avr.06
dans la catégorie Chti artésiens
Chèvre : maguette
Insultes chtis avec le mot maguette : curieusse comme inne maguette, te brais comme inne maguette, t'es grognou comme inne maguette, cinsier à maguettes, vieille bique.
Phrase du jour chti : plus que ch'bouc i pue, plus que l'maguette va l'vir !
Fil des commentaires de ce billet
Julien Clair quind i' cante in dirot eune maguette!(j'ai déformé l'nom pour pos qu'in seuche qu'ch'est li !)
Min prof ed'musique ed'dins l'temps, li aussi avot des lonques z'orelles,eune barbichette et quind i' solfiot il avot eune tiote voix chevrotante qui faisot pinser à eine maguette!!
Quind in s'trompe, in dit "crotte de bique, alors !". J'vos pos l'rapport...
Ma mère jurot in disant: "Crotte ed' bique in bâtons !" 
....j'pinsos qu' ch'étot:" crotte ed' bique à roulettes "...il est vrai qu'les espressions varient d'eine région à l'aute!"Dins l'midi jé n'sais pos si i' coperdrotent la boutade! pourtint i'z' ont eu einne maguette célèbre:cheulle de meussieu' SEGUIN !!
unne maguète ( qu'o l' prononche " unne madgète " din La Sonme ), vlø un nom qu'il est bien picard, avéc ds rachènnes flamandes à m'n idèe ! ( mènme famille qué ch' mot " GOAT " qu'oz énténd én Inglétérre )
Unne cénse à madgètes, ch'est unne pieute cénse adou qué ch' cénsier i dépouille péniblémént quiques jorneus d' térre... pis " un cénsier à madgètes ", ch'est conme i diroait Mozinpef, " un cinsier à brouette "... ( quante oz a point d' tracteur, oz éssaye dé s' n'én déssatcher conme o peut.. )
Dictons du 7 avril :
-Miux vaudrot pendre s’femme que de n’pos semer des raves le jour de l’saint Jean-Baptiste.
-Si Jean-Baptiste est triste, bonnes récoltes sont in piste.
-Vint pacifiste à saint Jean-Baptiste, gardinier optimiste.
-Sécheresse de saint Jean Baptiste, biau temps pour les cistes.
-L’pleufe sur Jean-Baptiste fait sourire le fleuriste.
-Nuache améthyste à saint Jean-Baptiste, pleufe à l’improviste.
-Ciel d’améthyste qui couvre Jean-Baptiste, l’printemps sera triste.
-Quind i tonne à l’saint Cyprien, i faut core porter des gants.
-Au sept avril, après l’coucou, ch'est l’rossignol qui cante.
-Au sept avril, l‘rossignol est mort ou in vie.
Min arrière-grind père s'appelot Jean-Baptiste. Quind il est mort, il a fallu mett'su l'faire-part : "Jean-Baptiste, dit "Ch'tiss!" car tout l'monte ne l'connaissot que sous sin "pseudo" !
"Miux vaudrot pendre s’femme que de n’pos semer des raves le jour de l’saint Jean-Baptiste"
-Mais j'vous jure, monsieur le Juge, si j'ai pindu m'femme, ch'est pour respecter ch'dicton ! J'ai drot à des circonstances atténuantes, non ?
Pour parler du "TISS"j'arcommande ch'lecture MARTIN DU TISS mineur in 19oo d'ANDRE LEBON! si bien entendu ch'life est 'cor in circulation dins quelques librairies!!ch'est plein d'humanité !!!Du ZOLA !!! éditeur de l'époque: Guy Cattiaux 1993
T'as core ravisé tin calindrier à l'artourne, Galibot! 
Pour mi, l'St Jean-Baptiste, ch'est l'24 juin!
Je l'sais pasque ch'est l'saint patron de Mos in Pève, est que ch'étot l'jour tint attindu de l'ducasse du villache; J'parle au passé pasque ya pus d'ducasse acht'heure! 
Tin St Jean-Batisse à ti, cha dot ête un usurpateur! 
Commint cha, min saint Jean-Baptiste un usurpateur ?
Min Saint Jean Baptiste de La Salle, du 7 avril est l’fondateur des Frères des Ecoles chrétiennes. Dins ses écoles, il a crée eune pédagogie nouvelle : apprinte la lecture in frinçais et non in latin ! Ce qui, à l'époque étot eune révolution ! I s’in est fait des ennemis avec cha !
Tin Jean-Baptiste à ti, ch'ti du 24 juin ya qu’au Québec qu’in l'fête : ch’est la Fête Nationale ! Si in l'fête aussi à Mons-in Pévèle,ch'est qu'ya sûremint beaucop d’québécois dins tin villache !?
In puss, ya pos de dictons du 24 juin avec Jean-Baptiste ! Ya que des dictons avec Saint Jean tout court. Ce qui prouve que ch’est min Jean-Baptiste à mi qui est l’meilleu ! 
Le tien, ch’est d’la gnognotte !
Pfffff!
Et ya eune tadition ch'jour là, l'24 juin:
Cueillir 7 épis de blé
Le 24 Juin,
La fête de la saint Jean, traditionnellement accompagnée de grands feux est la fête de St Jean le Baptiste.
Elle a lieu le 24 juin date symbolique du solstice d'été.
La croyance populaire dit que si l'on ramasse
7 épis de blé , le jour de la saint Jean ,
on aura du travail toute l'année..
ou du pain toute l'année !
...Re-Pffff!
Ouais, mais faut pos confonte St Jean-Baptiste avec St Jean le Baptiste...Ch'est pos l'même ! Aujord'hui, ch'est min Jean-Baptiste à mi ! 
Quant à l'tradition des 7 épis d'blé, j'connos...Mais ch'est quind même rare que ch'blé seuche mûr le 24 juin !
Quoique...ach't'heure, avec le récauffemint climatique, ch'blé i va ête bétôt mûr le 1er avril !
Donc in résumé faut pos confonte mes deux saints:l'un ch'est saint Jean el'tiss de La Salle et l'aute ch'est saint Jean issu d'eune tradition qui perdure à Mos in PEV'!!!et l'maguette dins tout cha !!!
Saint Jean-Baptiste de la Salle étot maîte d'école. Comme tous les maîtes d'école du 18ème sièque, il portot un bouc.
Et quind in parle ed' bouc, l'maguette, ale n'est pos loin !
La thématique est donc respectée !
Dictons du 8 avril :
-S'il vinte bien fort à l’saint Sixte, l’bos i sera ker.
-A l’sainte Julie, l’solel ne quitte pos sin lit.
-A l’sainte Julie, i vaut miux rester dins sin lit !
-Sainte Julie au gardin apporte sin brin d’folie.
-A l’sainte Julie, au gardin ch’est l’embellie.
-A l’sainte Julie taille tes ancolies.
-A l’sainte Julie, premier temps des floralies.
-A l’sainte Julie, toute tierre sera ameublie.
-A l’saint Gautier, jamais l’jour intier ne passe sins quèques giboulées.
-Les mains insinglintées, Saint Gautier a fini d’tailler ses rosiers.
- A l'saint Gautier, mets l'maguette au pré ! 
-A l’saint Denis bonne sèmerie.
-A l’saint Denis, le laboureur se réjouit.
-A l‘saint Denis, bécasses in tout pays. (Rue Saint Denis, plein d’bécasses aussi… )
Cafougnette ramène à s’baraque, eune maguette sur ses épaules.
I dit :
-T’as vu l’grosse vaque que j’dos m’coltiner ?
-Mais t’es biête ! li répond s’femme ! Ch’est pos eune vaque ! Ch’est eune maguette !
-Pfff ! Ch’est pos à ti que j’parlos, ch’étot à l’maguette !
Pauv' finme!!ale a un rute calvaire!!
Dictons du 9 avril :
-A l’saint Gautier, jamais l’jour intier n’passe sins quèques giboulées.
-Si à l’saint Gautier, té n’es pas core passé chez l’grainetier, té n’récolteras même pos la moitié.
-A Saint Gautier, gardinier, n’fais rin à moitié.
-A l’saint Gautier, contre les maladies pos d’quartier.
-A saint Gautier, i faut désherber les sintiers.
-A saint Gautier, cope les rejets du noisetier.
-A l’saint Gautier, plinte un griottier.
-A l’saint Gautier, met dehors le bergamotier.
-A l‘saint Gautier, est in fleur le noisetier.
-A l’saint Gautier, fleurit l’abricotier.
-A l’saint Gautier, fleurit le dattier.
-A sainte Waudru et Saint Macaire (le 10), in arvot les giboulées d'hiver.
-A l’saint Gaucher, tout l’gardin, i’est temps d’piocher.
-A l’saint Gaucher, le tracé de tin gardin té peux ébaucher.
-A l’saint Gaucher, les épeutnars té peux accrocher.
-A l’saint Gaucher, l’premier gazon té peux faucher.
-A l’saint Gaucher, de l’rocaille mets in plache les rochers.
-A l’saint Gaucher finit de fleurir le pêcher.
- A l’saint Gaucher, laisse ta maguette rigolbocher !
-Pleufe à Sainte Marcelle n’fait pos germer l’vermicelle.
-Prépare pour la sainte Marcelle tes graines nouvielles.
-Ch'est dommache si à l’Saint Marcelle, ta maguette est toudis pucelle.
A Saint Gautier, gardinier, n’fais rin à moitié.
Bin mi, à s'St Gautier,
Dins l'gardin j'ai pos mis les pieds!
Et i parait que ch'préfet ya mis ch'Nord in alerte séqueresse jusqu'au mos d'juin!
Pour mi, i boit, ch'homme là!
Deux bergers discutent. :
– Mi je n’comprinds pos, dit Léonard, j’n’arrife pos à faire faire des p'tits à mes maguettes.
Et sin camarate li dit :
– Acoute ichi : ch’est simple, j’vas t’donner un truc ! Mais faut pos l’répéter ! Ch’est un secret ancestral ! Edmain au lever du solel, té fais monter les maguettes dans t’camionnette, té les immènes aux camps, té les alignes, té baisses t’marronne et té leur in mets un tiot coup à chacune, et le lind’main à la cinse, au réveil si ales sont à l’ombre, ch’est que cha a marché, cha a enclenché l’mécanisme, té comprinds ? Mais si ales sont au solel ch’est qu’i faut arcommincher.
Donc, le lind’main, l’cinsier Léonard met les maguettes dins l’camionnette, les immène aux camps, les aligne et… hop.hop.hop ! Un tiot coup chacune !
Le lind’main, au réveil, il ouvre les volets et vot qu’les maguettes sont au solel. Il artourne vir sin camarate et li explique.
Sin camarate li dit :
– N’t’inquiète pos, i faut arcommincher jusqu’au momint où qu’cha marche !
Donc, Léonard fait monter les maguettes dins l’camionnette, les immène aux camps et… hop hop hop !...i leur in met 2 tiots coups à chacune…
Et l’lind’main, chés maguettes sont core au solel ! Donc, il arcomminche le jour suivant…hop hop hop !...
Cha dure comme cha tous les jours pindint eune semaine. Tous les jours…hop hop hop…Mais toudis pos d’résultats ! Les maguettes sont toudis au solel ! Léonard in a marre et comminche à pinser que l’secret ancestral de sin camarate, ch’est rin qu’des carabistoulles !
I décide donc d’abindonner, et de n’pus immener les maguettes aux camps…
Le lind’main matin, i décide de rester au lit… S’femme Nadette, ouvre donc les volets. Et soudain, ale s’écrie :
– Oh ! Min Dieu ! Seigneur, Marie, Joseph !
– Quo ? Quo qu’y a ? deminde Léonard affolé
Et Nadette li répond :
– Les maguettes !!! Ales sont montées toutes seules dins l’camionnette et y in a même eune au volant qui klaxonne !!!
Dictons du 10 avril :
-A l’saint Fulbert, in archoit les giboulées pour l'hiver.
-Quind arrife la saint Fulbert, dins l’campagne tout est vert.
-Caleur à l’saint Fulbert et les corps se libèrent.
-La semaine sainte le coucou cante, le dix avril i cante mort ou vif.
-Quind l’raisin naît in avril, i faut préparer sin baril.
-Au mos d'avril, tout osiau fait sin nid, hormis la caille et l’perdrix et l’rossignol joli.
-In deminde à Saint-Macaire d’Antioche d’intervenir pour faire ouvrir eune porte bloquée. Pus besoin d’serrurier !
Suite à un naufrage, Cafougnette s’artroufe sur eune île déserte in compagnie d'eune maguette et d'un kien d’berger, uniques survivants...
Sur l'île, i troufe ed’ quo minger, i fait biau et caud, l'iau est pure…bref, ch’est presque le Paradis... Sauf que, au bout de quèques mos, Cafougnette comminche à se sintir bin seul! Aussi, des idées lubriques invers la maguette lui viennent ed puss in puss souvint à l'esprit. I comminche à trouver l’maguette très attirante…
Et un biau jour, i n’in peut pus ! Il essaye d’attraper l’maguette pour y faire s’n’affaire ! Mais l’ kien d’berger ne l'intind pos d’cette orelle ! Il a l’habitute ed protéger les biètes du troupeau et à chaque tentative de Cafougnette, i lui mord les mollets...
Cafougnette est très contrarié…Tous les jours, il arcomminche… Il est ed’ puss in puss in manque et obsédé par l’maguette…Mais tous les jours, l’kien l’in impêche et lui mord les mollets !
Un biau jour, alors qu'il ravisot l'horizon machinalemint, i vot quetcosse flotter. I nage jusque là et troufe eune superbe jeune femme étindue à moitié nue et inconsciente sur un radeau d’fortune.
I ramène la belle rescapée sur sin île. Quind ale revient à elle, ale lui dit:
- Oh merci, vous m'avez sauvé la vie. J’vous dois tout. Dites-me c’que j’peux faire pour vous ? Je ferai TOUT, TOUT c’que vous désirez !
Cafougnette réfléchit trinte secondes et dit:
- Vous pourriez aller promener l’ kien ?
"Caleur à l’saint Fulbert", sort tin fût d'bière! 
Ch'est pos l'cas, i z'annonchent des gélées pou d'main matin!
Crotte de bique va falloir que j'voche bâcher mes salates!
Pourtint ch'est pos 'cor les saints d'glache!Arcouvrir les salates ch'est eune bonne idée !par indrots i'a la "fonte des semis"et t'es obligé d'arsemer!
Dictons du 11 avril :
-S'il gèle à l’saint Stanislas, in aura deux jours de glace.
-Gardinier qui s’prélasse à l’saint Stanislas ne récoltera rien hélas !
-Nourris l’sol à l’saint Stanislas, ch’est toudis efficace.
-A l’saint Stanislas, crocus et forsythias vont déjà faner hélas !
-Taille à l’Saint Stanislas les branques qui s’intrelacent.
-Après l’fiête de Stanislas, plus d’crainte qu’i glache ou verglasse.
-A l’saint Stanislas, les plintes détruites par l’hiver, le gardinier rimplace.
-Après l’saint Stanislas plus aucun arpe ou arbuste ne déplace.
-Le jour de Stanley, le plus souvint l’ciel est ni biau, ni laid.
-Vint à l’saint Stanislas, les viux bos fracassent.
-A l’saint Stanislas, trop d’vint nous lasse.
-Le solel venu, saint Stanislas ouvre tout grand les vasistas.
-Gardinier à l’saint Stanislas, jamais ne te lasse.
-S’il fait frod à l’saint Stanislas, la maguette inrhumée rassaque ses nasses
-Sainte-Gemma Galgani est invoquée pou s’débarrasser d’un problème de bé-bé-bé-bégaiement.
Ch'est deux gars in train d’chasser dins les bos. Tout in marchant, i s’artroufent devint un grand tro !
Pour connaîte la profondeur du tro, l'un des deux balance un caillau dins l’fond et tind l'orelle pour intindre eul bruit du caillau percutant l’fond... Rin du tout, pos d’bruit.
Du cop, l'aute cache c'qu'i pourrot balincer dins l’trou qui ferot puss ed’ bruit, et tombe sur eune traverse de chemin d’fer. I la ramassent tous les deux et la balincent dins l’tro ! Mais toudis aucun bruit...Etonnant !
Tout à cop, eune maguette surgie d’in n’sait où, fonce vers eux et saute dins l’tro !...
Un peu plus tard, i croisent un paysan qui leur deminde :
- Z’avez pos vu eine maguette, des fos ?
- Bin si, in in a vu eine ! Ale a déboulé d’un fourré à toute berzingue pour se jeter directemint dins l’grand tro qu’yavot dins l’forêt ! Ch’est la vôtre ?
Alors le paysan répond:
- Ah bin non, j’sus rassuré ! Cha n’peut pas être ma maguette ! L’mienne étot attachée à eune traverse de chemin d’fer !
Sin prénom ch'étot Huguette
Ale prom'not les maguettes
tous les jours quind ale passot
d'vant l'mason d'Galibot
i' s'mettot à l'ferniête
rajustant ses lorgnettes
et zoumot l'décolleté
de la belle Huguette
et les pis des maguettes....
Ch'est l' début d'un biau poème
A vous l'honneur de lui donner eune suite
intéressante!!! à vos claviers !!!
Titre du poème: l'maguette chez les CHTIS !
J'avos fait un tiot poème su ch'blog sur la maguette ya un momint d'cha. Pour faire plaijir à Noléon, j'l'ai arsorti d'mes archives et modifié…
.
Ch’est l’histoire d’eune tiote maguette
Qui a quitté l’troupeau à Huguette…
Car yavot Galibot à s’ferniette
Qui avot eune drôle de binette !
J’ai peur qu’i m’moutre s’quéquette
S’inquiète la tiote chevrette…!
.
Ale repart quind même guillerette
Mais là-bas, au bout de l’voyette
Un énorme bouc la guette :
« Viens ichi, ma tiote maguette,
J’vas t’raconter eune Cafougnette !
« Min oeul ! », rétorque l’ biquette
J’cros qu’té veux m’conter fleurette !
.
Ch’bouc rigole : « Conter fleurette ?»"
Mi, j’préfère les galipettes !
Illico presto, i s’débraguette
Montrant ainsi s’ bistouquette
Et même ses coucougnettes !
V’là c’que répond la tiote biquette :
« Tout cha n’vaut pos tripette !
Cha n’est vraimint pos chouette !
Armets in plache t’zigounette
Et tes trop tiotes roupettes !
J’in ai marre de tes sornettes !
Hé bin, mi, j’arpars in guoguette ! »
.
Galibot, le poète-poète
Mazette, quind ch'Galibot i nous taille eune bavette, ch'est pos del piquette! I s'a vraimint cassé la nénette!
Quind j'ai bu un cop à l'buvette,
I faut bin que j'l'admette,
Sur le papier quèques mots je jette !
J'ai pétête raté m'vocation d'poète !
Dictons du 12 avril :
-A l’saint Jules, mauvais temps n’est pos installé pour longtemps.
-A l’saint Jules, jamais sur biau soleil ne spécule.
-A l’saint Jules, les sansonnets tiennent ménages dins les clochers.
-A l’saint Jules, premières forficules (insectes) dins l’gardin déambulent.
-A l’saint Jules, chasse les iules et les forficules s’ils pullulent.
-A l’saint Jules, chaule ta tierre, car l’argile la coagule.
-A l’saint Jules, des premiers lilas cope les panicules.
-A l’saint Jules, des dahlias plinte les tubercules.
-A l’saint Jules, plinte des campanules.
-A l’saint Jules finissent les renoncules.
-Nuit claire de l’saint Jules, la chouette dins l’clocher hulule.
-A l’saint Jules, les croupes des bielles maguettes ondulent.
-Saint-Jules est invoqué pour atténuer les problèmes de couperose.
A l’saint Jules, premières forficules (insectes) dins l’gardin déambulent.
Et si te nous faisot un tiot poème aveuc des rimes in "ule"?
Attintion à pos déraper.... J'm'attinds au pire!
Houlà ! Té veux m'amener sur un terrain glissant où même eune maguette n'oserot même pos y mett' un sabot !
Déjà, ch'matin, j'aros pu déraper in mettant l'dicton :"A l'Saint Jules, quind j'avinche, té recules, commint veux-tu que…"
Mais, je n'l'ai pos mis dins m'liste ! Ouf !
Dins min commintaire précédint, j’viens d’faire eune figure de style qui permet de dire quetcosse alors que j’dis qu’j’n’in ai pos parlé ! Commint qu’cha s’appelle ?
Ch’étot la mineute question culturelle et rhétorique ed’ Galibot !
Cha s'rot pos cha qu'in appelle: eune litote?
Mozinpef arrive à suife !!Ch'est inoui... !!!Figure de style! réthorique! litote! par tous les saints!!! voilà qui convient bien!et j' n'exagère point !
"Cha s'rot pos cha qu'in appelle: eune litote?"
Nan !
Allez, j'vas donner l'réponse ! In appelle cha une "prétérition" ou bin une "paralipse" !
Fastoche, hein ?
J'vos d'ichi, qu'à l'Saint Jules, vos neurones i s'bousculent mais ch'est bien car cha les stimule !
HUGUETTE parfume sin bouc !
Ah bon! ch'est eine fimne à barbe ?
Dictons du 13 avril :
-Sainte Ida imbaume le lilas.
-A l’sainte Ida, craint tiotes gelées et cop d’froid.
-Gardinier qui n’sème pos à sainte Ida est un fada.
-A sainte Ida, pou’ l’gardinier semer, ch’est sin dada.
-Douceur de sainte Ida, sur les rosiers, les pucerons font la corrida.
-Réveille tes sens à sainte Ida aveuc l’asa foetida (plante réputée aphrodisiaque).
-Pour artourner tin gardin, à sainte Ida, l’motoculteur est un bon candidat.
-Souvint à l’Sainte Ida, les maguettes sont flagadas !
- Sainte Ida, né in Belgique, s’est mariée au Comte de Boulogne dont l’comté s’étindot des Ardennes au Pas-de-Calais. Ale étot la mère de Godefroy de Bouillon ; Ale déquindot de Charlemagne . Ale est invoquée pour soulager les douleurs aux mains et aux bras.
Un troupeau d’maguettes ne peut s’déplacer qu'à l’vitesse de l’maguette la plus lente. Si l’troupeau est pourchassé, évidemmint, ch'est les plus lentes et les plus faibles qui vont ête attaquées in premier par les prédateurs.
La sélection naturelle de chasse, est bonne pou l’troupeau in général, pasque l'vitesse du troupeau augminte à mesure que les plus lentes et les plus faibles sont éliminées…Ch’est logique…
De l’même fachon, l’cerviau humain ne peut pos fonctionner plus vite que ses cellules les plus lentes…Ch’est logique…
Comme in l’sait aujord'hui, l’consommation d'alcool détruit les cellules du cerviau.
La nature étant égale, donc, ch’est les cellules les plus lentes et les plus faibles qui sont détruites in premier.
In peut donc en déduire qu'eune consommation d’bière élimine les cellules les plus faibles, rindant ainsi note cerveau ed puss in puss performant.
C’qui explique pourquo in se sint toudis un peu plus intelligent après 3 ou 4 bières… CQFD
Tout l'monte est d'accord ?
I' faudrot faire un test naturopathique avec eune "leffe" sur eine maguette pou' vir ses réactions!!et étudier in minme temps l' comportémint du bouc odorant .
C’qui explique pourquo in se sint toudis un peu plus intelligent après 3 ou 4 bières…
"Sainte Ida, néE in Belgique"
A vire, t'avos pos core bu tes 4 bières quind t'as écris tin commintaire!
L'phrasse étot écrite in patois, donc ya pos d'faute ! J'connos l'règlemint !
"I' faudrot faire un test naturopathique avec eune "leffe" sur eine maguette"
Mais quel rapport peut-on trouver intre la Leffe et les maguettes ?
Hé bin, Galibot-les-Bons-Tuyaux i va vous l’dire : In Belgique, in a querre boire de l’bière in apéro. Et ya eune Leffe espéciale, la Leffe Nectar, au goût de miel, qui s’harmonise bien avec des toasts de chèvre chaud !
Pindint les fêtes, la Leffe Nectar peut accompagner aussi des toasts de foie gras au pain d'épices !
J'parie que ch'Maîte in bièrologie, i ne l'savot pos !
Eul'maguette avec la leffe nectar aime bin aussi certaines" FEUILLES" caduques et persistintes: des feuilles de maguette. !!El'mot plus précis vient du latin:caprifolium ,autermint dit: le chèvrefeuille !
Ale ara pos gramin d'succès avec mi t'Leffe Nectar: J'ai pos quère l'foie gras, et core moins l'fromache d'maguette!
Eune bonne Gueuze aveuc des tostes aux rillettes du côté d'amo Kimberlotte, et eune tarte au Maroilles, j'verros muix cha!
Eune bonne Gueuze aveuc des tostes aux rillettes du côté d'amo Kimberlotte, et eune tarte au Maroilles, j'verros miux cha
Ti, Mozinpef, te l'z'avos pos core bues nan pus, tes 4 bières !
Galibot, et quind in n'bot pos d'bière, quo qu'in peut boire pou ête pus intelligint ? Et te m'conselles aveuc ein' preufe !!
Quind j'étos tiote, j'avos querre l'conte de Grimm "Le loup et les sept chevreaux", aveuc ch'tiot chevreau qui s'étot muché dins l'horloche. J'trouva cha intelligint et marrant. A ch't'époque-là, j'savos pos core qu'ch'étot l'plache du cat !
