Chblog, le blog chti

Commentaires

Fil des commentaires de ce billet

1. M☼zinpeƒ le mercredi, mars 27 2019, 14:24

Cha n'quérrera pos pus bas qu'par tierre!

2. noléon le mercredi, mars 27 2019, 16:14

Ch'est inéluctape!!!minme si t'as un parachute !

3. ♥ Galibot-Les-Bons-Tuyaux ♥ le mercredi, mars 27 2019, 16:45

Et quind in quet su l'daine, cha fait du ma !
Pour ceuss qui ne l'savent-te pos : l'daine, ch'étot le sol dins les galeries d'mine.

4. ♥ Galibot-Les-Bons-Tuyaux ♥ le mercredi, mars 27 2019, 16:46

Vindiouss, quind j'ai vu qu'yavot un nouviau billet, j'sus quéu de haut !

5. M☼zinpeƒ le mercredi, mars 27 2019, 17:03

♫ Je sus quéhu par tierre,
Ch'est la faute à Voltaire ♫

6. Kimberlotte le mercredi, mars 27 2019, 17:08

Assis-te, te querras pos d'si haut !

7. noléon le mercredi, mars 27 2019, 17:57

...et l'grognon dins l'rucheau ,ch'est la faute à Rousseau.Cha m'fait pinser à cette dame agée militante gilet jaune bousculée et rinversée par les "casqués"d'la république!Acht'heure vous savez les impératifs économiques cha vient d'in haut et les fermetures d'intreprises cha vient d'in haut....les pantins sont in bas à toudis gesticuler!!!In a fait des lifes sur la base et le sommet mais rin n'y fait!!!Mais bon j'cros qué j'vais un peu trop loin dins mes considérations Mettons l'espoir dins eune jeunesse "responsable"

8. noléon le mercredi, mars 27 2019, 20:03

...et cha ch'est bin vlai !!!
Banzoir !!amis du soir !

9. noléon le jeudi, mars 28 2019, 06:25

Info matinale:Carrefour vient d'querre bin bas(mille gins à dégager).Centres des impôts: réductions d'effectifs...et in comprind pourquo!...eul' liste planifiée s'allonge!in va bintôt minger du riz !

10. noléon le jeudi, mars 28 2019, 06:34

Au governémint ch'ministère i'a bougeotte !PARIS brûle t'il?dites-me !!!

11. ♥ Galibot-Les-Bons-Tuyaux ♥ le jeudi, mars 28 2019, 07:35

Dictons du 28 march :
-A l’saint Gontran, si la timpérature est belle, arrivent les premières hirondelles.
-S'il gèle à l’saint Gontran, le blé ne deviendra pos grand.
-A l’saint Gondran, espoir s'il fait biau, pain et vin se font voir.
- La gelée du jeudi saint gèle le sarrasin.
-Gontran, roi d’Bourgogne, tiot-fils de Clovis, n’avot querre que les servantes. Il a eu un fieu, Gondebaud, avec eune servante, qui fut impoisonné par Marcatrude. Gontran s'unit alors à Marcatrude qui lui donna un fieu qui mourut très tôt. Puis Marcatrude mourut à sin tour peu après. I s’maria alors à Austrechilde dont il eut deux fieus qui moururent in bas-âche. Gontran la répudie et fait assassiner deux des frères de Marcatrude. Sur sa lancée, comme il étot bien caud, il tua aussi sin médecin, qui n’avot pos réussi à l’guérir, puis assassinat sin frère Charibert… In faisant tout cha, il a archu eune part du royaume in héritache. I parait qu’à la fin de s’vie, il a argretté c’qu’il avot fait…et il est dev’nu bon… Ch’étot un ange aveuc tout l’monte ! Queulle époque ! Comme quo, in peut querre bin bas et armonter jusqu’à devenir un Saint !
-Saint Gontran est invoqué pour apaiser les querelles familiales et pour favoriser le rapprochemint de deux branches d’eune famille in conflit !

12. ♥ Galibot-Les-Bons-Tuyaux ♥ le jeudi, mars 28 2019, 07:41

"assassinat"! Sins "t", ch'est miux ! Horoz'mint qu'tout l'monte n'est pos réveillé !

13. noléon le jeudi, mars 28 2019, 08:02

qu'est-ce t'attinds?
-L'artour des hirondelles!
- in n'in vot pus!tout i'est à terre!décimés par MONSANTO et BAYER !

14. noléon le jeudi, mars 28 2019, 08:07

In n'les vot pus "voler bas " quind i'fait fort caud!L'alouette!! in n'l'intind pus!!

15. noléon le jeudi, mars 28 2019, 14:02

Sacré poète va!!...comme qui dirot chti-là!Mais bofff! l'intelligince artificielle va bintôt débarquer!Tin visache dins l'rue à l'caméra pourra être vu dins l'monde intier!et si jimais t'as mis t'pied d'coin a y'est in t'saute ed' sus et t'es par tierre ,bon pou' fourrière !!tchin! tchin !TOC !At't'à l'heure !

