Chblog, le blog chti

Commentaires

Fil des commentaires de ce billet

1. ♥.*Galibot-Les-Bons-Tuyaux*.♥ le mercredi, février 13 2019, 11:37

"In vot gramint d'ballots qui funquent mais in sait pon toudis commint qu'cha va in d'zous."

J'veyos pos commint ch'ballot d'paille i pouvot funquer…

Mais attintion aux faux-amis, pasque in patois, "ballot" cha veut dire "cheminée".
D'où l'espression qu'in dit dins chés mines : "Cha funque comme un ballot d'mine" pour les queminées d'aération des galeries.

2. ♥.*Galibot-Les-Bons-Tuyaux*.♥ le mercredi, février 13 2019, 11:38

Dictons du 13 févérier :
-De sainte Béatrice la nuée assure six semaines mouillées.
-A l’sainte Béatrice, mets radis d'hiver, raifort et choux dins t’pelisse.
-A la sainte Gisèle prinds garde s’il gèle.
-Pleufe de févérier vaut jus d’fumier.

3. M☼zinpeƒ le mercredi, février 13 2019, 15:24

Horeusemint que t'es originaire du milieu de l'fosse pour nous espliquer l'bout qui va d'vant, Galibot, pasque pour mi, un ballot, ch'est un ballot d'palle, ch'qui fait que j'avos pos compris ch'billet. Mincoin yarot dû illustrer cha aveuc eune quéminée!

4. M☼zinpeƒ le mercredi, février 13 2019, 15:29

Cha s'rapproche de:
-"Quind ches portes ales sont freumées, in n'sait pos chouque i s'passe dins les masons"

5. ♥.*Galibot-Les-Bons-Tuyaux*.♥ le jeudi, février 14 2019, 10:38

Dictons du 14 févérier :
-A l’saint Valentin, tous les vints sont marins.
-Pou’ l’saint Valentin, La pie monte au sapin ;
Si ale n'y couche pos, ne t’réjouis pos.
-Saignée du jour de saint Valentin, fait l’sang net soir et main ; Et l’saignée du jour d'avant, garde des fièvres tout l'an.
-A l’saint Valentin, l’reule gèle avint l’moulin.
-Ciel clair à l’saint Valentin annonce plénitude ed’ biens.
-S'il ne fait frod l’jour d'Adam et Eve, vingt jours trop tôt montera l’sève.
-Tel temps l’jour de saint Valentin, tel temps au printemps qui vient.
-Vigneron à l’saint Valentin dot avoir la serpe à l’main.
-Pou’ l’saint Valentin, l’printemps fleurit.
-À l’saint Valentin, n'oblie pos l’thym.
-A la saint Valentin, accouplez les serins.
-St-Valentin est l’patron des amoureux, des couples et des fabricants d’cartes ed voeux. Il est invoqué pour favoriser les mariaches heureux, pour guérir l'épilepsie et pour prévenir les risques d'évanouissemint.

6. ♥.*Galibot-Les-Bons-Tuyaux*.Dictons du 14 février : -A l’saint Valentin, tous les vints sont marins. -Pou’ l’saint Valentin, La pie monte au sapin ; Si ale n'y couche pos, Ne t’réjouis pos. -Saignée du jour de saint Valentin, fait l’sang net soir et main le jeudi, février 14 2019, 10:44

♥ ♥ ♥ Bonne fiête à tous chés amoureux♥ ♥ ♥ et toutes chés amoureusses ! ♥ ♥ ♥
Pour ceuss qui ne le sont pos, ch'est ballot…

7. ♥.*Galibot-Les-Bons-Tuyaux*.Dictons du 14 février : -A l’saint Valentin, tous les vints sont marins. -Pou’ l’saint Valentin, La pie monte au sapin ; Si ale n'y couche pos, Ne t’réjouis pos. -Saignée du jour de saint Valentin, fait l’sang net soir et main le jeudi, février 14 2019, 10:45

Vindiouss !!!

8. ♥.*Galibot-Les-Bons-Tuyaux*.Dictons du 14 février : -A l’saint Valentin, tous les vints sont marins. -Pou’ l’saint Valentin, La pie monte au sapin ; Si ale n'y couche pos, Ne t’réjouis pos. -Saignée du jour de saint Valentin, fait l’sang net soir et main le jeudi, février 14 2019, 10:45

Vindiouss !!!

