
"A Cambrai, Sainte Elisabeth de Hongrie aida par or et argent à achever le chœur de la cathédrale car elle avait une très grande dévotion pour la Vierge Marie qui lui était apparue plus d'une fois.
C'est sans doute dès sa mort que l'évêque de Cambrai, Godefroy de Fontaine, alors à Francfort, aurait recueilli son cœur et l'aurait transféré à Cambrai (archives de la cathédrale)."
L'relique ale est vénérée à l'cathédrale ed Kimbré in novimpe, au pus près du 17 novimpe.
En l'honneur ed Ste Elisabeth de Hongrie, y avot ein' rue qui portot sin nom, l'rue Louis Blériot acht'heure. Y a plus d'vingt ans, l'association "Cambrai-Esztergom-Amitié" a fait r'mette ein' plaque "rue Ste Elisabeth de Hongrie" par in'd'sous de l'plaque "rue Louis Blériot." J'étos à l'cérémonie !
Ch'étot l'mineute culturelle, historique et religieusse ed Kimberlotte !

400. ★ Galibot-Les-Bons-Tuyaux ★ le lundi, novembre 18 2019, 17:44

Merci Maîtresse Kimberlotte !
J'précise que l'évêque (Monseigneur Lecomte) avot fait à Kimbré in 2016,eune conférince intitulée :"Sainte Elisabeth de Hongrie, la Mère Térésa du 13ème siècle" !
Et v'là eune photo de Saint Elisabeth ! Qui est quind même mieux foutue que Mère Térésa !

http://nsm09.casimages.com/img/2019...
Oh ! J'cros qu'j'ai blasphémé ! Galibot, t'iras in infer !!!

401. ★ Galibot-Les-Bons-Tuyaux ★ le lundi, novembre 18 2019, 17:51

Hé ! J'l'avos pos vu mais j'ai cor gagné un cadeau pou l'400ème commintaire ! Bravvvooooo Galibooooot ! Merci d'avinche pou l'cadeau Mincoin !

Quo qu't'as dit qu'j'avos gagné Mincoin ? "15 jours à l'île Maurice ?" Ch'est cha ?
Commint cha "presque" ! ?

402. Kimberlotte le lundi, novembre 18 2019, 21:46

Et ch'est grâce à qui, qu't'as gagné l'400ème commintaire ? Grâce à mi !!! Alorss, in partage cheul cadeau d'Mincoin !

403. Kimberlotte le lundi, novembre 18 2019, 21:48

"J'précise que l'évêque (Monseigneur Lecomte) avot fait à Kimbré in 2016,eune conférince intitulée :"Sainte Elisabeth de Hongrie, la Mère Térésa du 13ème siècle" !"
Si té vos Monseigneur Lecomte, dis z'i bonjour d'ma part, je l'ai ben connu !

404. ★ Galibot-Les-Bons-Tuyaux ★ le lundi, novembre 18 2019, 22:33

"Alorss, in partage cheul cadeau d'Mincoin !"
D'accord ! Mincoin a décidé d'partager les 2 semaines comme suit :
- Galibot : 1 semaine à l'île Maurice
- Kimberlotte : 1 semaine chez Maurice, à Lille !
Ch'est équitape !

405. Kimberlotte le lundi, novembre 18 2019, 23:03

Ben, qui sait ? Maurice ed Lille, ch'est p'tête enfin l'amour de ma vie !

406. ★ Galibot-Les-Bons-Tuyaux ★ le mardi, novembre 19 2019, 10:44

Dictons du 19 novimpe :
-A l’saint Tanguy, toudis temps gris.
-A l’saint Tanguy, jamais vint ne languit.
-A l’saint Tanguy, jamais l’vint ne faiblit.
-A l’saint Tanguy, rin ne donne invie et in languit.
-Saint Roland (15 septimpe) aux camps, Saint Tanguy à l'écurie.
-Gardiner à l’saint Tanguy vous laiche tout groggy.
-A l’saint Tanguy, l’automne s’alanguit.
-Si tiote pleufe veut, ale rind grind vint silincieux.
-Vint de novimpe est mauvais sur l'iau.
-Tierre artournée et blés semés, l’ciel peut neiger.
-In montagne, finmes et berbis doivent ête rintrées avant la nuit.
-Quind septimpe fait novimpe, Octope fait septimpe.

407. ★ Galibot-Les-Bons-Tuyaux ★ le mardi, novembre 19 2019, 10:57

Et pour te mett' dins l'bain Kimberlotte, v'l'canchon :"J'pars in vacances à Lille chez Maurice"

http://www.youtube.com/watch?v=5HWg...

408. Kimberlotte le mercredi, novembre 20 2019, 09:17

Merci, Galibot, j'vas la canter au café canchon au Mans !

409. ★ Galibot-Les-Bons-Tuyaux ★ le mercredi, novembre 20 2019, 10:43

Ch'est eune bonne idée ! Ch'est eune canchon intraînante, bien d'chez nous ! J'avos caché les paroles mais j'les ai pos trouvées ! J'ai même arcaché mais rien !
Mais ales sont faciles à artenir !

410. ★ Galibot-Les-Bons-Tuyaux ★ le mercredi, novembre 20 2019, 10:45

Dictons du 20 novimpe :
-A l’saint Edmond, el temps n'est pos bon.
-Saint Félix et la Présentation amènent el frod pour de bon.
-Intre la Toussaint et l'Avent, attinds-te à pleufe et vent.
-Le vingt novimpe nous moutre quel bonhomme sera l’hiver.
-Le vingt brumeux, hiver rigoureux.
-Co à 10 heures cantant, annonce el vent.

411. ★ Galibot-Les-Bons-Tuyaux ★ le mercredi, novembre 20 2019, 10:51

Vindiouss ! Cha a bien gelé cette nuit !
Tous mes bananiers sont gelés ! Que tristesse !
J'vas devoir tous les coper à ras, protéger les rachines du frod et i vont hiberner !
I z'arpousseront au printemps ! Ch'est la dure loi de la nature !

