Chblog, le blog chti

Commentaires

Fil des commentaires de ce billet

1. Galibot-Les-Bons-Tuyaux le mardi, janvier 22 2019, 11:26

Sur sin lit d’mort, eune dame se confesse à sin mari :
- Min chéri, j’vas ête sincère aveuc ti ! In 60 ans d’mariache, je n’t'ai trompé qu’eune seule fos !
-Si ch’est qu’eune seule fos, ch’est pos grafe !
-Ouais, mais ch’étot avec le 53ème régimeint d'infanterie !

2. Galibot-Les-Bons-Tuyaux le mardi, janvier 22 2019, 11:26

Sur sin lit d’mort, eune dame se confesse à sin mari :
- Min chéri, j’vas ête sincère aveuc ti ! In 60 ans d’mariache, je n’t'ai trompé qu’eune seule fos !
-Si ch’est qu’eune seule fos, ch’est pos grafe !
-Ouais, mais ch’étot avec le 53ème régimeint d'infanterie !

3. Galibot-Les-Bons-Tuyaux le mardi, janvier 22 2019, 11:29

Ya core plein d'dictons aujord'hui, mais y in a pos un qui parle ed' neiche à l'Saint Vincent !!!
Dictons du 22 janvier :
-Aube claire à saint Vincent, beaucop d’fruits pou tout l’monte.
-Si l'hiver vient doucement, i vient à la saint Vincent.
-Quind i fait biau à la saint Vincent, les vignerons sont toudis contents.
-Saint Vincent clair et biau, puss ed’ vin que d'iau.
-A la saint Vincent, tout gèle ou tout s’fend.
-A la saint Vincent, l'hiver quitte sa dent ou la reprend.
-A la saint Vincent, les glachons perdent leurs dents ou les recouvrent pour longtemps.
-Le soleil de la saint Vincent fait boire les vignerons jusqu'à leurs serpettes.
-Si l’jour de la saint Vincent est trouble, i met l’vin au double.
-A saint Vincent, claire jornée nous annonce eune bonne année.
-Si l’jour de la saint Vincent, le solel luit comme un capiau, in aura du vin plein l’tonniau.
-A la saint Vincent, l'hiver monte ou i descend, ou i s'engrigne malement.
-A la saint Vincent, cesse la pleufe et vient l’vent.
-A la saint Vincent, la sève monte dins les sarments.
-Passé la saint Vincent, in peut aller tailler.
-Quand i fait biau le jour de saint Vincent, le vigneron s'in va in cantant.
-Saint Vincent clair, beaucop d’grains ; S'il est couvert, pos d’pain.
Patron des vignerons et donc aussi des ivrognes, il est invoqué contre les coliques (car eune phase de sin martyre a consisté à lui ouvrir el vinte pour faire eune pelote aveuc ses intestins !) Il est aussi invoqué pour artreuver les objets volés. (mais pos les objets perdus)

4. Galibot-Les-Bons-Tuyaux le mardi, janvier 22 2019, 11:48

Cafougnette invot un texto à s’femme :
"Ma très chère épouse : Té comprendras qu’ach’t’heure que t’a 54 ans, j'ai certains besoins que té tu n’ peux pus satisfaire.
J’vas ête sincère:j’sus très heureux aveuc ti :j’te considère comme eune merveilleuse épouse et sincèrement j'espère que té ne l’prindras pos mal quind té sauras que quind t’ archevras ch’texto je serai à l'hôtel aveuc Vanessa, m’secrétaire, qui a 18 ans.
Mais n’t'inquiète pos, je serai à l’baraque avint minuit ".

Quand Cafougnette arvient à s’majon à minuit, i trouve un papier su l’tape qui dit :
"Cher époux, j'ai reçu tin texto et j’t’armercie pour ta prévenance. J’vas ête sincère aussi.J’profite de l'opportunité pou t’rappeler que ti aussi t’as 54 ans.
Et, j’t'informe que quind té liras c’messache, je serai aussi à l’hôtel aveuc Michel, min moniteur de tennis, qui comme ta secrétaire, a aussi 18 ans.
Donc, ya pos b’soin d’ête sorti d’ Saint-Cyr pour comprinte qu'in est simblables in cette circonstance mais, aveuc eune tiote différince : Ti qui est fort in maths, té comprindras que "18 rintre plus ed’ fos dins 54, que 54 dins 18 ".....
Donc, in conséquince ne m'attinds pos avint edmain ou après d’main ! Bisous

