Chblog, le blog chti

Commentaires

Fil des commentaires de ce billet

1. M☼zinpeƒ le jeudi, janvier 31 2019, 14:24

Proverpes dins l'thématique du jour:
-I vaut mpiux eune panche pétée,
-putôt qu'eune platrée ruée.
-Quind l'panche ale est plone, in n'va pos vire chouque ya ed'dins.
-Minge, si té devins pos cras, té d'vindras panchu.
-Vaut miux avoir eune belle panche, qu'eune belle manche.
-Ya des boïaux comme des manches d'quémiches.

2. Galibot-Les-Bons-Tuyaux le jeudi, janvier 31 2019, 16:46

Citation du jour:Descartes a dit :
"J'ai eune panche, donc je suis !"
Ou quetcosse qui arsanne à cha…

3. Galibot-Les-Bons-Tuyaux le jeudi, janvier 31 2019, 17:44

Ch’tiot Cafougnette s’révelle in pleine nuit pasqu’il intind du bruit dins l’champe ed’ ses parints. Au matin, i va vir s’mère et li dit :
- M’man, el nuit dernière, j’vous ai intindu faire du bruit dins vot’ champe, ti et papa. Alors j’ai été vir c’qu’i s’passot, et j’t’ai vue in train d’arbondir su l’vinte ed’ papa…
La maman, un peu gênée bafouille :
- Oh… Hé bin…ah…euh…in fait, j’rebondissos su l’vinte ed’papa, pasque té sais, papa a un gros vinte, et comme cha, j’arrive à aplatir l’vinte à papa !
Alors ch’tiot répond :
- Hé ben, cha pourra jamais marcher !
La maman deminde pourquo… Et l’tiot répond :
- Bin, pasque l’visine ale vient tous les jours, après qu’té seuches partie travailler, et ale souffle dins papa !
(Chelle-làl, j'l'avos d'jà racontée, mais comme ch'est dins la thématique du jour…)

4. zébulon le jeudi, janvier 31 2019, 21:10

Un bieu jour, min cousin André, d' Annapes ( Mozinpef i doét connoaite é-ch' poéyis-lø... ) i vient passer quiques jours din l'étè à nos moaison, à l' férme d'Émbreville... ch'étoait un étè qu'il a foait run'mént coeud, pis naturélmént, mén piot cousin Andrè i n'arrétoait poé d' boére... pis conme o buvoait do'l limonnade, pis qu'il avoait gramént tchér éd n'én boére, i n'én buvoait gramént, des vérres éd limonnade !! Voéyant ø, é-m' mére a li dit un jour : " Dis André... tu n' devrais pas boire autant, tu finiras par avoir un gros ventre ! "... mén cousin, i n'n est réstè bègue d'éntènne chø... il a fini sin vérre, pis il a rinfitchè à m' mére : " Mais Tchotcho, lui, i boit beaucoup, pis il est pas gros ! " ( pour comprènne é-m'n histoére, i feut savoér é-qu' Tcho-Tcho, ch'étoait ch'l ouvrieu d' férme à min pére... pis Tcho-tcho, ch'étoait un rude chucholite ! )

5. Galibot-Les-Bons-Tuyaux le jeudi, janvier 31 2019, 21:33

Et quind André a répondu "Mais Tchotcho, lui, i boit beaucoup, pis il est pas gros !", il a fait un bide !?

6. Galibot-Les-Bons-Tuyaux le jeudi, janvier 31 2019, 22:09

Tous les ans, à LA CAPELLE, in a l'concours du plus gros mingeu d' Maroilles !
Si mes souv'nirs sont bons, l'record est de 2 kilos in 20 mineutes ! Non seulemint l'champion a un gros vinte mais i dot aussi refouler du goulot ! Quind i monte su l'podium, ya pos eune jone file qui veut l'imbrasser !

7. Galibot-Les-Bons-Tuyaux le vendredi, février 1 2019, 10:09

Dictons du 1er févérier :
-A la saint Ignace (d'Antioche), l'iau est d’glace.
-A la sainte Ella, neige et verglas.
-Neiche de février est mitan fumier.
-La veille de l’Chandeleur l'hiver s'arrête ou prind vigueur.
-Jinvier fier et frileux, Févérier court et fiévreux, March poudreux, Avril pluvieux, Mai joli, gai et vinteux, dénotent l’an fertile et plantureux.
-Si févérier ne donne de l’tiête, i donnera de l’queue.
-Févérier, le plus court des mos est de tous el pire à la fos.
-Févérier tourne sin bonnet sept cops devint et derrière.
- Févérier l’plus court des mos et l’pire cint fos.
- Févérier est court et laid.
- Févérier est, de tous les mois, l’plus court et l’moins courtois
- L’temps de févérier ne resse pos in plache.
- Si févérier ne févrotte, mars vient qui le garotte.
Du 1er au 15 févérier, in entre dins l’période des Lupercales romaines où les femmes se faisotent fouetter par des lanières d’un leu qu'in avot sacrifié et découpé. Fouettemint assurant la fécondité, et après les femmes avotent un gros vinte (Comme cha, l’thématique est respectée ! ).