412. M☼zinpeƒ le mercredi, novembre 20 2019, 17:05

Ouais, l'hiver yé in avinche; j'ai vu à la météo belche, qu'i z'annonchent un "vortex polaire"!
Ya fallu que j'aille vire sur gogole pasque j'savos pos chouque cha voulot dire!
http://www.youtube.com/watch?v=jkoA...
I z'in ont parlé à FR3 dins: "Aski parait"
J"dis cha, j'dis rin, comme i disent!

413. ★ Galibot-Les-Bons-Tuyaux ★ le mercredi, novembre 20 2019, 18:45

Mouais...In vit dins un monde de désinformation et de surinformation et tout cha détruit la vraie réalité.
Tous chés journaleux font des artiques alarmistes pour vindre des journaux; à l'télé ch'est parel, in fait peur aux gins pour booster l'audimat ! Pfff !
Pour résumer, in va dire qu'y eune chance sur deux pour qu'in ait un hiver très frod et eune chance sur deux pour qu'i seuche pos très frod !
Ch'est aussi précis que d'juer à pile ou face !
Tout cha m'fait pinser à la "théorie du chaos" qui n'date pos d'hier !

414. ★ Galibot-Les-Bons-Tuyaux ★ le jeudi, novembre 21 2019, 09:22

Dictons 21 novimpe :
-Le jour de la Présentation amène el frod pour de bon.
-La Présentation, du gardin célèbre la dénudation. Ch’est vrai que ch’gardin est triste in ch'momint !
-A la Présentation, plante les scions (pousses de l'année).
-A l’saint Dimitri, el frod est bien pris.
-Le vingt-et-un brumeux, hiver rigoureux.
-Quelque temps qu'il fasse in novimpe, comminche le feu dins l’champe.
-Ciel vêtu d’laine, iau pos lointaine.
-Feulles, tombez sous la fureur du vint, et sous l’pleufe atroce ed novimpe.
-Nuaches étindus et fouettés annoncent un vint frais intêté.

415. ★ Galibot-Les-Bons-Tuyaux ★ le jeudi, novembre 21 2019, 09:31

Et seurtout i n'faudrot pos oblier la fiête la plus importante de ce 21 novimpe :
http://nsa40.casimages.com/img/2019...

416. ★ Galibot-Les-Bons-Tuyaux ★ le jeudi, novembre 21 2019, 09:41

Et i parait qu'y a même un Saint qui peut trinsformer des mégots en vin !

http://www.20minutes.fr/lille/26562...

417. Kimberlotte le jeudi, novembre 21 2019, 19:33

Mi j'ai pos trop querre l'beaujolais, nouviau ou pos...

418. ★ Galibot-Les-Bons-Tuyaux ★ le jeudi, novembre 21 2019, 21:20

Ya des traditions !
Mi, je n'bos du beaujolais nouveau que l'21 novimpe et je n'bos du champagne que l'31 déchimpe à minuit !

419. M☼zinpeƒ le vendredi, novembre 22 2019, 07:08

Mi nan pus; jamais d'champane: cha m'donne mal au crâne, et l'Beaujolais nouviau, qui est bourré d'arômes artificiels, ch'est pos pour mi nan pus!

420. ★ Galibot-Les-Bons-Tuyaux ★ le vendredi, novembre 22 2019, 10:24

Dictons du 22 novimpe :
- Plinté à l'Sainte Cécile, chaque pos (ou haricot ou fève) va in donner mille.
- A l’Sainte Cécile, si in plante des pois, i deviennent comme des mâts. Vindiouss !
-Quind Saint Simon et Saint Jude (le 28 octope) n'apportent pos la pleufe, chelle-chi n'arrife qu'à l’Sainte Cécile.
-Sainte-Cécile est l’patronne des musiciens (les organistes in particulier), des académies d’musique, des compositeurs, des facteurs d’orgues, des luthiers, des poètes et des chanteurs.

421. ★ Galibot-Les-Bons-Tuyaux ★ le vendredi, novembre 22 2019, 10:25

- Tiote devinette hyper fastoche : Monsieur et Madame Onxa-Pouravoirheinnouviobiyé ont eune fille qui s’appelle…

422. M☼zinpeƒ le vendredi, novembre 22 2019, 11:02

Noléon i va core faire fort ch'ouikaine aveuc l'banquet de l'sainte Cécile à Sauzo!

423. ★ Galibot-Les-Bons-Tuyaux ★ le samedi, novembre 23 2019, 09:55

Dictons du 23 novimpe :
- Quind l'hiver vient duch’mint, i'est là à l’saint Clément.
- Saint Clément moutrera commint l'hiver se passera.
- A l’saint Clément, si l'hiver bat sin plein, in aura un très biau printemps.
- Si les rivières sont in crue intre saint Clément et saint André, la récolte sera mauvaisse ; Au contraire, si les eaux baissent, el prix du blé tindra à diminuer.
- S’il a d’jà bien gelé avant l’saint Clément, l'hiver sera clément.
- A l’saint Clément, le ciel ne l'est pos toudis, li, clément.
- Saint Clément moutre raremint visache avenant.
- Saint Clément gouverne la pleufe et l’vent.
- Saint Clément gouverne la mer et l’vent.
- Quind passée la saint Clément, ne sème pus d’froment.
- A l’sainte Clémence les moutons prennent du ton.
- Saint Séverin tout drot mène aux premiers frods.
- A l’saint Séverin, cauffe tes reins.
- A l’saint Séverin, la neiche est in quémin.
- Si ale n'est pos là à l’saint Séverin, la neiche n'est pos loin.
- Séverin et ses coquins font geler tous les quémins.
- Le jour de l’sainte Félicité est un biau jour dins l’année.
- Saint-Clément est l’patron des navigateurs, des marbriers, des marins, des sourciers et des tailleurs de pierre.
- Saint-Colomban est l’protecteur des motocyclistes. Il est invoqué pour éviter d’ête victime d’eune inondation.

424. ★ Galibot-Les-Bons-Tuyaux ★ le samedi, novembre 23 2019, 10:04

Comme chés clémentines comminchent à invahir les rayons des marchés et supermarchés, un grind merci à ch'Frère Clément qui a inventé la clémentine en hybridant la mandarine et l'orange douce !
http://nsa40.casimages.com/img/2019...