16. noléon le jeudi, mars 28 2019, 15:36

L'miux quind té quais(tu tombes;té pars in chûte libre; t't'révernis)à partir d'eune certaine hauteur ,à défaut d'un parapente l'miux ch'est 'cor des ressorts à boudins à tes s'melles; là tel ICARE dins les dédales t'as l'ivresse des hauteurs !té voles!cha ch'est bin vrai !bah! et pis final'mint i' vaut miux cha qu'eune gambe brisiée ! A deux mains !!

17. M☼zinpeƒ le jeudi, mars 28 2019, 17:09

Expression typiquement chti pour dire Malheureusement: "Bin atombé"!
Ex: Bin atombé que chés loïens i vont pus su ch'blog!

18. noléon le jeudi, mars 28 2019, 19:20

Ou alors sur eune supposition:"CHI cha tombe"ches loÏens i' vont miux qu'in n'cros....

19. noléon le jeudi, mars 28 2019, 21:41

Zeph va rindre visite à un copain à l'hôpital.I'l'trouve inv'loppé d'bandes des pieds à l'tiête et l'blessé li d'minde commint qu'il a pu arriver dins cet état .
Té n't'in rappelles pus dit Cafougnette !!
-NAN !
In étot tertous in guince à mon Louis et à minuit té nous a touillé qu't'étos l'hirondelle des faubourgs et qu't'allos rintrer à t'mason in volant !!?
Nan !!et alors !!?
Alors t'as monté sus l'cassis de l'farniête et t'a sauté !
Mais !! i' fallot m'arrêter et m'dire que j'n'étos pos eune hirondelle!!!

Acoute!!té l'faisot si bin....qué tertous in t'as cru !!!

20. ED le jeudi, mars 28 2019, 21:43

Ches fanmes peu'te monter in bos.

21. Kimberlotte le jeudi, mars 28 2019, 23:10

Si cha tombe (si ça se trouve)... "Cette locution phrastique marquant l'éventualité se rattache à tomber, qui avait jadis le sens de "arriver par hasard", construction bien représentée jusqu'au début du XVIIe siècle avant de disparaître de la langue classique, proscrite par Malherbe. Mais elle est conservée dans le Nord. L'ancien picard avait le participe atombé, dont il reste l'expression employée par antiphrase : C'est bien atombé, a-t-il fallu que cela tombe ainsi ! On peut l'employer au conditionnal : cha s'rot bin atombé si j'y arrive pas."
Du livre "Expressions et dictons du Nord Pas-de-Calais" de Fernand Carton et Christine Bonneton.
Ch'étot l'mineute lingouistique et nocturne ed Kimberlotte !

22. noléon le vendredi, mars 29 2019, 08:06

La nuit porte bon conseil. Voilà un livre passionnant qué tertous dévrot avoir dins s' bibliothèque.. si in peut 'cor l'trouver in librairie!

23. ♥ Galibot-Les-Bons-Tuyaux ♥ le vendredi, mars 29 2019, 09:54

Dictons du 29 march :
-A l’sainte Gladys, in attind du solel qu'i nous tiédisse.
-A l’sainte Gwladys fleurit l’myosotis.
-A l’sainte Gwladys, l’arum d’Amérique pointe ses premiers spadices.
-A l’sainte Gwladys, vite des pucerons les premiers préjudices.
-Tulipier fleuri à l’sainte Gwladys, d'un biau printemps est un bon indice.
-Dès l’sainte Gwladys, nourris tin gazon avint qu’i t’maudisse.
-Plinte tes pennetières à sainte Gwladys, t’in récolteras par dix.

24. ♥ Galibot-Les-Bons-Tuyaux ♥ le vendredi, mars 29 2019, 10:01

-Gwladys, fille de Brychan de Brecknock (Qui avot un nom à couquer dehors ! ), est demindée in mariache par Saint-Gwynllyw (qui, li aussi, avot un nom à couquer dehors ! ), mais sin père refuse. Gwynllyw décide alors de l’inlever, et comminche pour eux eune vie d’vadroulles marquée par la violence et l’brigandache. Insuite, i deviennent ermites. Et saints par la suite…Comme quo, ch’est pos moral, mais la délinquance, cha mène à tout !
-Tiot exercice de diction : prononce « Gwynllyw » dix fos à toute vitesse ! Ch’est dur, hein ? Même s’femme Gwladys n’y arrivot pos ! Ch’est pour cha qu’ale l’appelot « Maloute ! » (La source historique n’a pos été vérifiée du tout, mais alors, pas du tout…)
-Saint-Cyrille (ou Cyril) est invoqué pour guérir une indigestion. Ch’est curieux, car à l’télé, ya un Cyril H. que j’trouve indigeste !

25. ♥ Galibot-Les-Bons-Tuyaux ♥ le vendredi, mars 29 2019, 10:04

- Commint cha, ma fille, té veux être baby-sitter bonne d'infant : mais t’es bin trop tiote !
- Justemint, comme cha, l’bébé i s’fera moins d’ma quind je le laisserai querre par tierre!

