Chblog, le blog chti

Commentaires

Fil des commentaires de ce billet

1. Galibot-Les-Bons-Tuyaux le dimanche, janvier 6 2019, 11:54

Vindiouss! Mincoin ! Incore un nouviau billet ? In n'peux pus t'arrêter ! T'as pris d'bonnes résolutions pour 2019 !?

2. Galibot-Les-Bons-Tuyaux le dimanche, janvier 6 2019, 12:33

LE CORBEAU ET L’ ARNARD version Epiphanie
.
Maîte Corbac sur sin arpe perché
Tenot din sin bec eune galette des rois.
V'la qu'arrife in arnard, par l’odeur alléqué,
« Si j’ai la fève, de la forêt, cha s’ra mi le roi ! »
Se dit-il et i s’met à compliminter l’ojiau

Bonjour, tiot corbac ! Hé bin, commint qu’cha va !
Ch’est bin vous l’plus biau, après Maîte Galibot !
Si vous savez canter comme vous avez l'beauté,
Vous êtes l'roi des bos pou l'voix et l'jolité.
In attindant cha, l'corbac sins méfiance,
Ouvre tout grand sin bec pou pousser la romance.
Et v'là que l’galette quet dins l'bouque d'l'arnard
Qui l'avale in riant et dit d'in ton finard :
Tout flatteu, vit aux dépens de ch’ti qui l'acoute,
Et tant piss' pou ch’ti qui n’y vot goutte !
La fève, le corbac ne l’avot pos eue…
Jura (à Dole) qu’in ne l’arprindrai pus !
Galibot De La Fontaine

3. noléon le dimanche, janvier 6 2019, 13:15

SUR tronte chinq minutes Galibot nous a fait un poaime qui tient du génie!on s'incline devant tint d'rapidité seurtout quind in sait que certains grinds patouasants mettent
plusieurs sémones avint d'sortir qued'cosse de potable!
Au sujet de ch'renard propre à La Fontaine de chateau Thierry je pinse qu'il
appréçiot beaucop les corps beaux!l'heureux r'nard!Vous êtes d'accord avec mi !!....

4. noléon le dimanche, janvier 6 2019, 13:17

..ichi bin sûr" les corps beaux "ch'est les "belles glaines" tertous l'a compris !

5. Galibot-Les-Bons-Tuyaux le dimanche, janvier 6 2019, 16:41

"SUR tronte chinq minutes Galibot nous a fait un poaime qui tient du génie!"
Ya quate vers qui sont pos d'mi mais d'un aute patoisant ! Faut rindre à César c'qui, appatient à...Marius ! Et à Fanny, c'qui appartient à.. César !

6. Kimberlotte le dimanche, janvier 6 2019, 22:11

Vinguette ! Ein nouviau billet tous les jours ! Comme ch'est là, Mincoin i s'a cassé ein' gambe, i peut pus sortir de s'mason, i est vissé d'vint s'n'ordinateur !

7. M☼zinpeƒ le lundi, janvier 7 2019, 08:40

J'dis cha , j'dis rin, mais, vu qu'i est cloé d'vint sin manicraque, p't'ête qui pourrot raviser pourquo que chés liens i vont pus su ch'blog?
Comme j'disos: J'dis cha........!
Quoique

8. M☼zinpeƒ le lundi, janvier 7 2019, 08:43

Un bon arnard, i saute pos au d'zeur d'eune Hayure; I passe in d'zous!

9. Galibot-Les-Bons-Tuyaux le lundi, janvier 7 2019, 10:15

Hier, chétot l’épiphanie ! Ch’t’année, i parait qu’ y a eu des fèves in forme ed’ gilet jaune ! Comme quoi l’tradition s’adapte à l’actualité !
A l’majon, hier soir, ch’est mi qui a eu l’féve ! Ch’est l’première fos qu’j’ai eune fève ch’ti . Ed’sus, yavot écrit : « Vindious Biloute ! Que ch’té bien !» ( ?)
Maîte Galibot puis Roi Galibot, d’ùss que j’vas m’arrêter ?
J’ai treuvé l’ fève in croquant bien fort dins l’ galette des rois...J’vas devoir aller vir min dintiste pour mett’ eune couronne !