8. Galibot-Les-Bons-Tuyaux le vendredi, février 1 2019, 10:12

M'blague ale passe pos ! A m'n'avis qu'ch'est Robocop qui a repris du service !
J'vas quinger un mot...

9. Galibot-Les-Bons-Tuyaux le vendredi, février 1 2019, 10:15

La maîtresse d’école fait sin cours :
- Les enfants, on dit que quelqu’un qui a un gros ventre, c’est parce que c’est un « gros mangeur ».
Nommez-moi des choses qui se terminent en « eur » et qui mangent d’autres choses.
- Prédateur, madame !
- Très bien ! Parce que ça mange des proies.
- Aspirateur, madame !
- Bravo ! Belle imagination ! Parce que ça mange la poussière.
- Un truc qui comminche par vibro et qui finit par masseur , madame ! dit ch’tiot Cafougnette
L’maîtresse minque de querre à l’rinverse, et dit à ch’tiot Cafougnette :
- Mais… euh…enfin ! …Alors je ne vois vraiment pas, ça ne mange rien, voyons !
- Bin si ! Eum’ mère ale in a un d’vibromasseur, et ale dit toudis : « Qu’est-ce que cha bouffe comme piles !!!».

10. Galibot-Les-Bons-Tuyaux le vendredi, février 1 2019, 10:17

Cha a passé comme cha !
Et avec un "d'" devint, cha passe quind même !

11. M☼zinpeƒ le vendredi, février 1 2019, 11:26

L'grind-mère à ch'tiot Cafougnette, ale ya fait un gatiau pou s'n'anniversaire.
-"J't'ai fait un biau gatiau aveuc 10 bougies edsus, min tiot."
Merci mémère, mais j'aros eu pus quère 10 gatiaux aveuc eune bougie!

12. M☼zinpeƒ le vendredi, février 1 2019, 11:28

Quel est le combe de l'gourmandisse?

13. Galibot-Les-Bons-Tuyaux le vendredi, février 1 2019, 12:22

Ya deux réponses :
-La plus gintille : Parler l’plus vite possipe pour minger les mots !

-La plus répugnante : Ch'est d’vomir in fermant l’bouque pour garder les plus gros morciaux. ! Bon appétit, mes gins !

14. Galibot-Les-Bons-Tuyaux le vendredi, février 1 2019, 18:37

Citation du jour :
"À large panse, maigre cervelle..."
Shakespeare

15. zébulon le samedi, février 2 2019, 08:33

réponse à Mozinpef: Marcher à pieds déqueus pis avoér " l'estomac dans les talons" ?

16. Galibot-Les-Bons-Tuyaux le samedi, février 2 2019, 09:31

Dictons du 2 févérier :
- A la Chandeleur, l'frod fait douleur
- Si à l'Chandeleur ch'leu sort de s’tanière, ch'est signe ed’ mauvais temps.
- Si l’solel luit avint midi l'jour de l'Purification, l'ours rintre dins s’tanière pour six semones.
- Solel du matin de Chandeleur, quarante jours l'ours à l’tanière.
- Hiver vite fini si l’ciel est gris pou l’matin d’la Chandeleur
- A l’Chandeleur, in est à mitan du pain et à mitan du foin.
- Quind, à l’Chandeleur, le solel luiserne, l'ours rintre dins s’caverne.
- Si l’solel paraît, l'ours sort de s’tanière, fait trois sauts et y rintre pour quarante jours. Mais s'il fait vilain, i pinse que l'hiver est fini.
- Chandeleur caude, l'hiver après Pâques.
- A l’Chandeleur verdure, à Pâques neiche forte et dure.
- A l’Chandeleur, les jours croissent de plus d'eune heure.
- Biau et clair à l’Chandeleur, l'hiver garde sa rigueur.
- Si l’Chandeleur est noire, l'hiver a fait sin devoir.
.

J’vas m’arrêter là, pasque des dictons sur la Chandeleur, j’in ai incore 69 sous l’coude !!! (69, ch’est min nombre préféré, je n’sais pos pourquo !) J’cros que l’jour de l’Chandeleur, ch’est l’jour où ya l’pluss ed dictons ! Mais comme j’ai pos l’courache de tout traduire, j’vous in rajoute juste un seul :
-A l’Chandeleur, i faut minger l’soupe dorée (crêpes)pour avoir d’l’argint toute l’année.
Aujord’hui, évidemmint, j’fais des crêpes. J’cros qu’in a d’jà donné l’arcette eune paire ed fos. Mi, j’la fais aveuc mitan lait, mitan bière, du rhum négrita et d’ssus de l’cassonate ! (J’préfère la brune)
Et après, comme in a les ziux plus gros que l’vinte, in in minge, in in minge et ch'est comme cha qu'in a un gros vinte ! Mais qu’ch’est bon !