26. M☼zinpeƒ le vendredi, mars 29 2019, 11:16

Bien qu'ayant fait tros ans d'école d'horticulture, j'avos jomais intindu ch'mot là: "spadice", pourtant des fleurs d'arums ch'est courant!
Merci Galibot, mais surtout Gogole, qui m'a appris eune séquoi aujord'hui!

27. noléon le vendredi, mars 29 2019, 15:02

..ben té vos!in arquais toudis su' ses pattes !
BON ouikaine!

28. zébulon le vendredi, mars 29 2019, 18:10

Galibot, di l' Vimeu, un " assasinat " a s'dit " un assazin " ( du ménme péré pour é-ch't honme qu'i l' foait...)

29. zébulon le vendredi, mars 29 2019, 18:13

Mozinpef, éj vorroais t' foaire é-r'mértcher ( = armarquer ) qu' chés passès simpes én picard i s' font toudis avéc é-ch' vérbe AVOÉR : o dit par exémpe : J'AI TCHEU À TÉRRE ( est l' feute à VOLTAIRE )...

30. zébulon le vendredi, mars 29 2019, 18:16

Pis unne eute pieute é-r'mèrque pour MINCOIN : tchair PAR térre = ch'est du pérlage dé ch'ti qu'i n' sait pus d' dou qu'i vient ! j'ai tours intindu dire " Tchair À térre "

31. zébulon le vendredi, mars 29 2019, 18:17

Tomber de haut en bas = Tchair mont in bøs

32. noléon le vendredi, mars 29 2019, 22:59

J'pose un pied par terre; j'pose un pied à terre ! ch'est l' que l'mieux des deux !

33. Kimberlotte le samedi, mars 30 2019, 00:12

Mi j'aimeros bin avoir ein pied-à-terre à Lille ou à Kimbré. J'pourros v'nir pus souvent dins ch'Nord !

34. ♥ Galibot-Les-Bons-Tuyaux ♥ le samedi, mars 30 2019, 09:45

Dictons du 30 march :
-Souvint, la Saint-Amédée, est d'march la plus bielle jornée
-Bielle jornée de saint Amédée, de solel in n’devrot pos s'priver.
-Les plus biaux jours du printemps sont souvint précédés d’un coup d’frod à l’Saint Amédée.
-Après l’saint Amédée, les biaux jours vont se succéder.
-Pleufe à l’saint Amédée et tout est inondé.
-Même si l’printemps s'fait souvint oblier à l’saint Amédée, l’gardinier dot in être obsédé.
-Gelée de saint Amédée, gardinier, à l’déprime ne dot pos céder.
-A l’saint Amédée, toute tierre dot ête amindée.
-A l’saint Amédée, jamais devint l’hierpe i n’faut céder.
-Aux hierpes sauvaches qui prolifèrent à l’saint Amédée, l’gardinier ne dot rin concéder.
-Un traitemint total à l’saint Amédée sur les rosiers, pour les protéger est un bon procédé.
-Saint-Dodon est l’protecteur des lapins.
-Saint-Théoprépide est invoqué par les gins in quête ed’ nourriture.

35. ♥ Galibot-Les-Bons-Tuyaux ♥ le samedi, mars 30 2019, 09:49

Ch’est un braqueur de banque masqué qui s’présinte devint l'imployé du guichet avec sin pistolet à la main pour li deminder de lui armett’ eul caisse. Mais sin masque quet à terre ! Paniqué, i s’dépêche de l’armette in plache !
Alors, i deminde à l'employé :
- T’as vu min visache ? Hein ?
- Heu, oui m’sieur...mais j’vous jure que je n’dirai rin...
- J’ te cros pas... !
Et pan ! Il tire et tue l'imployé.
I s’ tourne insuite vers un aute imployé et li dit :
- Ti aussi t’as vu min visache, hein ?
- Heu..non m’sieur...Mi, j’ai rin vu !
- Minteu !
Et pan ! I l’ tue à sin tour.
Alors, l’braqueur se tourne chette fos-chi vers un couple ed’ clients qui s’troufe juste derrière li...et deminde à l'homme :
- Et ti ? T’as vu min visache ??
- Heu.. non m’sieur, de-là où j’me troufe j’ai pos pu l’voir...par conte, la dame qui est à côté d’mi, elle, ale l'a bin vu..... N'est-ce pos, chérie ?

36. noléon le samedi, mars 30 2019, 11:05

Zeph a eune certaine époque hyppique i'a fait dé l'cava'rie.Quind il a mis l'pied à l'étrier, i'faisot comme dins les rodéos!!In disot d'li: vla Zeph le com-boy !jusqu'au jour ou un gva réciltrant l'a rué hors des palissates!!La chûte fut horizontale avec rouleau californien(le roulé- boulé à plat vinte et su' l'dos!Comme quo i'a diverses manières d' choir !

37. noléon le samedi, mars 30 2019, 11:46

Erratum :réCALcitrant(i' regimbe)

38. noléon le samedi, mars 30 2019, 19:54

Alerte!!!c'nuit chi in cange d'horaire!n'vous laissez pos surprinde!L'an dernier j'avos laissé sonner l' rével à 7 heures gmt et in fait il éteut 8 h!j'étos farçé! dins m'précipitation j'ai kéhu in bas d'min lit et me sus foulé l'poignet!!alors Prudince !!