Min père, quind i étot bébé, i étot allergique au lait d'vaque. I a té nourri au lait d'maguette... L'fromache ed maguette, cha passe, mais l'lait, rin qu'y pinser, cha m'donne invie d'vomir...
Tiens, l'vadroulleusse est rintrée à s'mason ! Au puss qu'in est d'fous, au puss qu'in rit !
"Galibot, et quind in n'bot pos d'bière, quo qu'in peut boire pou ête pus intelligint ?"
Bin, té bos du vin !
Car comme l'a dit Beaudelaire :
"Si l’vin disparaissot de l’production humaine, i s’ferot dins l’santé et dins l'intelligince un vide, eune absince plus affreusse que tous les excès dont in le rind coupape."
"Beaudelaire" ?
Baudelaire, ch'est miux !
Ouf ! ya personne qui l'avot vu !
Ouais, pasque ch'cop chi, t'aros pos eu l'escusse que ch'étot dins eune phrase in patois!
Tiens, l'vadroulleusse est rintrée à s'mason !
Ouais, mais ale arpart ed'main pou ein' s'mone ! Ch'coup-chi, j'vas in Bretagne. J'prinds m'n'ordinateur portape. Mais comme j'm'in sers janmais, j'sais pos si j'pourros aller su chblog aveuc... Faudra pos vos inquiéter si j'mets pos d'commintaires !
"Ouais, mais ale arpart ed'main pou ein' s'mone ! Ch'coup-chi, j'vas in Bretagne."
Pffff! Un d'ces quat', in va devoir t'loïer à un piquet pour que té restes à t'baraque !
Si té bos pos d'bière, in Bretagne, té vas boire du cidre ?
Dictons du 14 avril :
-A l’Saint Maxime, ivraie i’est temps qu’té décimes.
-Traite à l’saint Maxime, avant que l’vermine, tes quériches ne déciment.
-A l’saint Maxime, gardinier, i’est temps qu’té t’escrimes !
-A l’saint Maxime, les tulipes sont divines.
-A l’saint Maxime, le myosotis montre ses cymes.
-Intrées maritimes à l’saint Maxime et ch'est la déprime.
-A l’Saint Maxime, mets tes maguettes au régime
-Si saint Lambert est pluvieux, suivent neuf jours dingereux.
-A l’saint Lambert, fromache de maguette ou camimbert ?
-La pleufe au jour de l’saint Lambert, y in a pour un neuvaire.
-Saint Lambert impêche la gelée d’faire du tort au millet.
-Le printemps sera sec, si i fait du solel à l’saint Lambert.
-Le jour de l’saint Lambert, qui quitte s’plache, la perd.
-Un biau saint Valérien apporte abondance ed’ biens.
-Bourgeons de saint Valérien, l’fruit n'est pos loin.
-Quind arrife l’saint Valérien, l'arpe bourgeonne et les fruits n’sont pus loin.
-In invoque Saint-Bénézet pour qu’il intervienne pour treuver l’moyen de traverser un cours d’eau. (Mi, j’connos un truc pour traverser un cours d’eau sins invoquer Saint Bénezet: ch’est d’prindre le pont ! )
Je n'sais pus qui a dit cha :
"Au début, Dieu créa Adam et des maguettes. Mais comme chelles-chi ne savotent pos aller querre eune bière au frigo, il inventa la femme…"
C'jour là j'étos dins m'chevrolet et j'm'in allot faire des courses à CABRI!Tout d'un cop au bia mitan d'la route à chont mètres vla eune maguette qui traverse hors du passache clouté sins faire attintion!!Quind ale m'a apercu ale a fait eine cabriole et s'est r'trouvée su' l' capot dé m'chevrolet!l'ai eu eine rude frousse!!!
Et si cha avot été le fils moche de la maguette (chevreau laid) qui avot fait eune cabriole, cha arot fait un chevreau laid dins l'Chevrolet !
Cha m'étonne que t'as pos pinsé à ch'jeu d'mots laid !
Et t'as pinsé au cabri au lait ?
Puisque té vas in Bretagne, Kimberlotte, cha veut dire quo "BZH" ?
Bretagne Zone Humide!
Ch'est bin c'que j'pinsos!
In Bretagne ya qu'deux saisons : La saison des tiotes pleufes et l'saison des grosses pleufes !
J'sus allé 3 fos in Bretagne dins m'vie. Et à chaque fos, j'ai eu de l'pleufe ! Et quind i pleuvot pos, i drachot !
Eune fos, j'ai demindé à un Breton :
-Mais cha fait longtimps, qu'i pleut ?
I m'a répondu :
-Je n'sais pas monsieur, j'ai qu'20 ans !
...i'a pos logtimps(au baptinme d'un tiot fiu dusse qu'in éteut inviteu ) in a mingé de l'maguette!!!Après in a canté tertous! cha bêlot pertout!l'cous' i' disot :Pou' faire un vibrato i'faut imiter l'maguette!
-S'finme dit; i'est trop tard!!! ale est dins l'assiette !!!
Qu'est-ce qu'in a eu du plaisi'!!!avec el' madgète !!!
qued'fos in s'plaint du temps!!in dévrot "tempérer" ....in c'momint chi au MozamBIQUE
ch'est pos gai!i' vaut quind minme miux vife sur les côtes bretonnes!un coup d'crachin cha n'fait pos d'ma !cha révelle!
Dictons du 15 avril :
-Quind de saint Paterne arrive la saison, la caleur vient pour de bon.
-A saint Paterne, i faut ramasser la luzerne.
-A l’saint Paterne, jamais bon gardinier ne lanterne.
-Pleufe de saint Paterne implit bin les citernes.
-A l’sainte Anastasie, l’gardin exprime toute sa poésie.
-A l’sainte Anastasie, plinte les choux d’Asie.
-A l’sainte Anastasie, arrache les premières ambroisies.
-A l’sainte Anastasie, les maguettes veulent des zizis !
-Pleufe à sainte Anastasia et les limaces font la razzia.
-A l’sainte Anastasia, dins l’gardin plinte les premiers freesias.
-A l’sainte Anastasia, fleurissent les premiers opuntias.
-A l’sainte Anastasia, nourris tin kentia.
-Si l’quinze avril t’as semé, t’aras blé dru et serré.
-A l’mi-avril, l’ blé est à l'épi.
-Gardinier prudent attind l’15 avril pour fêter l’printemps.
Mi, j'ai pus d'blague à raconter sur chés maguettes...J'in troufe pus : cha m'rind chèvre !
Mincoin, un nouviau billet serot l'bienvenu !
Dictons du 16 avril :
-A l’saint Benoît, de canter l’coucou a droit, à moins qu’i n’seuche mort ed’ froid.
-Pour saint Benoît l’coucou cante aux bons indroits
-S’il pleut l’jour de l’saint Benoît, i pleut trinte-sept jours plus trois.
-Té veux oignons, seigle ou p’tits pois, sème-les vers la Saint Benoît.
-Si Mozinpef fête trop Saint Benoît, i va marcher d’guingois !
-A l’Sainte Bernadette, les maguettes sont à la fête !
-A l’Sainte Bernadette, Kimberlotte est in goguette !
-A l’Saint Benoît-Joseph, l’solel, du gardin est toudis l’chef.
-A l’Saint Benoît-Joseph, vient l’temps des premières greffes.
-La saint Benoît-Joseph est l’bon momint pour la regreffe.
-Gelée de saint Fructueux, rind l’vigneron malheureux.
-Ciel timpétueux à l’saint Fructueux, été fastueux.
-Bon ingrais apporté à l’saint Fructueux est toudis fructueux.
-Pour sainte Agnès (21 jinvier) et saint Fructueux, les plus grands frods.
-Saint Druon pluvieux, an fromenteux.
-Huons les gardiniers paresseux à l’saint Druon ! Hooouuuu !!!!
-Saint Druon, patron des bergers, est un saint de not’ coin puisqu’il étot de Carvin-d'Épinoy et étot ermite à Sebourg près de Valenciennes.
St-Druon ou Drogon est aussi l' protecteur des personnes autistes, handicapées mentales ou sourdes. In lui adresse des prières pour éviter d'être atteint d'eune maladie d'piau, pour guérir les calculs et pour ne pas subir de fracture des os. In peut aussi lui deminder d'intervenir pour lutter contre la bêtisse. Mais là, ch'est mission impossipe !!!!
L’aute fos, min stylo à bille a bavé et a fait eune taque ! J'ai crié: "Crotte de BIC !"
Avec min BIC souvint j'dessine des boucs!et j'in connos qui à tour de bras avec leu' bouque dessinent des biques !
Picasso qui étot un cubiste, n'a pourtant jamais peint de biques tarées !
(contrepèterie)
...et incore moins les boucs teints!il affectionnot,; dins toutes ché biêtes à cornes: l' taureau !sous les "olé"
La maguette bêle, chevrote ou béguète.
Mais si la maguette béguette, donc le mouton béton ! Logique, non ?
"maguette béguette"
Béguette aveuc un seul "T" ch'est suffisint ! Sauf si la maguette béguète in même temps qu'ale guette !
Béguette aveuc deux "T", ch'est eune pince...
Hier j'ai goûté du Chevrotin! un régal!!!cha vient d'la Savoie dusse qu'y a beaucop d'maguettes !!!
A propos! le savotes vous? el' chevrotine ch'est des balles servant à tirer sur les chevreaux ou bin des mouflons d'ou l'origine du nom !!!
Dictons du 17 avril :
-Biau temps à l’saint Anicet, est l'annonce d'un bel été !
-A l’saint Anicet, l’solel réapparaît.
-A l’Saint Anicet, l’coucou cante s'il ne fait pos trop frais.
-Avril frod à l’saint Anicet, pain et vin donne, mai frod les moissonne.
-Semer à l’Saint Anicet est toudis un succès.
-A l’saint Anicet, l’gardin dot ête insemincé.
-A l’saint Anicet, taille la houssaie.
-Semer sin gazon à l’saint Anicet est toudis couronné d’succès.
-A l'Saint Anicet, l'apéro est anisé !
-Jamais femme d'esprit n'a tondu ses brebis in avril.
-In avril, les biêtes quingent d’habit.
-In avril, la chèvre rit.(Vrai dicton ! Mais in n’sait pos pourquo ale rit !) (D’jà qu’in sait pos pourquo la Vache qui rit, rit…)
-In invoque Saint-Robert de Turlande pour éviter d’faire d’mauvaisses rincontres.
-Sainte-Kateri Tekakwitha est l’patronne des écologistes, la protectrice de l’environnemint et des personnes exilées
-Saint-Mappalique écarte les risques d’ête victime d’eune insolation. (Dins ch’nord, i n’est pos souvint invoqué !)
"le savotes vous? el' chevrotine ch'est des balles servant à tirer sur les chevreaux ou bin des mouflons d'ou l'origine du nom !!!"
-Et l'ballotine, ch'est pour tirer sur les ballots
-La brillantine, ch'est pour tirer sur les gins brillants
-L'églantine, ch'est pour tirer sur les glands
-La rustine, ch'est pour tirer sur les russes !
In n'd'apprind tous les jours su ch'blog !
La Poutine aussi, ch'est pou tirer su les russes?
...la margarine pour Margareth!!!et César pour tirer la Césarine !
Puisqu'in parle ed' Poutine, l'mos dernier, dins l'Vieux-Lille, ya un restaurant qui a ouvert et qui s'appelle la "P'tite poutine".
Comme chacun sait, la poutine, ch'est l'plat traditionnel du Québec. Ch'est fait aveuc des frites (qu'in appelle des "graisseuses" au Québec ! ) sur lesquelles in met du fromache (soit du cheddar spécial appelé "couic-couic" qui craque sous la dint, soit du fromache de maguette (cha, ch'est pour rester dins l'thématique! ), ou in peut ch'tiliser l'arcette in mettant sur les frites du Maroilles ! Et là-d'ssus, in verse eune grosse louchée d'sauce brune sucrée-salée-pimintée à base d'oignons bien caude pour qu'ale fasse fondre le fromache sur les frites !
Bon appétit ! Vaut miux pos compter les calories !.
Bien au delà du Parfait y' a "l'plus que Parfait!!"bonne fête à tous les "PARFAIT "
Bonne fête à ch'néo-calédonien cambrésien, j'ai nommé: Galibot 1er!
Merci de n'pos avoir oblié m'fiête !
Par contre, les dictons sont rares…
-La saint Parfait, ne passe pas sins gelée.
In puss, ch'est faux !
Chés jours-chi, i va faire biau temps : in va mett' les maguettes dins l'gardin pour tondre les pelousses !
Contrepèterie du jour:
Le berger caresse distraitement sa bique.
Je m’deminde si j’vas pos louer eune maguette pour tondre m’pelousse. Pasque j'ai un terrain in pente et qu' chaque fos que j'tonds, je m'bousille le dos! I parait que 3 maguettes nettient 1 000 m² en un mos (hierpes et ronces)(selon le site location4pattes.fr). I faut compter in moyenne 3 € par jour pour une location entre 3 et 7 jours. Pour les plus grands terrains, ch’est miux les moutons parait-il… Mais l'inconvénient d'chés maguettes,ch'est qu'cha bouffe tout ! Même les fleurs et arbustes ! Quo qu'vous in pinsez ?
Té rintabiseras l'location des biques, in les trayant pour ti vinde ch'lait ou faire du fromache!
Par conte, té peux dire adieu à tes fleurs et à tin bananier exotique!
Ou i faut loïer l'maguette à un piquet pour qu'ale peuche brouter autour d'elle et déplacher l'piquet eu fur et à mesure !
Obin, faut louer un mouton et eune maguette. La maguette sera la surveillante et l'mouton l'exécutant.
Comme cha, pindint que l'maguette guette, le mouton tond !
Des fos, j'me dis qu'i faudrot comme pour les maguettes, loïer Kimberlotte autour d'un piquet. Àle pourrot pus partir in vadroulle !
Horeuz'mint qu'ale est chez les bretons ! Sinon, j'in prindrai pour min grade ! 
Tiens, j'ai invinté un nouviau maloute ! Commint qu'j'ai fait ?
Ch'est pos tout cha, Mincoin, mais si té veux pos payer incore eune boutelle ed' champagne, i faudrot mett' un nouviau billet !
In a épuisé l'maguette ! Pauf' biête !
"Té rintabiLIseras l'location des biques"
Ale a failli m'écapper la faute ! Horeuz'mint que Galibot a l'oeul qui traîne partout !"
Mi,j'ai fait eune faute à "eu fur et à mesure" ! Mais ch'est eune faute ed clavier, cha compte pos !
T'as vu, Mincoin, t'as pas été assez rapide ! Et eune boutelle ed champagne ed' puss !
Ch’matin, j’avos pos d’dictons ! Cha m’contrariot ! Cha y est : j’in ai artreuvé !
Dictons du 18 avril :
-A l’saint Parfait, tout nous satisfait.(Galibot, aussi !)
-Pleufe de saint Parfait est toudis un bienfait.(Comme Galibot !)
-A l’saint Parfait, si l’ciel n’arrose, le gardinier le fait.
-A l’saint Parfait, tout c’qui est fait dins l’gardin est bienfait.
-Plinter des salates à l’saint Parfait, ch’est parfait.
-A l’saint Parfait, coper les pousses des querisiers, des pucerons évite les forfaits.
-Carottes semées à l’saint Parfait, à l’saint Hervé (17 juin) estomac satisfait.
-Bouillie bordelaise pulvérisée à l’saint Parfait, des maladies prévient les méfaits.
-A l’saint Parfait, des taupes corrige les forfaits.
-Pour saint Agapit, si té n’veux pos suer, enlèfe tes habits.
-A l’saint Ursmer, plinte l’ulmaire (reine-des-prés)
A l'St Parfait, Galibot yé......commint dire: Plus que parfait!
...et pis vla kimberlotte dév'NUE Maguette!sous la haute seurveillance d'note maître à tous !le pâtre des montagnes: Galibot!
"A l'St Parfait, Galibot yé......commint dire: Plus que parfait! "
Comme in dit dins l'billet précédent, "Cha, ch'est bin vrai !"
Dictons du 19 avril :
-A l’sainte Léonide, chaque blé pousse rapide.
-A ‘sainte Emma, tes fourraches in bas.
-A l’Sainte Emma, quinge le climat et s’involent les frimas.
-Gardiner à minima à Sainte Emma, de bielles récoltes te privera.
-L’temps de Sainte Emma, de toute eul saison oriente le climat.
-Sainte Emma prind la dernière neiche de l’an.
-A l’sainte Emma, les tulipes offrent un biau panorama.
-A l’sainte Emma, in pot plinte le curcuma.
-Plinte tes premiers géraniums à la sainte Emma, i resplendiront à l’Saint Thomas (e 3 juillet).
-Saint Lasérian (7ème sièque.) I fut chargé, par ch’ Pape Honorius Ier de régler l’problème de l’date de Pâques. Comme i trouvot pos, il in a fait eune fête mobile ! A causse ed li, la date ed Pâques quinge tous les ans !
-Saint-Expédit est l’patron des candidats au permis de conduire. Il est invoqué dins toutes les situations qui requièrent un intervention urgente.
"La bique a grossi en treize ans."
(Contrepèterie)
Plinte tes premiers géraniums à la sainte Emma
Cha y est, ch'est un hasard, mais j'ai arpiqué dins mes gardinières les boutures que j'avos faites in octope, et ales sont bin réussies! là, ales prennent l'solel sur chés appuis d'ferniètes.
Amo d'nos visins wallons, eune maguette cha s'dit: "eune gatte".
E ch'est d'là que vint l'nom de l'variété d'patates: la "corne de gatte", pasque ale arsenne à eune corne d'biquette, toute in longueur. Ch'est eune patate de luxe qu'in sert dins les restaurants, comme l'ratte de ch'Touquet.
J'ai essayé d'in planter eune fois, mais j'ai récolté que des quénèques, crotte de bique; jamais pus!
"j'ai arpiqué dins mes gardinières les boutures que j'avos faites in octope, et ales sont bin réussies! là, ales prennent l'solel sur chés appuis d'ferniètes."
Mi, j'attinds qu'chés Saints de glace seuchent passés pour plinter...In verra vers la mi-mai ! Prudence est mère de sûreté… Aveuc ch'dérèglemint climatique, in sait pus à quo s'fier ! 
Aujord'hui, je m'suis fait bronzer su m'terrasse mais p'tête que l'semaine prochaine, faudra armett' les pulls d'hiver !
Dictons du 20 avril :
-A l’sainte Odette, la pâquerette occupe la vedette.
-Qui sème des bettes à l’sainte Odette, facilemint se désindette.
-Qui paye ses dettes à l’sainte Odette, plus rin ne l’imbête.
-A l’sainte Odette, bon gardinier arrache l’herbette.
-A l’sainte Odette, les tulipes jouent les vedettes.
-A l’sainte Odette, nouviau billet, car ras-l’bol de l’maguette !
-Orache de saint Théodore annonce eune année in or.
-A saint Théodore, fleurit chaque bouton d'or.
-L’éclat des fleurs de saint Théodore, malheureusemint est souvint inodore.
-A l’saint Théodore, définitivemint l’hiver s’indort.
-A l’saint Théodore, toutes tes jardinières décore.
-A l’saint Théodore, billet su l’maguette incore ?
-S'il tonne à l’saint Simon d'avril, vindingeur prépare tes barils.
-S’il gèle à l’saint Sulpice, l’printemps sera propice.
-A l’Saint Sulpice, i pleut comme maguette qui pisse !
-A l’saint Marcellin, biau temps dès l’matin.
-Biau temps à l’saint Marcellin, assure l’pain et l’vin.
-Saint Marcellin, bon pour l’iau, bon pou l’vin.
-A l’Saint Marcellin, à Chavignol, l’maguette fait sin crottin !
"Aujord'hui, je m'suis fait bronzer su m'terrasse mais p'tête que l'semaine prochaine, faudra armett' les pulls d'hiver !"
Ch'ouiquaine, i devrot faire aux alintours ed' 25° !
L'ouiquaine prochain ch'est prévu 15°
Souvint sur les routes du Sud-ouest, in rinconte des biques flasques !
(contrepèterie)
MI,jé n'connos que" l'caillou qui bique" à ROISIN ch'est là qu'i' a l'mason d'Emile VERHAREN !là i'a des maguettes et pis des vaques !
...Par tous les saints!!!!!Joyeusses Pâques!!....au balcon !!si vous allez à la mer sur les cotes!!prudince!!!l'éeau est cor frode!attintion au choc thermique qui pourrot être fatal !et mettez un capiau su' vote tiête!
Dictons du 21 avril :
-Tel temps à l'saint Anselme, tel temps pindint eune semaine.
-A l’saint Anselme, les dernières fleurs in sème.
-A l’saint Anselme, in récolte c’qu’in sème.
-Flemme de gardinier à saint Anselme, des problèmes au centième.
-A Saint Anselme, le bohème essaime, la jardinière sème.
-Semer sin gazon à saint Anselme est un bon stratagème.
-A saint Anselme, sur tin gazon, engrais parsème.
-Fraises de saint Anselme sont un bonheur suprême.
-A l’saint Anselme, cope l’tiête des chrysinthèmes.
-Plinte tes pennetières à saint Anselme, t’in auras tout un harem.
-A l’Saint Anselme, des commintaires su l’maguette, in est au cent-quinzième…
-Saint-Anselme est invoqué par les personnes qui sont à la recherche d’eune source d’iau fraîque pour s’abreuver. (« Et qui qu’i faut prier pour treuver eune source de bière fraîque ? » deminde Mozinpef…)
- Pâques doux, épi vide.
- S'il fait du vint ou s'il fait caud le jour de Pâques, ch'est signe de mauvaisse campagne.
- Pâques humide, grain à foison.
- Merle ayant bien passé l'hiver, pour Pâques aura ses petits merles, mais qu'il l'ait bien passé ou non, pour Georges aura ses merletons (23 avril)
- Pâques non venu, toudis l'hiver au cul.
Et quèques-uns d'puss :
-Quind in a Pâques in march, ch'est les filles qui vont aux gars ; Quind in a Pâques in avril, ch’est les gars qui vont aux filles.
-Pâques d'avril, vaut fumier ou purin d’brebis. (Et pos les maguettes !)
-Pâques vieilles ou non vieilles, ne viennent jamais sins feuilles.
Comme in dit dins l’sud-ouest, "ale est bonne la bique du Gaston "
(contrepèterie)
Dins l'style humoristique j'vos fort bin eine bique in bikini sur eine plage du touquet!ah!! humour !quind tu nous tiens!!!
...ch'est pos des blaques!! j'ai connu eune finme ch'éteut madame LABIQUE et s'n' homme i' portot fièr'mint un bouc!I' prov'not des bouques du rhône et habitot" Port De Bouc !
IncroÏape !"
T'as treuvé des dictons pour St Lindidpak, Galibot?
"T'as treuvé des dictons pour St Lindidpak, Galibot?"
Evidemmint !
-Si t'as fais fort, l'dimanche ed Pâques, à l'Saint Lindidpak té seras patraque
-A l'Saint Lindidpak, reste à t'baraque
-A l'Saint Lindidpak, su l'barbecue, mets de l'barbaque
-A l'Saint Lindidpak,des fos,ch'temps i s'détraque
Et y in a d'autes :
Dictons du 22 avril :
-Pleufe le jour de sainte Opportune, ni quériches, ni prunes.
-A l’sainte Opportune biau temps, fruits d'été abondants.
-Sème tes légueumes à l’sainte Opportune et té feras fortune.
-Nourrir ses plintes à l’sainte Opportune, pou l’gardin est une action opportune.
-A l’sainte Opportune, in sourit à s’fortune.
-A l’sainte Opportune, l’billet sur les maguettes est toudis à la une !
-Sainte-Opportune aide les animaux de la forêt à échapper aux chasseurs.
-Si tes pennetières ne sont pos plintées à saint Alexandre, la récolte ne sera pis que pendre.
-Après l’saint Alexandre, dins les foyers plus de cendres.
-A l’saint Alexandre, adieu veillées, adieu cendres.
-A l’saint Alexandre, par les mauvaisies hierpes ne te laiche pos surprendre.
-A l’saint Alexandre, aveuc de l’cendre, éloigne les scolopendres.
-A l’saint Alexandre, les pucerons i t’faut pourfendre.
-À l’sainte Léonide, l’blé pousse rapide.
-Saint-Théodore le Sicéote vient in aide aux personnes qui ont un mariage diffichile.
Aveuc tous chés saints d'GALIBOT
Un calindrier ne suffit pos .
Comme arot dit: Bernadette;
I' n'y minque pus qué l'sainte Maguette !
-Mincoin, fais nous plaiji pou l'St Lindidpak,
-Mets nous un nouviau billet dins ch'manicrac!
Cha y est, j'sus rintrée ! Aveuc s'biau solel in Bretagne, j'sus arvenue bronzée. Enfin, bronzée de l'figure, pasque j'ai quind même pos mis min maillot d'bain !
Ben ouai!?caisse qui s'passe là !
POUQUO qu'billet ,i' n'y a pas?
TERTOUS i' s'déminde QUOI!
In est là aux abois!!!
alors qu'ch'est si facile
POU' quéqu'un d'si habile
d'nous glicher l'belle imache !!!
...in est des gins si saches ....(sages)
Bonne rintrée avec du biau solel !
AH! sur l'imache de l'maguette !!!personne n'l'a cor vu!!....sin sourire indéfinissape!!!....in dirot LA JOCONTE d' Léonard de Vinchti !!!
Dictons du 23 avril :
-Saint Georges et Saint Marc sont saints grêleurs.
-S'il gèle à l’saint Georges, sur cent bourgeons in restent quatorze.