425. Kimberlotte le samedi, novembre 23 2019, 16:24

"Saint Clément moutrera commint l'hiver se passera."
Cha promet, i a plu presque tout l'jornée !

426. Kimberlotte le samedi, novembre 23 2019, 16:28

Quind j'étos tiote, y in avot pos, des clémentines, y avot qu'des mandarines... Même qu' m'mère ale faijot des bougies aveuc pou décorer l'tape à Noë !

427. M☼zinpeƒ le samedi, novembre 23 2019, 17:05

L'inconvénient des mandarines, ch'est pasque ch'est plein d'pépins!

428. noléon le samedi, novembre 23 2019, 17:33

....et les magazines ch'est pos miux!!..que des pépins !!...jé n'm'étindrai pos logtimps sur l'sujet; tertous i' sait qué l'paufe Cécile ale a vécu un véritape martyr parc'qu'ale cantot bin !!..mais M'sieu Galibot va nous espliquer cha miux que quiconque !!In attindant: vive Sainte Cécile !..Merci d'y avoir pinsé !

429. ★ Galibot-Les-Bons-Tuyaux ★ le samedi, novembre 23 2019, 18:03

"l'paufe Cécile ale a vécu un véritape martyr parc'qu'ale cantot bin !!..mais M'sieu Galibot va nous espliquer cha"
Bin, j'ai pos trop d'esplications là-d'ssus !...Tout c'que j'sais ch'est que pindint que l'bourreau essayot de lui coper l'tiête (il a donné 3 cops d'épée mais s'tiête a pos voulu s'décoller du corps ! Paufe femme ! Ale a agonisé tros jours dins sin sang), ale intindit les musiques célestes et ch'est pour cha qu'ale est l'patronne des musiciens !

430. noléon le samedi, novembre 23 2019, 21:52

Les Celestes ales sont musiciennes aussi!! ben! cha jé l'savos pos !j'parieros qu'ales juotent d'la Harpe et du Xylophone!

431. ★ Galibot-Les-Bons-Tuyaux ★ le dimanche, novembre 24 2019, 10:20

Dictons du 24 novimpe :
- A sainte Flora, Noël dins un mois !
- A sainte Flora, plus rin n’fleurira.
- Quind sainte Flora plintera, des poires à sainte Deborah (21 septimpe)t’auras.
- Pommier planté à sainte Flora, mûrira à sainte Laura (19 octope).
- Hortensia planté à sainte Flora, fleurira à sainte Laura (10 août).
- A sainte Flora, mort aux rats, sinon plus rin n’aura.
- Un mos avint, un mos après Noël, el frod est bon et naturel.
-Si l’première neiche ne prind pas, de l'hiver ale ne prindra.
-In 801, Sainte Flora, fut décapitée et sin corps livré aux kiens et aux zoziaux puis jetée dins l’fleuve.
-Sainte Flora est invoquée contre la foudre. Ale est l’patronne des gins abandonnés et des gins victimes de mauvais traitemints.
-In fête aussi Saint Pourçain qu'i n'faut pos confondre avec 100% !

432. Kimberlotte le dimanche, novembre 24 2019, 17:51

"A sainte Flora, Noël dins un mois !"
Comme dirot Monsieur de la Palice !

433. ★ Galibot-Les-Bons-Tuyaux ★ le lundi, novembre 25 2019, 11:21

Dictons du 25 novimpe :
- Sainte Catherine ne va pos sans un blanc mantiau.
- A l’sainte Catherine, pour tout l'hiver fait t’farine.
- A l’saint Catherine, el fu est à l’cuisine.
- A l’sainte Catherine, tout bos meurt ou prind rachine.
- A l’sainte Catherine, toute bouture fait rachine.
- Quind sainte Catherine au ciel fait la moue, i faut patauger longtimps dins l’boue.
- A l’sainte Catherine, si i quet de l’iau, y aura pos d’ fruits à coutiau.
- Pour sainte Catherine, l’porchiau couine.
- Intre Catherine et Noël, tout est bon à plinter.
- De sainte Catherine à Nadal, un mois égal.
- Sainte Catherine, toute fille veut la fêter, mais point n’ veut la coiffer.

- Pour sainte Catherine, l'hiver jette sa voilure.
- Pou l’sainte Catherine, el temps devient mauvais
- A l’sainte Catherine, l'hiver s'achemine; S'il fait frod, hiver tout drot.
- A l’sainte Catherine, l'hiver s'achemine ; A l’ saint André, il est acheminé.
- Pour saint Martin (11 novimpe), la neiche est in quémin ; Pour sainte Catherine, ale est à l’courtine.

- Sainte Catherine amène la couétine.
- A l’Sainte Catherine, les sardines tournent l'échine ; A l’Saint Blaise (le 3 févérier), ales reparaissent.

- À l’sainte Catherine que l’blé ait germé, que l'hierpe comminche à poindre.
- Si l’25 novimpe est frod, l'hiver sera de même.

434. ★ Galibot-Les-Bons-Tuyaux ★ le lundi, novembre 25 2019, 11:26

Saints du 25 novimpe :
1)Sainte-Catherine d’Alexandrie (IVème sièque) est l’patronne des artisans qui utilisent eune roue (potiers, fileuses, charrons, etc.) des archivistes, des avocats, des jeunes files et des finmes non mariées, des juristes, des rémouleurs, des libraires, des mécaniciens, des meuniers, des infirmières, des philosophes, des écoliers, des étudiants, des écrivains, des secrétaires, des professeurs, des théologiens.
Ale est fêtée par les jones files qui n’sont pos mariées à 25 ans.
Ale est invoquée pour faire fuir les araignées et pour guérir les maladies des ziux.
.
2)In fête aussi eune aute Sainte : Sainte Catherine Labouré
Allez, eune tiote devinette : Quelle est la (ou les) bonne(s) réponse(s) ?
1-Catherine Labouré étot auvergnate. Ale adorot dinser. Ch’est elle qui a donné sin nom à «la bourrée» auvergnate !
2- Sin père étot un cultivateur d’où sin nom de « Labouré »
3- Avant d’ête canonisée, ale étot surtout connue pour aimer boire des canons ! Ch’est pour cha qu’les gins d’sin villache l’avotent surnommée « la bourrée » Et ch’est dev’nu un nom propre !
Alors, réponse (s) ?