39. ♥ Galibot-Les-Bons-Tuyaux ♥ le dimanche, mars 31 2019, 10:27

Mi, j'ai pos querre l'quingemint d'heure, pasque j'dos mett' sonner min rével à 3 heures du matin pour régler toutes les horloches ! Pffff !

40. ♥ Galibot-Les-Bons-Tuyaux ♥ le dimanche, mars 31 2019, 10:43

Dictons du 31 march :
-Quind arrife Benjamin, souvint l’biau temps prind fin.
-A l’saint Benjamin, l’mauvais timps prend fin.
-A l’saint Benjamin, les frimas prennent fin.
-A l’saint Benjamin, de l’hiver, serre la main.
-A l’saint Benjamin, l’hiver passe sin quémin.
-Ch’est souvint à l’saint Benjamin que l’hiver, enfin, prind fin.
-Souvint quind arrife Benjamin, l’solel arvient et s'illuminent nos lind’mains.
-A l’saint Benjamin, de tout l’gardin fait l’examen.
-A l’saint Benjamin, sème le cœur su l’main.
-March compte trente et un jours, pou l’gardinier, ch'est bin trop court.
-Ce que march couve, in ne l’sait qu'après sin trinte et unième jour.

41. ♥ Galibot-Les-Bons-Tuyaux ♥ le dimanche, mars 31 2019, 10:48

Deux chasseurs sont dins l’forêt in train d'traquer l'gibier, quind soudain, l'un d'eux, s’tord de douleur in s’prenant l’poitrine et quet par terre. Sin copain appelle les Urgences pour avoir des conseils :
- Allo, docteur ? J'ai un problème, min copain vient d’querre à terre et ne bouge pus, j’pinse qu'il est mort !!
- Calmez-vous ! Assurez-vous d’abord qu’votre ami est bin mort !
Pan !!! Eune détonation se fait intindre.
- Ch'est fait ! Là, ch’est sûr : I’est bin mort ! Et ach’t’heure, quo que j’fais ?

42. noléon le dimanche, mars 31 2019, 16:02

C'jour-là Zeph étot monté su' l'toit d'l'églisse .Avec eul' tempête qui avot eu par nuit des ardoises kéues à tierre jonchaient le parvis.Armé d'un martiau et d'eune boîte à clos ZEPH s'dépêchot d'rimplacher les ardoisses minquantes d'autant puss qué la messe allot commincher et que l'monde arrivot.Au bout d'un momint (l'messe étot bin intamée)...
Zeph est pris d'un besoin pressant dusse qué nul autre n'peux aller à s'plache!!!!
Il abaisse s'maronne et dépose l'bilan au tro fait par le vent nocturne!!
A c'momint là l'curé étind les bras et dit d'un ton solennel:" tout ch'qui quait du ciel est béni!!!"

43. noléon le dimanche, mars 31 2019, 21:14

In raison du prinmier AVRIL le blog de mincoin s'ra mis in pause durant toute eul' journée!les nouvelles blagues s'ront à déposer mardi à partir 6 heuresoo d'été !

44. ♥ Galibot-Les-Bons-Tuyaux ♥ le lundi, avril 1 2019, 08:24

Dictons du 1er avril :
-Pleufe de saint Hugues à sainte Sophie rimplit les granges et les barils.
-Le 1er avril, i faut que l’pinson boive au buisson.
-Quind in a un sou dins s’poque le 1er Avril, in in a toute l'année.
-In avril, ne te découvre pos d'un fil ;
In mai fais c’qu'i t’plaît ;
In juin, té t’vêtiras d'un rien.
-Le premier avril, in fait courir les sots.
-Au premier avril, dins tin dos tient souvint un fil.
-Au premier avril, pichon se faufile.
-Avril intrant comme un agneau, s’in va comme un taureau.
-Avril intrant, coucou cantant, sonnailles tintant.
-Si les quate premiers jours d’avril sont vinteux, y in aura pour quarante jours.
-Au momint où comminche avril, l'esprit dot s’montrer subtil.
-Avril tantôt pleure, tantôt rit !
-Avril pluvieux et mai vinteux ne rindent pos l’paysan disetteux.
.
-Janvier fier et frileux,
Février court et fiévreux,
Mars poudreux,
Avril pluvieux,
Mai joli, gai et vinteux
Dénotent l’an fertile et plantureux.
.
-Janvier engendre,
Février attendrit,
Mars fait naître les boutons,
Avril les ouvre,
Mai fait la feuille.

45. ♥ Galibot-Les-Bons-Tuyaux ♥ le lundi, avril 1 2019, 08:28

Un type croise Cafougnette dins l’rue, aveuc eune grosse valisse dins chaque main.

-Salut Cafougnette ! Quo qu’té fous là ?!!…Quo qu’té portes dins tes valisses ?
-M'in parle pos ! J’porte eul misère du monte ! Té veux vir ?
Cafougnette ouvre eune valisse et - ô stupeur - y a un énorme papillon gris dégoûtant ed’dins !