-Quind i pleut l’jour de l’saint Georges, sur 100 quériches in n’in a quatorze.
-Pleufe de saint Georges, sur 100 quériches, y in reste quarante. (Faudrot savoir !)
-Quind à l’saint Georges i pleut, quériches adieu.
-Pleufe de l’saint Georges, cope aux quériches la gorge.
-Si mouillée est l’saint Georges, les quériches lui restent dins l’gueule.
-S'il pleut le jour d’Saint Georgeau, pos d’fruits à noyaux, ni guignes, ni bigarreaux.
-Gelées de saint Georges, saint Marc et saint Robert, récoltes à l’invers.
-Intre saint Marc et saint Georges un seul biau jour peut faire de l’orge.
-A l’saint Georges, l'épi est dins l’gorge.
-Pour la saint Georges, sème ton orge ; Pour la saint Robert (le 29) qu'il seuche couvert ; Mais si t’attinds la saint Marc, ch’est trop tard.
-A l’saint Georges, l’millet vaut miux que l’orge.
-A l’saint Georges, i faut semer fèves et orge.
-A l’saint Georges, quitte tes avoines et sème (ou herse) ton orge.
-Saint Georges met l’épi à l’orge, la fleur au lin et la graine aux raves.
-A l’saint Georges, la caille est dins l’orge.
-Saint Georges arrive souvint sur un g’va blanc.
-Si saint Georges n’est pos là, pas eune hirondelle du ciel ne viendra.
-Quind saint Georges est sur sin siège fit courir ta vaque !
-Saint Georges étot un martyr : In l‘a fait coper in morciaux, jeter dins un puits, avaler du plomb fondu, brûler dins un taureau de bronze chauffé à blanc, donner in nourriture à des osiaux de proie. Mais à chaque fos, saint Georges ressuscite et in profite pour multiplier les miracles ! Et après cha, i tue des dragons ! Pour arriver à tout cha, à m’n’avis, ya dû printe des substinces illicites !
-Saint-Georges est l’patron des archers, des armuriers, des bouchers, des cavaliers, des soldats, des scouts, des travailleurs agricoles, et d’plusieurs villes, régions et pays (l’Ingleterre, notammint). Invoqué pour avoir l’ courache d’supporter stoïquemint des insultes et pour écarter les risques d’être atteint d’eune maladie d’piau. Enfin, i soulache les personnes quéus par tierre !
-Saint Georges est aussi souvint invoqué par ceuss qui veulent un nouviau billet sur un blog…
Enfin, i soulache les personnes quéus par tierre !
Fallot me l'dire in 2016 quind j'ai eu m'n'accidint !
Ah! quel paganisme !Georches i' n'terrassot que les dragons cracheurs de feu!Pou' un nouvia billet i' faut invoquer l'omniscient et omni- présent:Saint Régis de Berck !
J'ai pus d'blague sur les maguettes ! J'vas donc in raconter eune qui n'a aucun rapport ! Et tint pis pour la thématique ! Mincoin, yaka nous mett' un nouviau billet !
.
Ch’étot min anniversaire.Je venos d’avoir un âche incore raisonnape.
Ch’matin là, après m’ête levé, j’ai arjoint m’n’épouse qui prenot sin p’tit déj’.
J’espéros qu’ale me dise : ”Joyeux anniversaire, chéri!"
Mais ale n’a rin dit... J’ai pinsé : « Ale n’est pos réveillée sûremint… »
Quind les infants se sont levés, i n’ont rin dit non plus...
J’sus parti déçu au traval et quind j’sus arrivé au bureau, mes collègues n’ont rin dit… Sauf ma jeune et jolie stagiaire qui m’a glissé discrètemint à l’orelle un : ”Joyeux anniversaire monsieur !"
Finalemint quéqu’un s’in étot souvenu. Cha m’a rassuré…
J’ai ouvré jusqu’à midi. La stagiaire est rintrée dins min bureau et m’a dit :
”Vous savez monsieur...I fait biau dehors et ch’est vot’ anniversaire. In pourrot aller minger insanne. Juste vous et mi. Quo qu’vous in dites ?
J’ai trouvé qu’ch’étot eune excellinte idée et in est partis.
In s’est beaucop amusés, in a bin rigolé !
Su l’quémin du retour, ale m’a suggéré :
”Monsieur, la jornée est si belle qu’in pourrot aller jusqu’à min appartemint qui est juste à côté ! In prindra un tiot rafraichissemint."
In est donc allés chez elle et pindint que je sirotos un tiot apéro, ale m’a dit :
”Si cha n’vous déringe pos, j’vas aller dins m’champe, mett’ eune tenue plus décontractée…. Mettez-vous à l’aise ! J’arrife ! me dit-elle avec un tiot sourire…
Je m’suis dit : « Ch’est dins la poque ! »
Passé chinq minutes, ale est sortie de s’champe aveuc un énorme gâtiau !
…et derrière elle, ma femme, mes infants, mes amis et collègues ed’ bureau.
Tout ce tiot monde cantot :
“ Surprise !!! Joyeux anniversaire !!!”
Et mi... j’étos plinté là...assis su’ l’canapé…Sins maronne, min calcif sur les pieds, m’biloute au garde-à-vous…
J’min souviendrai d’min anniversaire…
St Régis de Berck-sur-Mer
Si te savos comme in t'a querre
Quind te mets ein nouviau billet
A tous chés bloggeux affamés...
Si te réponds à nos prières
In te f'ra de biaux commintaires !
J’min souviendrai d’min anniversaire…
Ah les hommes ! Y in faut pos bocop pou qu'i sintent abindonnés, et pos bocop pou l'z émoustiller !
I parait qu’chés maguettes ont querre la bière !
Té l’savos, Mozinpef ?
I parait qu’chés maguettes ont querre la bière !
Ch'est possipe, chés kiens i z'ont querre cha, pourquo pos chés maguettes ? Y a même de l'bière pou kiens ! Et même qu'y a tros saveurs différintes : au porc, au poulet et même ein' végétarienne…In verra tout ! Mais y a pos d'alcool ed'dins, heureuss'mint...
I parait qu’chés maguettes ont querre la bière
"Botte de Kriek" (contrepèterie), nan, j'sais pos!
C'matin à défaut d'maguette!!...la pauvre!!!(accommodée à toutes les sauces)..j'disos donc...c'matin cha m'a fait plaiji' j'ai vu deux hirondelles!!!cha faisot longtimps qu'j' in avos vu!!Dusse qu'il est l'temps qu'alles arvénotent tous les ans dins m'n'armise artrouver leur nid ;et intinde piailler les hirondeaux !!
Régis !!j'vos qu't'es bin imbêté pou' l'choix d'un nouvia billet!!!pourtint ch'est pos difficult'; tous les jours té mets un saint ...pou' canger:....saint éloi...sainte barpe ...Les non référencés au patois:saint frusquin...saint glinglin!et..coetera ///
Dictons du 24 avril :
-A l’saint Gaston, trie la semince, inlèfe le bourgeon.
-A l’saint Gaston, bin souvint l’temps n'est pos bon.
-A l’saint Gaston, la maguette tond
-Intre Georges (le 23) et Marquet (le 25), un jour de l’hiver se met.
-A l’sainte Euphrasie, sur ses bourgeons in s'extasie.
-A l’sainte Euphrasie pointe la fraise.
-A l’saint Fidèle, plinte l’asphodèle.(appelé aussi « porion du diape » !)
-Sème des radis à l’saint Fidèle, t’in récolteras toute eune ribambelle.
-A l’saint Fidèle, niche l’hirondelle.
-Après l’saint Fidèle, ch’est bien rare qu’il gèle.
-Plinte un houx à l’saint Fidèle pour décorer sainte Adèle (24 déchimpe).
-A l’Saint Fidèle, la maguette bèle de plus belle !
"I parait qu’chés maguettes ont querre la bière"
Et leur bière préférée, ch'est la Gueuze lambic lambique !
Cha donne ed' l'allant pou' l'bique!N'est'ce pas: Mozinpef!!
S'mer à tous les saints faut faire gaffe!!!Les effets d'la LUNE,qu'cha fuche Gazeton ou bin Georches pourrotent bin contrarier tes s'mis si té n'respectes pos tin calindrier lunaire in vinte sur gogole !
A l'Saint Machin, plinte chi, à l'Saint Truc, plinte cha ! Mi, j'plinte rin d'tout cha, jusse quéques fleurs su min balcon.
Et comme j'ai pos d'gardin ni d'cour, j'peux pos alleu in vagances à Gardincourt ni à Demeurechies. Ch'est pou cha que j'vadroule !
Yaka aller sur internénette, sur les sites ed' rincontres et treuver un homme qui a un gardin ! Ch'est quind même pos cha qui dot minquer du côté du Mans !?
Quo qu't'in pinses ?
J'préfère pos faire d'commentaires su chés hommes des sites ed rencontres.. .
...ch'est pos toudis des p'tits saints !!!
...les finmes ch'est parel!!l'jour dé l'rinconte teu discute aveuc;ale est bin sous tous rapports;très sexy ale teu dit qu'ale a b'soin aussi d'être protégée, qu'ale aime bin tout chu qu'té i' a dit et aussi qu'ale adore les voyaches!avec es' p'tite voix d'maguette ale t'as con-vaincu et tu te dis:" ah! yé ch'est dins la poche!!"..pis au bout d'un certain temps té t'apercheu qu'cha camousse et qu'tin porte-monnaie fond à vue d'oeul!!et un bia jour pris d'boisson mauvaise conseillère,té l'fous à l'cour pou' éviter d't'ertrouver à l'rue !!voilà un exempe parmi tant d'autes d'finmes qu'in peut rincontrer dins eune agence tous risques !Un copain m'a confié qu'i' préférot aller in boite nocturne bin habillé avec es' capote et redingote pou' faire sinsation!!!!ch'est un choix!
"ale t'a" :erratum" a "sins "s" car ch'est elle qui "a" et non pour" t' ":ti!
Ch'est pos miux d'rincontrer quéqu'un sur un site ed' rincontres qu'in boîte ed' nuit !
Ch'ti qui mint sur sin CV, cha s'vot vite ! Ceuss qui s'rajeunissent ed 10 ins aussi !
Mi, j'connos un couple qui s'est rincontré sur internénette ya 10 ans . I s'sont mariés et ont deux magnifiques infants. Et i sont heureux. Comme quoi…
Ach't'heure ya près de 2000 sites de rincontres in France. Faut choisir le bon !
Dictons du 25 avril :
-A l’saint Marc s'il tompe de l'iau, y aura pos d’fruits à noyaux.
-S'il pleut à l’saint Marc, y aura des prones toute l'année
-Saint Marc mouillé au p’tit jour, ch'est de l’pleufe pour tout l’jour.
-S'il pleut à l’saint Marc, les guignes couvriront l’parc.
-A l’saint Marc, s'il tompe de l'iau, y aura pos d’fruits à coutiau.
-Quind saint Marc nous trempe, adieu les rentes.
-A l’saint Marc, in guernoulle se trinsforme le têtard.
-A saint Marc, les vaques passent l'ouverture. (?)
-I faut semer les citrouilles à l’saint Marc
-S'il pleut à l’saint Marc, point d’panier ni d’sac.
-Grind nettoyache ed’ printemps, utilise de l’lessife Saint Marc !
-Intre saint Marc et saint Georges, un seul biau jour peut faire de l’orge.
-A l’saint Georges sème ton orge, à l’saint Marc, i s’ra trop tard.
-Gelées de saint Georges, saint Marc et saint Robert, récoltes à l’inviers.
-Saint Georges cueille les quériches, Saint Marc les vind.
-Geourgeot, Marquot, Philippot, Crousot et Jeannot sont chinq malins gaichenots (garçonnets) qui cassent souvint nos goubelots (gobelets). (Dicton d’min ex-coin, l’Franche-Comté)
-Saint Marc est l’patron des secrétaires, des notaires, des greffiers, des verriers et tous les métiers qui s'exposent aux coupures.
-In l'invoque aussi contre la gale et contre l'impénitence finale et pour éviter les conflits intre les membres d’eune famille lors du partache d’un héritache.
-Et surtout, in invoque Saint Marc, quind l’billet su l’maguette, in in a marre !
Mi, j'vas créer un site genre "forteresse" :le site Adèle !
Ach't'heure ya près de 2000 sites de rincontres in France. Faut choisir le bon !
Je n'n'ai essayé plusieurs, ch'est toudis parel. Je n'n'avos tell'mint marre qu'j'ai écrit et composé ein' canchon su chés sites ed rincontes pou m'armonter l'moral !
AH! bon!ch'est quo! comme canchon ?du Tino Roussi !!?ou alors!!!ROULIO les essuie-glaces ??
Nan, ch'est du Cant Berlotte !
...donc ch'est pos du "fraiche-cancan !!!
Je viens d'l'apprinte par min service ed' rinseign'mints;MAGUETTE ch'est un prénom féminin assez peu utilisé in Frince certes mais y'in arot quind minme quelques milliers à s'prénommer comme cha!!
Bonne jornée !
Cha m'étonne pos, mi j'connaichos eune caissière dins un magasin Champion (I n'da pus) ale s'appelot: Gorette!
Pauve femme!
Et i parait que Gorette, ch'étot eune pourchelle!
AH! ouai!!et quind ale éteut au rayon"librairie" ale conseillot à tertous ed' lire" stindhal !"
"MAGUETTE ch'est un prénom féminin assez peu utilisé in Frince"
Ch'est sûr ! Mais in Ingleterre, ch'est plus courant : La plus connue ch'est l'incienne 1ère ministre : "Maguette Tas d'chair !"
Dictons du 26 avril :
-Saint Clet freume eul porte aux derniers pos.
-Quind Saint Clet nous trempe, adieu les rentes.
-A l’Saint Anaclet, l’hiver sous l’porte met l’clef.
-A l’Saint Anaclet, un nouviau billet ?
-A l’Saint Aldo, l’hiver a définitivemint tourné sin dos.
-A l’Saint Aldo, l’billet su l’maguette, in in a plein l’dos !
-In avril, le vingt-six, finis de plinter les lys.
-In avril, au vingt-six, finissent les myosotis.
Ale sainte ALDO ale paie ses dettes !
Et in lisant Stendhal, ch'dal i sint s'truie!
Y est vraimint timps d'canger d'billet, pasque pou chés commintaires, pus qu'cha vient, pire qu'ch'est !
...question d'billet!!Hélas!!...ch'est que dale !!
Dictons du 27 avril :
-A l’sainte Zita, l’frod n’dure pas.
-Sème des tiots radis à l’Sainte Zita, té les croqueras pour sainte Rita (22 mai).
-A l’sainte Zita, l’billet su les maguettes est toudis là…
-A l’sainte Zita, un nouviau billet, toudis pas…
-Sainte-Zita est l’patronne des garchons d’café, des serveurs, des maîtes d’hôtels et des hôtesses. In li deminde d’intervenir pour artreuver des clés perdues, pour treuver ed’quo s’désaltérer et pour ne pos souffrir de déshydratation…(Non, Mozinpef ! Pour les bières, cha n’marche pos !)
-A partir de saint Siméon, té peux semer tes melons.
-A l’saint Siméon, la neiche et les tisons.
J'cros que j'l'avis d'jà racontée mais comme ya pos d'nouviau billet, in arprind les mêmes et in arcomminche !
Tiote devinette :
Deux maguettes, Baba et Babi sont sur eune tiote barque in train d'traverser eune rivière. Et d'un cop, Baba tompe dins l’iau ! Alors quo, qu'i s'passe, hein ?
J'cros que j'l'avis
A m'n'avis, j'l'avos...Ch'est miux !
Zita un momint, Mincoin, mets nous un nouviau billet; Chelle maguette ale comminche à sintir l'rinfreumé!
ZI T'AROS v'nu t'aros mingé d'l'andou...lle !comme t'es pos v'nu...ale est restée pindue !!troum!la !troum!lalè...reu!...troum!là troummm! là! troum là! là!
BON ! BIN!j'comminche à avoir ma p'tite idée!....;..
Bon, bin si ch'est comme cha, j'm'in vas prinde eune tiote s'mone ed vagances dins l'sud , j'espère que l'maguette ale ara changé d'tiête quind j'arvindrai!
Baba tompe dins l’iau ! Alors quo, qu'i s'passe, hein ?
Babi bèle ?
"Babi bèle ?"
Un "bon point" pour not' instit' !
Et Baba, quo qu'i fait ???
..t'saros l'dire !!?
Quo qu'i' fait BABA !!!?au B.A ;BA du patois !!?i' b(ê)le ?
Bon Dimanche les ami(es)et pour les subtilités et autres finesses à la r'voyure !!!Beeeeeeeeeeeêê!!!!Régis
armet nous cha !!!
J'vos qu'personne n'a treuvé….
Ch'étot fastoche : Baba coule !
Dictons du 28 avril :
-À l’saint Vital, pleufe et gel font tout l’mal.
-A l’Saint Vital, les maguettes attindent un mâle !
-À l’sainte Valérie, souvint l’solel luit.
-Si ya un nouviau billet à l’Saint Valérie, les blogueurs enfin, sourient !
T'espères beaucop! euh! Galibot!Tin optimisme démesuré et toute ta sainteté devraient (dévrotent)faire infléchir tin ouaibeumaester inopérant!courache à TOI!! euh! tiens bon !!mais seurtoute sans t'faire prier n'sois pos l'chonquième reule du brinquard!T'as démocratiqu'mint bin seûr 'droit d'réponse!il y va d'la continuité de ch'site AUQUEL té prinds eune très large part!!!Si tes liens marchent continues comme cha!est-ce eune question d'intérêt général ???va savoir!!Mozinpef i'est dins l'midi et KIM berlotte fait les navettes!...
I faut maintenir l'batiau à flot ! Ch'est in faisant des commintaires tous les jours qu'in va continuer cette belle avinture !
Même si ch'ouaibmaster i baisse les bras d'timps in timps, ch'est pos eune raison pour faire parel ! Hauts les cœurs camarates !!!!
La preufe : J'ai core caché et j'ai artreuvé quèques dictons :
-Ciel assombri à l’sainte Valérie n’est jamais avarie.
-A l’sainte Valérie, niche la perdrix.
-A l’sainte Valérie, si l’ciel brait, l’gardinier rit.
-Rameau sec à l’sainte Valérie, l’hiver nous a trahi.
-A l’sainte Valérie, la charrue sous l’poirier, la Toussaint venue quitte la charrue.
-A saint Aimé, point d’moutons affamés.(Et point d’maguettes affamées ?)
A l'sainte Valérie va ! allez !! rit !
A la sainte VITALE ...ch'est incroyape KIMBERLOTTE chu qu'les Maguettes attindent !!!Honni soit qui mal y pense !
Si Babi bêle !il émet des décibels !OHHHH! la belle phrase!!!.....
Cha m'fait vraimint plaisi' d'in écrire des si belles!!
A dé!!!
Aujord'hui, y avot ein r'pas de l'association. Chés adhérents i z'étotent in forme ! I z'ont racontés des Cafougnettes et autes histoires pindint tout l'repas. Y en avot tell'mint qu'j'ai rin artenu ! Galibot, dommache qu't'étos pos là, t'aros pu inrichir tin répertoire ! Mais y avot ein espécialisse des histoires belches, heureuss'mint que t'femme ale étot pos là... Ses orelles ales ont pos sifflé aujord'hui ?
kim-berlotte! t'aros dû inviter Galibot et s'dulcinée! i's' s'sarot fait un plaisir d'egayer l'société par ses avalanches d'écritchures !!pou' eune fos qu't'étos pos in va-droulle!Ah! là!là!là!
Bonne journée !
"heureuss'mint que t'femme ale étot pos là... Ses orelles ales ont pos sifflé aujord'hui ?"
Ah, ch'est cha, ses acouphènes ? J'comprinds ach't'heure !
"Y en avot tell'mint qu'j'ai rin artenu !"
Ach't'heure, sur chés téléphones portapes, ya eune fonction "Inregistremint" ! Ch'est bin pratique !
Mi, avec min portape, j'fais plein d'choses...sauf téléphoner !
"t'aros dû inviter Galibot et s'dulcinée!"
Cha arot été bien, mais hier in fêtot l'anniversaire ed' min père : 89 ans ! Comme ch'est parti, min père i va faire cintenaire ! Comme sa mère qui est morte quèques jours après ses 100 ans !
Ch'est pos mi qui sera cintenaire, aveuc tout c'que j'ai finqué dins m'vie …! J'avos calculé eune fos, qu'javos finqué 1 million 500 000 clopes dins m'vie !
Cha fait deux ans qu'j'ai arrêté, horeuz'mint !
Dictons du 29 avril :
-Pleufe de sainte Catherine (de Sienne) à sainte Sophie, rimplit les granges et les barils.
-Ste-Catherine de Sienne est l’patronne de l'Europe, des infirmières et des pompiers. Ale est aussi invoquée pour écarter les risques d'eune intoxication, pour lutter contre eul feu et par les gins qui ont la troulle ed subir un échec.
-A l’Sainte Catherine, l’billet sur les maguettes, toudis in se l’coltine !
- Gelées d’saint Georges, saint Marc, saint Robert, récoltes à l'inviers.
- A l’saint Robert, tout arpe est vert.
- La pleufe le jour de saint Robert, de bon vin implira tin verre.
La pleufe le jour de saint Robert, de bon vin implira tin verre.
In dit pos quind !
Et j'croyos qu'ch'étot Jésus Christ qu'i avot cangé l'eau in vin aux noces ed Cana ! Ch'est du plagia, cha, nan ?
j'saros pos t'dire ???Comme saint thomas!... mi j'y étos pas!!à part eul' patois et la BD j'laisse ces questions là aux oubliettes!ch'est pos l'indrot pou' armouer tout cha !i'in a eu assez aveuc Staline !
....bêêê!!!!!
"cangé l'eau in vin aux noces ed Cana ! Ch'est du plagiaT",
Attintion, si in bot du vin à l'plache de l'iau, in fait des fôtes d'ortograf !
V'là ch'que ch'est d'écrire vite fait inter deux cops d'fil ! J'ai passé m'n'après-midi au téléphone. Si core ch'étot pou raconter des Cafougnettes ! Mais nan, ch'étot pou prinde des rindez-vous d'toutes sortes, et i fallot appeler au moins tros fos pour avoir quéqu'un au bout du fil ! J'ai quind même été correcte, j'ai pos dit "Allo, allo, y a du brin dins l'tuyau ?, obin "Allo, allo, ein verre ed genièfe ou ein verre d'iau ?"... Ach'teure qu'j'ai passé tout min timps pou tros fos rin, j'vas d'voir courir pour faire c'que j'avos prévu d'faire pou m'n'association ! Que brin !
Quind ch'est comme cha ch'est Ric et Rac !Ch'est comme si té voulos tirer deux leffes in minme timps !chaque chose en son temps et...escusez meuh du peu ; du temps pour chaque chose !!car le temps qui s'écoule y passe !
...j'arrife pour que nouvelle ! et quo que j'vos:L'madgette !!!alle a pos cangé ;in dirot qu'ale cache un propriétaire !!!!
D'main ch'est l'fiête du traval !y'a pos d'saints à souhaiter! A +!!
Dictons du 30 avril :
-Saint Eutrope mouillé, quériches estropiées.
-Plintez vos fèves à l’saint Eutrope, vous in aurez plus que de mottes.
-Sème tes haricots à l‘saint Eutrope pour in avoir eune trochte (beaucoup)
-Les gins qui vont subir eune chirurgie au cerviau peuvent solliciter l’aide de Saint-Eutrope pour ête réconfortés.
-A saint Pie, vois pinson au nid.
-Avril ne s’in va jamais sins épis,
-Avril a trinte jours, si trinte et un il avot, personne ne s’in plaindrot.
-A l'issue d'avril, la nature a fait l’plus difficile.
-Avril intrant comme un agneau, s'in va comme un taureau.
-Saint-Adjuteur est l’patron des nageurs, qui lui adressent des prières pour écarter les risques d’noyade.
-Quind in voyache à l’étringer, des prières adressées à Saint-Pomponne écartent les risques de s’faire agresser. (L’femme de Saint Pomponne, ch’étot la Pomponette ? Comme dins « La femme du boulinger ? »)
-A l’Saint Pomponne, après les maguettes, un billet sur les cochonnes ?
"(L’femme de Saint Pomponne, ch’étot la Pomponette ? Comme dins « La femme du boulinger ? ») "
Puisque j'ai parlé d'cha, cha m'oblige à rappeler la tirade adressée par l’boulinger à sa chatte Pomponnette, mais visant indirectemint s’femme volage qui arvient au bercail! Ch'est un morciau d'anthologie. ! J’mets l’version originale et l’version traduite in ch’ti (pour respecter la thématique du blog ! ) :
Le boulanger : Ah ! Te voilà, toi ? Regarde, la voilà la pomponnette... Garce, salope, ordure, c'est maintenant, que tu reviens ? Et le pauvre Pompon, dis, qui s'est fait un mauvais sang d'encre ! Il tournait, il virait, il cherchait dans tous les coins... Plus malheureux qu'une pierre, il était... Et elle, pendant ce temps-là avec ses chats de gouttières... Des inconnus, des bons à rien... Des passants du clair de lune. Qu'est-ce qu'ils avaient, dis, de plus que lui ?
Sa femme : Rien.