17. Galibot-Les-Bons-Tuyaux le samedi, février 2 2019, 09:35

Ch’tiot Cafougnette deminde à s’mère :
- M’man, pourquo qu’t'as un gros vinte ?
- Pasque ed’dins ya un bébé ! Ch’est tin papa qui m'l’a donné !
Et ch’tiot s’met à braire :
-Et pourquo qu’té l’as mingé, alors ?

18. M☼zinpeƒ le samedi, février 2 2019, 16:01

"du rhum négrita" !
Pou quéquin qui a vécu in Martinique, t'aros pu treuver miux que du Négrita!

19. Galibot-Les-Bons-Tuyaux le samedi, février 2 2019, 19:03

"Pou quéquin qui a vécu in Martinique, t'aros pu treuver miux que du Négrita!"
Pour mett' dins de l'pâte à crêpes, ch'est bin suffisant !
Té mets pos un Château Margaux 1954 pour cuire du bœuf bourguignon !?
Faut pos gâcher !
Cha s'rot dommache de mett' min Rhum Vieux là-d'dins. I m'reste eune boutelle intière de rhum hors d'âge (+25ans)de Martinique, que j'ai edpuis 1989, donc ale a 55 ans ! Nom de diouss !
J'sais pos quind j'vais la boire, mais cha s'ra pour fêter quetcosse d'important !

20. Galibot-Les-Bons-Tuyaux le samedi, février 2 2019, 19:28

Commint faire des crêpes au rhum vieux d’chez Galibot ?
Goûtez d’abord l’rhum viux d’ 55 ans pour vir s’il est pos éfûté.
Préparez l’pâte.

Pindant que l’pâte al lève, z’avez l’temps d’boire deux ou tros verres ed’ rhum viux.
Faites cauffer eune poêle.
Pindant qu’cha cauffe, z’avez l’temps d’boire deux gorgées d’rhum.
Mettez un tiot peu d'burre dins l’poêle.
Mélingez eune cuillère aveuc el pâte.
Buvez core 3 rhums de gorgée.
Mettez un tiot peu d’poêle dins l’pâte.
Vuvez core 3 rhums de gégore.
Patelez bin l'étale.
Cachez eune aute wouteile ed’ muhr pasque l’vide est boutelle.
Versez un wherre de rhum aute.
Crépez la tourne.
Faites cuire l'rhum incore une petute minite.
Sortez l'poêle de l’crêpe.
L’crêpe relevez du plancher.
Beurrez du mettre cure la sêpe.
Crêpez le chuque.
Boutez incore eune autre rhum cherche.
Tes la mable et versez un verre ed' crêpe.
Bonne Chandeleur à l’monte le tout !

21. M☼zinpeƒ le samedi, février 2 2019, 19:33

"I m'reste eune boutelle intière de rhum hors d'âge (+25ans)"
Rappelle me dusque te reste?
des fois que j'passeros par hasard par Cambrai!

22. Galibot-Les-Bons-Tuyaux le samedi, février 2 2019, 20:02

Maîte Mozinpef, par l'odeur du rhum viux alléché,
Voulot faire un tiot tour chez Galibot à Kimbré...
Hé bonjour, Monsieur Galibot-Les-Bons-Tuyaux
Que vous êtes joli ! que vous me simblez biau !
Sins mentir, si votre rhum vieux
Se rapporte à vos biaux zieux bleus…
« Stop ! » vil flatteur de Mozinpef !
Au rhum, vous préférez la Leffe !
J’connos parfaitemint la fable
Et comme vous n’êtes pos affable,
La magnifique boutelle ed’ rhum vieux,
Puisque ch’est comme cha je l’boirai tout seu !

23. Kimberlotte le samedi, février 2 2019, 21:32

J'sais pos quind j'vais la boire, mais cha s'ra pour fêter quetcosse d'important !
Mi, j'sais : in avril, quind j'vas v'nir à Kimbré, t'invite tous chés blogueux et l'ouaibmastère avec ! Cha ch'est quetcosse d'important !

24. Kimberlotte le samedi, février 2 2019, 21:37

Mais in peut pos boire du rhum viux sins ein tiot quetcosse à minger ! Et comme disot m'mère : "Tout ch'qui rinte fait vinte !"

25. Galibot-Les-Bons-Tuyaux le samedi, février 2 2019, 22:51

Tiens, v'là not' vadroulleuse qui est arvenue ! Et tout d'suite, ale ne pinse qu'à boire et à minger ! Et quo qu't'as rapporté d'Italie ? Eune bonne Grappa, viellie in fût d'chêne, au moins ! Cha, ch'est bon ! Pas si bon que ch'rhum viux mais cha s'laisse boire ! Ou un tiot Limoncello pour digérer, cha s'refuse pas !

26. M☼zinpeƒ le dimanche, février 3 2019, 09:56

Kimberlotte ale dot s'dire in pinsant à Galibot:
-"T'es trop chianti!"
A la St Blaise, les jus d'mots d'Mozinpef sont balaizes!