435. M☼zinpeƒ le lundi, novembre 25 2019, 11:33

J'parie qu'aujord'hui, Galibot i va faire fu de tous bois, à commincher par nous dire que tous bois prind rachène!

436. M☼zinpeƒ le lundi, novembre 25 2019, 11:47

Bon, ya posté avint mi!
pour réponde à s"devinette, ale s'appelot Labouré, pasque sin père i s'appelot comme cha.
Ya des mauvaise lingues qui disent qu'ale étot souvint bourrée è forche ed boire des canons, et qu'acht'heure la v'là canonisée!

437. noléon le lundi, novembre 25 2019, 13:28

Cha y est j'sus ervénu du r'pas d'Sainte Cécile!Si in s'acout'ros in s'rot vite bourré!! ach't'heure ch'est l'sainte cathérine ! j'in profite pou' l' souhaiteu à Kim'berlotte!J'avos bin pinsé composer un quatrain mais faute d'inspiration j'ai dû arnoncher!!Régis franch'ment i' pourrot i' faire un bia cadeau d'participatian !!! un bia bonnet qui va jusqu'aux orelles par eximpe !!!

438. ★ Galibot-Les-Bons-Tuyaux ★ le lundi, novembre 25 2019, 16:13

- "Bon, ya posté avint mi!"
In m'appelle Galibot, l'homme qui poste plus vite que son ombre !
- "ale s'appelot Labouré, pasque sin père i s'appelot comme cha"
"Comme dirot Monsieur de La Palice" arot dit Kimberlotte !
- Réponse à l'devinette : Catherine Labouré étot bin fille de cultivateurs ! J'sais pos si sin nom vient d'là mais généralemint les noms patronymiques proviennent d'un métier (Boulanger, Boucher, Maréchal, Meunier, Lefebvre (déformation de l'orfèvre)..) ou d'un nom de lieu (Dupont, Duval,...)

439. ★ Galibot-Les-Bons-Tuyaux ★ le lundi, novembre 25 2019, 16:19

"ch'est l'sainte cathérine ! j'in profite pou' l' souhaiteu à Kim'berlotte!"
Pour coiffer Sainte Catherine, i faut avoir dépassé 25 ans ! Té cros qu'ch'est l'cas d'Kimberlotte ?

440. Kimberlotte le lundi, novembre 25 2019, 18:30

Dins ch'Nord, Sainte Catherine, ch'est l'fiète ed toutes les files, pos seul'mint des files ed pus d'25 ans !
J'ai core toutes les cartes qu'j'ai r'chues dins les années 50 et 60. Cha fait ein' bielle collection !

441. Kimberlotte le lundi, novembre 25 2019, 18:36

Quind j'étos aux Guides de France, in cantot :

Cath'rine était chrétienne
Ba la zim, ba la zim, ba la zim boum boum
Cath'rine était chrétienne
Son père ne l'était pas, ah-ah, ah-ah,
Son père ne l'était pas, son père ne l'était pas

Un jour dans sa prière, Ba la zim...
Son père la trouva ! ah-ah...

Que fais-tu là ma fille, Ba la zim...
Dans cette pose-là ? ah-ah...

Je prie le Dieu mon Père,Ba la zim...
Que vous n'connaissez pas, ah ah...

Relève-toi ma fille, Ba la zim...
Ou bien l'on te tuera, ah ah...

Tuez-moi donc mon père, Ba la zim...
Je ne faillirai pas, ah ah...

Le père dans sa colère, Ba la zim...
D'un glaive la transperça, ah ah..

Les démons accoururent, Ba la zim...
Et enfourchèrent le Roy, ah ah...

Les anges descendirent, Ba la zim...
Chantant l’alléluia; ah ah...

442. noléon le lundi, novembre 25 2019, 22:39

La bourrée ch'est aussi eune danse auvergnate et berrichone!Eul' compositeur Bach i' composot parfos des "bourrées"!Surtout à ne pos confonte avec l'action d' débourrer un gva ch'est à dire l'apprivoiser et l'éduquer pou' infin pouvoir monter d'sus sins qui rue des quates pattes !

443. noléon le lundi, novembre 25 2019, 22:43

Ch'est in" arcachant" qu'j'ai trouvé tous chés rinseing'mints!Y'a aussi l'espression "t'es à la bourre" qui veut tout simplémint dire que t'es farçé !ou alors t'es pos 'cor parti qué l'aute i'est arrivé !!!

444. ★ Galibot-Les-Bons-Tuyaux ★ le mardi, novembre 26 2019, 09:49

Dictons du 26 novimpe :
- A l’sainte Delphine, les plintes frileuses té confines.
- A l’sainte Delphine, cope broussailles, rejets, épines.
- A l’sainte Delphine, mets tin manteau à pélerine.
- A l’sainte Delphine, souvint i vinte et pleuvine.
- A l’sainte Delphine, le givre sur les feulles joue les ballerines.
- Novimpe chargé d'iau, l’été n'in sera que plus biau.
- Vint ou timpête, quind les araignées font la fiête.
- St-Alype le Stylite possèdot le don de prédire l’avenir et l’pouvoir de guérison. Il a passé toute s’vie debout !!! Sins s'asseoir, ni s'couquer ! Incore un maso !
Au bout de plus de chinquante ans in station verticale, il a comminché à souffrir d’eune paralysie partielle des pieds…Té m’étonnes !
I s’couqua alors su l’côté et demeura dins l’même position jusqu’à la fin de s’vie, 14 ans pus tard !
Saint-Alype est invoqué par les femmes souffrant de problèmes de stérilité.

445. M☼zinpeƒ le mardi, novembre 26 2019, 10:22

"- A l’sainte Delphine, souvint i vinte et pleuvine."
Pour eune fos qu'un dicton yé vrai!