9. ♥.*Galibot-Les-Bons-Tuyaux*.Dictons du 14 février : -A l’saint Valentin, tous les vints sont marins. -Pou’ l’saint Valentin, La pie monte au sapin ; Si ale n'y couche pos, Ne t’réjouis pos. -Saignée du jour de saint Valentin, fait l’sang net soir et main le jeudi, février 14 2019, 10:45

Vindiouss !!!

10. ♥.*Galibot-Les-Bons-Tuyaux*.Dictons du 14 février : -A l’saint Valentin, tous les vints sont marins. -Pou’ l’saint Valentin, La pie monte au sapin ; Si ale n'y couche pos, Ne t’réjouis pos. -Saignée du jour de saint Valentin, fait l’sang net soir et main le jeudi, février 14 2019, 10:47

Mincoin, au s'cours !

11. ♥.*Galibot-Les-Bons-Tuyaux*.♥ le jeudi, février 14 2019, 10:49

Cha, j'l'avos core jamais vu !

12. ♥.*Galibot-Les-Bons-Tuyaux*.♥ le jeudi, février 14 2019, 10:54

J'vais armett' min messache… Si cha r'marche…? ♥ ♥ ♥ Bonne fiête à tous chés amoureux ♥ ♥ ♥ et toutes chés amoureusses ! ♥ ♥ ♥
Pour ceuss qui ne le sont pos, ch'est ballot…

13. ♥.*Galibot-Les-Bons-Tuyaux*.♥ le jeudi, février 14 2019, 12:37

- Docteur, chés tiotes pileules bleues qu’vous avez prescrites à min mari, cha marche bien ! J'in ai écrasé quèques-unes dins s’n’assiette pour not’ tiot repas qu’in faisot pou l’saint Valentin . Chinq mineutes, pus tard, i s'est levé d’tape, il a balayé du bras tout ce qui traînot su’ l’tape, plats, couverts, assiettes etc... I m'a attrapée et a arraché tous mes vêtemints et i m'a pris là comme eune biête, su’ l’tape !!!

Le médecin li répond :
- Oh ! J'sus désolé. Je n'pensos pos que ch'médicament avot des effets aussi dévastateurs !

- Mais l’plus grafe Docteur, ch’est qu’i n’veulent plus d’nous dins l’restaurint ...

14. M☼zinpeƒ le jeudi, février 14 2019, 14:29

A l'St Valentin, dind les commintaires,
Galibot i fout l'brin:
Qué ballot!

15. M☼zinpeƒ le jeudi, février 14 2019, 14:33

dinS ( ch'est cha d'avoir les touches de ch'clavier trop tiotes, et les dogts trop gros! )

16. Kimberlotte le jeudi, février 14 2019, 18:34

Ouais, ch'est l'St Valentin, Galibot i n'se sint pus...!

17. ♥.*Galibot-Les-Bons-Tuyaux*.♥ le jeudi, février 14 2019, 22:38

Cha voudrot dire que j'danse comme un ballot ?

18. ♥.*Galibot-Les-Bons-Tuyaux*.♥ le jeudi, février 14 2019, 22:41

J'vos d'ichi, dins vos ziux, eune interrogation…: "Mais quo qu'i veut dire ch'Galibot ?"

19. ♥.*Galibot-Les-Bons-Tuyaux*.♥ le jeudi, février 14 2019, 22:42

Cachez un tiot peu ! Si vous n'êtes pos trop ballots, vous treuverez ! Fastoche !

20. M☼zinpeƒ le vendredi, février 15 2019, 06:45

Contrepèterie!
Guillaume Tell, quand il bandait son arc, était-il un salaud pour autant?

21. M☼zinpeƒ le vendredi, février 15 2019, 11:46

Pour in r'venir à l'thématique du jour, j'ai nommé ch'BALLOT, pour mi avoir carqué des ballots d'palle dins les camps, à l'moisson, in étant jone, j'peux vous dire qu'i a plusieurs sortes d'palles!
-L'palle d'blé, ch'est l'plus dure, chelle qui laichot des belles griffes sur les gambes, surtout qu'in étot in short à l'été.
-L'palle d'orge, moins dure , mais qui grattot fort si t'avos des barbillons d'orche qui étottent rintrés dins t'quémiche.
-L'meilleure palle, l'plus douche qui piquot pos et qui grattot pos, ch'étot l'palle d'aveine.
L'pire d'tout, ch'étot quind i avot un cardon arséqué dins l'ballot et que te l'prenot à pleine main
A braire!

