juil.27
I vaut miux user ses solets qu'ses lincheux (il vaut mieux user ses souliers que ses draps), il vaut mieux travailler que dormir ; la version moderne de ce conseil : le travail c'est la santé.
Fil des commentaires de ce billet
mais à trop ouvrer in peu y laicher s'piau !
Ch’tiot Cafougnette deminde à sin taïon commint qu’in fait pour ête heureux.
- "Min fieu, il faut l’ santé et un bon traval !
- Et t’as eu tout cha pépé ?
- Mi ? J'ai toudis eu une bonne santé pasque que Mémé a toudis eu un bon traval !".
La prière du matin:
Notre Père qui est au bureau,
Que l’ travail seuche léger,
Que chés patrons partent in vagances
Que note volonté seuche faite
Au bureau comme à l’baraque
Donne-nous aujord'hui un jour ed congé
Eune semaine ed récupération
Et un mos d’ réflexion
Pardonne-nous nos absinces
Comme nous pardonnons aussi
A ceuss qui nous font ouvrer.
Ne nous soumets pas aux baisses ed salaire,
Aux embargos et aux heures supplémentaires.
Mais délivre-nous de ch’t’ infer.
Car ch'est à ti qu'appartient l’ pouvoir
D'augmenter not’ salaire et nos jours ed congé,
Tout en diminuant not’ traval !
Amen !
- Mi, j'te l'dis : l' traval, ch'est eune maladie !
- Ah bon, pourquo ? 
- A t'n'avis, pourquo qu'cha existe el médecine du traval !
- Ch'est vrai quèque part...
- Et ya beaucoup plus d'accidints du traval que d'accidints du repos !
- Bin ch'est vrai aussi...
- Et l'traval, cha use ! El repos raremint !
- Té sais, té m’avos dit hier qu’y avot plus d’accidints du traval que d’accidints du repos !
- Ouais !, ch’est dins l’messache précédint !
- Hé bin mi, j’connos quéqu’un qui a eu un accident du repos !
- Ah bin cha ! Raconte me cha !
- Ch’est un gardinier qui avot installé un hamac dins sin gardin accroché à deux arpes et qui étot in train d’raviser pousser ses pos d’chuque avec une bonne bière à l’main …
- Je l’connos !
- Fastoche ! Y in a qu’un comme li !
- Ch’est s’n’activité préférée d’raviser pousser ses pos d’chuque ?
- Nan, cha ch’est l’activité du samedi, l’diminche i ravisse ses salates, l’lundi ses carottes, l’mardi ses navieaux, etc…Il a eune activité différinte pour chaque jour de l’semaine !
- Hé bé ! Ch’est un hyperactif !
- Bon, j’termine m’n’histoire d’accidint du repos ! Il étot bin installé dins sin hamac et d’un seul cop….CRAAAACK !!! EL corde du hamac s’casse et v’là not’ pauf’ gardiner in train d’valdinguer par terre ! Résultat : i s’est cassé deux côtes, i s’est fait un lumbago et un torticolis !
- L’pauf’ diape ! I devot pos ête contint !
- Pinses tu !!! I s’est arlevé avec bin du ma mais yétot tout contint !
- J’comprinds pos !
- Yétot tout fier ed li ! Il a levé s’bière au ciel en criant : « J’ai réussi à n’pos rinverser eune seule goutte !!!! » 
Ouais, Galibot, t'es rudemint in forme in ch'momint!
Ch'est très fatiguant ed traduire in ch'ti, toutes chés blagues; Méfit-te, le "burnout" te guette!
Bin, j'me défoule un tiot peu ! Dins eune semaine j'arpars dins l'famile dins l'Nord et in Belgique (pour déménager bielle-maman)pour eune dizaine ed jours...
J'vas donc ête absint de ch'blog ! 
Il faudra donc combler m'n'absence in mettint plein d' commintaires à m'plache...
Faut qu'té comminches à cogiter...pas jusqu'au burnout quind même !... 
Mozinpef, te vas n'avoir d'l'ouvrache ! Pasque mi aussi j'pars ein' s'monne dins le Nord dins 15 jours, pis core ein' s'monne dins l'Tarn à mo de m'cousine. J'sus pos aussi bavarde qu'Galibot su ch'blog, mais faudra qu'te m'rimplache aussi !
Dins l' Nord, j'vas aller vir l'cortèche du 15 août à Caimbrai. Ch'année, i fêt'tent les 500 ans d'Martin et Martine ! J'vas printe ein coup d'martiau d'pus, cha va pos m'arringer...
NOLEON!!!!!!!!!!!
Au s'cours, Te t'in vas aussi, ti?
J'vas faire eune deminde d'augmintation à ch'ouèbmastère!
Si i est d'accord pour m'donner 1€ du commintaire, j'vas pos raquer d'sus!
Derniers commentaires