- Mais ch’est répugnant c’te bestiole ! Quo qu’ch’est ? deminde le type
- Ch'est eune mite géante !
- Ah bon ! Et quo qu’té portes dins l’aut’ valisse ?

Cafougnette l'ouvre et là, y a eune explosion, de l’finquée, des éclairs, du tonnerre… et un génie apparaît.
- Fais un vœu ! dit l’génie.
Le type est surpris, hésite un tiot peu puis dit finalemint :
- J’voudros un milliard !
Nuages, finquées, brouillards, éclairs, tonnerre… Tout à cop un objet large et pesant quet à terre : ch'est un… billard !

- Mais, t’es à mitan sourdingue le Génie !? ! J’ai demindé un milliard ! J'ai pos demindé un billard ! s'exclame le type scandalisé.
Et Cafougnette, au bord des larmes : :
- Et mi, té cros qu’j’avos demindé eune grosse mite !

46. ♥ Galibot-Les-Bons-Tuyaux ♥ le lundi, avril 1 2019, 12:07

Dernière nouvelle : la fontaine de la Grand-Place de Lille sera bientôt rimplie d'bière. En fin d’après-midi, in présince d’un célèbre DJ, eune grinde fiête sera mise in plache aveuc la possibilité de s'baigner dins l'bière.
I paraitrot qu' Mozinpef est au désespoir car il n'artroufe pus sin maillot d'bain !

47. ♥ Galibot-Les-Bons-Tuyaux ♥ le lundi, avril 1 2019, 12:09

Autes merveilleusses nouvelles : Macron a décidé de supprimer la CSG pour tous les artraités. Et in puss, il augminte de 100 euros toutes les pinsions !

48. ♥ Galibot-Les-Bons-Tuyaux ♥ le lundi, avril 1 2019, 12:10

Dernière bonne nouvelle : Mincoin a décidé d'mett' un ou deux nouviaux billets par jour ! Formidape !

49. M☼zinpeƒ le lundi, avril 1 2019, 14:09

Commintaires 46 à 49: Carabistoules!
"Cha ch'est bin vrai" qu'i dit ch'billet;
In s'crorot au 1er d'avril!

50. noléon le lundi, avril 1 2019, 14:51

Macron quitte eul' governémint et laisse s'plache à Franck Dubosc qui r'vient d'Ukraine !!!

51. noléon le lundi, avril 1 2019, 15:52

I' a du vrai !

52. Kimberlotte le lundi, avril 1 2019, 16:10

Hi, hi, hi !

53. Kimberlotte le lundi, avril 1 2019, 16:12

Cha ch'est pos ein pichon d'avril : chés forains i veul'tent bloquer les 24h motos ! Motos conte forains, cha va pos ête trisse...

54. M☼zinpeƒ le lundi, avril 1 2019, 17:40

Véridicte:
Chés forains du Mans i z'ont décidé d'faire passer gratuitemint l'permis d'conduire à tous chés habitants qui n'l'ont pos, sur les manèches d'auto-tamponnantes!
Cha pourrot t'intéresser, Kimberlotte, nan?

55. noléon le lundi, avril 1 2019, 18:56

A forche ed' tourner in rond, final'mint je suis preneur!ch'biplace est bin rembourré et i'a limitation d'vitesse !!!no problème!

56. ♥ Galibot-Les-Bons-Tuyaux ♥ le mardi, avril 2 2019, 10:04

Dictons du 2 avril :
-Qui sème à l’Saint François ara du blé tout sin poids.
-A l’saint François, la bécasse est au bois.
-A l’sainte Théodosie, la rose est l’fleur choisie.
-S'il vinte à l’sainte Sandrine, in sera d'humeur chagrine.
-A l’sainte Sandrine bleuit la vipérine.
-A l’sainte Sandrine, plinte eune symphorine.
-A l’Sainte Sandrine, sème l’ansérine.
-A l’sainte Sandrine, arpique les sucrines
-A l’sainte Sandrine laiche au caud la pèlerine (gourde).
-A l’fête de Sandy, sème des radis.
-Quind in fête Sandy, l’hiver dot avoir fini s’comédie.
-A l’sainte Nicette, plinte eune massette (Typha latifolia).(Dins min coin, les massettes, in appelot cha des « bites de curé » ! )
-Ménage tin sécateur à l’sainte Nicette, car tout rejet copé in redonnera sept.
-Pleufe de sainte Nicette pou l’gardin n’est que pissette !