Le boulanger : Toi tu dis "rien." Mais elle, si elle savait parler, ou si elle n'avait pas honte - ou pas pitié du vieux Pompon - elle me dirait : "ils étaient plus beaux." Et qu'est-ce que ça veut dire, beau ? Et la tendresse alors, qu'est-ce que tu en fais ? Dis, tes ministres de gouttières, est-ce qu'ils se réveillaient, la nuit, pour te regarder dormir ? (La chatte, tout à coup, s'en va tout droit vers une assiette de lait qui était sur le rebord du four, et lape tranquillement.) Voilà. Elle a vu l'assiette de lait, l'assiette du pauvre Pompon. Dis, c'est pour ça que tu reviens ? Tu as eu faim et tu as eu froid ?... Va, bois-lui son lait, ça lui fait plaisir... Dis, est-ce que tu repartiras encore ?
Sa femme : Elle ne repartira plus...
Le boulanger : Parce que, si tu as envie de repartir, il vaudrait mieux repartir tout de suite, ça serait sûrement moins cruel...
Sa femme : Non, elle ne repartira plus... Plus jamais...
(Evidemmint, quind ch'est dit par Raimu, cha prind d'l'ampleur !)
.
Ach't'heure, in chti :
.
Le boulinger : Ah ! Te v’là, ti ? Ravise, la v’là la pomponnette... Garce ! Saloooope ! Ordure !... Ch’est ach’t’heure, que t’arviens ?
Et l’pauf’ Pompon, dis, qui s'est fait un mauvais sang d'encre ! I tournot, i virot, i cachot dins tous les coins... Plus malheureux qu'eune pierre, il étot... Et elle, pindint ch’ timps-là aveuc ses cats d’gouttières... Des inconnus, des bons à rien... Des passants du clair d’lune. Quo qu'i z’avotent, dis, ed puss que li ?
Sa femme : Rien.
Le boulinger : Ti, té dis "rien." Mais elle, si ale savot parler, ou si ale n'avot pos honte - ou pos pitié du vieux Pompon - ale me dirot : "i z’étotent plus biaux." Et quo qu’cha veut dire, biau ? Et l’tendresse alors, quo qu’t’in fais ? Dis, tes ministres ed’ gouttières, i s’réveillotent, la nuit, pou t’ raviser dormir ?
(La chatte, tout à cop, s'in va tout drot vers eune assiette ed’ lait qui étot su l’rebord du four, et lape tranquillemint.) Voilà. Ale a vu l'assiette ed’ lait, l'assiette du pauf’ Pompon. Dis, ch'est pour cha qu’ t’arviens ? T’as eu faim et t’as eu frod ?... Va, bos-lui sin lait, cha li fait plaijir... Dis, t’arpartiras core ?
Sa femme : Ale n’arpartira pus...
Le boulinger : Pasque, si t’as invie d’arpartir, i vaudrot miux arpartir tout d’ suite, cha s’rot sûremint moins cruel...
Sa femme : Nan, ale n’arpartira pus... Pus jamais…
(Ch'est biau, hein ? Un peu puss et in brairos !)
Te vas core dire qu'ch'est du ch'ti et qu'i a pas de faute, mais mi j'aros écrit "in brairot" !
Dictons du 1er mai :
-Solel de saint Jérémie, déjà l’été frémit.
-A l’saint Jérémie toute feulle frémit.
-Au premier mai, fleurit l’bon muguet.
-A l’saint Joseph va et vient l’hirondelle.
-Caud à l’saint Joseph, l’été sera bref.
-Qui veut bonne melonnière, à l’saint Joseph dot la faire.
-Pour saint Joseph, s'éveille l'orvet, le lézard et l'abeille.
-Pour l’saint Joseph, chaque osiau bâtit sin câteau.
- Quind i pleut à l’saint Philippe, n'apprête ni tonniau ni pipe.
- Quind i pleut à l’saint Philippe, point besoin d’fût ni d’barrique.
- Si l'apôtre saint Jacques pleure, bien peu d’glands demeurent.
- Pleufe de saint Philippe présage eune année fertile.
-Quind i tonne le premier mai, les vaques auront du bon lait.
-Au premier mai, acate du muguet et de bonheur, fais un bouquet.
-De l’pleufe le premier jour de mai ôte aux fourraches de l’qualité.
-En avril, ne te découvre pos d'un fil, in mai, fais c’qu'i t’plaît.
-Quind les escargots courent après l’muguet, té peux compter sur tros jours mouillés.
-Au premier jour de mai, blanque gelée tue les fruits d’l'année.
-S'il pleut le 1er mai, peu de coings, s'il pleut le 2, i sont véreux, s'il pleut le 3, y’in aura pos.
-Quind i pleut l’premier jour de mai, les fourraches rindent amer le lait.
-Radis semés au premier mai seront mingés à l’saint Béranger.
-S'il pleut le premier mai, peu de quériches ;S'il pleut le deux, ales seront véreuses ; S'il pleut le trois, y’in a pas.
-Pleufe du premier mai présage année fertile.
-Pleufe du premier mai, séqueresse le reste ed’ l’année.
-S’il pleut l’premier mai, l’bœuf gagne et l’cochon perd.
-S’il pleut le premier mai, le g’va gagne sin procès et l’truie le perd (?)
-L’premier mai, ch’est obligé : Ya un nouviau billet !!!!
Et qui ch'est qui a cor' gagné eune boutelle ed' champagne pou l'200ème commintaire ? Galibooooooooooot !!!!
Ach't'heure, Mincoin, t'as pus d'escuses ! Déjà qu'té devos mett' un nouviau billet au 100ème commintaire !!!
In n'a pus rin à dire sur les maguettes !
Après ch'com'202 bin souvint in dit:"jinmais deux sans trois !"
Bon prinmier d'mai! fête du muguet!J'ai bin intindu des roul'ments d'tambours au loin et quelques claironneux !y'avot presqué personne !héreus'mint l' porteu' d'bannière étot là pou' li aller insuite s'invoyer un genre ed'mousseux à l'réception,et in attindant aussi qu'in i' diche;"vous in r'voulez !!Triste constatation;y'avot pos eine maguette majorette ! à plus !!
Dictons du 2 mai :
-Au jour de Saint Boris par malheur, ch'est un mauvais vindingeur.
-A l’Saint Boris, ch’est la fin des iris.
-A l’Saint Boris, mai fait ou défait
-Si la leune est pleine ou nouvelle l’jour de Saint Boris, s’il gèle, la plus grinde part des fruits mourra.
-A l’Saint Antonin, les amoureux s’prennent la main.
-Ch'est à l’Saint Antonin, que vind sin vin l’malin.
-A l’Saint Antonin, un nouviau billet enfin !
-A l’veille de Saint Jacques, si t’as l’solel ed’ Pâques, compte que, pou l’moisson, l’blé s’ra dru et bon.
-A l’Saint Athanase, s’forment les framboises.
-A l’Saint Néopole, l’billet sur les maguettes, ras-l’bol !
-Si la leune est pleine ou nouvielle le jour que Sainte Croix suivra et qu’il advient que lors il gèle, l’plus grinde part des fruits mourra.
-A l’sainte Zoé, aux camps toute eul journée.
-Pleufe que Sainte Zoé amène, durera au moins six semaines
FIN
A l'saint BORIS(Godounov) vlà qu'i' pleut vlà qu'i' pisse !
Galibot, l'prinmier mai, t'as oblié l'Saint Jérémie ! Y a p'tête pos dictons, mais t'aros pu in inventer ein !
Mi l'prinmier mai, j'étos à Lille ! Jusse ein tiot tour pou ein cop d'laser su m'n oeul drot hier. Et à Lille, rue Faidherbe, y avot toutes sortes ed grosses biêtes bariolées qui v'notent du Mexique in direct ! Mais j'ai pos vu d'maguette...
"Galibot, l'prinmier mai, t'as oblié l'Saint Jérémie !"
Bin non, j'ai pos oblié : J'in ai mis deux, tout au début de l'liste, in puss ! :
-Solel de saint Jérémie, déjà l’été frémit.
-A l’saint Jérémie toute feulle frémit.
J'ai pos oblié pasque Jérémy, ch'est min neveu et filleul !
Kimberlotte, faudrot qu't'armettes des piles dins tes leunettes !!!!
"Jusse ein tiot tour pou ein cop d'laser su m'n oeul drot hier."
Bin, mi j'viens d'aller vir min ophtalmo: in va m'donner un cop d'laser sur l'oeul gauche le 1er juin !
Dictons du 3 mai :
-Si à saint Jacques l'apôtre pleure, bien peu d’glands i demeure.
-St-Jacques est l’patron des apothicaires, des chapeliers, des modistes et des pharmaciens. Il est invoqué pour soulager les douleurs d’eune blessure.
-Quind i pleut l’jour de saint Philippe, i n’faut ni tonniau ni pipe.
-Si au 3 mai i pleut, l'été s’ra pluvieux.
-À l’sainte Croix, in sème les pois.
-Pleufe de la Croix, disette de noix
-A l’sainte Croix, semailles partout
-A l’sainte Croix, toudis l’billet su l’maguette : in porte notre croix…
-La sainte Croix importe ou laiche tout.
-Qui n'a pas semé à l’sainte Croix, au lieu d'un grain in mettra trois
-Sème haricots à la saint Croix, t'in auras guère que pour toi,
-Les châtaigniers le 3 mai doivent faire ombre pour porter.
-Quind i pleut le 3 mai, point d’noix au noyer.
-Un 3 mai insoleillé, un bel été est assuré.
-Le 3 mai sera insoleillé, si ya un nouviau billet…
Si t'as pos vu l'Saint Jérémie sur ma liste, à m'n'avis ch'est pasque l'ophtalmo a trop forché su l'cop d'laser !!!
Si t'as pos vu l'Saint Jérémie sur ma liste, à m'n'avis ch'est pasque l'ophtalmo a trop forché su l'cop d'laser !!!
Nan, ch'est pasqu'i paraît qu'j'ai d'l'allergie aux yux. J'ai l'vue toute brouillée ! Cha fait ein mos et d'mi que j'mets des gouttes dins mes yux pou cha et que j'prinds ein coprimé intihistaminique (que mot !) tous les jours, mais cha fait que dale. In puss, aujord'hui, j'ai les yux qui brûl'tent... J'sais pu quo pinser !
Ben, mi ya deux ans, j'ai fait eune allergie au collyre. Plus j'mettos d'collyre et plus j'avos l'oeul inflammé !
Solution : mettre des gouttes de sérum physiologique !
Au bout de 2 jours j'avos pus rien ! Le sérum, ch'est neutre ! Cha lave l'oeul !
Cha tompe bin : J'aime bien m'rincer l'œil !
Dictons du 4 mai :
-Ch'est à l’saint Antonin, que vind sin vin le malin.
-À l’saint Antonin, les amoureux s’prennent la main.
-A l’Saint-Nicéphore, l’billet sur les maguettes, toudis et incore…
-Saint-Florian est l’patron des ramoneurs de queminées, des tonneliers, des brasseurs et des personnes qui sont in danger d’être noyées. Il est invoqué pour avoir eune bonne récolte et pour lutter contre eul feu, les inondations et les oraches.
-A l’Saint-Florian, l’nouviau billet, on l’attend…
-Taillis pluvieux à l’Saint-Sylvain fait tout l'an incertain.
-A l’Saint-Silvain, l’nouviau billet, in l’attind in vain…
Les dictons, i n'l'avotent pos prévu, mais i vient d'querre à Kimbré eune averse ed' grêles pindint 15 mineutes, aveuc un vint à décorner les maguettes !
Ach't'heure, i fait du solel et ya un biau ciel bleu ! Dérèglemint climatique...
Avant qu’Mincoin, n’mette un nouviau billet… J’sus allé glaner quèques informations su ch’oueb : Yavot des cosses que j’savos pos…
J’espère qu'chés quèques informations vous s'ront utiles !
-La maguette a été domestiquée au cours du Néolithique, y a inviron 12 000 ans.
-Le bouc dégage eune odeur très forte qui provient d'une glande située intre ses cornes.
-La maguette est très sinsible à l’solitute. Ainsi, un élevache devra compter au moins deux animaux, faute de quo la maguette pourrot faire eune dépression !
-La piau de l’maguette est utilisée dins l’fabrication d'instruments de musique à percussion, comme le tambour ou le tam-tam
-Quind eune maguette ne possède pos d’corne, in dit que ch'est eune maguette « motte ».
-Amalthée étot eune maguette, nourrice de Zeus infant, dont eune corne fut cassée par le jeune Dieu. La corne devint la Corne d'Abondance. In dit aussi qu'à s’mort, sa piau fut trinsformée in un bouclier par Zeus, qui devint alors invincipe.
Ch’étot l’mineute culturelle, caprine et ouiquainale ed’ Galibot qui sait pus quo dire ed'neu su l’billet d’la maguette…
J'cros qu'y a pu rin à dire in effet !
Dérèglemint climatique oblige, ein nouviau tiot dicton : "In avril, si t'inliève ein fil, in mai, très vite te l'armets !"
Ch'est eine maguette qui discute aveuc s'copine:
-Alors !!!tin bouc c'mint qu'cha va ???
-Bin !acoute!j'sus inrhumée !!
-J'vos pos l'rapport par l'fait qu't'es inrheumé ...J'n'in sais pas puss!!
-Ben si !!j'peux pus l'sintir !!
Désormais quind tu taperas sur un tambour aies eine pinsée pleine d' compassion pou' l'maguette !
Dictons du 5 mai :
-L’temps de sainte Judith va durer jusqu'au dix-huit.
-A l‘sainte Judith, biau temps s’précipite.
-Sainte Judith vot pinson au nid.
-A l’Sainte Judith, l’billet sur les maguettes nous irrite…
-Qui file le jour de l’saint Hilaire, file sin suaire.
-A l’saint Hilaire, l’jour croît d’eune heure de bergère.
-Quind i pleut l’chinq mai, y a pos d’noix, l’treize pos d’rojins.
-Saint-Avertin est invoqué pour soulager les maux de tiête.
-A l’Saint Avertin, l’nouviau billet, in l’attinds…
PRIERE A MINCOIN :
Notre kiné qui êtes osseux,
Que nos articulations seuchent certifiées,
Que notre squelette tienne,
Que nos oches imboîtés seuchent fermes,
Sur la tierre comme ossuaire ;
Donnez-nous aujord'hui nos massaches quotidiens,
Pardonnez-nous nos gémissemints,
Comme nous pardonnons à ceuss qui nous ont massés,
Ne nous laissez pas succomber à l’décalcification,
Mais libérez-nous du mal au dos.
Tant qu’vous y êtes, si ch’est pos trop, cha nous plairot
De votre infinie bonté, mett’ un nouviau billet…
Amène…
Bielle prière !
Comme si in n'n'avot pos core assez su ch'blog, ch't'après-midi, y avot ein documintaire su l'fromache ed maguette sur la 5 ! J'ai artenu quetcosse : ch'est comme pou tout, faut faire rud'mint attintion pou avoir ein vrai bon fromache naturel ed maguette...
L'espression CHTI:" i' n'se fait pos prier"correspond ichi à eune action ou intervintion immédiate!
Eximpe concret:
J'ai eu à peine l'temps d'li dire d'aller traire eul' maguette qu'il arvénot avec l'sééau plein !
J'cros bin qu'ch'est m'dernière cartouche !.....tant PIS... d'maguette ....
Comme disot Giscard par un biau soir.....
BONCHOIR ! AU REVOIR !....et à plus tard !
pou' dire bonjour la maguette CHTI-ELLE fait:Bêêêêeêê!
pou' dire bonjour la maguette CHTI-ELLE fait:Bêêêêeêê!
Dictons du 6 mai :
-S'il pleut à la petite Saint Jean (Saint Jean étot surnommé saint Jean Porte latine ou le petit Saint Jean) toute l'année s'in ressint, jusqu'à la grande saint Jean [21 juin)
-Solel à la petite saint Jean, mos d’mai fleurissant.
-S'il fait biau à la petite saint Jean, année fructueuse in froment.
-Jeannet, gare à Jeannet, quind i s'y met, i nous fait trois pets (oraches).
-Intre les deux saint Jean (24 juin, Saint Jean-Baptiste) les nuées vont contre eul vint.
-S’il pleut à la petite saint Jean, les blés s’in vont in dépérissant.
-S'il pleut à la petite saint Jean, toute l'année s'in ressent.
-S'il pleut à la petite saint Jean, année fructueuse in froment.
-A l'Saint Jean, l'nouviau billet, on l'attend….
-S'il pleut à la saint Jean caude, les biens de l’tierre gâtés jusqu'à l'aute (27 décembre, Saint Jean l'Evangéliste).
-A l’sainte Prudence, s'il pleut, s'il vinte, peu après les moutons dansent.
-Pleufe de sainte Prudence, fruits in abondance.
-Solel et caleur de sainte Prudence, des fleurs sont les réjouissances (Ch'est pos l'cas aujord’hui…)
Saint Jean (Porte Latine) est l’seul apôtre qui n'a pos été martyrisé. Cepindint, l'impereur Domitien lui fit subir le supplice d'ête plongé dins eune cuve d'huile bouillante. Mais chelle-chi s’trinsforma in bain rafraîchissint. Que veinard ! Et i parait que Saint Jean in ressortit même rajeuni ! Ce « supplice » si in peut dire, eut lieu près de la porte de Rome menant vers le Latium et appelée "porte Latine" d’où l’surnom d’Saint Jean. Eune fos d’puss, le jeu de mot "Porte la tine"(in deux mots) fit de saint Jean le petit un Patron des vignerons et tonneliers puisque les vignerons portent la tine (ou la hotte ou la cuve). V’là un ju d’mots vach’mint intellectuel !!! Hein, Noléon ?
Pour la tiote histoire, l'impereur Domitien se faisot appeler « Dieu ». I passot l’plus clair de sin temps dins sin cabinet à attraper des mouques qu'il enfilot dins un poinçon.
I n’avot pus toute es’tiête... et i mourut assassiné…
Ch’étot la mineute culturelle, historique ed’ Galibot qui sait pus quo dire mais qui, par ses anecdotes, permet de passer l’temps in attindant un nouviau billet !
Pour avoir ein nouvia billet j'pinse à l'ordre alphabétique.In a eu "M" comme maguette !!!que sera "N"....???Eune suggestion!
A propos d'saint Jean(l'seul qui n'a pos été martyrisé )j'pinse à Paul qui a li aussi passé par eune belle porte !! In c'momint chi à NîMES i'sont in train d'faire arvivre eul' passé qu'ont connu l'z'apôtes!i'a des Nimois qui ont pos su dormir tell'mint qu'ch'étot barbare!I'avot Benne Hur dins l'arène qui conduisot sur sin quadrige ses quates gvas à toute vapeur!Pindint c'timps là i'in avot un aveuc sin fourqué attindot qu'César lève el'bras vers le haut ou vers l'bas!!l'foule criot "pousse"!!Qué ju d'cirque !!i' minquot pus qu'eine maguette
pou' cloturer le spectaque !!
Eine pétite précision sur le quadrige!
Ch'est eine carette antique m'née à toute vapeur par quate quéviaux! (4cv pour abréger)
Tristesse et désolation!
J'pinsos avoir emmené chelle maguette à Nîmes aveuc mi dins les arènes (vu que j'étos juste à côté), et v'là qu'ale est arvenue à l'même plache qu'i ya 8 jours!
J'sus défoutu d'vire qu'i n'da qui s'décarcassent pour continuer à faire vife ch'blog, alors que ch'père fondateur ya laissé quère!
Si ch'est comme cha, j'attindrai qu'y ait du nouviau pour mi raconter des cacoules, pasque là, in a biau pocher l'pis de l'maguette aussi vort qu'in veut, ya pus rin qui n'in sort!
Triste, triste, triste.... re
Ah ! V'là l'sudiste qui est arvenu !
Et té fêteras aveuc nous, l'billet su l'maguette qui, aujord'hui a UN MOS !!!! Bon anniversaire, ch'billet !!!
Houla, té m'as l'air vraimint défoutu comme si t'avos perdu t'quinzaine !
Ch'est pos l'première fos qu'Mincoin disparait de l'circulation pindint un momint.
In attindint, in comble chés tros ! In fait c'qu'in peut, in n'est pos des boeufs maguettes ! .
"j'attindrai qu'y ait du nouviau pour mi raconter des cacoules
Ah, non ! mi, j'voudros m'arposer un tiot peu aussi !
Puisqu'in parle de repos, j'vas vous laisser tout seus du 20 au 26 mai pasque j'm'in vas passer eune tiote semaine au Maroc. J'ai acaté un séjour aux inchères sur min portape, pour tros fos rien…
Et alors, quo qu't'as fais pindint tin séjour chez nos ennemis amis sudistes ? Ya fait biau, au moins ?
Et in s'in fout de l'thématique, ach't'heure !
CHA MAAAAAARCHE!!!!!!!! miux que chés liens!!!!
Té voulos savoir chouque j'ai fait?
Cha y est, acht'heure te l'sais:
J'etos amo de m'fille et j'ai;
-Siesté
-Baladé
-Jardiné (bin ouais, in s'arfait pos)
-Visité
-Bien mingé
-Bien picolé
-etc....
Et alors, quo qu't'as fais pindint tin séjour chez nos ennemis amis sudistes ?
Té s'ros pos un tiot peu maguette des fos?
Bon promis, ch'est l'dernière fos que j'parle de chelle sale biête!
Cha maaaaaaarrrrrccccchhhheeeee !!!
J'ai treuvé commint faire pour qu'chés liens i marchent !!!!
Ch'est grâce à ti, Mozinpef ! Quind j'ai vu qu'tin adresse tynipic comminchot par "http" et non par "https", j'ai compris : ch'est le "s" qu'i faut inlever quind in colle l'adresse !
J'sus contint d'avoir treuvé !
J'ai mérité un maguettenum ed' champagne !
Ach't'heure que té t'es bin arposé dins l'midi, i t'reste pus qu'à aller faire un tour au Mondial de la bière !
Ch'est pos biau la vie d'artraité ?
AAAAAAAAAAAAAAAhhhhhhhhhhh….Qu'cha fait du bien d'pouvoir infin armett' des liens !!!!
V'là l'photo qu'j'avos mise su ch'blog in novimpe 2017 !http://nsm07.casimages.com/img/2017...
Ch'est incore d'actualité !
Eh! bin allez !!j'in r'viens pos !!!
I'a cangé !!!Mdr!
Bon courache à tizautes!pou' l'survie du patois !sacrée maguette !!!
Mossieu Régis n'va pos tarder à r'mette "eine imache " constructive!après les suppliques et gémiss'mints geignards et couinards ; la récompense tant attindue d'ses collabos!!!rateurs!
Ah! ah! ah! ah!ah!l'madgette!!!!!! !misère !!!fuyons d'ici !!Par tous les saints !
Bon r'tour !
T'as core ravisé tin calindrier à l'artourne, Galibot! - ( commintaire n° 12 )... din l' VIMEU, o diroait " T'as coére érbéyè tin calindrier À L'ARBOUS, Galibot "
Dictons du 7 mai :
-A l’Sainte Gisèle, prinds garde s'il gèle.
-A l’Sainte Gisèle, au nid sont les oiselles.
-A l’Sainte Gisèle, volent les demoiselles (libellules).
-A l’Sainte Gisèle, y in a marre des maguettes qui bêlent
-Mai frileux : an langoureux ; Mai fleuri : an réjoui ; Mai vinteux : an douteux.
-Les mariaches de mai ne fleurissent jamais. (Explication : Les infants conçus in mai naissent in période ed’carnaval. I risquent donc d'être inlevés ou échingés par les âmes des morts qui armontent des infers …. I fut même un temps où ch’étot interdit de s’marier in mai !)
Ah ? T'es sorti d'hibernation, Zébulon ?
Pour Mincoin :
http://nsm09.casimages.com/img/2019...
I fut même un temps où ch’étot interdit de s’marier in mai
Mes parints i s'sont mariés in mai. M'mère ale disot qu'cha s'faisot pos de s'marier in mai pasque ch'est l'mos d'accouplemint des singes !
Et pisque d'main ch'est le 8 mai, ein' précision in rapport aveuc l'guerre 39-45 : mes parints i s'sont mariés à Kimbré le 11 mai 1940 sous les bombardemints... Drôles ed noces !
Quind j'étos jone et que j'me plaignos de l'nourriture, m'mère me disot :
-In vot bin qu't'as pos connu la guerre ! Minge c'qu'ya dins t'n'assiette !
Et après j'avos drot à :
- Nous, pindint la guerre, in étot obligés d'minger des rutabagas et des topinambours ! Alors, te plains pos !
Et dire qu'ach't'heure les rutabagas et topinambours sont au menu des grands chefs étoilés !
Dictons du 8 mai :
-A l’saint Désiré, in se sint désiré.
-A l’saint Désiré, ch’nouviau billet aussi, i s’fait désirer !
-A l’saint Désiré, té peux découvrir tin nez !
-A l’saint Didier, solel orgueilleux nous annonce un été joyeux.
-A l’sainte Félicie, tous les lilas sont fleuris.
-A l’sainte Félicie, l’billet su l’maguette toudis…
-Au jour de saint Boniface, toute boue s'efface.
-A l’saint Boniface, mais pluvieux nous fait face.
-A l’saint Boniface, incore la maguette hélas !
-A l’saint Arsène, mets au sec tes graines.
-A l’saint Ludovic, tes choux arpique.
-In fête aussi Sainte Ida de Nivelles qui est de not’ coin (près d’Saint-Amand)
-Plinte un pos à l’saint Didier, t’in récolteras un panier.
-Sème tes haricots à l’saint Didier, t’in auras un millier.