22. ♥.*Galibot-Les-Bons-Tuyaux*.♥ le vendredi, février 15 2019, 12:14

Mozinef a gagné un bon point pou l'contrepèterie un peu plus compliquée, car ale est dite "circulaire" !

23. ♥.*Galibot-Les-Bons-Tuyaux*.♥ le vendredi, février 15 2019, 12:17

Ah ! "Mozinef" !
Errare humanum est…
J'vas dire comme ti dins tin com 15 : "ch'est cha d'avoir les touches de ch'clavier trop tiotes, et les dogts trop gros! "

24. ♥.*Galibot-Les-Bons-Tuyaux*.♥ le vendredi, février 15 2019, 12:23

Dictons du 15 févérier :
-A l’saint Claude, ravise tin seïau, té ne l’verras pos plus haut.
-Les haricots de l’saint Claude rattraperont les z’autes.
-Si sainte Apolline (le 9) nous mouille, que saint Claude le ciel débrouille.
-A l’saint Claude, si l’solel minaude, l’hiver incore maraude.
-Ciel d’émeraude à l’saint Claude, l’hiver baguenaude.
-Jamais frod de saint Claude ne galvaude car l’hiver incore rôde.
-Gardinier qui marivaude à l’saint Claude archevra bin vite eune chiquenaude.
-Saint-Claude est l’patron des fabricants d’jouets. (Ah bon ? Ch’est pos l’Père Noël ?)
-Quind j’habitos dins l’Jura, j’avos querre aller à Saint Claude : Ch’est là où in peut s’faire tailler les meilleures pipes ! Là-bas, i font des pipes à tous les coins d'rue !
-S'il neiche à saint Onésime, l’récolte est à l'abîme.
-Au mitan de févérier, la grange et le guernier sont réduits à moitié.
-Le quinze févérier, considère quel temps i fait ; tel temps espère.
-Le quinze févérier, té dos avoir tin porc intier, moitié grange, moitié guernier, aussi bien que moitié fumier. (Cha fait pos 3 moitiés, cha ?)
-Saint Faustin et Jovite invoqués contre rats et mulots. (Mi, ch’est pos la peine d’les invoquer ! Min cat i s’in occupe !)
-Saint-Décorose est invoqué pour faire cesser la pleufe

25. M☼zinpeƒ le vendredi, février 15 2019, 15:06

"à Saint Claude : Ch’est là où in peut s’faire tailler les meilleures pipes"
Ah bon?
J'm'ais toudis laiché dire que ch'étot dins l'bos d'Boulonne!

26. M☼zinpeƒ le vendredi, février 15 2019, 15:11

Plinter d'z'haricots à l'saint Claude, l'15 février, v'là core un dicton martiniquais!

27. ♥.*Galibot-Les-Bons-Tuyaux*.♥ le vendredi, février 15 2019, 20:27

Même in Martinique, in n'plinte pos d'z'haricots ! Cha n'pousse pos ! Cha filoche ! Ch'est ballot ! Tous les légueumes qu'in connot ichi, n'arrifent pos à pousser là-bas. J'ai réussi à voir quèques salates qui montotent rapid'mint in graines et quèques tomates. Sinon, faut utiliser l'terreau du commerce et aroser au minimum deux fos par jour… Pour un piètre résultat

28. ♥.*Galibot-Les-Bons-Tuyaux*.♥ le vendredi, février 15 2019, 20:31

Si in "arose", ch'est normal qu'cha pousse pos !
Si in arrose aveuc deux "r", cha pousse miux !

29. Kimberlotte le vendredi, février 15 2019, 22:15

Ch'est p't'ête ballot d'dire cha, mais mi je m'pose ein' question : pourquo qu'in peut donner l'menme prénom à ein' file obin à ein garchon, comme Claude justemint ?

30. ♥.*Galibot-Les-Bons-Tuyaux*.♥ le samedi, février 16 2019, 11:10

Je n'sais pos dù qu'i viennent chés prénoms épicènes. P'tête que dins l'temps; quind yavot pos d'échographie et qu'in pouvot pos connaît' el sexe du bébé, in donnot à l'avinche un prénom qui pouvot convenir aux deux ?
Quind j'habitos in Martinique, yavot pos mal d'garchons qui avotent un prénom féminin. J'me souviens qu'j'avos imbauché un ouvrier qui s'appelot "Dorothée" !
Pasqu'il étot né l'jour de l'Saint Dorothée ! Ch'est pour cha qu'in avot des "Fetnat" pour ceuss qui avotent le malheur de naître l' 14 juillet !
Ch'est ballot quind même ! Et dur à traîner toute eune vie !