57. ♥ Galibot-Les-Bons-Tuyaux ♥ le mardi, avril 2 2019, 10:52

-In ch’momint, in parle beaucop d’femmes qui s’font harceler. Que faire si un homme s’approche ed’ vous et vous drague lourdemint. Il est collant et n’vous lâche pos ! Quo qu’vous faites mesdames, pour vous in débarrasser définitivemint ?
– Euh…i faut hurler et appeller la police?
– Non, ch’est pos l’bonne solution. I va arcommincher.
– Hé bin, j’li donne un coup d’genou dins les coulles et quind i quet à terre, j’lui donne des cops d’pied dins l’vinte !?
– Nan, ch’est pos l’bonne solution ! I va arcommincher quind même ! Ya eune solution dé-fi-ni-ti-ve pour s’in débarrasser !
-Bin alors, ch’est quo l’solution ?
-Faut lui dire : « Mi, c’que j’veux, ch’est l’mariache et 8 infants ! Cha t’dit ? »

58. ♥ Galibot-Les-Bons-Tuyaux ♥ le mercredi, avril 3 2019, 10:10

Dictons du 3 avril :
-S’il vinte bin fort le jour de l’saint Sixte, que cha dure tout l’jour, l’bos sera ker chette année.
-A l’saint Richard, souvint l’hiver est revinchard.
-L’temps d’saint Richard est bin souvint cabochard.
-A l’saint Richard, du pommier bourgeonnent les dards.
-Saint Richard pleurnichard, gardinier hilare.
-Si les quate premiers jours d’avril sont vinteux, y in aura pour quarante jours.
-Le 3 avril, ch’coucou cante mort ou vif.
-Si l’coucou n'est pos là le trois, ch'est que s’ femme est malate.
-En avril, s'il pleut le 3, i pleut tout l’mois.
-Chaque goutte d'avril in vaut mille.
-Saint-Richard, patron des charretiers, est invoqué pour éviter d’être atteint du paludisme.
-Sainte-Marie d’Égypte est invoquée pour résister à l’tintation sexuelle.

59. ♥ Galibot-Les-Bons-Tuyaux ♥ le mercredi, avril 3 2019, 10:12

Quind j’étos tiot, j’ravisos à l’télé, les documintaires du Commandant Cousteau. J’avos querre cha. Mais j’me suis toudis demindé pourquo les plongeurs assis sur le rebord du batiau se laissent toudis querre in arrière pour plonger ?
Et chinquante ans pus tard, j’ai enfin treuvé l'réponse !!!
Ch’est tout simple : Si i s’ laissent querre in avant , i vont querre dins l’batiau ! CQFD

60. M☼zinpeƒ le mercredi, avril 3 2019, 11:17

-L’temps d’saint Richard est bin souvint cabochard.
Cha ch'est bin vrai, cha, ale arot dit l'mère Denis!

61. ♥ Galibot-Les-Bons-Tuyaux ♥ le mercredi, avril 3 2019, 12:14

Min frère, i s'appelle Richard !
Et j'peux dire que ch'est un vrai cabochard ! Cha, ch'est bin vrai, aussi !
Quind in discute, i veut toudis avoir raison ! Et mi, j'veux jamais avoir tort !
Mais in s'intind bien quind même !

62. noléon le mercredi, avril 3 2019, 15:37

"Au saint RICHARD,du pommier bourgeonnent les dards turgescents"voilà pourquoi les "dards i'collent!"
Pos moyen d'ralintir ch'Galibot!!il y va dare! dard !

63. M☼zinpeƒ le mercredi, avril 3 2019, 15:42

Si j'ai bin compris:
Dins l'famile Bailliez, ya 2 frères:
-Narcisse et Parfait.
Tout ch'que Narcisse i dit, ch'est bin vrai, cha; et tout ch'que Parfait dit, ch'est pas faux.

64. noléon le mercredi, avril 3 2019, 17:13

Pas mal trouvé !Belle analyse sur le profil!cha m'fait pinser aux deux DUPONT dins l'magazine TINTIN !

65. ♥ Galibot-Les-Bons-Tuyaux ♥ le mercredi, avril 3 2019, 18:25

In n’sait jamais qui a raison ou qui a tort. Ch'est difficile ed’juger. Mi, j'ai longtimps donné raison à min frère.
Jusqu'au jour où j’me suis aperçu qu’min frère, à qui j'donnos raison avot tort !
Donc, j'avos raison ! Par conséquent, j'avos tort ! Tort de donner raison à min frère qui avot l’tort ed’ croire qu'il avot raison.
Ch'est-à-dire que :
Mi qui n'avos pos tort, je n'avos aucune raison de n'pos donner tort à min frère qui prétendot avoir raison, alors qu'il avot tort !
- "J'ai raison, non ? Puisqu'il avot tort ! Et sins raison, incore !"
Là, j'insiste, pasque... mi aussi, cha arrife que j'aie tort.
Mais quind j'ai tort, j'ai mes raisons !...Que je n’donne pos. Cha serot arconnaîte mes torts !!!
- "J'ai raison, non ?"
Remarquez ... i m'arrife aussi de donner raison à min frère quind il a raison.
Mais, là incore, ch'est un tort. Ch'est comme si j’donnos tort à min frère quind il a tort. Y a pos d’raison !

In résumé, j’cros qu’j’ai toudis eu tort d'essayer d'avoir raison devint min frère qui avot toutes les bonnes raisons d’croire qu’il n’avot pos tort !
(Merci Raymond Devos !)

66. Kimberlotte le mercredi, avril 3 2019, 21:29

Et l'tort tue !