-Qui sème les haricots à l’saint Didier, les récolte par poignées.
-A l’saint Didier, ramasse tout dins tin devantier (dins not’ coin, in dit un écourcheux)
-A l’saint Didier, i fait bon fessorer.(Vous vous demindez c’que cha veut dire ? Hé bin, Galibot i vous esplique : Fessorer, ch’est utiliser un fessoir ! Et un fessoir, sert à écobuer ! Voilà, j’espère que ch’est clair ach’t’heure ! Zébulon i dot utiliser cha pour sin boulot dins l’midi !)
Incore sin calindrier païen d'boyau rouche!
L'St Didier ch'est l'23 mai!
Cha fait 40 ans que j'sais que ch'est ch'jour là qui faut semer tes haricots:
-" Sème tes haricots à la St Didier,
-" Pour 1, te n'd'aras 1 millier"!
Pour eune fos, t'as pos tort ! Ch'est tellemint rare que j'tiens çà l'souligner !
Mais des Saint Didier, y in a eune dizaine !
ch'est bizarre, ch'est pos c'que j'avos copié !
http://fr.wikipedia.org/wiki/Saint_...)
Chés liens, ch'est pos core cha !
Donc, v'là un copier-coller des Saint Didier :
Didier de Vienne († 608), sacré évêque de Vienne, vers 595, est fêté le 23 mai, .
Didier de Langres († 407 ?), évêque de Langres, martyrisé par les Vandales au IIIe siècle ; fêté le 23 mai.
Didier d'Autun († 579) ou Désiré ou Désert, prêtre et moine reclus à Gourdon en Bourgogne ; fêté le 27 juin1.
Didier d'Auxerre († 621), évêque d'Auxerre ; fêté le 27 octobre.
Didier de Cahors († 654 ou 655), originaire de la Narbonnaise, d'abord trésorier royal de Dagobert Ier, puis évêque de Cahors ; fêté le 15 novembre2,3.
Didier de Nevers († vers 679), ou Dieudonné ou Dié ou Déodat, abbé « irlandais », évêque de Nevers ; fêté le 19 juin4.
Didier de Rennes (VIIe siècle), élu évêque de Rennes, sa ville natale en Bretagne, vers 687 ; fêté localement le 18 septembre5,6.
Didier Epifani († 1087), abbé du monastère du Mont-Cassin, en Italie, élu pape en 1086 mais couronné seulement en mai 1087, l'année de sa mort, il ne règne que quatre mois sous le nom de Victor III ; fêté le 16 septembre.
Didier de Thérouanne († ?), chancelier de la cathédrale de Tournai puis prévôt de la collégiale Saint-Pierre de Lille, sacré évêque de Thérouanne en Artois en 1169 ; fêté le 20 janvier.
Comme dirot Noléon :"Et la thématique, dins tout cha ?"
Donc j'arviens à l'thématique de l'maguette !
Avant, in avot "La vache qui rit" et ach't'heure, in a :
http://nsm09.casimages.com/img/2019...
A l’sainte Félicie, tous les lilas sont fleuris.
Ichi, l'lilas de m'résidince i c'minche à faner... Dommache, cha sintot si bon !
J'ai caché pertout saint EDDY !pos moyen de l'trouver ;pourtant y in a un :EDDY de NANTES !
Dicton du 9 mai :
-A l’saint Pacôme, si i fait pos biau, ch'est tout comme.
J’ai rin d’aute comme dicton pou l’9 mai, dins min calindrier païen d'boyau rouche …
Comme ya pos granmint de dictons le 9 mai, j'vas raconter eune histoire ed maguette ! Vu qu'in a fait l'tour du sujet, ch'est sûremint la dernière !
.
Eune maguette, un dauphin et un crocodile sont in train de discuter des prochaines vacances.
L'un d'eux deminde au dauphin :
- Dù qu’té vas aller in vacances ?
- Hé bin, té sais, m’femme a des nageoires, mes infants ont des nageoires, mi aussi j'in ai, donc in va aller du côté d’la mer !
La deux autres : « Oh, ch'est bien ! »
- Et ti l’maguette, dù qu’té vas in vacances ? deminde le dauphin.
- Hé bin, j'ai eune fourrure bin caude, min mari et mes infants aussi, donc j’pinse qu’in va aller à l’montagne.
Les deux autres : « Oh, ch’est bien ! »
- Et ti l’crocodile, té vas où ? deminde la maguette
-Hé bin, m’femme a eune grinde gueule, mes infants ont eune grinde gueule, mi j'ai eune grinde gueule aussi, j’crois qu'in va aller in France pour manifester !
J'connos eune variante , racontée par les belches, qui s'terminot par:
-"Mi, qui répond ch'crocodile, aveuc nos grindes gueules et nos p'tits bras, in va in France!"
Quind j’sus allé in Tunisie, ya eune dizaine d’années, j’avos assisté à un pestaque fait par les animateurs tunisiens de l’hôtel . I z’ont fait un sketch sur les touristes étringers d’l’hôtel :
-L’allemand, ch’est ch’ti qui avot toudis un bock ed bière ou de schnaps à l’main
-L’Italien ch’est ch’ti qui n’arrêtot pos d’parler, qui n’ faisot que draguer et qui chapardot tout c’qui étot à portée d’main
-Et le Frinçais, ch’étot ch’ti qui râlot toudis, qui n’étot jamais contint de rien :
Eximples :
-Ch’est un scandale ! M’champe n’a été nettoyée qu’eune seule fos aujord’hui ! Appelez-me l’directeur !
- Ch’est une honte : l’iau de l’piscine n’est qu’à 30 ° ! J’veux vir l’directeur !
- Ch’est honteux ! Aujord’hui, ya pos d’solel ! J’veux ête rimboursé ! Appelez-me l’directeur !
V’là commint qu’les étringers nous voient…
Ch'est bin vrai. Mi, quind j'étos in Tunisie, in n'a pos pu tout visiter lors d'ein' escursion pasque ch'étot l'Aïd. Qu'est-ce que cha ralot à l'hôtel ! Chés frinçais i voulotent ête rimboursés d'l'escursion !
Dictons du 10 mai :
-A l’Sainte Solange, in sème les z’haricots.
-A l’Sainte Solange, pus d’foin dins l’grange.
-Si l’temps sec te dérange, invoque Sainte Solange.
-Vigne bin nourrie à l’Sainte Solange, prépare bielles vendanges.
-Si l’temps quinge à l’Sainte Solange, gare aux vendanges !
-A l’Sainte Solange, l’billet su l’maguette, faut qu’in l’change !
-A l’Saint Antonin, s’pointe l’mos d’juin.
- Ch'est à l’saint Antonin que vind sin vin le malin. (Logique, ch’est préférape d’vindre sin vin à venir avint les saints d’glache !)
- À l’saint Antonin, les amoureux s’prennent la main.
-Pleufe de Saint Aurélien, bielle avoine et mauvais foin.
-Pleufe de Saint Aurélien va durer jusqu'à la fin.
-Saint-Aurélien est invoqué pour améliorer les capacités auditives(Hein ?)
-A l’saint Aurélien, un nouviau billet ou toudis rien ???
A l’Sainte Solange, in sème les z’haricots.
Comme disot min père, in dit les haricots quind i sont crus, et les z'haricots quind i sont cuits !
In ch'ti, in dit "po d'chuc", et in flamind, in dit "boone". Min père i disot "boon'tche".
L'maguette minge parfos dins un waréquaix et ale fait beaucop d'truffis à roulettes !( viux patois d'1890 à Condé;HERGNIES et ses invirons )In n'est pos bin lon d'la belgique Wallone !
Bon Diminche !
Noléon, j'étos pos née in 1890... Té peux traduire ?
Dictons du 11 mai :
-Gare s'il gèle à l’sainte Estelle.
-S'il pleut à l’saint Gengoult, les porcs auront des glands tout leur saoul.
-Avint l’saint Gengoult, si in cope un chardon, y in r’vient deux.
-Sème tes haricots à l’Sainte Croix té n’in récolteras que pour toi, sème-les à l’saint Gengoult, in t’en donnera beaucoup ; pour un, t’in auras un millier.
-Saint Gengoult, patron des cocus. Invoqué aussi sous le nom de saint Gengolf (patron des joueurs de golf)
-S'il pleut l’jour de l’saint Mayeul, les quériches tombent par la queue.
-Saint Mamert, saint Servais, saint Pancrace, v’là les trois saints d’glace.
-Aux trois saints d’glace, fais toudis face,
-Aux saints d’glace, l’billet su l’maguette est toudis in place…
-Les trois saints au sang d’navet : Pancrace, Mamert, Servais
-Se méfier d’saint Mamert, d’saint Pancrace et d’saint Servais, car i z’amènent un temps frais, et vous auriez regret amer.
-Les saints Servais, Pancrace et Mamert, à eux tros, un tiot hiver.
-Attintion, l’premier des saints d’glace, souvint t’in gardes la trace.
-Saint Mamert, premier saint d’glace, appelé aussi quèquefos « saint Criard ». In l'invoquot pour guérir des coliques hépatiques provoquant des cris de douleur.
Quind j’habitos dins l’Midi et que j’parlos des saints d’glace, les gins m’ravisotent bizarremint, pasque là-bas, cha n’existot pas : Euss, i parlotent des "Saints cavaliers" ou des "Saints Chevaliers" pour signifier la fin des dernières gelées ! Et ch’étot plus tôt que dins l’ nord ! : saint Georges (23 avril), saint Marc (25 avril), saint Eutrope (30 avril), saint Philippe ou fête de la Sainte Croix (3 mai) et saint Jean Porte latine (6 mai).
-Diminutifs : Jorget, Marquet, Tropet, Philippet, Crozet et Joanet. Le dicton « Marquet, Georget et Philippet sont trois casseurs de gobelets » signifie que la grêle ces jours-là est néfaste pour la vigne, donc aux gobelets de vin.
-À Béziers, in craint plus particulièremint saint Georges (23 avril), saint Marc (25 avril) et saint Aphrodise (28 avril). Un dicton concerne deux d'intre eux : « Saint-Georges et Saint-Marc sont réputés saints grêleurs ou saints vendangeurs. »
-Dans les Landes, Marc, Vital (28 avril) et la sainte Croix sont appelés « les trois marchands de vin » car leurs fêtes correspondent à une période critique pour la vigne.
-Dans le Gard, les quatre cavaliers (correspondant au dicton dialectal « Jorget, Marquet, Croset e Tropet son de maissants garçonets ») sont souvent confondus avec les saints de glace.
-In Provence : "Jourget , Marquet , Troupet , Crouset Soun li quatre cavalié de la fre" (Georges (23.04), Marc (25.04), Eutrope (30.04), Croix (03.05)sont les quatre cavaliers du froid)
-Entre Georges (le 23) et Marquet (le 25), un jour de l'hiver se met.
-Entre saint Georges et saint Marc est un jour d'hiver en retard.
-Gelées de saint Georges, saint Marc et saint Robert, récoltes à l'envers.
-Saint Georges et saint Marc sont réputés saints grêleurs.
Ch’étot l’mineute culturelle, multirégionale et ouiquainale ed’ Galibot
-Les saints de glace,
-Voient la maguette qui trépasse!
Si cha savot ête vrai!
bin! non! l'maguette est toudis là!Qu'i' gèle ou qui faiche biau in dirot qu'ale nous nargue!qu'ale nous défie du r'gard!cha n'peux pus durer commme cha!!ch'est insout'nape !Ahhhh! dusse qu'il est l'temps qu'in avot des bombes sexy sur la plage iodée de BERCK!!!!!à m'm'n'idée qu'maint'nant in n'vot pus qu'des maguettes!I'a pos logtimps j'ai fait un contrôle médical et à l'suite ed' l'entretien l'docteur m'a redit qu'j'avos la phobie d'la maguette!!! et i'm'a dit aussi qu'i' n'pouvot rin faire à cha !sinon qué l'soir avint d'm'indormir, pou' oublier l'maguette i' fallot qué j'compte les moutons !Qué dallache !!!
Un waréquaix ch'est un terrain vague servant d'pâture et ch'est aussi un lieu-dit.Mi j'pinse à marécage!?
Truffi: crottin
Merci, Noléon !
J'vas parodier ein' canchon mortelle très célèbe :
Ein' maguette et ein' maguette, cha fait deux maguettes
Deux maguettes et ein' maguette cha fait tros maguettes
Tros maguettes et ein' maguette, cha fait quate maguettes
Quate maguettes et ein' maguette cha fait chinq maguettes
Etc. !
Cha m'fait pinser quind j'étos jonne homme l'diminche les maguettes sur l'soèr nous sieuvotent partout! A l'intrée du danswing i'avot l'buvette bin seûr dusse qu'in allot se désaltérer ale pelforth après un letkiss!!les maguettes nous accompagnotent au vittel menthe et eine paire d'heures après su' l'cop d'minuit ales cantotent à notre intention in perdant l'volant:eine prone,deux prones ,trois prones,quate prones ,cinq prones,six prones....à douze prones ales décomptotent jusqu'à zéro prone; ch'étot l'momint ou j'arrivos a m'mason sain et sauf et à motié indormi!parfos in peut dire merci aux maguettes!
Dictons du 12 mai :
-A l’Saint Achille, de l’hierpe à pleine faucille.
-Sainte Estelle, Saint Achille et Sainte Rolande seront toudis des saints d’glace.
-Saint Servais, Saint Mamert et Saint Pancrace apportent souvint la glace.
-Lorsque Pancrace apporte les dragées (la grêle) ch'est toute la noce qui est mouillée.
-A l’saint Pancrace, l’billet su l’maguette nous lasse…
-Saint Pancrace est invoqué pour les crampes d'estomac, pour les ingelures, pour guérir les infants qui braient tout l’temps et pour guérir aussi les boiteries et les rhumatisses.
In deminde égalemint sin secours pour faire respecter des serments, des promesses ou des traités ainsi que pour lutter contre les faux-témoignaches et contre le parjure. Houla ! Cha in fait du boulot tout cha ! Cha, ch’est assez facile pour li !
Mais, in puss, edpuis peu, ch’est possip’ de l’invoquer pour qu’i fasse disparaitre des billets obsolètes ! Mais, ch’est plus difficile à exaucer !
Attintion à n’pos confondre les saints d’glace Mamert, saint Servais et saint Pancrace aveuc Urssaf, Cancrace et Carbalas, les vampires qui pompent not’ fric,dins l’canchon des Inconnus ! Les noms i z’arsannent, mais ch’est tout !
http://www.dailymotion.com/video/xn...
In n’s’in lasse pos d’cette canchon !
L’canchon existe edpuis 20 ans, mais les problèmes sont toudis parels ! Toudis autant d'impôts et de taxes !
Cha n’a pos pris eune ride ! Contrairemint à nous !
Ch’est vraimint du parel au même ! Ch’est toudis d’actualité ! Ya pos d’quingemint ! Comme disot l’aute : Ch’est l’ « quingemint dins la continuité ! ».Ch’étot Pompidou qui avot treuvé cha comme slogan ! Comme quo, les hommes politiques, i sont tous parels : y in a pos un pour racheter l’aute ! Que misère !
Et v'là les paroles !
Rap-tout (Vampire) Les Inconnus
Salut mec, ça va, tu vas bien
On se présente, mais non tu connais
On est là pour te pomper
T'imposer sans répit et sans repos
Pour te sucer ton flouze
Ton oseille
Ton pognon
Ton pèze
Ton fric
Ton blé
Tes économies
Tes sous
Ton salaire
Tes bénefs
Tes bas d'laine
Tout c'qui traîne
C'que t'as sué de ton front
On t'le sucera jusqu'au fond
On est là partout
Même quand tu joues
Pauvre idiot, on est là partout
Le loto, c'est nous
Le bingo, c'est nous
Le tiercé, le quarté, le quinté
C'est encore nous
Le quinté plus, on te re-suce
Faut qu'tu craches, faut qu'tu payes
Faut qu'tu craches, faut qu'tu payes
Pas possible que t'en réchappes
Nous sommes les frères qui rapent tout
T'a pensé à payer ta
Taxe foncière
Taxe immobilière
Taxe professionnelle
Taxe sur l'personnel
Taxe d'apprentissage
Taxe si t'es pas sage
Taxe sur tout c'qui bouge
Sur tes clopes et sur ton rouge
Sur tes cachets d'aspirine
Sur ta vodka et sur ton gin ah! ah!
Majorations relevées
Vignettes et timbres fiscaux
Cartes grises et assurance auto
Droit d'immatriculation, PV
Crache, crache
Essence, péage, héritage, partage, mariage, concubinage
On est là à tous les étages
Nous sommes URSSAF, CANCRAS et CARBALAS
Qui que tu sois, quoi que tu fasses
Faut qu'tu craches, faut qu'tu payes
Pas possible que t'en réchappes
Nous sommes les frères qui rapent tout.
J't'offre un pot!
Et oui un pot
Impôts fiscaux
Impôts locaux
Impôts directs
Et impôts indirects
Impôts fonciers
Impôts rentiers
Impôts sur les grandes fortunes
Impôts même si t'as pas d'tunes
Impôts sécheresse
Impôts richesse
Impôts nouveaux
Impôts rétros
Impôts recto
Impôts verso
Impôts sur le revenu
Impôts sur les revenants
Nous sommes URSSAF, CANCRAS et CARBALAS
Qui que tu sois, quoi que tu fasses
Faut qu'tu craches, faut qu'tu payes
Pas possible que t'en réchappes
Nous sommes les frères qui rapent tout.
Et ta déclaration?
Tu sais c'que ça veut dire IFA?
Impôts Forfaitaire Annuel
C'est moi qui l'ai inventé
Cotisation complémentaire de 0, 1%
Contribution sociale de solidarité
Attends, attends, attends, attends
C'est pas fini
Majorations, relevés
Charges sociales et plus value
Cotisation pré-retraite
Cotisation post-retraite
T'as pensé à payer ta
Taxe foncière
Taxe immobilière
Taxe professionnelle
Taxe sur l'personnel
On est là pour te pomper
T'imposer sans répit et sans repos
Pour te sucer ton flouze
Ton oseille
Ton pognon
Ton pèze
Ton fric
Ton blé
Tes biftons
Tes ronds
Tes actions
Tes sicav
Ton liquide
Tes pourliches
Ton salaire
Tes bénefs
Tes magots
Tes lingots
Tes napos
Tes bas d'laine
Tout c'qui traîne
C'que t'as sué de ton front
On t'le sucera jusqu'au fond
Nous sommes URSSAF, CANCRAS et CARBALAS
Qui que tu sois, quoi que tu fasses
Faut qu'tu craches, faut qu'tu payes
Pas possible que t'en réchappes
Nous sommes les frères qui rapent tout.
Nous sommes URSSAF, CANCRAS et CARBALAS
Qui que tu sois, quoi que tu fasses
Faut qu'tu craches, faut qu'tu payes
Pas possible que t'en réchappes
Nous sommes les frères qui rapent tout.
Salut ! TVA bien?
Nous sommes URSSAF, CANCRAS et CARBALAS
Qui que tu sois, quoi que tu fasses
Faut qu'tu craches, faut qu'tu payes
Pas possible que t'en réchappes
Nous sommes les frères qui rapent tout.
Nous comprenons votre douleur
C'est une triste disparition
Mais dans votre malheur
N'oubliez pas de régler vos droits de succession
http://www.youtube.com/watch?v=hVKq...
Ch'est pas tout cha, mais j'vas m'préparer pour aller in Belgique, souhaiter eune bonne fiête à bielle-maman !
In Belgique, ch'est la Fiête des Mères aujord'hui ! Avant la France ! Et après, ya des mauvaisses linques qui disent qu'les belches i sont in r'tard sur les frinçais !
...et pis là comme in allemane comme ch'est bizèrre...l'essence ale est moins quère !!ch'est miux éclairé su' l'z'autoroutes gratuites dès qu'tu quittes la Gaule pour arriveu au royaumme beiche!! !j'coprinds pos qu'in s'moque d'ces gins là ?i' faut admette qu'i' z'ont un accent un peu québec..quoi!Par contre eul' 14 juillet ,j'cros qu'i' a un léger retard chez eux!!Mm'enfin!!Bonne route quind même!!...l'temps i'i'est!!i' fait biau !
Dictons du 13 mai :
-A l’Saint Servais se décide l'été.
-A l’Saint Servais, sème tin chanvre ou ne l’sème jamais.
-Quind i pleut à l’saint Servais, pou l’ blé, signe mauvais.
-Avant Saint Servais, point d'été ; Après Saint Servais, plus d’gelée.
-Saint Servais est invoqué pour soulager les rhumatisses, les problèmes aux pieds et aux gambes, pour atténuer les problèmes de boitemint et pour faire fuir les souris et les rats. In li deminde aussi d’intervenir pour avoir du succès.
-Après Sainte Rolande, l’été fait place grande.
-A l’sainte Rolande, plus aucun gardinier ne glande ! (Attintion à vous, les gardiniers !)
-A l’sainte Rolande, des fleurs dins les plates-bandes.
-A l’sainte Rolande, d’eune bielle grimpante ta pergola inguirlande.
-A l’sainte Rolande, tiotes fleurs de clématites in guirlande.
-A l’sainte Rolande, se terminent les tulipes, même in Hollande.
-A l’sainte Rolande, je bande, je bande ♪ ; A l’sainte Félicie, je bande aussi ♫
-Après Fatima, adieu les frimas.
-Gazon humide à l’sainte Fatima, tond à la hauteur maxima.
-A l’sainte Fatima, l’billet sur les maguettes est toudis là !
-Aux Saints d’glace, ch’ti qui porte la barbe ne la rase pos pindint tros jours
-Sainte Estelle, Saint Achille, Sainte Rolande sont toudis des saints d’glace !
« Sainte Estelle, Saint Achille, Sainte Rolande sont toudis des saints ’glace ! »
Mais alors, pourquo qu’in parle de Mamert, Pancrace et Servais comme saints d’glace !? Faudrot savoir ! Qui sont les bons ?
Si in cache dins l’calindrier, in n’les troufe pos ! Et pourquo donc ?
Galibot, qui a de bons tuyaux, va vous donner l’esplication :
In 1960, in considérot que chés saints d’glace Mamert, Pancrace et Servais étotent associés à des pratiques agricoles trop teintés de paganisme, l'Église catholique a donc « rimplaché » chés saints dits « païens » par d'autes saints et saintes sins lien aveuc des croyances populaires douteuses. V’là pourquo, dins l’calendrier actuel, le 11 mai, in fête les Estelle au lieu des Mamert, le 13 mai, les Achille au lieu des Pancrace, le 14 mai, les Rolande au lieu des Servais.
CQFD
Pour intrer dins la léginde des saints d’glace, i faut armonter à 500 après Jésus-Christ, où in troufe les premières traces des croyances liées aux saints Mamert, Pancrace, Servais et Urbain, à l’origine de nombreux dictons. Le 11 mai, saint Mamert introduisot les tros jours des Rogations qui précédotent immédiatemint le jeudi de l’Ascension. Pindint chés fiêtes religieusses, les paysans se retrouvotent et récitotent, au cours de processions, des prières pour protéger les cultures et les plintations et mettre fin aux calamités naturelles. Sins être vraimint exaucés, l’temps i s’dégradot souvint à l’même période, la baisse des timpératures pouvant aller jusqu’au gel, fatal pour les futures récoltes. Pour les paysans, le patronache des saints qui avotent la réputation d’apporter l’frod et la gelée, signot l’ultime sursaut de l’hiver.
A partir de d’main, vous pouvez plinter tout c’que vous voulez dins vot’ gardin ! Mais attintion à c’que les maguettes viennent pos tout vous minger !
Ch’étot l’mineute culturelle, historique, glaciale et indispinsape ed’ Galibot
D'main, ch'est l'anniversaire ed'note ouaibemastère. P'tête que pour ein' fos, ch'est li qui va nous faire ein cadeau et nous mette ein aute billet ? Galibot, à qui qui faut faire ein' prière pou cha ?
Minme Galibot ;il y perd sin latin!donc je pense honnêt'ment sans effluves ni tralalas d'invoquer: SAINT LATIN l'patron des billets perdus !!!...
"...et nous mette ein aute billet ? Galibot, à qui qui faut faire ein' prière pou cha ?"
Comme ch'est parti, j'diros "Saint Glinglin" !
"...et nous mette ein aute billet ? Galibot, à qui qui faut faire ein' prière pou cha ?"
Comme ch'est parti, j'diros "Saint Glinglin" !
J'in doublonne de désespoir…
Attintion à l'maguette démoniaque !
http://www.nouvelordremondial.cc/20...
Eine maguette estra -terrestre !!!là i'faut dominer sa peur !
Bon mardi!
Dictons du 14 mai :
-Au jour de saint Boniface, toute boue s'efface.
-Saint Boniface nous ôte la boue ou i nous in met jusqu'au cou.
-Le bon saint Boniface, intre in brisant la glace.
-A l’saint Boniface, Mai pluvieux nous fait face.
-A l’saint Boniface, quind in vot l'billet su l’maguette, in fait la grimace
-Saint Matthias casse la glace ; S'il n'in trouve pos, i faut qu'il in fasse.
-A l’saint Matthias, tout caud ou de glace.
-A l’saint Matthias, l’solel fait sa place.
-Qui se signe (se soigne) (se saigne) à l’saint Matthias, un an de santé il aura.
-A saint Théodore, fleurit l’bouton d'or.
-A l’Saint Aproncule, quind j’avinche, la maguette recule, commint veux-tu…
Mincoin, les maguettes sont ravies d'avoir été mises à l'honneur avec tin billet ! Y in a eune qui te fait sin plus biau sourire ! Rien que pour ti !
http://nsm09.casimages.com/img/2019...