446. noléon le mardi, novembre 26 2019, 11:05

OUAI!...et quind ch'est comme cha i' faut boire dé l'fine à l'eau !

447. noléon le mardi, novembre 26 2019, 11:05

OUAI!...et quind ch'est comme cha i' faut boire dé l'fine à l'eau !

448. noléon le mardi, novembre 26 2019, 11:06

....et un ouisky!

449. ★ Galibot-Les-Bons-Tuyaux ★ le mardi, novembre 26 2019, 11:15

J'viens d'tomber sur cha ! J'n'savos pos qu'in pouvot fabriquer de l'bière comme cha ! Est-ce que not' espécialisse bièrologue connot cha ?

http://www.medisite.fr/maladies-du-...

450. M☼zinpeƒ le mardi, novembre 26 2019, 15:22

Quel heureux homme!
Si ses boïaux i fabriquent del bière, et sin foie i fabrique du foie gras, i va wogner des sous sins avoir b'zoin d'ouvrer!

451. noléon le mardi, novembre 26 2019, 16:23

....faut faire attintion car parfos ya aussi des fake'niouw's(des mintiries)...qui croire ???

452. noléon le mardi, novembre 26 2019, 17:31

A propos du beaujolais!!!J'avos un pote i' s'prénommot "JO"!y'étot beau! pis quind i' s'est mis à l'"bibine " cha a été l'débine !!i'est dév'nu laid!!et depuis in n'dit pus jinmais:" vlà l' beau JO !!!D'timps in timps jé l'vos 'cor au Black'fra'iday!

453. ★ Galibot-Les-Bons-Tuyaux ★ le mardi, novembre 26 2019, 18:39

"faut faire attintion car parfos ya aussi des fake'niouw's (des mintiries)...qui croire ???"
Pour fèque-niouze, mi j'traduiros plutôt par carabistoule ou cacoule...
Pour prouver qu'ch'est pos eune carabistoulle, m'n'histoire d'auto-brasserie, (Ch'est pos min ginre ! ) v'là l'artice du "Monde" avec toutes les référinces médicales ! Bon courache Noléon pour tout vérifier!
http://www.lemonde.fr/blog/realites...

454. ★ Galibot-Les-Bons-Tuyaux ★ le mercredi, novembre 27 2019, 11:17

Dictons du 27 novimpe :
- A l’saint Valérien, cauffe tes reins.
- A l’saint Valérien la neiche est in quémin
- Si l’neiche n'est pos là à l’Saint-Séverin, ale n'est pos bin loin.
- Séverin et ses coquins font tout geler sur les quémins.
- Saint Goustan, notre ami, ramenez nos maris; Saint Goustan, notre amant, ramenez nos parents.
- Quind in novimpe, la pleufe noie l’tierre, cha f’ra du bien pour tout l'hiver
- Saint du 27 novimpe :
In fête aussi Saint Virgile qui consacra la plus grinde partie de sin épiscopat à évingéliser les Teutons. Ch’étot d’autint plus diffichile qu’i z’étotent de redoutapes guerriers ! Ya d’ailleurs eu un film su l’sujet: Cha s’appellot les « Teutons flingueurs » !

455. Kimberlotte le mercredi, novembre 27 2019, 16:57

"Quind in novimpe, la pleufe noie l’tierre, cha f’ra du bien pour tout l'hiver"
J'sais pos ch'que cha f'ra comme bien, mais aveuc ch'qui a qéhu comme pleufe ch'matin, cha d'vrot faire du bien !

456. Kimberlotte le mercredi, novembre 27 2019, 16:59

Ein' question, Galibot : tes dictons, ch'est valape que pou l'Nord ou pou toute l'France ?

457. ★ Galibot-Les-Bons-Tuyaux ★ le mercredi, novembre 27 2019, 22:37

"tes dictons, ch'est valape que pou l'Nord ou pou toute l'France ?"
Ch'est valape pour toute la France et la Belgique !
Mais si ya des dictons qui parlent de l'influence du temps sur la récolte des olives, généralemint, j'in parle pos ! Faut pos exagérer quind même !

458. ★ Galibot-Les-Bons-Tuyaux ★ le jeudi, novembre 28 2019, 10:12

Dictons du 28 novimpe :
- A l’saint Sosthène, y a des chrysinthèmes.
- A l’saint Sosthène, les glaines su l’quémin ne troufent pus d’graines.
- S'il neiche à l’saint Hilaire, i f’ra frod tout l'hiver.
- Si saint Jacques (de la Marche) est serein, l'hiver s’ra dur et chagrin
- Année neigeuse rimplit l’guernier, année sins neiche appauvrit l’meunier.
- Gelée qui comminche par vint d’est, longtimps reste.
- Vint d’automne qui s’lèfe el mercredi, pindint neuf jours s’ra suivi.

459. ★ Galibot-Les-Bons-Tuyaux ★ le jeudi, novembre 28 2019, 10:12

460. ★ Galibot-Les-Bons-Tuyaux ★ le jeudi, novembre 28 2019, 10:12

461. ★ Galibot-Les-Bons-Tuyaux ★ le jeudi, novembre 28 2019, 10:22

Et aujord'hui, ch'est la Journée Mondiale du pain perdu !
Mais in n'in fait ed moins in moins, vu qu'in minge ed moins in moins d'pain et donc qu'in a ed moins in moins d'restes !
Ach't'heure, in minge 120g/jour alors qu'in 1900, ch'étot 900g/jour !
Quind j'y pinse, j'ai pus mingé d'pain perdu edpuis m'n'enfance !

J'vas pos donner l'arcette du pain perdu, ya pos plus simple, tout l'monte la connot !

462. ★ Galibot-Les-Bons-Tuyaux ★ le jeudi, novembre 28 2019, 11:59

Vindiouss ! J'ai triplonné ! Commint se ~~fesse~~ fait-ce ?
Noléon, t'es battu !

463. Kimberlotte le jeudi, novembre 28 2019, 23:15

Ch'est pos du "pain perdu" qu'in dit, ch'est du "pain crotté" !
Ach'teure, cha m'arrife pus souvint d'in faire, mais je n'n'ai fait souvint quind y avot core les éfants à l'mason !