31. ♥.*Galibot-Les-Bons-Tuyaux*.♥ le samedi, février 16 2019, 11:11

Dictons du 16 févérier :
-Biau ciel à l’saint Romain, y aura des denrées et du bon vin.
-Profite de l’saint Romain pour faire tout c’que té n’cesses d’armette au lindemain.
-Solel de saint Romain, l’printemps est in quémin.
-Gel de saint Romain rind l’gardin chagrin.
-A l’saint Romain, sème le cumin.
-Dès l’saint Romain, nettie tin gardin ; Après, ch’est un traval de romain.
Et pour finir deus proverpes que Mozinpef dot connaite pasqu’i sont originaires de la Beauce où ch’Maîte in gardinache a roulé sa bosse :
- S'il neiche à l’saint Onésime, la récolte est à l'abîme
- A l’sainte Julienne, faut toudis que l’solel vienne, s'il luit peu, bon pour les boeufs, s'il luit prou ch'est un bon août.

32. M☼zinpeƒ le samedi, février 16 2019, 20:03

"s'il luit prou ch'est un bon août."
Vu l'biau solel qu'in a eu aujord'hui, in va avoir caud ch't'été!

33. M☼zinpeƒ le dimanche, février 17 2019, 07:45

Ach'heure si t'as b'zoin d'un ballot d'foin pour tin g'va (ou bin tin Hamster ), té peu cacher lontimps!
Chés cinsiers i font des "balles rondes", qui pèsent eune tonne!

34. ♥.*Galibot-Les-Bons-Tuyaux*.♥ le dimanche, février 17 2019, 10:10

Dictons du 17 févérier :
-A l’saint Alexis, foin occis.
-S'il neiche à l’saint Alexis, le laboureur rit.
-Saint-Alexis est invoqué pour résister à la tentation de succomber à l’attrait des futilités.
-Saint-Polychrone est invoqué pour faire cesser les bourdonnemints dins les orelles (acouphènes).
-Taillis pluvieux à la saint Sylvain fait tout l'an incertain.
-Saint Sylvain étot un saint de not’ coin ! Moine bénédictin à l’abbaye d’Auchy-les-Moines (aujourd’hui Auchy-les-Hesdin, dins le Pas-de-Calais) (+ 717)

35. ♥.*Galibot-Les-Bons-Tuyaux*.♥ le dimanche, février 17 2019, 10:24

Quind j'étos jone, min père i m'invoyot querre un ballot d'palle chez l'cinsier à un kilomète de m'mason. Cha n'a pos l'air comme cha, mais un ballot ch'est lourd, surtout su l'porte-bagache d'min vélo ! I fallot que j'm'installe su l'vélo, bien in avant et ch'cinsier liot l'ballot su l'porte-bagache.
Et cahin-caha, j'arrivos tint bin qu'mal à trinsporter ch'ballot in ballochant sur min vélo !
Cha m'est arrivé eune fos d'm'ardrécher et ch'vélo s'est cabré et j'ai quéu su' l'dainne ! Et après, impossipe d'armette ch'ballot su l'vélo ! Ch'étot l'dernière fos où min père m'a invoyé querre un ballot d'palle !
Ach't'heure, ya des gins qui appellerotent la DASS pour maltraitance d'infants !

36. ♥.*Galibot-Les-Bons-Tuyaux*.♥ le lundi, février 18 2019, 10:33

Bonne fiête à toutes les Bernadette !!!
Et bonne fiête à eune Bernadette in particulier !
Vu, qu’j’in connos qu’eune seule !
Mais ale in vaut au moins dix !
Et chelle-làl, comme disot Nino ferrer…
♫ « Bernadette !...Elle est très chouette ! » ♫ ♪

37. ♥.*Galibot-Les-Bons-Tuyaux*.♥ le lundi, février 18 2019, 10:34

Dictons du 18 févérier :
-A l’sainte Bernadette, paye tes dettes.
-A l’sainte Bernadette, sème les fleurs que té plinteras à Sainte Odette (le 20 avril).
-A l’sainte Bernadette, les hellébores ont la vedette.
-Des jours frileux d'févérier, sainte Bernadette est souvint la cadette.
-A partir de l’saint Siméon, té peux semer tes melons.
-A l’saint Siméon, la neiche et les tisons.
-A l’saint Alexandre, finies les cendres.

