Chblog, le blog chti

Commentaires

Fil des commentaires de ce billet

1. Galibot-Les-Bons-Tuyaux le mercredi, janvier 30 2019, 18:21

Mi,j'in connos quèques z'uns qui sont biêtes à minger du foin !

2. M☼zinpeƒ le mercredi, janvier 30 2019, 18:24

Du foin, in dit du "feur" dins min coin!

3. M☼zinpeƒ le mercredi, janvier 30 2019, 18:33

Et d'l'affourrée ch'est du fourrache vert qu'in coupot pou donner à chés lapins:
Du trèfle, del luzerne, des flahutes, des lâcherons, del vauvrelle, mais fallot surtout pos ramasser du mouron, ch'étot du poison!

4. Galibot-Les-Bons-Tuyaux le mercredi, janvier 30 2019, 20:07

"surtout pos ramasser du mouron, ch'étot du poison!"
Le mouron aveuc des tiotes fleurs rouches, ch'est du poison ! Mais l'mouron aveuc des tiotes fleurs blanques, ch'est excellint ! J'in donnos à mes zoziaux quind j'avos eune volière !

5. Galibot-Les-Bons-Tuyaux le jeudi, janvier 31 2019, 10:51

Dictons du 31 jinvier :
-Prépare pou l’saint Marcel tes graines nouvielles.
-Pleufe à l’saint Marcel ne fait pos germer le vermicelle.
-A l’saint Marcel, gardinier à la taille de l’vigne, excelle.
-A l’saint Marcel, prépare les dernières chicorées de Bruxelles.
-Pommiers et poiriers taillés à l’saint Marcel, fruits dins l’escarcelle.
-Pour saint Cyrien, le frod nous arvient.
-Tiote anecdote pour Saint Pierre Nolasque. (XIIIème sièque.) qui signot souvint au bas de ses lettres in rajoutant : "serviteur inutile", "le vrai néant" "les balayures du monde"
-Pour que l'année soit de bon aloi, I faut que l’neiche couvre le sol neuf fois. In n’est pos sorti d’l’auberche !
-Et des dictons pour respecter la "thématique imposée" de Noléon:
-Fin janvier, moitié guernier, moitié fenier.
-Si les mouques dinsent in janvier, ménage tin foin au guernier.

6. Galibot-Les-Bons-Tuyaux le jeudi, janvier 31 2019, 11:05

N’étant pos un rural comme Mozinpef, j’me suis posé l’question d’savoir l’différince intre l’foin et l’fourrache. Et Monsieur Gogole m’a dit qu’un fourrache peut comporter des feuilles et des tiges, mais égalemint et à la différince du foin, des rachines, des fruits et des tourteaux ...Su l’cop, j' ai treuvé cha bizarre ed mett’ des crabes dins l’fourrache, mais ch’est pos l’même cosse ! Heureuz’mint !

7. Galibot-Les-Bons-Tuyaux le jeudi, janvier 31 2019, 11:08

Ya eune espression qui dit : "I faut pos que l'foin dépasse de l'charrette" !
Ch'est quind in vot eune femme in bikini su l' plage et que les poils pubiens dépassent de l'culotte !