67. noléon le jeudi, avril 4 2019, 09:00

Min prinmier i'a pourchassé Jean Valjean dins l'life de Victor Hugo;Les misérapes.
Min second ch'est un personnache fabuleux de
"l'mite au logis " grecque et père de Jason.
Min tout :"j'avos pas tort"

68. ♥ Galibot-Les-Bons-Tuyaux ♥ le jeudi, avril 4 2019, 10:21

Fastoche ! J'ai treuvé, ch'étot facile : Javert Eson !
V'là eune aute charade :
Min premier est un prénom arabe
Min deuxième est l'première lette de l'alphabet
Min troisième est un Dieu nordique qui n'a pos raison !
Min tout est un accessoire indispinsape au guitariste

69. ♥ Galibot-Les-Bons-Tuyaux ♥ le jeudi, avril 4 2019, 10:38

Dictons du 4 avril :
-A l’saint Isidore, si l’solel dore, l’blé sera haut et chenu, mais l’pommier sera nu.
-A l’saint Isidore, la dernière gelée. ( Bin, j’espère ! Pasqu’il a gelé chette nuit ! Et j’avos inlevé ya deux jours mes voiles d’hivernache ! )
-A l’saint Ambroise, du frod pour huit jours.
-Quind saint Ambroise vot neiger, de dix-huit jours de frod nous sommes in danger.
-Saint-Isidore est l’patron des gins qui utilisent un ordinateur, des techniciens in informatique et de l’Internet et des gins qui utilisent un ordinateur.(Et pourquo, hein ? Hé bin, pour la logique de son oeuvre sur les étymologies !)

70. ♥ Galibot-Les-Bons-Tuyaux ♥ le jeudi, avril 4 2019, 10:41

Quo qu’ale dit eune blonde quind ale vot eune piau d’banane par tierre ?
- Ah non, ch’est pos vrai !... J’vas core querre !

71. noléon le jeudi, avril 4 2019, 10:47

-Medhi
-A
-THOR
L'médiator ch'est l'onglet qui sert à pincher l'corde de l'guitare!(indispensape!)
D'après certains ghroniqueurs patoisants un guitariss' ch'est un 'gratteu' d' payelle !

72. noléon le jeudi, avril 4 2019, 11:08

Quind j'vos eune piau d'banane par tierre j'dis:
-ch'est pos pour mi!
Insuite j'attinds l'prochain qui ravette in l'air !

73. ♥ Galibot-Les-Bons-Tuyaux ♥ le jeudi, avril 4 2019, 11:58

Et té sais commint qu'in fait pour qu'eune blonde ravise in l'air ?
Faut li dire :
- T'as vu ? Un osiau mort !

74. noléon le jeudi, avril 4 2019, 15:04

...in tous cas;"l'coup de l'banane sur
laquelle tu gliches) ! "Che qui quait par tierre vient forchémint d'par le bas!

75. Kimberlotte le jeudi, avril 4 2019, 18:02

Et que font les Chinois aveuc les piaux d'banane ?

76. ♥ Galibot-Les-Bons-Tuyaux ♥ le jeudi, avril 4 2019, 18:48

Ils la jettent su l'trottoir pour faire querre l'première blonde qui passe !

77. ♥ Galibot-Les-Bons-Tuyaux ♥ le jeudi, avril 4 2019, 20:34

Au pluriel, ch'est miux : Ils les jettent su l'trottoir pour faire querre les blondes qui passent !

78. Kimberlotte le jeudi, avril 4 2019, 23:04

Bin, des blondes, i n'd'a pos bocop in Chine...! Mais l'réponse est quind même bonne : i font comme nous, i les jettent !

79. ♥ Galibot-Les-Bons-Tuyaux ♥ le vendredi, avril 5 2019, 09:39

Dictons du 5 avril :
-A l’sainte Irène s'il fait biau, y aura moins d’vin que d'iau.
-A l’sainte Irène, au potager, sème toutes les graines.
-A l’sainte Irène, gardinier dins l’arène, récolte plus sereine.
-Quind à sainte Irène, fleurit le frêne, un bel été cha intraîne.
-Traitemint à l’traîne à l’sainte Irène, dins les arpes la gangrène.
-Pleufe de sainte Irène pou l’gardin est souveraine.
-A l’sainte Irène, renaît la morène (tiot nénuphar).
-A l’sainte Irène, l’solel se réfrène.
-Plinter des tomates avint l’Sainte Irina est un assassinat !
-Les choux semés à l’sainte Irina, té croqueras à l’sainte Marina (20 juillet)
-Pennetierre plintée à l’sainte Irina s’dégustera à l’sainte Marina.
-Le 5 avril, l’coucou cante mort ou vif !

80. ♥ Galibot-Les-Bons-Tuyaux ♥ le vendredi, avril 5 2019, 09:44

Hier, j’sus allé au magasin à vélo et j'ai acaté eune boutelle de g’nief’.
J’ai mis l’boutelle dins l’panier porte-bagache d’min vélo.
Au momint où j’allos partir, je m’suis rindu compte que si jamais j’ faisos eune valdingue, l’ boutelle se casserot.
Alors, j'ai bu toute el boutelle ed g’nief’ d'eune traite et j’sus rintré à m’baraque.
Mais z'allez pos m’croire mais l’magnifique idée de boire tout min g’nief s'est avérée providintielle car j’ai quéu d’min vélo chinq fos su l’quémin du retour !!!
Imaginez un seul instant quo qui serot arrivé à l’boutelle si j’ n'avos pos été aussi bin inspiré ! J'm’épate de tint de clairvoyance !
___

81. noléon le vendredi, avril 5 2019, 10:32

IN PUSS de l'clairvoyance ch'est reconnu que le fait d' boire d'eine goulée du g'nief régulièr'mint; té prinds vite d'la bouteille !!!