In dirot l'maguette d'Marcel l'boxeur !
Galibot, arrête ed faire peur à Mincoin, i va pus oser nous mette ed billet !
Mi, j'préfère l'conte de Grimm "Le loup et les 7 chevreaux". Là, ch'est putôt l'loup qui fait peur ! Et l'tiot chevreau i est tout mignon et l'maguette ale est très maligne. Ch'est ein' bielle histoire !
http://feeclochette.chez.com/Grimm/...
Vindiouss ! Ch'leu i s'fait ouvrir el vintre, recoudre et tout cha sins s'réveiller ! Ya même pos b'soin d'anesthésie !
Ch'est pos tout cha : fêtons l'300ème commintaire ! Champagne pour tout l'monte !
A la santé du futur nouviau billet qui n'saurot tarder ! Incessamint sous peu...
Dictons du 15 mai :
-A l’sainte Denise, s'arrête la bise.
-A l’sainte Denise, l’printemps s'éternise.
-A sainte Denise, ta pelouse fertilise.
-Solel de sainte Denise, le gardinier botanise.
-A sainte Denise les tulipes agonisent.
-A l’sainte Denise, l’froid n'in fait pus à s’guise.
-A l’sainte Denise, l’billet su l’maguette s’éternise
-A l’sainte Denise un nouviau billet est de mise
-A saint Isidore, la dernière gelée.
-Saint-Isidore le Laboureur est l’patron des agriculteurs et des arpenteurs. Il est invoqué pour avoir de bielles récoltes et pour avoir des conditions climatiques favorapes durant la période des semailles. In li deminde aussi d’intervenir pour faire querre la pleufe.
-S’il pleut à l’saint Victorin, té peux compter sur bien du foin.
-Mi-mai, mi-tête.(à la mi-mai, les nouviaux bois du cerf ont atteint l'mitan d’leur taille)
-A la mi-mai, queue d’l'hiver.
-Plinte me tôt, plinte me tard, pas avint l’quinze mai je n’lèverai.
Ch’est aussi l’fiête à Sainte Dymphma, fille d’un chef de clan irlandais païen et d’une mère chrétienne qui meurt alors que Dymphna est incore ado. Sin père cache eune nouvelle épouse mais n’in troufe pos. Et l’salopiot fait donc des avances à s’propre fille, qui s’écappe et s’infuit in Belgique. (Cha arsanne à l’histoire de Peau D’âne, cha !)
Fou d’rache, sin père lince ses hommes à sa poursuite et l’ayint treuvé dins la ville de GEEL , fait mette à mort tous les membres de l’escorte et décapite s’fille de ses propres mains (+ vers 650)
Actuellemint, la ville de GEEL (près d’Anvers) est connue pour sin centre de soin familial in psychiatrie. Chaque malate est plaché dins eune famille d'accueil, c’qui lui permet d’participer au maximum à l’vie d’famile. À la base de cette forme de soin se troufe la décapitation de sainte Dymphna (ou Dimpna) par sin père que l’démon aurot rindu fou, au Moyen-Âche. Ch'est à Geel qu'est donc né l'accueil familial thérapeutique, eune pratique de soins ach’t’heure officiellemint reconnue in France, et qui donne de meilleurs résultats que l’infermemint dins un asile…
Ch’est pourquo Sainte-Dymphna est l’patronne des somnambules, des victimes d’enlèvemints, des victimes d’incestes, des personnes atteintes de maladies mentales, des professionnels de la santé mentale, des hôpitaux et instituts psychiatriques, des psychiatres et des thérapeutes. Ale est invoquée pour l’harmonie dins les familes et pour lutter contre le somnimbulisme, l’épilepsie, la folie, les maladies mintales in général, les maladies du système nerveux, les désordres d’origine nerveuse et les problèmes neurologiques...
Ch’étot la mineute culturelle, historique et indispinsape ed’ Galibot-Les-Bons-Tuyaux qui est obligé d’faire la conversation in attindint un nouviau billet…
In comprind ach't'heure !
http://nsm09.casimages.com/img/2019...
plus que ch'bouc i pue, plus que l'maguette va l'vir !
Ch'est comme el maroilles : pus qu'cha pue et pus qu'ch'est bon !
https://www.youtube.com/watch?v=b7s...
Ch'est incroyabe quind l'maguette s'promone avec sin bouc dins Maroilles !(PUB sur odeurs et sintimints)
Ale rinte dins l'magasin avec li et comminde un Maroilles coulant et " bien fait"!
L'marchand éxécute la demande in s'bouchant les narines aveuc eine épinque au linche et ch'est à c'momint là qué l'bouc i'a eu eune syncope ! Ce test comparatif démontre bien la qualité incomparape du Maroilles !
L'maguette s'écria alors:Min bouc i' n'sé sint pus !vite! vite !un flacon d'éeau d'cologne !!....que dallache !!
Aujord’hui, ch’est l’saint Honoré
Pour not’ blogueur qu’in peut admirer,
Dins sin gardin in train d’ouvrer,
Aveuc ses légueumes, toudis fourré.
Cha, je pourros sûremint l’jurer.
Mais après avoir bin trinspiré,
I bot eune bonne bière ambrée
Car il a b’soin de s’désaltérer
Mais attintion de n’pos trop carburer
Et surtout de n’pos ête beurré,
Ch’est d’Mozinpef que j’pérorai,
Car sin anniversaire il peut bin l’savourer !
BON ANNIVERSAIRE MOZINPEF !!!!!
Joyeux anniversaire, Mozinpef !
In arot préféré te l'souhaiter aveuc ein aute billet, mais l'coeur y est !
Bon anniversaire à MOZINPEF in espérant qué l'bouc i'est pos dins les paraches!les saints d'glache sont passés;i'a pus qu'à s'mer ou plinter au biau matin insoleillé !
Mais n'oblions pos l'billet quotidien d'Galibot, qui quinge tous les jours, li !!!
Dictons du 16 mai :
-A l’saint Honoré, s'il fait gelée, l’vin diminue d’moitié.
-A l’mi-mai, queue d’l'hiver, Saint Honoré, que de pos verts !
-A partir de l’saint Honoré, l'hiver peut être ignoré et l’biau temps honoré.
-L’jour de l’saint Simon, l’amour peut canter s’canchon, le vin s’ra bon.
-A l’saint Simon, eune mouque vaut un mouton.
-Quind in vot des mouques à l’saint Simon, les cinsiers peuvent canter eune canchon.
Honoré étot un jeune homme dissipé. Un jour, i dit à s’nourrice qu'il voulot devenir prêtre ! Ale étot in train d’faire cuire sin pain.
-« Tiot rigolo, va ! Té racontes des carabistoulles ! Et quind m’pelle aura des feulles, té seras évêque ! », se moqua la brave femme.
Le jour où i devint évêque, pour respecter sa promesse, ale planta alors, dins l’cour, la pelle de four imbrasée qui s'épanouit in un mûrier porteur de feulles et de fruits !
Ch'est pourquo les fleuristes se sont mis sous l’protection de Saint Honoré, tandis qu'in mémoire de ce miraque, associé à l’préparation du pain, les boulingers l'ont choisi pour patron.
Honoré, ch'étot l'nom d'famile ed mes deux voisines quind j'étos tiote. J'les avos quère. Ales étotent instits et ch'est à causse d'elles que j'sus d'venue instit aussi !
Merci les comarates!
Ch'est vrai que j'aros eu plus quère un nouviau billet pour "Honoré" m'n'anniversaire, mais faut s'faire eune raison, ch'blog i meurt tout duchemin!
Cha a été eune bièle avinture pindint plus ed 14 ans, mais là, cha sint la fin!
Tristesse et désolation.....
Houla ! Ch'est d'avoir un an d'puss qui t'rind si morose ?
Ch'est pos l'première fos qu'Mincoin disparait d'la circulation et nous fait attindre un bon momint, un nouviau billet !
Et à chaque fos, il arvient et nous met billet sur billet ! Comme s'il voulot rattraper l'temps perdu ! Va-t'in comprinte !
Allez, comarate Mozinpef ! Faut t'ressaisir ! J't'ai concocté, espécialemint pour ti, eune tiote photo-trucache, qui j'espère te fera esquisser un tiot sourire ! http://nsm09.casimages.com/img/2019...
Horeuzmint que t'es là pour m'armonter l'moral, Galibot, t'as réussi à m'faire rigoler.
Hier, i me n'ai arrivé eune belle:
J'ai passé à l'télé, sur TF1, au journal de 13h de JP Pernaud!
Ch'étot un arportache sur el limitation à 80 km/h!
I parait qu'in peut arvoir les emissions passées en faisant:"Replay" mais j'sais pos trop commint faire.
Fûté comme t'es, Galibot, j'sus sûr que té vas y arriver.
Edpuis hier que j'ai passé à l'télé, toutes chés maguettes du villache ales s'arrêtent pour m'deminder un ortografe!
Té fais fort, Mozinpef ! Mi, quind j'arrife à passer à l'radio locale, ou core miux à l'télé locale, j'sus fin cotinte ! Et ch'est pos souvint !
"I parait qu'in peut arvoir les emissions passées en faisant:"Replay" mais j'sais pos trop commint faire."
Si t'as un décodeur Canal+ ou une Box avec la télé, ya une chaine espéciale pour le replay.
Sinon, j'ai essayé sur min portape, in allant sur Gogole. Té tapes "TF1 replay" (ou "replet" pour les anglophobes dodus )
Et là, té suis l'procédure pour y accéder : Soit par Fessebouc, soit in t'inscrivant su l'site TF1. Ch'est c'que j'ai fait pasque j'ai pos Fessebouc et que sur la TV, l'émission du 16 mai n'est pos core mise in ligne.
Et quind t'as fait tout cha, ya Mozinpef qui apparait et qui dit qu'les 80 km/h, "ch'est nul !"
Dictons du 17 mai :
-S'il tonne au jour de saint Pascal, sins grêle, ch’est pos un mal.
-Solel de saint Pascal, sans nuache, ch’est pos un mal.
-A l’saint Pascal, s'il fait biau, l'été sera méridional.
-A l’saint Pascal, traiter les pucerons, ch’est radical.
-Vint in rafale au jour de saint Pascal, l’été s’ra bancal.
-A l’saint Pascal, à vir toudis l’billet sur l’maguette, cha fait mal !
Eh! bin MOZINPEF té vla convaincu ! ch'est bia l'progrès ;bin seur ,faut s'adapter...tout va tell'mint vite!mais cros me l'miux ch'est core eul' camérascope t'in disposes comme tu veux et té filmes chu qué t'veux ;té peux minme t'filmer aveuc un déclencheur à distance et l'invoyer à FRINCE Télépatois qui s'fra vu ta notoriété un plaiji' d'diffuser au grind bonheur d'tertous!!Té bbrouilles pos pou' ch'billet qui tarde à arriver!!évite le plagiat ou t'as pus qu'à r'copier :bon courache min copain ;j'sus bin contint pour ti ! et pou' l'restant n'té fais pos d'soucis !à ti d'vir'!.....
L'homéopathie n'est pus rimboursée;ej'viens d'l'apprinte par un speaker à l'télévisian!!les gins sont in rache et l'pharmacien avec!!Cette méd'cine douce alternative va perte beaucop d'clients :!Rheumes des foins, sommeil léger,amaigriss'mint chi t'es treup gréeu ;tout cha ch'est fini!!social'mint ch'est pus la sécurité!!!
Noléon lanceur d'alerte grace à ch'blog!
Le houblon est-il conseillé dans certains cas par les z'homéopathes et quelles sont ses vertus thérapeutiques?in tous cas je n'pinse pos qu'ch'est rimboursé!
Dictons du 18 mai :
-Solel à l’saint Eric promet du vin plein les barriques.
-A l’saint Félix (ou Coralie), tous les lilas sont fleuris.
-Bon cinsier à sainte Juliette dot vindre ses pouillettes.
-A l’sainte Juliette, ya toudis l’billet su l'maguette !
Cha y est, comarate Mozinpef, j'ai pu t'vir à l'télé, l'Jornal de TF1 a été mis in ligne ! In puss, t'n'intervintion, ch'est quasimint au début du jornal ! Ach't'heure, j'vas pouvoir dire que j'connos eune vedette de l'télé !
Mozinpef STAR à l'télé!....mêêêê!! ch'est Formidape cha !!!Youpeeeee!
Ach't'heure, j'vas pouvoir dire que j'connos eune vedette de l'télé !
J'vas t'invoïer eune photo dédicacée!
"J'vas t'invoïer eune photo dédicacée!"
Formidape ! J'vas la faire incadrer et l'accrocher au mur ! Cha va faire des invieux !
Dictons du 19 mai :
-Pleufe à l’saint Yves, les plantes seront chétives.
-A l’Saint-Yves, l’ biau temps arrive.
-A l’saint Yves l’biau temps, ôte au laboureur ses dents.
-A l’saint Yves, l’billet su l’maguette, faut l’mett’ aux archives !
-Craignez l’tiot Yvonnet, ch’est l’pire ed tous quind i s'y met.
-S'il pleut à l’saint Urbain, ch'est quarante jours de pleufe in quémin.
-Gelée l’soir de saint Urbain anéantit fruits, pain et vin.
-Urbinet, el pire ed tous quind i s’y met, car i casse eul robinet.
-Comme saint Urbain s’tient, l’temps souvint s’maintient.
-A l’saint Urbain, l’blé dot avoir fait sin grain.
-A l’saint Urbain, sème ta chicorée, ale ne montera pos dins l’année.
-A l’saint Urbain, l’nouviau billet ch’est pour ach’t’heure ou pour edmain ?
Ras-l'bol de l'maguette !
Ch’est pos tout cha,mes comarates, mais edmain matin, j’pars in vacances ; J’vas vous laisser jusqu’à sam’di tout seus (enfin, pas vraimint puisque vous avez l’charmante compagnie de l’maguette !) ! J’espère que je n’l’artrouverai pos à min retour chelle-làl !
.
J’m’in vas au Maroc,
Pour ête armonté à bloc !
Et j’vas à Marrakech,
Pour artreuver la pêche !
J’vous mets quind même les dictons du 20 mai ! Après, à vous d’printe la relève !
-A l’saint Bernardin, plus d’gelée ne crains.
-Pleufe à l’saint Bernardin, vigneron pleure tin vin.
-De saint Bernardin à saint Boniface (le 5 juin), ch’est l’biau temps qui passe.
-A l’saint Bernardin, le citadin s'occupe de sin gardin.
-A l’saint Bernardin, n'arrose pos tes salates avec du purin.
-Saint-Bernardin est l’patron des publicitaires et des professionnels des secteurs des communications et des relations publiques. Il est invoqué pour guérir les maladies de l’poitrine et pour être délivré des problèmes de dépindince au jeu.
-A l’Saint Bernardin, un nouviau billet enfin ?
-A l’saint Gobain, le bois prind feulles, la futaie pousse à vue d'oeul.
-A l’saint Gobain, la maguette est toudis là : que brin !
Dites-me pos qu’est pos vrai ! In est arrivés au 333ème commintaire !
MINCOIN, IN EST ARRIVE A UN TIERS DE MILLIER DE COMMINTAIRES SU’ L’MAGUETTE !!!!
Mi, j’dis cha, j’dis rien, mais sins t’comminder, Mincoin, té pourros pinser à quinger d’billet ? Un billet su l’brebis, par eximple, cha nous quingera !
Bonnes vagances, ramène nous des bielles photos d'troupeaux d'maguettes aveuc leurs berbères bergères, ou à défaut, des photos d'dromadaires, ch'est un tiot peu de l'même famille que les biquettes!
Bonnes vagances, Galibot ! I paraît qu'ch'est biau, l'Maroc. Mais sin tes dictons, j'sais pos c'mint qu'i va faire, Mozinpef, pour ête au top dins sin gardin !!
Cha sint la fin comme i' dirot l'aute!et j'in rajoute pos !Tant PIS d'maguette!!!Quoique pos toudis compris j'ai fait c'qué j'ai pu aveuc mes propes moyens espérant amuser eine milette la gal'rie !bonnes vagances à tertous !vive el' patois de ch'nord !!Merci à vous et ...
à r'voir !
Mais sin tes dictons, j'sais pos c'mint qu'i va faire, Mozinpef, pour ête au top dins sin gardin !!
Bin te sais, aveuc tout l'flotte qui a quéhu hier (ya pleuvu comme vaque maguette qui piche), in est pos prêt d'mette ses pieds dins ch'gardin! Ch'gardin i pourra attinde l'artour du prophète marocain et d'ses dictons à la ! Nan, j'rigole, Galibot, horeuz'mint que t'es là pour meubler ch'blog, pasqu'i faut pus compter sur ch'ouèbmastère,yé core pos sorti d'hibernation!
Pt'ête que jeudi, à l'St Didier, cha ara séqué un tiot peu pour plinter mes pos d'chuques
Final'mint, des fos, ch'est miux d'ête in Sarthe ! Ichi, y a pos pleuvu comme dins ch'Nord. Mais d'toutes fachons, qu'i pleufe ou non, su min balcon, pos d'problème pou plinter dins mes pots d'fleurs !
Mais j'mets jusse des fleurs. J'ai essayé d'mette des fraises : 3-4 fraises mûrtes à l'fos. J'ai essayé des tomates quérisses : parel. J'ai essayé des radis : i z'ont tourné in feules. Ch't'année-chi, j'ai acaté des tiots bégonias...
T'as raison, et in plus, des tiots bégonias (begonia rex pour chés puristes), cha d'minde pos gramin d'intretien et d'arrosache; et comme t'es toudis par monts et par vaux, i souffriront pos trop d'la soif....
(à l'inverse d'mi)
Mozinpef!l'terrain i'arsèque ; ch'est l'momint d'mette des poquets d'courgettes avec eine boutelle d'saint-amand par déssus pou' l'microclimat!n'oublie pos d'arroser eine bonne fos aveuc du purin d'ortie dosé à eune boutelle d'concintré pou' dix lites !! J'viens d'placher les tomates quériches ;ch'est l'momint ainsi qu'des poivrons!!...
"avec eine boutelle d'saint-amand par déssus"
Cha marche aussi aveuc del "Cristaline", cha coule de source!
L'purin d'ortie y'a rin d'tel pou' les plantes printanières;tu les vos pousser à vue d'oeul! l'inconvénient ch'est qu'l'odeur peut faire détaler comme un lièfe un bouc cotoyant ch'te mixture!
Ouais, mais pou faire du purin d'ortie, faut avoir des orties !
....et pou'avoir des orties i' faut parcourir la campane aveuc un grind sac et des gants !!
Sinon, ya des gins qui cultifent et qui vindent l'z'orties: les orticulteurs!
I parait que de l'soupe d'orties, ch'est tonifiant, et cha arnouvelle l'sang.
Mais attintion, faut pos pousser kimb.. mémère dins les orties!
aÏe !!!L'ail aussi possède ces vertus !j'les saque el' 14 juillet date à laquelle les tiges comminchent à fonflir !Après j'les met séquer à l'ompe et tous l'z'ans j'ernouvelle eune fos min plant!Min grind'péèère pou' déjeuner(supprimer l'jeûne:préfixe privatif:dé) i'frottot l'ail su' l'crouton du briquet au burre etau fromache aux fines z'herbes!Ch'étot sin déjeuner!!Pou' archéner ch'étot parel!!et après i' s'infilot un bon rouche.
Noléon, ch'est l'St Didier aujord'hui: Faut s'mer tes pos d'chuque!
i'frottot l'ail su' l'crouton du briquet au burre et au fromache aux fines z'herbes!
Cha s'appelle ein' dossée ! Et cha s'fait aveuc de l'boulette ed Kimbré. Ch'est ein fromache frais à l'estragon. Dins l'timps, ch'étot ein fromache fait maison. M'mère ale in f'sot. Ach'teure, je cros qu'y a pus que l'ferme ed Séranvillers-Forenville qui in fait, et ch'est pos facile à treufer, à part au marqué couvert ed Kimbré.
Comme ichi in n'in treufe pos du tout, j'in fait aussi, mais j'acate l'fromache frais tout fait au marqué d'min quartier ! J'ajoute jusse du sel, du poife, et d'l'estragon.
C'mint qu'in dit estragon in ch'ti ?
Dins sin dictonnaire d'Rouchi, Mr Hécart i appelle cha: de l'aragone.
J'ai appris eune séquoi aujord'hui!
Ch'est des biaux rappels et in n'apprind 'cor !Bin sûr à n'pos confondre avec eul' poète Aragon!
J'ai ravisé dins "Chés plantes d'ichi pi cmin qu'in s'in sert", et l'nom local ed l'estragon, ch'est bin aragonne, ou dragonne, et cha s'prononce aragon.ne ou dragon.ne. Autes noms : herbe dragonne, dragon, fargon, serpentine, absinthe estragon. Vos m'in direz tint !
Chés propriétés d'l'estragon : apéritif, stimulant. Ch'est bon pou la digession difficile, les coliques vinteusses, l'aérophagie, les maladies d'estomac, et le souglou ! Pou l'souglou, faut jusse mâcher des feules fraîches !
Et in peut faire aveuc de l'elixir anti-cafard ! Pou cha, infuser 25 g d'estragon dins 1 lite d'alcool à 40°, ajouter 2 sachets d'suque vanillé et 400 g ed suque. Armuer d'timps in timps. Filtrer au bout de 48 h (ou de 2 jours pour les gins pressés !).
J'cros qu'in d'vrot in faire pou note ouaibemastère ! P'tête qu'apreu, in arot ein nouviau billet...
Mi aussi, j'ai core appris ein' séquoi aujord'hui !
Merci Kimberlotte pour tous ces tiots détails!j'vas arcopier la recette.
"les coliques vinteusses"
Té pourros pos nous espliquer l'bout qui va d'vant....
Ou putôt, l'bruit qui sort pa derrière!
Té pourros pos nous espliquer l'bout qui va d'vant.... Ou putôt, l'bruit qui sort pa derrière!
Quind j'ai lu cha dins min life, cha m'a fait rigoler ! Mais vinteusse, cha veut pos dire qu'cha fait du bruit ! Dès fois, in a qu'l'sintimint... et ch'est core pire !
Si cha n'fait pos d'bruit cha fait quind minme du VENT qu'in peut parfois assimiler à eune douce brise caressante !
Au puque qu'i sont silincieux, au puque qu'i sont fumeux, et des fos, berneux!
....i' faut pos s'y trompeu parc'qu'aprés in est bin inmerdeu 'i'faut s'déshabilleu pou' aller s'netchieu'!
Tant qu'j'y pinse eune questchion : les habitants d' BERNE ch'est quo ???
L'terrain i d'vient glichant... Ein sujet qu'in a d'jà comminté y a 10 ans :
http://www.chblog.com/post/2009/12/...
In peut pos exprimer mieux l'définition du PET dins tous ses états!!Quind j'étos au collèche i'in avot un dins l'classe ,sin surnom ch'étot "péteux";il étot toudis "tout péteux" !in arot tout l'temps cru qu'il avot invie mais qu'i' n'savot pos!!pourtant ch'est quind minme pos difficile de s'lacher minme in société plutôt qué d'souffrir in silence !.
a...ai ! on in vot des drôles dins la vie !j'espère bin qué d'main l'maguette ara cangé d'domicile !cha fait un momint qu'i faut l'nourrir à l'oeul!!ale va arvénir quère à sin propriétaire !
Normalemint, ch'touriste i arvient du Maroc aujord'hui. Vu qui étot in mode décontractée, i a du laisser pousser sin bouc
Si l'maguette ale le vot, ale va quère amoureusse, et in n'est pos prêt de n'ête débarrassée! Crotte de bique!
Vinguette de vinguette !
Ale est toudis là,l'maguette !
J'pinsos pus voir s'tiête !
J'vas lui faire sa fête !
L'touriste i'est arvénu pou' trucider l'maguette !...in a tout essayé ,pour nous ch'est un echec!
M'ar'v'là ! J'sus rintré dins l'nuit ! Ch'est vrai que j'me suis pos rasé. Mais ch'est pos pour plaire à l'maguette ! Et comme j'ai passé beaucop d'timps dins l'piscine, j'sins pos l'bouc !
Le riad dins lequel je logeos étot dins un tiot parc qui étot rimpli d'paons. Ch'est biau ! Mais comme i z'étotent in caleur, i n'arrêtotent pos d'crier: "Léon ! Léon ! Léooooooooon !"
J'avos beau leur dire que Léon étot à Saulzoir, i m'acoutotent pos ! Y in avot un qui prenot un malin plaisir à crier "Léooooon" sous m'ferniette, à 3 heures du mat' ! Sale biête !
J'préfère core l'maguette ! J'pinsos jamais dire cha !
MMMêêêe!!I' fallot printe tin fusil a deux cartouches et tirer dins l'tas d'paons:PAN ! PAN !sur les paons !!!ah! là!là!çà m'emeut!
...Dins l'kimbrésis cha va!!à part les tourtérelles qui n'arrêt'nt pos d'crier COUCOU.. COUCOU..plein d' couscous su' l'matin!!!incroyape et les cats qui dorment au mitan du pavé!!sinon tout va bien!!àplus !
Mi ch'est pos l'bruit des osiaux qui m'impêch'rot d'dormir. J'ai un truc : j'inlièfe mes apparels auditifs, et j'intinds pus rin !