5. M☼zinpeƒ le mardi, janvier 22 2019, 15:22

Cafougnette et s'femme quind i se sont mariés ya fort lontimps, i se sont fait un serment:
Chaque fos qu'i n'a un qui trompera l'aute, i s'ingage à mette dins eune boite, un haricot, et qu'i n'ouvriront chelle boite que quind i s'ront nonagénaires.
L'temps a passé et i z'arrifent allègremint à l'âge d'90 ans, et i s'disent qu'i est temps d'aller ouvrir les boites à secrets.
Cafougnette, i décide d'ouvrir s'boite in premier, et là, surprise, ya 4 haricots dins s'boite!
I s'met à braire; pardonne me ma chérie, mais ch'est vrai que j't'ai trompée 4 fos in septante ans d'mariache, j'te d'minde pardon
L'femme à Cafougnette, ale dit rin, mais ch'est à sin tour d'ouvrir s'boite; et là, ya rin n'dins, pos un fayot!
Cafougnette i s'armet à braire:
-"Ma chérie, té m'as pos trompé eune seule fois, pindint toutes chés années, t'es vraimint eune épousse merveilleuse; j'sus vraimint fier ed ti".
Madame ale i répond:
-"Faut pos déconner quind même,....Aveuc quoi que te crois que j't'ai nourri pindint la guerre?"

6. noléon le mardi, janvier 22 2019, 18:46

Ch'est bin ch'qu'i'y a su' l'photo!!et aveuc les hariceuts ch'est la fusion perfaite!MDR!!..les Cafougnettes!!cha fait des bulles dins l'éau tout cha!crénom dé djiouss!!

7. noléon le mardi, janvier 22 2019, 18:46

Ch'est bin ch'qu'i'y a su' l'photo!!et aveuc les hariceuts ch'est la fusion perfaite!MDR!!..les Cafougnettes!!cha fait des bulles dins l'éau tout cha!crénom dé djiouss!!

8. Galibot-Les-Bons-Tuyaux le mardi, janvier 22 2019, 21:51

-Ch’est décidé, chérie, comme cha fait tellemint longtemps qu’in est insanne, pour nos 50 ans d’mariache, je t’offre un voyache sur eune île au bout du monte !
-Ah cha alors ! J’in r’viens pos ! Et pour les 60 ans, quo qu’té vas m’offrir, alors ?
-J’arviendrai t’chercher !

9. noléon le mercredi, janvier 23 2019, 07:58

Ch'est si bia l'amour quind cha dure!!Mi ,qu'i' dit l'ZEPH,i'a chinquinte ans,quind j'étos jonne marié j'l'avos tell'mint querre m'poulette qué j'l'aros mingée tout crue!..A ch't'heure j'argrette dé n'pos l'avoir fait !

10. Galibot-Les-Bons-Tuyaux le mercredi, janvier 23 2019, 11:10

Dictons du 23 jinvier :
-Saint Barnard insoleillé rind l’vigneron gai.
-Vint de saint Barnard amène frod d’canard.
-A saint Barnard, gardinier traînard vivra au printemps un cauchemar.
-Soleil goguenard à saint Barnard, gardinier veinard.
-Géranium semé à saint Barnard sera core fleuri à Saint Léonard (6 novimpe)
-A sainte Emérance, les jours rallongent d'une aune de ganse.
-Sainte Emérance guérit du mal de panse.
-Pour sainte Emérance, l'hiver danse.
-S'il gèle à l’saint Raymond, l'hiver est incore long.

11. Galibot-Les-Bons-Tuyaux le mercredi, janvier 23 2019, 11:14

-Min Cafougnette adoré, cha fait longtemps qu’in est insanne, sois sincère : Est-ce que t’as d’jà pinsé à m’quitter ?
-Ah ! Cha non !
-Est-ce que t’as d’jà pinsé à divorcer ? Sois sincère !
-Ah cha non ! L’divorce, j’y ai jamis pinsé !
-Mais ch’est formidape ! T’es vraimint sincère ?
-Bin sûr ! Par contre, eul meurtre, cha, j’y ai souvint pinsé ! Très souvint ! Très, très souvint…

12. noléon le mercredi, janvier 23 2019, 14:03

"Faites intrer l'accusé !!"Accusé Cafougnette ! l'vez vous !Jurez d' dire la vérité , toute el' vérité; rin qu'la vérité!l'vez l'main droite et dites: jé l'jure !!.......combin d'fos j'l'ai rêvé!..et ch'est c'qui t'as sauvé ma poule !!

13. M☼zinpeƒ le mercredi, janvier 23 2019, 18:26

Brrrr, cha caille; Ch'est du timps tout juste pou les amoureux transis!

14. noléon le mercredi, janvier 23 2019, 19:02

Ch'est pos l'momint de bécoter sur les bancs publics sans sin beurre ed' cacao bio !deux précautions valent miux qu'eine !