464. ★ Galibot-Les-Bons-Tuyaux ★ le vendredi, novembre 29 2019, 09:46

Dictons du 29 novimpe :
- A l’saint Saturnin (ou Sernin, ou Savournin), les glaines su l’quémin ne troufent pus d’grains.
- Neiche à l’saint Saturnin, ch'est de l'iau pou l’moulin.

- S’il neiche à l’saint Saturnin, l’hiver ne s’ra pos serein.
- A l’saint Saturnin, l'hiver ch’est pour edmain.
- A l’Saint Saturnin, reste dins tin coin !
- Hiver rude et tardif rind l’pommier productif.
- Quind novimpe prind sa fin, l’hiver i s’met in train.
http://nsm09.casimages.com/img/2019...

465. ★ Galibot-Les-Bons-Tuyaux ★ le vendredi, novembre 29 2019, 09:46

Dictons du 29 novimpe :
- A l’saint Saturnin (ou Sernin, ou Savournin), les glaines su l’quémin ne troufent pus d’grains.
- Neiche à l’saint Saturnin, ch'est de l'iau pou l’moulin.

466. ★ Galibot-Les-Bons-Tuyaux ★ le vendredi, novembre 29 2019, 09:52

"Ch'est pos du "pain perdu" qu'in dit, ch'est du "pain crotté" !"
Pain perdu, pain crotté, pain croûté, pain ferré...Tout cha ch'est du parel au même ! Et chacun peut faire s'recette à s'mote, du momint qu'ya du lait, des ués et du chuque et eune tiote touche personnelle !
http://www.chblog.com/?q=pain+crott...

467. M☼zinpeƒ le vendredi, novembre 29 2019, 14:39

Ya un nouviau dicton:
-A la St blacfraïdet (ch'est un prénom inglais)
- Té vas dépinser tous tes deniers!

468. ★ Galibot-Les-Bons-Tuyaux ★ le vendredi, novembre 29 2019, 18:20

"Blague fraïdai" :
http://nsa40.casimages.com/img/2019...

469. ★ Galibot-Les-Bons-Tuyaux ★ le samedi, novembre 30 2019, 10:20

Dictons du 30 novimpe :
- Si l’hiver trouve quelques encombrées, té l’auras à l’saint André.
- Quind l'hiver n'est pos pressé, il arrife à l’saint André.
- A l’saint Martin, l'hiver est in quémin ; A l’saint André, il est acheminé.
- Pour saint André, l'hiver est vite ichi.
- Pou l’saint André, qui n'a pos d’cape dot l'imprunter.
- Pour que tout marche à vot’ gré, jeûnez à l’saint André.(allusion à l’ période de l'Avent qui étot jadis un carême)
- A l’saint André les tiotes biêtes chassent les grosses du pré.
- La neiche dit : À saint André, si ne suis, bétôt je serai.

- Pou l’saint André, la neiche est sous l’pied.

- A l‘ saint André, berger ne dot pus rin garder.
- A l’saint André, l’tierre artournée et l’blé semé, i peut neiger.

- Neiche de saint André peut cint jours durer.
- Saint André attind l’neiche; si ale ne vient pos à Noël, ne l'attind pus.
- Saint André apporte la gelée.
- Pou l’saint André, l’frod nous dit : Me voici !
- A l’sainte Catherine, fais t’farine car à l’saint André l’canal sera gelé.
- La neiche de l’saint André fait beaucop d’ma au blé.
- I faut semer l’seigle à l’saint André car il ne sort qu'à Noël arrivé.
- A l’saint André, la nuit l'importe sur le jour qui suit.
- A l'Saint André, à Kimbré, il a bien gelé !
.
Saint du 30 novimpe :
- St-André l'Apôtre est l’patron des chanteurs, des mineurs, des pêcheurs en eau douce, des porteurs d'iau, des pêqueux, des mareyeurs, des pichonniers, des femmes célibataires et des militaires. Il est invoqué pour guérir la goutte, le torticolis, les crampes et les maux d’gorche. Il est invoqué contre la coqueluche des infants et contre la stérilité des femmes.

470. ★ Galibot-Les-Bons-Tuyaux ★ le dimanche, décembre 1 2019, 10:18

Dictons du 1er déchimpe :
- A l’saint Éloi les jours allongent du cri d'eune oie
- A l’saint Eloi, temps d’ froid.
- Si à l’saint Eloi, té brûles tin bois, t’auras frod pindint tros mois.
- Quind saint éloi a bien frod, quatre mos dure le grind frod.
- Saint Eloi le gourmand : S’fiête arrife deux fos par an (et 15 janvier)
- A l’saint Eloi, la nuit l'importe sur l’jour qui luit.
- Quind arrife l’saint Eloi, laboureur, té peux rester chez toi.
- Saint Eloi, de soleil gourmand nous donne tros jours de biau temps.
- A l’saint Eloi, temps de frodure, car in déchimpe, les pieds dins la chinte.
- Déchimpe, l’mos d’l'Avent, ch'est pleufe ou vent
- Notre-Dame de l'Avent, pleufe et vints, et bonnets sur les dints.
- Pleufe d'orache dins les Avents, impêche l'hiver d'arriver in sin temps.
- La neiche des Avents a de longues dents.
- Quind les Avents sont secs, l'année sera abondante.
-Il faut les Avents frods et secs si l'in veut boire cul sec
-Déchimpe de frod trop riche ne fait pos l’paysan riche.
-Tonnerre in déchimpe fait prospérer l’blé et rimplit l’guernier.
-Tel Avent, tel printemps.
-Au temps d’l'Avent, les cos cantent par tous les temps.
-Brouillards dins les Avents, beaucop d’pommes.
-In déchimpe, s'il tonne, l'année s’ra bonne.
-Amitié de gendre, soleil de décembre.