L'attitude ZEN ch'est d'placher eine coquille Saint Jacques ed' compostelle d'vint l'orelle ; t'intinds l'bruit des vaques (le flux et le reflux) et té t'indors comme un ange bercé par cette marée.
Mozinpef, j'ai pinsé à ti au Maroc : Comme ch'étot, l'Ramadan, impossipe ed treuver et d'boire eune seule goutte d'alcool ! Que de l'iau !
J'cros qu't'aros été malheureux !
Avec un tiot peu d'retard à causse du décalache horaire, v'là quèques dictons du 25 mai ! Faut arprinte les bonnes habitutes !
Dictons du 25 mai :
-Bon vin à la saint Urbain, bourré du soir au matin !
-A la saint Urbain, sème ta chicorée, alle ne montera pos dins l’année.
-A l’saint Urbain,l’blé dot avoir fait sin grain.
-Gelée le soir de saint Urbain anéantit pain, fruits et vin.
-St Urbain a fait, bin seur, l'objet d’calimbours avec saint Turbin qui est dev’nu patron des travailleurs ! In l'invoque aussi pou l’z’infants paresseux qui ne "turbinent" pos assez !
-Sainte-Marie-Madeleine de Pazzi est invoquée pour obtenir la guérison de diverses maladies mais aussi pour lutter contre les tentations sexuelles !
-Saint-Urbain étot l’patron des vignerons et des tonneliers et il étot invoqué pour la protection des vignes. In faisot égalemint appel à li pour ne pas succomber à l’ivrognerie et pour guérir la goutte, maladie qui, au Moyen-Âche, étot appelée "Mal Saint-Urbain".
"impossipe ed treuver et d'boire eune seule goutte d'alcool !"
Un moyen de prinde des vagances tout en faijant eune cure ed désintoxication et quinger d'religion!
....nan merci
Mais quind in arvient, qu'est-ce qu'in s'régale ! Même aveuc la pire bibine !
Dictons du 26 mai :
-Solel à l’sainte Bérangère, présache d'un bel été et d'un bel hiver.
-Pleufe passagère à sainte Bérangère, de prospérité est minsongère.
-A l’sainte Bérangère, i’est grand temps que l’gardinier toutes ses plintations gère.
-A l’sainte Bérangère, jamais n’arrose à la légère.
-Sainte Bérangère bénit les activités potagères.
-A l’sainte Bérangère, plinte des fougères.
-A l’sainte Bérangère, sur les pommiers traite les pucerons lanigères.
-Radis semés au premier mai seront mingés à l’saint Béranger.
-A l’saint Béranger, traite tout l’verger.
-A l’saint Béranger, nourris l’oringer.
-Gardinier, à l‘saint Béranger, à l’tierre du potager, un bon engrais i faut mélinger.
-A l’saint Béranger paille tout l’potager.
-A l’saint Béranger, cloches et châssis té peux ringer.
-A l’saint Béranger, seringat à l’apogée, lilas désagrégé.
-A l’saint Béranger, quingemint d’billet ?
-Saint Lambert impêche la gelée, de faire du tort au millet.
-Si saint Lambert est pluvieux, suivent neuf jours dingereux.
-Quind i pleut à l’saint Philippe, l’pauf’ n'a pos besoin du riche.
-Quind i pleut pou l’saint Philippe, pos besoin de fût ni de barrique.
-A l’Saint Philippe, l’billet su l’maguette, faut qu’in l’extirpe !
Saint Philippe étot ardemmint "mystique" à tel point que lors d'eune de ses "ardeurs", le feu intérieur l'imbrasa tellemint que deux d’ses côtes éclatèrent ! Vindiouss !
Ch'est à l’époque qu'il inventa c’qu’in appelle ach’t’heure "Centre aéré" qui rassemblot les jones et leur permettot d’juer, in particulier au jeu d’paume.
Il a créé « L'oratoire » qui attirot tint d’monte (paufes, pèlerins, malates) qu'in l’appellot "Philippe la cloche". Chaque jour l'Oratoire donnot des centaines ed repas gratuits. Avint Coluche, il avot créé les « Restos du cœur » !
Saint-Philippe est invoqué pou l’soulagemint des rhumatisses.
Cha y est ! In comprind, ach't'heure !http://nsm09.casimages.com/img/2019...
Dictons du 27 mai :
-A l’saint Augustin, in sint la fraîqueur du matin.
-A l’saint Augustin, l’première caleur vient.
-A l’saint Augustin, l’pleufe donne du bon vin.
-Fine pleufe à l’saint Augustin, ch’est comme s’il pleuvot du vin.
-A l’saint Augustin, les oraches sont proches de leur fin.
-Pou l’Saint Augustin, un nouviau billet ? Tintin !
-A saint Hildevert, est mort tout arpe qui n'est point vert.
-Saint Hildebert ou Hildevert (qui est un Picard) est invoqué, pour guérir des vers intestinaux des infints. (Pos étonnant puisqu’il est né au villache de Vers-Hébécourt, près d'Amiens.)
Pindint mes vacances au Maroc, j’ai rincontré un marocain qui parlot ch’ti ! Alors, j’li ai posé eune question qui m’turlupinot :
- Dis-me, commint qu’vous faites pour tracer les routes ichi au Maroc ? Pasque j’troufe que ch’est sinueux…
- Ch’est normal ! Min grind-père i m’racontot qu’sin grind-père li avot dit qu’in lâchot eune maguette et in ravisot par où ale passot... Quind cha avot fait eune voyette, in savot qu’ch’étot l’bon quémin et ch'est là qu'in faisot passer l’route !
- Et si vous n'aviez pos eu d'maguette ?
- Ah ! Bin... in arot pris un ingénieur... …Cha coûte plus ker, i n’est pos plus malin qu’eune maguette et l’résultat est l’ même !
Dictons du 28 mai :
-A l’saint Germain, les jours sont biaux tous les matins.
-Solel de saint Germain nous promet du bon vin.
-A l’saint Germain, l’été est in quémin.
-Caleur du jour de saint Germain met à tous l’pain dins l’main.
-A l’saint Germain, l’gardin in examen.
-Réussir un semis à l’saint Germain est un ju d’gamin.
-A l’saint Germain, sème le cumin.
-Après l’saint Germain, ne plinte pus d’arpe jusqu’à la saint Firmin (11 octope)
-Pourvu qu’à saint Germain, ch’ Bon Dieu ne seuche pos parrain.
-A l’saint Germain, Benjamin nous moutre l’quémin pou l’lind’main.
-A l’saint Germain, un nouviau billet enfin !?
-Paris-Saint-Germain, cleub de brin !
-Soleil à l’sainte Germaine, biau temps pour toute eul semaine.
-A l’sainte Germaine plinte tes laitues romaines.
-Biau temps à l’saint Guillaume peu de blé, beaucop d’chaume.
-A l'saint Guillaume, pour mett' un nouviau billet, Mincoin i chôme !
-Après la sainte Margaret, l’frod s’arrête.
-Après la sainte Margaret, fanent les pâquerettes.
-A l’sainte Margaret, in n’peut pus incaisser l’maguette !
-A l’saint Théodosie, la rose est l’fleur choisie.
-A saint Cyrille, eune fleur blanque pour mille.
-Tint que mai n'est pos au 28, l'hiver n'est pos cuit.
A Marrakech, j’ai vu un marocain aveuc sin chameau et j’li ai demindé :
-Mais quo qu’il a vot’ chameau? I’est plein d’sparadraps et de pinsemints ! Quo qui lui est arrivé à c’te pauf’ biête ?
Et i m’a répondu :
-Bin, c'est m’femme qui apprend à conduire !
Houuuu !
Un début d'espoir ?
http://nsm09.casimages.com/img/2019...
A bas la maguette !
http://nsm09.casimages.com/img/2019...
Serge Lama guette !?
Dictons du 29 mai :
-Au jour de sainte Ursule, l’été, d’un mos arcule.
-A l’Sainte Ursule, quind j’avinche, la maguette arcule,...commint veux-tu...avoir un nouviau billet !
-A saint Gérard (de Brou), les radis sont incore rares.
-A saint Gérard, la récolte est incore au hasard.
-Solel de sainte Géraldine et tout l’monte gardine !
-Quind l’ciel ondine à sainte Géraldine, l’gardinier badine.
-A sainte Géraldine, tout tin gardin, bine.
-A sainte Géraldine, sème la crapaudine (betterafe).
-A l’sainte Géraldine, l’billet su l’maguette nous inquiquine !
-A saint Aymar, les radis se récoltent dare-dare.
-A saint Aymar, les guernoulles chassent dins l’mare.
-Pleufe à saint Aymar, contre les limaces, l’gardinier s’bagarre.
-Pleufe à saint Aymar, l’mildiou sera un cauchemar.
-A saint Aymar, l’billet su l’maguette, y in a marre !
-L’jour de saint Maximin, l’sécateur à l’main.
-L’jour de saint Maximin, s’imbaume le jasmin.
-Sainte-Bonne (i parait qu’ale est bonne !) est l’patronne des hôtesses ed' l’air, des agents d'bord, des messagers, des guides, des pèlerins et des voyageurs in général.
In peut toudis espèrer…
http://nsa40.casimages.com/img/2019...
A l'saint Ferdinand pou' un nouvia billet ,dis oui !
Dictons du 30 mai :
-Feulle qui fane à l’sainte Jeanne (d'Arc) inquiète l’gardinier profane.
-A l’sainte Jeanne, cope des bambous les vieilles canes.
-Sainte-Jeanne d’Arc est l’patronne de la France, des prisonniers, des victimes d’enlèvemints et des femmes ingagées dins eune carrière militaire
-Temps de l’saint Ferdinand, caleur et soleil riant.
-A l’saint Ferdinand, in se lèfe in fredonnant.
-Ch’est à l’saint Ferdinand que l’gardin est l’plus fascinant.
-Gardin foisonnant à l’saint Ferdinand, ingrais et taille seront déterminants.
-Solel rayonnant à l’saint Ferdinand, l’soir à la fraîche, feuillage dégoulinant.
-Gardinier pertinent, paille ses rosiers à l’saint Ferdinand,
-Saint Ferdinand incontinent, l’oïdium est imminent.
-Pucerons s’agglutinant à l’saint Ferdinand sont bin inquiquinants.
-A l’Saint Ferdinand, billetpersistant su l’maguette , est aussi très, très, très inquiquinant !
-A l’sainte Emmélie, luzerne à pleine faucille.
-Biau temps de sainte Emmélie donne du fruit à la folie.
-A l’sainte Emmélie, à vir toudis l’même billet, cha conduit à la folie !
-Si l’dicton dit vrai, mécante femme s'épouse in mai.
Et pou l’même prix, Galibot vous offre eune deuxième ration de dictons pou l’jeudi d’l’Ascension !
-S'il pleut à l'Ascension, tout va in perdition.
-S’il pleut l’jour de l’Ascension, ch’est comme du poison.
-L’iau de l’Ascension amène le bangon (tumeur de la ganache du mouton).
-A l'Ascension toudis de l'iau, ale viendra tard si ale ne vient tôt.
-Quind i pleut à l’Ascension , les blés dépérissent jusqu’à la moisson.
-Quind i pleut l’jour de l’Ascension, les quériches s’in vont in procession.
-A l’Ascension, les quériches su l’pont !
-A l'Ascension, l’dernier frisson.
-A l’ascension, pou l’billet su l’maguette, j’ai d’l’aversion !
-A l’Ascension, la fille vaut l’garchon ; A l’Pentecôte, ale in vaut eune côte ; Au Sacre, qu’eune patte.
-A l'Ascension, la belle su l’jonc, la laide su l’tronc.
-A l’Ascension, la caillebotte au poêlon.
-I n’faut pos coper l’chardon l’jour de l’Ascension, il in viendrot dix sur un même tronc.
-A l’Ascension, y a des jones de mouchons.
-A l’Ascension, in minge groselles et mouton.
-A l'Ascension, tonds tes moutons.
-A l’Ascension, blanque nappe et gras mouton.
-A l’Ascension, in quitte le veau pou l’mouton.
-Intre l’Ascension et l’Pentecôte, si in tond les moutons, i sort un corps de l’mason.
-Vir la photo de l’maguette me donne des convulsions !
A l'ascinsion prinds l' avion !
...avec eul' maguette ed' Ferdinand
A l'ascension, cante des canchons !
Ch'est ch'que j'ai fait aujord'hui chez min ami Raymond qui invitot tous chés amis à v'nir à s'guinguette pou minger et canter. Ch'étot fort sympathique !
Dictons du 31 mai :
-S'il pleut l’jour de sainte Pétronille, l’blé diminue jusqu'à l’faucille.
-S'il pleut à l’sainte Pétronille, pindint quarante jours ale trimpe ses guenilles.
-Pleufe de sainte Pétronille, les rojins deviennent grappilles, ou tompent in guenilles.
-Quind Pétronille pisse, ale pisse quarante jours ed’ suite.
-A sainte Pétronille, pos de haie sins chenille.
-A sainte Pétronille, gare aux cochenilles.
-A sainte Pétronille, occire la maguette me titille !
-Après la sainte Angèle (de Mérici), l’gardinier ne craint plus l’gel.
-Le jour de la Visitation beau fait l’rojin plus gros.
-A la Visitation, si l’temps a été bon, i peut pleuvoir un temps, y aura que perte de temps, pasque si l’foin pourrit, l’rojin s’nourrit.
-L’pleufe de la Visitation tompe six semaines su l’mason.
-S’il pleut à la Visitation, pleufe de saint Médard continuation.
-S’il pleut à la Visitation, trinte jours de bénédiction.
A la saint JUSTIN sois sobre ! bos juste un tiot verre !
J'mets c'soir les dictons pour edmain car edmain, j'vas chez min ophtalmo m'faire mett' un cop d'laser dins l'oeul (cataracte secondaire, cha s'appelle et j'sais pos trop si j'vas vir clair tout d'suite ! )
Dictons du 1er juin :
-A l’saint Fortuné, grinde hannetonnée.
-Pleufe de Saint Révérien, bielles avoines, maigre foin.
-Solel de saint Justin augure bel épi et bon pain.
-A saint Justin, est à graines le plantain.
-S'il pleut à l’sainte Trinité, l’bleu diminue d’moitié.
-Saint-Théobald est l’patron des cordonniers et des porteurs : est invoqué pour guérir la fièf’ et contre la stérilité.
- L’1er juin, in fête aussi Saint Jouin ! Cha n’s’invente pos !
- In juin, quitte ta pelisse
-Bon solel de juin, n'a jamais ruiné personne.
-Eau de juin, ruine le moulin.
-Si juin fait la quantité, septimpe fait la qualité.
-Biau mos d’juin, quange l'hierpe in biau foin.
-Mai couvre l'hierpe, et juin l'arrache.
-S'il tonne au mos d’juin, année de paille et d’foin.
-Pleufe de juin n'est que fumée.
-Juin larmoyeux rind l’laboureur joyeux.
-Quind i fait du rouille in juin, cha fait mal au grain.(Quo qu’ch’est « faire du rouille » ?)
-Fleur de juin n'ingindre pos pépin.
-Pleufe de juin n'est que fumée.
"finquée", ch'es pluss ch'ti !
j'vas chez min ophtalmo m'faire mett' un cop d'laser dins l'oeul
T'inquiète pos, Galibot, j'l'ai déjà fait aux deux yux, et quind l'effet des gouttes qu'in t'met dins l'oeul y est passé, te vois clair tout d'suite. J'viens d'faire l'contrôle après l'laser su min deuxième oeul : cha va, j'ai artreuvé mes 10 dizièmesMais j'ai d'autes problèmes aux yux, et là, min ophtalmo y a pos core treuvé l'solution...
"te vois clair tout d'suite"
Bin, ch'est pos min cas ! Mais cha s'améliore d'heure in heure. L'ophtalmo m'a dit que d'main, cha s'ra parfait.
Cha m'fera presque 24 heures sins vir l'maguette ! Ch'est toudis cha d'pris !
Dictons du 2 juin :
-A l’Saint Blandine, minge bien tes tartines. (Drôle de dicton !? Quo qu'cha veut dire ?)
-Sainte Blandine, bonne pour l’iau, comme pou l’farine.
-Biau temps à l’Saint Marcellin assure l’pain et l’vin.
-Qui a bu à l’sainte Rosine (11 mars), boira à l’sainte Blandine.
-A l’saint Marcellin, biau temps dès l’matin.
-A l'Saint Pothin, bonhomme, sème tin sarrasin.
-Escargots avintureux, l’temps sera pluvieux.
Cha y est ! Aujord'hui, j'vos clair (dins tin jeu) ! Ch'est incroyape c'qu'in peut faire aveuc un laser ! In n'arrête pos l'progrès !
Allez, eune tiote photo d'maguette, pour quinger !
http://nsm09.casimages.com/img/2019...
400ème commintaire ! Champagne pour tout l'monte !
Mi, j'in veux pus ! Aveuc tout c'que j'ai gagné, m'cafe ale déborde !
Incroyape!!les possibilités du LASER !minme les machons l'utilisent in rimplach'mint du niveau à bulle dév'nu obsolète!!aveuc c't'outil l'machon qui bot et qui n'est plus très clair ou d'aplomb avec eul fil peut machonner sins aucun problinme!
Culture générale : Quel pays a invinté le laser ?
Interdit d'raviser l'dico ou d'consulter Gogol !
Fastoche !
Laser bat Jean?
Laser-bie !!???
Laser à Léone?
Ch'étot : Laserbaïdjan !
In peut dire que Mozinpef a gagné !
Dictons du 3 juin :
-L’temps qu'i fait in juin l’trois sera l’temps de tout l’mois. (Ch’est pos terrip’ alors !)
-A l’Sainte Clotilde, de fleur in buisson, « abeille, butine à foison ». (Certains mauvais esprits avotent compris que Sainte Clotilde avot dit « Abile ! Butine ma toison ! » Mais ch’est des cacoules, à m’n’avis…)
-Le soir de Saint Morand, in plinte choux et haricots.
- Si vous voulez raccourcir la vie de vot’ mari, donnez-lui in mai et juin des choux à minger.
-S'il pleuvine à l’saint Kevin, ch'est bon pour l'espèce ovine.
J'vas m'méfier dé m'finme car in c'momint j'minche souvint du chou!elle nan,prétextant que cha l' ballonne!
Mefie-te incore pluss si ale t'appelle : "Mon chou!"
Dins la vie, i faut toudis ménager la chèvre et l'chou !
Comme cha, in reste dins la thématique !
J'quinge complètemint d'sujet. Je n'sais pos si ch'est eune année à coquelicots, mais v'là l'photo qu'j'viens d'printe de m'pelouse :
http://nsm09.casimages.com/img/2019...
In est à l'avinche du fait qu'y a beaucop d' solel!bin souvint in les vot in bordure des camps quind les blés mûrissent!!ch'est biau à vir!cha m'fait pinser à un coq au lit caud !!
Pou' arvénir sur l'chou et ses vertus culinaires, j'pinse que cha évite quind minme le score-but n'in déplaise à mes intestins grêles et fragiles
Pour in r'venir à chés coquelicots, ch'est vrai qu'in in n'arvoit de pls in plus edpuis eune paire d'années. Edpuis que certains céréaliers se mettent à faire de l'culture bio, sins herbicides chimiques. I z'avottent disparus à cause des herbicides systémiques puissants, mais là i réapparaissent, pasque les herbicides bios sont pos assez efficaces pour les détruire.
Mais, i faut arconnaîte que les camps d'blé bios, ch'est biau!
"v'là l'photo qu'j'viens d'printe de m'pelouse".
Phrase à double sens:
-Est-ce une photo de TA pelouse, ou une photo prise de chez toi, mais qui montre la pelouse de tin voisin?
Pasque si t'pelousse ale est comme cha, c'est l'conséquence d'ête parti eune semaine in vagances au Maroc! Ch'est que cha pousse vite in ch'momint!
T'aros mis eune maguette in pinsion pindint que t'étot parti, t'aros artreuvé eune pelousse nikel in rintrint!
J'dis cha, j'dis rin!
"Est-ce une photo de TA pelouse, ou une photo prise de chez toi, mais qui montre la pelouse de tin voisin?"
Ch'est bien MA pelouse !
Et j'mets eune aute photo qu'j'ai prise, aveuc des fleurs jaunes qui sont aussi des plantes sauvaches ! Cha pousse tout seu ! Quo qu'ch'est ?
Mi, j'sais !
Indice : ch'est eune fleur cousine des coquelicots !
Fastoche !
Ya pos d'cacoules ni ju d'mots ! Ch'est eune vraie question !
Pff!!!! trop fastoche: ch'est des Eschscholzias (comme cha se prononce ) ou: pavot de Californie!
La botanique là d'sus Mozinpef i'est incollape!!et in puss' l'idée d'placher eine maguette ed' location avint d'pertir a Marraquêch étot bonne!min visin i'vient d'mette un poney à s'dévinture pour eune sémone tell'mint qu'i' a d'l'hierpe qui pousse!avec les caleurs j'ai freumé les ferniêtes!L'poney s'in donne à coeur joie !d'timps in temps i'brame un cop parc'qué l'rintourache i'est éléctrfié !Par nuit i' dort au mitan !!!
Dis me; sins vouloir ête curieux comme eune maguette, ya eune séquoi qui m'turlupine: chés fleurs que t'as dis t'pelousse, te l'z'as semées aveuc des graines type:"Mélange champêtre" qui vindent dins ches jardineries, ou bin ch'est arrivé comme cha tout seu?
Bonne questchion!!avec toutes chés abelles qui butinent!!?
"ch'est des Eschscholzias (comme cha se prononce ) ou: pavot de Californie"!"
Bonne réponse !
Les coquelicots, ch'est aussi des pavots… Mais j'sus pos sûr qu'in peuche les faire séquer et les finquer…
"chés fleurs que t'as dis t'pelousse, te l'z'as semées aveuc des graines type:"Mélange champêtre" qui vindent dins ches jardineries, ou bin ch'est arrivé comme cha tout seu?"
J'sais pos trop ! Quind j'sus arrivé ya d'cha bétôt 3 ans, j'ai treuvé eune pelouse à mitan prairie !
A m'n'avis, ch'est eune pelouse au départ qui n'a pos été intretenue comme i faut et cha a dégénéré in prairie...D'où les coquelicots, les pavots, les picholits et autes hierpes diverses (plantain, boutons d'or,...). Quind ch'est fleuri, ch'est très biau mais quind cha n'l'est plus, ch'est moins biau !
I faudro tout arfaire ! Artourner tout ch'terrain, l'égaliser et arsemer de l'bielle pelouse inglaise... Mais min dos i n'est pos d'accord ! Ch'est pus de m'n'âche, ach't'heure ! Ya core 10 ans, j'l'aros fait...Mais l'temps passé est outre !
Saint Kevin (600) est l’protecteur des mouviards. Ch’étot un abbé irlandais qui resta immobile, les bras in croix pindint sept ans. Il étot tellemint immobile qu’les zoziaux venotent nicher dins ses mains.
Et commint qu’i faisot pour picher ? In se l’deminde !
I vécut 120 ans…Rin qu’cha ! Jeanne Calment a fait plus mais ale n’a pos été canonisée, elle…!
Tertous connot l'histoire ed' Saint Kévin!!!chu qu'in sait moins ch'est qu'un jour alors qu'i' faijot eune tempête du cent mille diapes il fut importé par el tornate in criant "qué vint !!"In artrouve parfos des statues dins les gardins à s'n'effigie.I tind sin bras et les moniaux viennent becqu'ter dins s'main sous l'oeul attendri de l'maguette !
Bravo Noléon pour avoir réussi à placher l'maguette in parlant d'Saint Kévin !
Cha comminche à ête ed' pus in pus diffichile de respecter la thématique !
Dictons du 4 juin :
-Ne crains pos du mauvais temps de sainte Marthe, vite, i faut qu'i parte.
-A l'sainte Marthe, la maguette, i faut aussi qu'ale parte.
-A la saint Quirin, in est serein.
-A saint Optat, tes fourraches in bas.
-En juin, trop d’pleufe et l’gardinier s'innuie.
-Homme de juin, homme de vin ; Femme de juin, genre coquin.
-In juin, si l’canard crie, ch'est signe de pluie.
-In juin, i pleuvra quind les vers ed tierre sortent ed leurs tros.
- Biau temps in juin, abondance de grains.
- En juin biau soleil qui donne n'a jamais ruiné personne.
- S'il pleut in juin, minge tin poing.
Si i' quait des grêlons comme des ués d'autruche; protèche tes truches!
Pour in r'venir à chés coquelicots, ou putôt aux pavots, savez vous que chés gatiaux espécialités polonaisses: les "Makotch" forts connus du côté du bassin minier, sont faits avec des graines d'pavots?
http://www.ca-drache.fr/recette/des...
Pour in r'venir à chés coquelicots, pou l'cintième anniversaire ed l'armistice du 11 novimbre 1918, Afchain i fait des bonbons au coquelicot, et ch'est rud'mint bon !
In juin, i pleuvra quind les vers ed tierre sortent ed leurs tros.
I d'vrot pos pleuvoir ed trop, pasqu'i paraît qu'y a de moins en moins d'vers ed tierre...
Un ver assoiffé sort ed' tierre dès qu'i'pleut!...mais hélas aussiteût pas bin lon d'là l'merle dit au mauviard:"té viens!..j'te paye un ver!
Noléon:
"les "Makotch" forts connus du côté du bassin minier, sont faits avec des graines d'pavots?"
J'connos : j'ai eune bielle-soeur d'origine polonaise. Ale ne les fait pos mais ale les acate chez un boulinger polonais. Ch'est très bon !