10. Galibot-Les-Bons-Tuyaux le lundi, janvier 7 2019, 10:33

Dictons du 7 jinvier :
-S'il gèle à l’saint Raymond,l'hiver sera core long.
-A l’saint Raymond, neiche à tous les monts.
-Neiche sur les monts à l'saint Raymond, nous les gardiniers, dormons !
-La saint Raymond insoleillée rind l’vigneron gay gai.
Saint-Raymond est l’patron des avocats, des espécialisses de droit canon et des archivistes médicaux. (Attintion ! Le droit canon, ch’est pos l’droit d’boire eune pinte !)
Ya aussi Saint-Aldric, l‘patron des musiciens.(Hein, Noléon ?) Il est invoqué pour obtenir un prompt rétablissemint après eune congestion cérébrale.

11. Galibot-Les-Bons-Tuyaux le lundi, janvier 7 2019, 10:47

Ch’est un arnard et un lapin qui sont copains comme cochons. Un soir, alors qu’i sont au troquet du coin, le lapin bot comme un tro ! I peut pus arquer ! L’arnard li dit :
- Accroche-te à m’queue, j’te ramène à tin terrier !
Et l'lapin s’accroche et est ramené à s’baraque !
Eul lind’main, i continuent à boire comme des polonais et ch’est au tour de l’arnard d’ête complètemint pinté ! Le lapin li dit :
- Hier, té m’as sauvé ! Aujord’hui, ch’est min tour ! Accroche-te à m’queue !
Mais l’arnard n’arrife pos à s’accrocher !
- Min tiot lapin, j’y arrife pos ! T’queue ale est trop tiote pour m’accrocher !
Le lapin li dit :
- Attinds-me chinq mineutes ! J’arviens !
Chinq mineutes plus tard, le lapin arvient au volant d’eune grosse carette et fait monter l’arnard ed'dins pou’ l’ramener à sin terrier !
Quelle est l’morale de l’histoire ?
Quind in a eune tiote queue, vaut miux avoir eune grosse carette !

12. Galibot-Les-Bons-Tuyaux le lundi, janvier 7 2019, 20:55

Tiote devinette :
Cafougnette dot traverser l’rivière aveuc un arnard, eune glaine et un sac ed blé.
Dins l’barque, i peut seulemint emmener qu’un seul des 3.
Si l’arnard et l’glaine reste tout seus, l’arnard va bouffer l’glaine.
Si l’glaine reste toute seule aveuc el sac ed’ blé, ale va l’bouffer aussi.
Attintion, que cha seuche sur eune rive ou l’aute, jamais l’arnard ne dot ête seul aveuc el glaine, ni l’glaine seule aveuc el sac ed’ blé !
Alors, commint Cafougnette va arriver à passer sins encombres,les 3 d’l’aute côté de l'rivière ?
Faites cauffer vos neurones !

13. Kimberlotte le lundi, janvier 7 2019, 21:57

Mi j'connos l'solution ! Y a l'frère ed ma copine qui nous a posé l'question au nouvel an dins les Ardennes. Ch'étot pos Cafougnette, et ch'étot ein leu, ein' maguette et ein' salate, mais cha r'vient au minme !

14. Galibot-Les-Bons-Tuyaux le lundi, janvier 7 2019, 22:47

Exact ! Mais j'essaie d'faire coller au blog et au billet !
J'considère que ch'est eune bonne réponse ! J'te donnerai comme cadeau eune boutelle ed'champagne de Mincoin !
In va laisser l'z'autes cacher un tiot peu !
I suffit d'ête un tiot peu rusé comme un arnard et aveuc un tiot peu d'réflexion, ch'est fastoche !