82. M☼zinpeƒ le vendredi, avril 5 2019, 14:11

Et quind te qué par tierre pasque t'as eune dache à causse du g'nief, te cries:
-Ouille ouille
Houlle Houlle!
Ya foque l'z'amateurs de g'nief qui vont comprinde!
Cha m'étonneros que la sage Kimberlotte ale comprenne.....Quoique

83. noléon le vendredi, avril 5 2019, 15:03

Evidemmint cha coule de source qué quind té qué à tierre vaincu par le gnief surtout in prov'nance d'chez BREGNIEF te cries :OUILLE!!ouille! oulle !

84. ♥ Galibot-Les-Bons-Tuyaux ♥ le vendredi, avril 5 2019, 17:26

L’plus long cerf-volant du monte, « Méga Ray », va ête déploïé su’ l’plage ed’ BERCK ed'main sam’di ! 150 mètes ed long, 75 mètes ed’ larche ! Bielle biête !
Ch’est sûr que si ch’cerf-volant i quet du haut in bas su l’tiête ed’ Mincoin qui s’balade dins l’coin, in train d’faire des photos…PAF !...I risque, après l’choc, d’avoir un cerveau lent…et donc ête plus lent à mett’ de nouviaux billets…
Fais attintion Mincoin ! In a b’soin d’ti !
J’sus pos un osiau d’mauvais augure mais i faut appliquer l’ principe de précaution : Mets un nouviau billet avint d’aller vir chés cerfs-volants !

85. noléon le vendredi, avril 5 2019, 19:35

OUAI! j'ai vu un aperçu à l'télé!!!!i'a là des rutes pièches qui flottent dins les airs !!!et i'in a pour tous les goûts !!Va y avoir du monde ed' partout !

86. Kimberlotte le vendredi, avril 5 2019, 23:21

Cha m'étonneros que la sage Kimberlotte ale comprenne...
Bin si que j'coprinds ! Y a tros sortes ed g'nièf : le Loos, le Wambrechies, et le Houlle. Et le Houlle, i paraît qu'ch'est l'meilleux, et l'pus kère. Comme j'ai pos quère les alcools forts et qu'j'en bos pos, j'peux pos dire si ch'est vrai. L'seule goutte que j'bos, ch'est du cassis, ein' fos tous les 36 du mos...

87. noléon le samedi, avril 6 2019, 07:38

...L'goutte à" framboudier"(mûre)y'a foque cha qué j'bos ttévozé les jours d' ducasse !

88. ♥ Galibot-Les-Bons-Tuyaux ♥ le samedi, avril 6 2019, 09:44

"L'seule goutte que j'bos, ch'est du cassis, ein' fos tous les 36 du mos…"
Horeuz'mint, pasque si té bos trop d'gouttes, té risques ed' faire eune crise de goutte !

89. ♥ Galibot-Les-Bons-Tuyaux ♥ le samedi, avril 6 2019, 09:48

Dictons du 6 avril :
-A l’saint Marcellin, biau temps dès l’matin.
-Saint Marcellin, bon pour l'iau, bon pou l’vin.
-Biau temps à l’saint Marcellin assure l’pain et l’vin.
-A l’Saint Marcellin, sème du lin.
-Saint Marcellin, hiver su l’déclin.
-A l’Saint Marcellin, de tin bassin vide le trop-plein.
-Au jour de sainte Prudence, s'il fait du vint les moutons dansent.
-Biau temps à l’saint Guillaume, peu d’blé, beaucop d’chaume.
-S’il fait biau à l’saint Guillaume, t’aras du blé plus que d’chaume. Faudrot savoir !
-Ch’est l’fiête aussi au Bienheureux Nokter le Bègue, (dit Balbulus, car il étot affligé de blésité mais étot quind même écolâtre !)(A vos dicos ! ). Comme il étot réputé pour sa sagesse, Charles le Gros invoya un émissaire pour lui poser des graves questions. Nokter étot dins sin gardin, in train d’rimplacher d’mauvaisses plintes, i répondit : "Té vos c’que j’fais !? Va dire à l'impereur qu'il in fasse autant !" Et vlan ! L’émissaire in est quéu su l’cul ! Diogène dins sin tonniau arot pu dire cha aussi !
-Sainte-Guillaume d’Eskill est invoqué pour inrayer l’chute des caveux. (Ch’est pour cha qu’in l’arot surnommé « Pétrole Hahn » parait-il ! Mais chette information n’a pos pu ête vérifiée !)

90. parachute le vendredi, mai 10 2019, 08:44

J'ai bien aimé votre article, bravo pour votre clarté