15. Galibot-Les-Bons-Tuyaux le mercredi, janvier 23 2019, 19:05

Cafougnette comparait au tribunal pour tintatife ed’ meurtre su s’femme. Le juge li dit :
- Monsieur Cafougnette, vous avez avoué sur un blog ch'ti que vous avez eu des invies de meurtre sur vot' femme ! Ya des témoins ! Mais edpuis, vous êtes passé aux actes ! Si vous êtes ichi, ch'est pasque vous êtes accusé d’avoir voulu tuer vot' femme à coups d’martiau !
Eune voix s’fait intindre dins l’public : « Ah! Le Fumier va ! Pourri ! Ordure !»
Le juge interrompt la lecture des charges et s’adresse à l’personne qui exprime sin dégoût
-Monsieur, j’peux comprindre que les actes commis vous répugnent et que vous exprimiez vos sentimints...Mais vous êtes dans eune cour d’assises et j’vous demanderai donc par conséquint d’respecter ce tribunal. A l’av’nir, merci de réfréner vos émotions !
L’homme s’lève et s’adresse au juge...
- Monsieur le juge. J’ai été l’visin d’l’accusé pindint plus d’ 15 ans et à chaque fos que je suis allé l’vir...pour lui emprunter un martiau, ce fumier, ce salaud m’a toudis répondu qu’il n’in avot pos ! Quelle ordure !

16. Kimberlotte le mercredi, janvier 23 2019, 19:35

Ch'est un couple qui fête ses noces ed diamint.
L'femme ale dit:
- Te t'rinds compte, cha fait … 60 ans qu'in vit insanne !
- Ouais… 60 ans ch’est fou !
- Et ch’est formidape… mais j’ai quind même un grind reproche à t'faire, min chéri.
- quo ?
- in 60 ans de mariache, te m’as janmais rin acaté !
- Mais, ma chérie, te n' m’as janmais dit que t'avais quetcosse chose à vinde !

17. Galibot-Les-Bons-Tuyaux le jeudi, janvier 24 2019, 10:39

Dictons du 24 jinvier :
-A l’saint François (de Sales), vient l’premier froid.
-Rouche-gorche affamé à saint François de Sales, nourris ce tiot commensal.
-S’il gèle à saint François de Sales, les allées té sales.
-Neiche de saint Babylas, bien souvint in s'in lasse.
Saint-François de Sales est l’protecteur des sourds et l’patron des auteurs, des journaleux et des profs. Il est invoqué pou l’guérison des problèmes ed’ surdité et des problèmes aux pieds.

18. Galibot-Les-Bons-Tuyaux le jeudi, janvier 24 2019, 10:44

Au bout d’50 ans d’mariache, Cafougnette deminde à s’femme :
- Té pourros m’dire quetcosse qui puisse me rindre vraimint heureux et fier ?
- Oh ouais ! répond s’femme : T’as eune grosse biloute !
- Ch’est vrai ?
- Bin ouais ! Ale est plus grosse que toutes celles de tes copains !

19. M☼zinpeƒ le jeudi, janvier 24 2019, 11:17

-S’il gèle à saint François de Sales, les allées té sales.
Pour eune fos qu'un dicton yé exact!

20. noléon le jeudi, janvier 24 2019, 11:18

Bonne fête François!Fleurs de Janvier ne vont dans le panier !

21. Galibot-Les-Bons-Tuyaux le jeudi, janvier 24 2019, 12:33

"Pour eune fos qu'un dicton yé exact!"
Ch'est vrai qu'aveuc le récauffemint climatique, faut raviser chés dictons aveuc circoncision, circonscription, circonspection !

22. DONALD TRUMP le jeudi, janvier 24 2019, 12:36

Galibot est un minteu ! Tout cha ch'est des cacoules ! Ya pas d'récauffemint climatique !!!
Signé: Donald TRUMP, Ch'Maîte du monde

23. noléon le jeudi, janvier 24 2019, 14:58

Mi j'dis rin mais j'dis quéd'cosse quind minme au vu d'mes observations QUOTIDIENNES du thermo -maitre j'peux dire qu'in c'momint chi ch'est l'arfrodiss'mint complet et jusqu'aux "saints d'glache"in va gargotter comme du glaire ed' pâté !Il est probape qu'in ai insuite un léger récauff'mint climatique annonciateur du r'nouveau!!

24. noléon le jeudi, janvier 24 2019, 15:59

Rectif:il est probape qu'in ai(T)!!!

25. noléon le jeudi, janvier 24 2019, 15:59

Rectif:il est probape qu'in ai(T)!!!

26. Galibot-Les-Bons-Tuyaux le jeudi, janvier 24 2019, 19:47

Le médecin examine eune vielle femme qui est in train d’agoniser…. I s’tourne vers le veuf imminent:
– Cha fait longtimps qu’ale râle comme cha?
– Edpuis qu’in est mariés ! Chinquante ans !

27. M☼zinpeƒ le vendredi, janvier 25 2019, 08:00

Après chinquante ans d'mariache, l'femme à Cafougnette ale va vire eune voyante, et chelle-ci li dit:
J'ai eune mauvaisse nouvelle:
Vote mari i va morir d'eune mort violente!
Ah bon, qu'ale réond Mme Cafougnette; et heu....Vous pouvez m'dire si j's'rai acquitée?