471. ★ Galibot-Les-Bons-Tuyaux ★ le dimanche, décembre 1 2019, 10:23

Saint du 1er déchimpe :
Saint-Éloi(de Chatelac) est l’patron des artisans, des orfèvres, des forgerons, maréchaux, charrons, chaudronniers, couteliers, serruriers, mineurs, ferblantiers, des fabricants d'outils, des minéralogistes, des mineurs, monnayeurs mais aussi des valets de fermes, des ouvriers agricoles, des différents corps de métiers in rapport aveuc le g'va (cochers, jockeys, lads, éleveurs, maréchaux-ferrants, selliers, etc.), des garagistes, des pompistes, des bijoutiers, des collectionneurs de métaux précieux, des horlogers, des numismates, des ingénieurs in électricité et in mécanique, des chauffeurs de taxi, des vétérinaires. Il est invoqué pour protéger et guérir les gvas, protéger les gins contre les méchants gvas et enfin, invoqué pour soulager les douleurs lombaires…
Vindiouss ! Ch'est qu'il in a du boulot !
.
-Éloi, fut conseiller du roi Dagobert (588-660) mais fut plus connu par l’célèbre canchon :
''« Le bon roi Dagobert
a mis sa culotte à l'envers
le bon saint Éloi lui dit "O mon roi !"
votre majesté est mal culottée
C'est vrai lui dit le roi
je vais la remettre à l'endroit »''

472. M☼zinpeƒ le dimanche, décembre 1 2019, 12:14

Quind j'étos salarié dins l'agriculture, l'1er déchimbe, à l'St Eloi, dins ch'Nord ch'étot eine journée chômée et PAYEE!!!!!
quind j'sus arrivé dins la Beauce, pourtint ch'étot l'même boite, mais pos l'même convintion collectife, et alors là: Bernique, involée l'st Eloi chômée et payée!

473. M☼zinpeƒ le dimanche, décembre 1 2019, 15:56

J'armarque que nos traditions; St Eloi, Nicolas, Catherine, Barbe.....i z'ont tindince à disparaîte, et sont rimplacées par des traditions inglaisses ou amerloques : Allouine, blaque fraïdé et touti quanti!

474. Kimberlotte le dimanche, décembre 1 2019, 18:51

Mozinpef, St Nicolas i est core fêté dins l'Nord, mais pus de l'même façon. Ach'teure, i déquind du beffroi, ou de l'mairie ! Et pis, l'6 déchimpe, y a l'Ch'ti Day tout partout dins l'monte !

475. ★ Galibot-Les-Bons-Tuyaux ★ le lundi, décembre 2 2019, 10:11

Dictons du 2 déchimpe :
- Temps clair à l’sainte Viviane temps clair pindint quarante jours et eune semaine.

- In déchimpe, jornée courte, lonque nuit, l'abelle se tait, el jonc gémit.

- Grind vint dins les Avents, au co donne des dents.
- Tel les douze premiers jours de déchimpe, tel les douze mos d’l'année
-Intre la Toussaint et l'Avent, attinds-te à pleufe et vent.
-Grand vent dans les Avents, au co donne des dents.
-Hiver si tôt qu'il est trop biau promet un été plein d'iau.
-Agache dins l’ferme, neiche à court terme.
-Sainte-Viviane est l’patronne des personnes épileptiques, atteintes de maladie mintale et aussi des femmes célibataires. Ale est invoquée pour soulager les maux de tiête (y compris après les lindemains d’prone ! Cha peut toudis servir ! )

476. ★ Galibot-Les-Bons-Tuyaux ★ le lundi, décembre 2 2019, 10:18

Tiote blague :
Ch'est 3 loups, un frincais, un allemind et un belche, qui sont in forêt. Et là, paf ! i tompent tous dins des pièges à loups et ont chacun eune patte imprisonnée. Impossipe de s’écapper !
-Ah non ! dit le loup allemind. Quo qu’in va faire ? Les chasseurs vont nous avoir et nous tuer !
-J'ai eune idée ! s'exclame le loup frinçais. I faut sacrifier eune patte ! Dévorons-nous eune patte pour nous libérer. Cha nous f’ra eune patte in moins mais au moins in aura la vie sauve !
Aussitôt dit, aussitôt fait, le frinçais et l'allemind dévorent leur patte et se sauvent. Alors qu'ils allotent sortir de l’forêt, l'allemand dit:
-Min dieu! Et le belche, dù qu’il est ?
-Viens, in dot aller l’sauver! répond le frinçais.
I retournent sur le lieu de leur "capture" et voient le belge, toudis imprisonné, et qui leur dit:
-Nom de diouss, vous avez fait commint les mecs ? Je m' suis d’jà bouffé 3 pattes et j’suis toudis bloqué !

477. ★ Galibot-Les-Bons-Tuyaux ★ le lundi, décembre 2 2019, 12:10

"...traditions inglaisses ou amerloques : Allouine, blaque fraïdé et touti quanti! "
Té dos ête contint, Mozinpef : aujord'hui, ch'est l'"Cyber Monday" !

478. M☼zinpeƒ le lundi, décembre 2 2019, 15:40

j'in brairos!

479. ★ Galibot-Les-Bons-Tuyaux ★ le mardi, décembre 3 2019, 11:04

Dictons du 3 déchimpe :
- Pleufe d'orache à l’saint Silvère, ch'est beaucop d’vin dins l’verre.
- A l’saint François-Xavier laboure, i’ n’est pus temps d’bâiller.
- A l’saint François-Xavier visite tout tin guernier
- A l’saint François-Xavier l’gardin est au foyer.
- A l’saint François-Xavier plinte tin noyer.
-Déchimpe est l’plus dur des mois, car il prind et n’rind pos.
-Quind secs sont les Avents, abondant sera l'an.
-Rossignol de déchimpe muet in s’prison présage tardive et froide saison.
-Neiche de déchimpe, engrais pou l’tierre
-Huit jours de neiche, ch'est fumure; Huit jours au-delà, ch'est poison.
Saint-François Xavier est l’patron des navigateurs, des missions étringères et des personnes de couleur.