38. ♥.*Galibot-Les-Bons-Tuyaux*.♥ le lundi, février 18 2019, 18:42

In l’a core vu à l’télé tout l’ouiquaine : aveuc eul crise, tout l’monte souffre :
Ch’est ballot : Les cinsiers ont peur de s’artrouver sur la palle,
Les gins qui mettent des gilets attrapent la jaunisse,
Les ambulanciers ruent dins les brancards,
Les éleveurs d’volailles s’font pleumer,
Les bouchers défindent leur bifteck.
Les boulingers sont dins l'pétrin !
Les problèmes des pâtissiers vont croissant,
Les brasseurs sont sous pression,
Les plombiers prennent la fuite.
Pour les couvreurs, ch'est la tuile
Les météoroloques sont in dépression…
In vit dins un drôle ed’ pays !

Et comme arot pu canter l’comique-troupier Ouvrard :
♫ Ah ! bon Dieu ! qu'ch'est embêtant
Qu’not’ pays soit toudis patraque, ♫
Ah ! bon Dieu ! qu'ch'est embêtant
Not’ pays n’est pos bin portant. ♫

39. Kimberlotte le lundi, février 18 2019, 18:49

Merci Galibot !

40. Kimberlotte le lundi, février 18 2019, 18:54

Et comme cantot Henri Salvador en 1971 :
♫ Au niveau de notre pollution
C'est pas la joie {x2}
Au niveau de la télévision
C'est pas la joie {x2}
Au niveau de la montée des prix
C'est pas la joie {x2}
Au niveau des embarras de Paris
C'est pas la joie {x2}

Y a encore qu'au niveau de l'amour que ça marche toujours

Au niveau de l'environnement
C'est pas la joie {x2}
Au niveau de la gueule des passants
C'est pas la joie {x2}
Au niveau de la contestation
C'est pas la joie {x2}
Au niveau des manifestations
C'est pas la joie {x2}

Y a encore qu'au niveau de l'amour que ça marche toujours

Au niveau de nos p'tites feuilles d'impôts
C'est pas la joie {x2}
Au niveau du cinéma porno
C'est pas la joie {x2}
Au niveau de la dévaluation
C'est pas la joie {x2}
Au niveau d' la surpopulation
C'est pas la joie {x2}

Y a encore qu'au niveau de l'amour que ça marche toujours
Quand j'ai ton cœur contre mon cœur, ça marche à cent à l'heure
Entre toi et moi, c'est la joie, c'est la joie, c'est la joie...♫
Mais cha, cha d'pind pour qui ...!!!

41. ♥.*Galibot-Les-Bons-Tuyaux*.♥ le mardi, février 19 2019, 10:53

Dictons du 19 févérier :
-A la saint Gabin, nettie tin pétrin.
-Au jour de la saint Boniface, toute boue s’efface.
-Le bon saint Boniface intre in brisant la glace.
-Saint-Boniface est invoqué pour soulager les douleurs des rhumatisses.
-A la Saint Boniface, que veux-tu que la bonne y fasse !?
-Saint-Conrad est invoqué pour obtenir la guérison des hernies.
Et pour finir, quèques dictons peu ou prou compréhinsipes...
Ch’est juste pour faire travailler les neurones : Ch’ti qui n’comprind pos, ch’est pos un ballot pour autant…''
-Si févérier ne donne de l’tiête, i donnera de l’queue.
-Si févérier ne févrière pos, tout mos de l'an peu ou prou le fera.
-Si févérier ne févrotte, mars marmotte.

42. Kimberlotte le mardi, février 19 2019, 11:43

"Si févérier ne févrière pos, tout mos de l'an peu ou prou le fera."
Comme in févérier in peut avoir tous les timps, du caud, du frod, de l'neiche, de l'pleufe, obin du solel, et qu'in a forchémint tous les timps pindint l'année... ch'est ein' expression d'M. de La Palice ?

43. ♥.*Galibot-Les-Bons-Tuyaux*.♥ le mercredi, février 20 2019, 09:34

Dictons du 20 févérier :
-Souvint à l’sainte Aimée, la campagne est inneigée.
-A l’sainte Aimée, point d’moutons affamés.
-Taillis pluvieux à l’saint Sylvain, fait tout l'an incertain.
-A l’saint Sylvain, frod ou caud, mets les derniers arpes dins l’tro !
-Saint-Eucher est invoqué pour treuver des matériaux pou s’cauffer.(comme un ballot d'palle, par eximple)