Dins l'temps, les Houillères avotent donné aux mineurs des tiotes parcelles de terrain pour faire un tiot gardin.Ch'étot surtout des Polonais qui les cultivotent. Et évidemmint i z'avotent plinté les pavots pour faire leurs gatiaux. Cha m'avot interpellé quind j'étos jone pasque pour mi, l'pavot ch'étot de l'drogue.
Ch’est un ver ed' tierre qui, sortant d’sin tro, vot un aute ver ed' tierre à côté d'li et ingage la conversation :
- Biau temps hein ?
Pos d’réponse...
- I parait que l’dicton dit qu’in peut sortir de not’ tro ! Quo qu’vous in pinsez ?
Toudis pos d’réponse...
Alors l’ver de tierre rintre dins sin tro in grommelant
S’femme l’entend et li deminde :
- Quo qu’i s’passe ?
- Bin ya un vier qui est sorti d’sin tro et qui a pos voulu m’répondre !
- T’es vraimint neuneu ! J’parie qu’t’as incore parlé à t’queue !
Conclusion: parle à min cul......
Allez ! Eune tiote histoire de ver ed' tierre ! Cha quingera des maguettes !
Noléon, t'aros pu dessiner cha ! http://nsm09.casimages.com/img/2019...
Dictons du 5 juin :
-Les bains que prind Saint-Norbert, inondent toute eul tierre.
-La pleufe de juin, fait bielle avoine et maigre foin.
-Qui in juin s’porte bien, au temps caud ne craindra rien
-Saint-Boniface est l’patron des brasseurs, des tailleurs et des fabricants d’quémiches
-A l’Saint Boniface,toute boue s'efface.
-À l’saint Igor, l’solel nous revigore.
A marraquêch i'a des mosquées mais parait-il;in rintrant i'faut inl'ver ses babouches sinon t'es lynché! est-ce vrai GALiBoT? Au fait!!T'as pos visité l'planque à Balkany?
Bin ouais, i faut inlever ses babouches. Ch'est c'que j'ai fait quind j'sus intré dins l'mosquée d'Marrakech. Mais in sortant de l'mosquée, mes babouches avotent disparu ! In m'les avot volées !
Min sang n'a fait qu'un tour ! J'ai crié bin fort à qui veut l'intindre :
- J'vous préviens, j'vous laisse chinq mineutes ! Pas eune ed' puss ! Et quind j'arviens dins chinq mineutes, et si jamais mes babouches n'sont pos arvenues, j'appliquerai la méthode BALKANY ! Attintion ! La méthode BALKANY ! Z'avez compris ?
J'sus sorti…
Quind j'sus arvenu chinq mineutes plus tard, mes babouches étotent là !
développ'mint durape...APPEL
Tous insannne avec Régis pou' l'ecopaturache
avec l'nouvelle asso"les biquettes de l'espoir"Faites circuler .....
Dictons du 6 juin :
-Les bains que prind Saint Norbert inondent toute eul tierre.
-Saucées de Saint Norbert sont néfastes pou l’tierre.
-A l’Saint Claude, l’froment ôte sa caule (tige).
-A l’saint Claude, ravise tin séïau, té ne l’verras pos plus haut.
-Fayots semés à l’saint Claude rattraperont les z’autes.
-Pleufe de saint Claude jaunit la noix.
-La saint Claude baille les quériches ou les ôte.
-Biau temps à l’saint Marcellin assure le pain et l’vin.
-A l’saint Marcellin, biau temps dès l’matin.
-Coccinelle qui va d'fleur in fleur apporte avec elle la caleur.
-Saint Claude : Claude vient de "Claudus" in latin qui signifie "BOITEUX". In mythologie, la boiterie est l’caractère de bien des héros. L’boiteux a un pied in deçà et un aute dins l'au-delà ! I possède donc des savoirs mystérieux… La boiterie étot considérée dins l’temps comme un caractère diabolique.
Saint Claude a donné sin nom à eune ville du Jura que j’connos bien et qu’j’adore car ch’est la ville de la pipe ! Ya des pipes à tous les coins d’rue. Il est donc patron des tourneurs de pipes, des faïenciers, des potiers et des tanneurs. In peut aussi l'invoquer pour faire ressusciter des infants morts.
-Saint Norbert, à l’aide de Saint-Waltmann, s’est appliqué à combattre l’hérésie de Cambrai (1080-1134). J’sais pos si té l’savos, Kimberlotte ? Mi, non !
Par la suite, dins un monastère, il créa l'ordre des Prémontrés. Un avatar des Prémontrés est la bière de Leffe, plus précisément "bière de l'Abbaye de Leffe", abbaye tenue par les Prémontrés. Té l’savos Mozinpef ? Mi non !
Ch’étot l’mineute culturelle, étymologique, géographique, spirituelle, historique, brassicole et indispinsape ed’ Galibot
j'in savos beaucop mais pos tout cha !!nom des djiux par tous les saints d'la terre !!KIMBERLOTTE! MOZINPEF!v'nez chi m'donner un cop d'main !L'toubac saint CLAUDE et aussi les reines-glaude j'connaichos mais après!!???Pauvres incultes que nous sommes !
Nom d'eune pipe!
Mais ya pos foque St Claude qui est réputée pou ses pipes; Ya aussi Cogolin, à côté d'St Tropez, dusqu'i font de pipes in rachènes d'bruyère.
Ch'étot des tailleurs de pipe?...et dins l'temps les mineurs du borinage feumotent leu' toubac dins des pipes in terre si jé n'm'abuse!!Ch'étot des rudes pipeux!Eine fos dins m'jeunesse j'ai vu un pipeux abindonner s'pipe usagée car ale perdot feu!De là est née l'espression: y'a l'feu à l'pipe du vieux !!
Ch'pauvre homme ya fini par casser s'pipe?
Nan! i'a racaté eune nouvelle pipe mais pas d'chance ale dépassot dé s'poche et dins l'bus in li a pipé!j'vous dis pos !!!i'a failli faire eine crisse cardiaque!!
Et ch'ti qui li a pipé s'pipe sins qu'il ait pipé un mot, a crié : Hip pipe pipe hourra !
J'vous l'avos pos dit ?
Eune fos, j'me suis fait tromper in acatant des pipes !
(contrepèterie)
J'connaichos eine finme ;cha peut paraître bizèrre mais ch'est comme cha ;ale feumot à l'pipe comme un pompier et in puss ch'étot eune rute pip'lette!ale travaillot dins les pipelines !
La plus connue des fumeuses de pipe, ch’étot Catherine de Médicis. Ale disot que cha l’inspirot ! Ceuss qui n’l’avotent pos querre, et y in avot beaucop, disotent que ch’étot un rite diabolique ! Et que ch’est à causse des effets néfastes de l’nicotine que Catherine avot provoqué l’massacre de l’Saint-Barthélémy !
Pou in r'venir à Saint Norbert : bin nan, j'connaichos pos ! Ch'est pasqu'y a lotimps qu'i a pus d'hérétiques à Kimbré ! In fait jusse des bêtisses. Et incore, mi, j'in fais pos, j'les minge !
Min comarate Géronimo yé mort!
Ouais, ya cassé sin calumet; Quel indien ch'ti là!
Indien vut miux que deux tu l'auras !
Dictons du 7 juin :
-La pleufe le jour de l’saint Gilbert implira tin verre.
-Saint Mars mouillé au p’tit jour, ch'est de l’pleufe pour tout l’jour.
-Si les fourmis s’agitent à l’sainte Anne de Bretagne, l’orache déquind de l’montagne.
-A l’saint Robert, tout arpe est vert.
-Si beaucop d'iau tompe dins l’mos, lors peu d’grain croître té vos.
-In juin trop de pluie et l’guernier vide s'innuie.
-Quind i pleut trop in juin, paysan cache (cherche) sin pain.
-Juin frod et pluvieux, tout l'an sera grincheux. (Et mi aussi !)
-In juin, quind l’quériche périt, tout s'in suit.
-J’me souviens, l’an dernier, le 8 juin, j’avos pris des photos des quériches de min gardin : ales étotent rouches, grosses et bonnes à minger. Ch’t’année, ales sont vertes et tiotes...Cha augure mal...
-Aujord’hui, ch’est aussi l’fiête à Saint-Wulphy: Yétot d’not’ coin.(Montreuil-sur-Mer dins le Pas-de-Calais). Éduqué pieusement, i s’marie et devient père de tros files. Yétot tellemint populaire auprès d’ses concitoyens, qu’i z’ont adressé à l’évêque eune supplique pou l’faire nommer prêtre ! Et v’lan, li qui n’a rin demindé, le v’là promu prêtre ! I dot donc se séparer de s’femme pour intrer dins les Ordres. Malheureusemint, li qui étot un caud lapin, i succomba peu de timps après, au désir charnel et commet le péché d’chair aveuc s’n’ex-femme. Hooouuuu ! In guise de pénitence, i dot finir ses jours comme ermite (+ vers 643). Pauf’ diape !
-Aujord’hui 7 juin, ch’est l’anniversaire du traité d'Ardres (7 juin 1546) qui met fin à l’guerre intre François Ier, roi de France et Henri VIII, roi d'Angleterre, Les deux parties s'accordent sur la restitution de la ville de Boulogne (aux mains des Inglais edpuis 1544) à la France contre paiement de 140 000 écus ! (Et confirment que Calais reste possession inglaise !)
Mais le traité d'Ardres 1546 n'est pos respecté ! Et pourquo donc ? Pour pos quinger, ya pus de sous dins les caisses de l’Etat ! Comme quo, l’Histoire est un éternel recomminchemint !
Le roi de France ne peut pos payer les inglais qui gardent donc Boulogne in caution, se livrent à d'importants travaux de fortification non autorisés par le traité, et attaquent les batiaux français ! Que brin !
La France ne reprindra Boulogne qu'in 1550, par le traité d'Outreau. Mais ch’cop chi, ch’est pos 140 000 écus mais 400 000 écus que l’France dot donner ! In puss, le roi dot donner s’fille Elizabeth in mariache au roi d’Ingleterre !
Qui ch’est les cocus dins l’histoire ?
Ch’étot la mineute culturelle et historique de not’ coin ed’ Galibot
Crénom d'eine pipe!!l'histoire est plone d'chés anecdotes ;on in parle minme à Télé matin aveuc Laurent Bagnolas!!incroiabe tout chu qu'i' s'est passé d'dins l'temps!et quind in y pinse bin i'a mi si logtimps qu'cha:quate chints soixante treize balais !
"(Et confirment que Calais reste possession inglaise !) Comme quo, l’Histoire est un éternel recomminchemint !"
Te peux pos miux dire: Edpuis les accords du Touquet in 2003 l'douane inglaise ale est arvenue à Calais, cha fait que t'es pos core monté dins ch'batiau, que t'es d'jà in ingleterre, mais t'es core à Calais!
Qué brin!
Ah, chés Ingliches ! J'préfère m'taire...
Ech' piche! ech'gliche!vive les beiches !...
Tant qu'j'pinse !!!!L'governémint veut mette l'âge dé l'retraite à chochinte chinq ans!!!si té l'prinds avint t'as un malus!in arvient comme dins les années chochinte!queulle honte !!nos pères et pis nous in s'est battu pou' eune retraite décente !!cha va mal !!!BOF !!!hein !.....il est donc inutile d'insister sur l'HISTOIRE du mouv'mint OUVRIER et ses conquêtes sociales qu'in charcute eune miette à l'fos !!alors acceptons !! à plus !
Ch'comarate Médard, fais pos l'con aujord'hui, hein!
Dictons du 8 juin :
Ya beaucop d’variantes pour Saint Médard ! J’mets les principales :
-Quind saint Médard ouvre les ziux, acoute vir s'il pleut.
-S'il pleut à l’saint Médard, ch'est du biau temps pour chés canards.
-Saint Médard, grind pissard, fait boire le pauf’ comme el richard.
-Saint Médard grand pissard, i pleut quarante jours plus tard.
-Saint Médard s'est mis à pisser...Saint Barnabé y a coupé.
-S'il pleut à l’saint Médard, la récolte diminue d'un quart.
-Saint Médard, planteur de chou, mingeur de lard.
-S'il pleut l’jour de l’saint Médard, si t'as pos d’vin, t’aras du lard.
-S'il pleut à la saint Médard, i pleut quarante jours plus tard, à moins que saint Barnabé ne vienne l'arrêter.(ou : peut incore tout raccommoder) (ou : ferme ch’robinet) (ou : li cope eul pied)(ou : le nez)(ou : li cope l’hierpe sous l’pied) etc…
-S'il pleut à la saint Médard, i pleut quarante jours plus tard, à moins que saint Gervais (le 19) soit biau et tire saint Médard de l'iau.
-Pleurs de saint Médard, quarante jours bousards.
-Du jour de saint Médard, s'il fait biau, sois tout certain, d'avoir abondance de grain.
-Saint Médard éclairci fait l’guernier farci.
-Saint Médard, fais pos l'connard !
Quind i pleut à l’saint Médard,
Prinds tin manteau sins nul retard.
Mais s'il fait biau pour saint Barnabé,
Qui lui cope l'hierpe sous l’pied,
Tin manteau chez ti peut rester.
Enfin s'il pleuvot chés deux jours,
T’aros core saint Gervais
Accompagné de saint Protais (le 19)
Qui l’biau temps va ram’ner.
.
-Les parents d’saint Médard habitotent Noyon (qui est à la fois eune ville picarde et un palindrome ! ). Médard étot très généreux : il a donné sin manteau d’grinde valeur à un pauf’ aveuque qui avot frod, s’gva à un homme qui avot perdu l’sien, etc…
Dieu voulut lui faire savoir que ch’étot bien, fit tomber eune grosse pleufe, mais un aigle étant survenu au-dessus de s’tiête, étindit ses ailes et l’protégea de l’pleufe.
D'autes gins racontent qu'il arot déclinché eune pluie diluvienne de 40 jours, pour punir des jeunes paysans qui préférotent aller guincher plutôt qu'd’aller à l’messe !
-Saint-Médard est l’patron des gins imprisonnés, des gins atteints d’eune maladie mintale, des agriculteurs et des viticulteurs.
Il est invoqué contre l’mauvais temps, pour (ou contre, selon l’cas) la pleufe, pou l’bon déroulemint de l’moisson et pou l’soulagemint des maux de dints.
Et si y a du vint à l'St Médard, quo qu'i s'passe ?
-Si ya du vint à l'saint Médard, cha décorne les maguettes et les cornards !
Aujord'oui ch'est l'Saint Médard !!bizarre!!pos eine goutte à boire
Lvint i'soule qu'i' dit Raoul
qui privé d'electricité cache dins l'obscurité el' boutelle qui est dins l'buffet !qué dallache !
Vint d'Saint Médard, décorne chés cornards!
Et l'commintaire 466, comarate Mozinpef ? Ya pos été involé par ch'vint…
Comme disot Dracula :
-Le pire vent, ch'est l'vent pire !
Quo qu'cha fait quind l'vint du nord i rincontre l'vint du sud ? I s'font la bise !
I-a des grêlons!
Quant au vent en poupe n'in parlons pas!i'est si discret !!
J'préfère l'vent alizé !mais ch'est pos chez nous !!dommache !
Bon vent !
Cha y est, l'vint i est calmé ! Paraît qu'y avot 1500 foyers de l'Sarthe sins électricité à cause de l'timpête Miguel ! Mais ch'est moins grafe que pou chés sauv'teurs péris in mer...
Dins l'catégorie mauvaisses nouvielles : j'ai lu que, comme in est là partis, l'humanité va disparaîte in 2050 ! Mi, j's'rai d'jà morte, mais nos éfants et nos tiots-éfants ? Cha fait frod dins l'dos !
"l'humanité va disparaîte in 2050 !"
Et les Témoins d'Jéhovah disent que ch'est in 2034 !
Avant les Mayas avotent dit qu'ch'étot in 2012 ! Sins parler de l'an 2000 où in devot morir aussi ! In devrot d'jà tous ête morts, alors…
D'abord, in n'peut pos morir du récauffemint climatique pasque Donald Trump a dit : "Le récauffemint climatique, ch'est des carabistoulles car in ch'momint, i neiche à Nouillorc ! " Ch'est quind même un grind expert, Donald !
Donald TLWEUMP i'est aussi machon à l'frontchière du Mexique!il est mur !
Dictons du 9 juin :
-A l’Saint Félicien, mouque à miel n'a pus d’biens.
-A l’Saint Félicien, vient l’temps des musiciens.
-A l’sainte Diane, fait saillir tin âne.
-Au mos d’juin, quind les ânes secouent l’orelle, ch’est signe qu’i pleuvra à mervelle.
-Pleufe à l’sainte Diane, ni grain au guernier, ni vin au cellier.
Sacré Donald !
http://nsm09.casimages.com/img/2019...
J’ai oblié les Dictons de la Pentecôte :
-A la Pentecôte in vot tailler la vigne de côte in côte.
-Pentecôte humide, Noël splindide.
.
-A l'Ascension, quitte tes cotillons;
A l’Pentecôte, découvre tes côtes;
A la Fête Dieu (20 juin) quitte tout, si té veux..
.
-A l’Ascension, la fille vaut l’garchon ;
A l’Pentecôte, ale in vaut eune côte ;
Au Sacre, qu’eune patte
C'jour-là l'curé au catéchime pose eine questchion au tiot d'Cafougnette:
-Qu'est-ce que la pente-côte ??
-L'pint'côte !!!ch'est l'ducasse d'Hapes !!(Haspres)
Dicton du Kimbrésis et du Douaisis :
"A l'Pint'coute, in met s'n'habit tout éoute".
Bin mi j'vas pos mette m'n'habit d'été aujord'hui, j'ai pos invie d'ête malate !
Véridique !!!
Mes amis, si qu'in cangeot d'imache ? Je n'n'ai treuvé eine bielle ed 2013 qu'in a pos comminté. Y a qu'Mozinpef qui avot mis ein tiot commintaire sins rapport aveuc el billet...
http://www.chblog.com/post/2011/10/...
Quo vos in dites ?
Quo qu'vos in dites ? ch'est miux !
""A l'Pint'coute, in met s'n'habit tout éoute"
La suite du dicton:
-Avril, ne te découvre pas d'un fil,
c'est:
-"Ne découvre te côtes, qu'après la Pentecôte"
"Quo vos in dites ?"
Qu'ch'est du chauvinisme, pardi !
Mais j'préfère comminter cha putôt qu'eune boîte de rillettes du Mans !
Qu'est-ce t'as conte les rillettes du Mans ? Les vraies, artisanales, sont délicieusses ! Par conte, les bordeaux d'chez Nelle, ch'est pos terripe...
Ch'est des voleurs, à mo "Chez Nelle":
Artourne l'pot, et ravise à l'invers!
Ya un double fond à ch'pot, ch'qui fait pinser qu'i est pus grand qu'i n'est pour du vrai!
I prèn'tent les gins pou des babaches!
Tous des minteux, au Mans!
Barnabé, t'es un salopard!
T'énerfes pos ! Saint Barnabé, ch'est demain ! In peut toudis espérer...
Dictons du 10 juin :
-A l’saint Landry, la faux est dins l’pré.
-S'il pleut à l’Sainte Trinité, l’blé diminue d’moitié.
-Si le 10 juin est serein, in assure avoir du grain.
-Ciel du 10 juin boudeur, foin sec et sins saveur.
"Qu'est-ce t'as conte les rillettes du Mans ?"
Rin qu'à raviser l'pot, té prinds chinq kilos !
"Saint Barnabé, ch'est demain"
Ouf, in a core eune tiote chance!
Barnabé, si t'es sache aujord'hui, t'aras eune imache!
Dictons du 11 juin :
- Saint Barnabé arboutonne la marronne de Saint Médard.
- Si Médard et Barnabé comme toudis, s'intindotent pour te juer des tours, t’aras core Saint Gervais, qui le beau va ramener (19 juin)
-S'il pleut pou l’Saint-Barnabé, cha repousse jusqu'à Saint Gervais (19 juin) qui ferme ch’ robinet.
- Le jour de l’saint Barnabé est le plus biau jour d' l'été.
- A l’saint Barnabé, sème tes navets.
- Pleufe de saint Barnabé, diminue l’récolte de moitié.
-À l’saint Barnabé, canards potelés.
-À l’saint Barnabé, le seigle perd le pied.
-Blés fleuris à l’saint Barnabé, présache d'abondance et d’qualité ; La fleur du blé dot s’vir dispersée, au fond de l’tierre gercée.
-Garde-toi, dit le blé, de m’coper trop mûr, et j’te garderai, mi, de perdre, ch'est sûr.
-À l’saint Barnabé, fauche tin pré.
-De Barnabé la journée clairette, de saint Médard (le 8) rachète.
-S’il pleut à l’saint Barnabé, la moisson sera inondée.
-L’soleil de saint Barnabé à saint Médard casse eul nez.
-Blé fleuri à l’saint Barnabé, donne abondance et qualité.
-Au temps de l’saint Barnabé, la gerbe retourne à l’abbé.
-A l’saint Barnabé, la faux au pré ; In juillet, faucille au poignet.
-Blé fleuri à l’Saint Barnabé donne abondance et qualité.
-Quind i pleut à l’saint Barnabé, y a de l'avoine partout où in a semé.
-S'il pleut à l’saint Barnabé, la vendange coule jusqu'au panier.
-A l’saint Barnabé, les jours croissent d'un saut d’baudet.
-St-Hugues qui étot d’not’ coin, étot issu d’eune riche famille de Tournai, et finit s’vie comme abbé d’Marchiennes.
-Sainte Macre étot des hauts-de-France (qu’in n’appelot pos comme cha à l’époque),(à La-Fère-en-Tardenois). Le grind persécuteur du Nord de la France et de l’Belgique, Rictiovare, lui fit coper les mamelles.
Dins s’prison, la nuit, un ange lui apparut et voulut lui donner eune pommate pour la soulager d’ses blessures. Ale refusa in disant :
-«J’ai jamais pris d’médicamints de m’vie, j’vas pos commincher aujord’hui ! Et pis d’abord, j’veux pos m’priver des joies du martyr ! Si té veux m’guérir, t’as qu’à m’guérir par la parole ! »
Ale se prosterna alors contre terre et in s’arlevant, ale avot artreuvé ses mamelles….
Ale étot continte mais ale a été exécutée quind même quèques jours pus tard...Et dù qu’yétot passé l’ange, hein ? ...Paufe femme !
500ème COMMINTAIRE !
Champagne à volonté pour tout l'monte ! Même à Saint Barnabé si i'est gintil aujord'hui !
Chés biêtes, ales l'ont belle ! Et ales l'ont bêêêêle aussi !
http://nsm09.casimages.com/img/2019...
Champagne à volonté pour tout l'monte !
Du champagne virtuel ! In verra tout !
Quind qu'ch'est qu'te nous sers à tertous du vrai champagne ? L'prochain cop qu'j'armonte dins ch'Nord ? Ouais !!!
Du champagne virtuel mmouai !! j'en conviens!!!MMêêê!In réalité mi j'diros" du champane FICTIF !!....
chti qu'i'n'est pos pou' t'guif'!
Dans cet exemple la conjonction de CO-ordination" MAIS" prend une voix tremblante ,implorante !!
VITUS !!!ch'estl'équivalent deGUY in latin!Ce saint sicilien i'a été martyrisé à 12 ans par l'triste sire Valérien( gouverneur qui n'valait rien)parc'que GUY i' arfusot d' adorer les idoles qu'i trouvot drôles!!
Au neuvième sièque quind in a trinsféré ses reliques in SAXE bizèr'mint des épileptiques furent guéris et s'sont mis à dinser comme des diapes!Ch'est là qu'est v'nue l'espression"avoir l'danse saint GUY! Actuell'mint in artrouve d'nombreux adeptes dins les dincing qui s's'roul'nt par tierre d'vint leur idole !
Dictons du 12 juin :
-Qui naît à l’Saint Basilide ne sera jamais invalide.
-Pleufe de Saint Guy, ch'est tout l'an qui rit.
-Gardinier, cope à l’Saint Guy, sur les arpes, le gui qui s’languit.
-La pleufe à l’Saint Guy, un bon an donnera, mais l'orge in souffrira.
-A l’Saint Guy, la caleur nous laisse tout alangui. Cha m’étonnerot qu’in seuche alanguis aujord’hui !
-Pleufe de Saint Guy laisse le vigneron marri.
-Quind pleut le 12 juin, y a pos d’rojin.
Tiots dictons agricoles :
-Si in savot c’que l'ail vaut, in in planterot des journaux (journaux: la surface de tierre qu'un homme peut travailler in eune seule journée)
- Si les femmes savotent c’que le céleri vaut à l'homme, ales in irotent chercher jusqu'à Rome.
Des commintaires messieurs les gardiniers ?
Sans commentaires mon ami !
"c’que le céleri vaut à l'homme"
-Le céleri ch'est un aphrodisiaque puissant et reconnu. En vrai, ch'est ses branques qui sont les plus intéressantes puisque ales participent à la production de testostérone. Ch'légeume i est aussi réputé pour ses propriétés vasodilatatrices et pour lutter contre l’hypertension ; l’un des ennemis d’une mauvaise érection.
Sinon, ya aussi: l'onion, l'al, la banane, l'clo d'giroffe, l'pimint et les choux!
Pour nouzautes: céleri, et pou les chinois, i parait que c'est le riz aussi.
Dicton du jour :
http://nsm09.casimages.com/img/2019...
Comme Mincoin vient d'quinger d'billet, dernière photo de l'maguette !
Derniers commentaires