15. Kimberlotte le lundi, janvier 7 2019, 23:11

Merci pou l'boutelle ed champagne, mais si ch'est ein' boutelle ed Mincoin, j'cros que j'peux toudis courir...!

16. M☼zinpeƒ le mardi, janvier 8 2019, 07:46

J'ai treuvé (aveuc l'aide d'Gogole, i faut l'avouer).
Reste pus qu'à Noléon à cacher après l'solution!

17. M☼zinpeƒ le mardi, janvier 8 2019, 07:53

Dins l'timps, comme voleurs d'glaines, chés arnards i z'étottent concurincés par chés "rhums à Michel". Acht'heure ch'est putôt les poules aux oeufs d'or d'cuife qui les intéressent!

18. noléon le mardi, janvier 8 2019, 10:37

Ch'est facile!nous in cachot avec el' leu;l' madjette et pis l'chou!...eine simple substitution à chaque dépose ....mi aussi j'ai trouvé !....Final'mint l'Zeph i'est pos si con qu'i' in à l'air malgré ses pieds plats !....par contre i'arot pos pu faire cha avec un bouc!i'arot pissé vinaique !

19. Galibot-Les-Bons-Tuyaux le mardi, janvier 8 2019, 11:15

Tout l'monte a gagné eune boutelle ed' champagne ed'Mincoin !
Aveuc tout c'que j'ai gagné,i dot m'in invoyer eune bonne chinquantaine sous peu...J'vous les inverrais à ch'momint là !

20. Galibot-Les-Bons-Tuyaux le mardi, janvier 8 2019, 11:16

Dictons du 8 jinvier :
-Temps d’saint Lucien, temps d’kien.
-Séverin et ses coquins font tout geler sur les quémins.
-Au jour de l’sainte Gudule, l’jour croît, mais l’frod n’arcule.
-A l’Sainte Gudule, quind j’avinche, t’arcules, commint veux-tu.
-Sainte Gudule, patronne de Bruxelles et des brodeuses, nièce de Pépin le Bref, est invoquée pour guérir de l’goutte

21. Galibot-Les-Bons-Tuyaux le mardi, janvier 8 2019, 11:36

Cafougnette a un arnard apprivoisé.Mais l’arnard a un gros défaut : quind i li dit : « Qui ch’est l’maîte ? » l’arnard s’couque à ses pieds in pichant par terre ! Que sale biête !
Donc i s’décide de l’abindonner. I va l’déposer à l’aut’ bout du villache et arvient à s’baraque. Dix mineutes pus tard, l’arnard est d’retour ! Cafougnette décide de l’immener plus loin à 5 kilomètes ! Quind il arvient à s’baraque, l’arnard est d’jà là !
N’in pouvant pus, i décide de l’abandonner à Mons-in-Pévèle ! I s’dit : J’ai d’jà bin eu du ma à treuver c’villache perdu, ch’l’arnard i pourra jamais artrouver l’quémin de l’baraque !
Il artourne à s’majon. Eune heure plus tard, l’arnard est d’retour.
N’in pouvant pus, i roule pindant 100 kilomètes, prind des autoroutes à contre-sens, monte un col de montagne, traverse un lac in barque aveuc l’arnard, et l’dépose sur l’aute rive.
Deux heures plus tard, i téléphone à s’femme :
- Dis-me : Est-ce que l’arnard est à l’baraque !
- Bin ouais, i vient d’arriver !
- Euh…té peux me l’passer ?...J’sus perdu !

22. M☼zinpeƒ le mardi, janvier 8 2019, 14:05

Ch'étot du timps passé quind yavot pos d'gépéhesse!

23. Kimberlotte le mardi, janvier 8 2019, 15:51

Dins l'timps passé, quind j'étos mariée, ch'étot mi l'gépéhesse. L'carte routière su m'n'écour. Et j'me trompos pos puss que l'gépéhesse électro-nique !