480. ★ Galibot-Les-Bons-Tuyaux ★ le mardi, décembre 3 2019, 11:11

Quatre comarates meurent insanne dins un terripe accidint d’carette.
I z’arrivent au Paradis et St Pierre leur deminde :
– Quo qu’vous aimeriez que les gins disent, devint votre cercueil ?
Le premier, Mozinpef, dit
– J’aimeros qu’les gins disent de mi qu’j’étos l’meilleur gardinier et qu’j’avos les plus biaux légumes du monte !
A sin tour, Noléon dit :
– J’aimeros qu’on dise que j’étos l’meilleur musicien au monte et qu’j’aros mérité d’rimplir un Zénith complet !
A sin tour, Kimberlotte dit :
-J’aimeros qu’in dise que j’étos l’meilleure maîtresse d’école au monte et que grâce à mi, beaucop d’mes élèfes sont devenus des prix Nobel !
A sin tour, Galibot dit :
– J’aimeros que les gins s’poussent du coude et comminchent à crier: « Hé! Ravisez ! Miraque ! Il a bougé ! »

481. M☼zinpeƒ le mardi, décembre 3 2019, 11:32

♫ Non, non, non, non ~~St Eloi~~ Galibot il est pas mort,♫
(bis)
Car il ~~bande~~ bouge incore, car il bouge incore! ♫

482. Kimberlotte le mardi, décembre 3 2019, 23:53

Ah ah ah !

483. ★ Galibot-Les-Bons-Tuyaux ★ le mercredi, décembre 4 2019, 10:09

Dictons du 4 déchimpe :
- A l’sainte Barpe, eul feulle est sous l'arpe.
- À l’sainte Barbe, solel peu darde.
- Madame Sainte Barbe, du mauvais tonnerre Dieu nous garde !
- Pour Sainte-Barbe, l'âne se fait la barbe (Prind sin poil d’hiver)
- Ch'est quind l’mouviard chifflera que l'hiver s'in artournera.
- I fait bon semer dins les Avents, mais i n’faut pos l’dire aux infants.
.
Saints du 4 déchimpe :
-Saint-Osmond est l’patron des gins souffrant d’eune maladie mintale. Il est invoqué pour soulager les maux de dints.
-Sainte Barbe :
Ale est seurtout connue pour ête la patronne des mineurs de fond et des pompiers, mais ale est aussi patronne des architectes, des géologues, des ingénieurs militaires, de tous les métiers du poil : chapeliers, fabricants de brosses, celle des brasseurs, des vindeux et installateurs ed piscines, des machons, des charpintiers, des tailleurs ed’ pierres, des prisonniers, des ingénieurs militaires, des mathématiciens, des chapeliers, des fossoyeurs, des géologues, des gins qui travaillent avec des explosifs (artificiers, dynamite, etc.),des artilleurs, des vulcanologues et des architectes.
Ale est invoquée contre la mort subite, pour surmonter la peur, les incendies, les explosions et les oraches, pour éviter d’ête frappé par la foudre et pour chés mineurs de fond, pour ne pos périr dins l’effondremint d’eune mine.

484. ★ Galibot-Les-Bons-Tuyaux ★ le jeudi, décembre 5 2019, 10:12

Dictons du 5 déchimpe :
- Saint Gérald au gardin, Saint Réginald in patin.
- Solel à saint Gérald, neiche à saint Réginald.
- A l’saint Gérald, neiche de déchimpe, ch'est pou l’ gardin chintes.
- Saint Gérald badin, Saint Réginald (21 févérier) gredin.

- Douceur de Saint Gérald, gelée à Saint Réginald.
- Avents fleuris, abondance de fruits.
- Si déchimpe et jinvier ne font leur quémin, février fait le lutin.
- Brumes d'octope, pleufes de novimpe, beaucop d’biens du ciel font déchinte.
- Brouillards d'octope et pluvieux novimpe font insanne un bon déchimpe.

485. ★ Galibot-Les-Bons-Tuyaux ★ le jeudi, décembre 5 2019, 10:34

Eune tiote blague d'actualité...
Un type meurt sur l'frontière frinco-belche.

Quind il arrife au ciel, Saint-Pierre li dit :
- Comme vous êtes mort pile-poil su l'frontière, j’vous laisse le choix intre l'enfer belche et l'enfer frinçais.

- Mais Saint Pierre, je n’connos ni l'un ni l'aute ! Ch’est quo l’différinche ?

- Eh bin, l'infer belche, in vous met dins eune grinde marmite pleine de purin ; des tiots gnomes très très vilains qui sintent mauvais pire que l’maroilles, mettent des bûches sous l’marmite ; un dragon vient allumer les bûches et vous cuisez toute eul jornée.

- Et l'infer frinçais ?

- Eh bien l'enfer français, in vous met dins eune grinde marmite pleine de purin ; des tiots gnomes très très vilains qui sintent mauvais pire que l’maroilles, mettent des bûches sous l’marmite ; un dragon vient allumer les bûches et vous cuisez toute eul jornée....

- Mais Saint Pierre, ch'est l’même cosse !

- Ouais, apparemmint… ! Mais mi, je seros vous, j’prindros l'infer français...Car dins l'enfer frinçais, un jour in n'a pos livré les bûches, un jour el dragon est in RTT, un jour in n’trouve pus la marmite et un jour in n'a pos commandé l’purin, mais l’plus souvint ch’est les gnomes qui sont in grève…

486. M☼zinpeƒ le jeudi, décembre 5 2019, 10:51

Blague qu'ale est bin d'actualité!
Après l'blaque fraïdé, l'six bières monedé, aujord'hui, ch'est l'jeudi noir! Horeuzmint qu'in est à l'artraite, in est pos obligé d'aller ouvrer, in peut rester au caud à s'baraque!
Armarque, avec l'brouillard qu'i fait, vaut miux pos bouger!

487. Kimberlotte le jeudi, décembre 5 2019, 18:42

Bin mi j'ai dû bouger quind même. A gla gla !
Ch'matin, y avot des trams comme el diminche, mais ch't'aprèm', cha d'vot pos ête trisse ! L'manif défilot su les rails ed tramway...

Chblog, le blog chti

Arcacher

Commentaires

Ajouter un commentaire

Le blog chti

Contact

S'abonner

Rechercher

Catégories

Derniers commentaires

Liens