Chblog, le blog chti

Commentaires

Fil des commentaires de ce billet

1. Galibot le lundi, juillet 23 2012, 17:15

El guernoulle qu'al volot éte aussi grosse qu'ein boeu

I n'avot eine fos eine guernoulle
qu'a se proumenot dins ein chwez, au mitan del berdoulle.
Arrivant d'chés patures, arrète i là ein boeu,
bézé gras, qui venot boire à chés flaques ein tiot peu.
No rame, qu'al n'étot pos pus grosse qu'ein pied d'éclette
s'met dins l'idée, èque comme ein boeu, al porrot ête.
Alorse vlà qu'al comminche é se gofler tint qu'al peut
Qu'esse boudaine al dévient comme eine vessie d'pourcheu.
A ses copon.nes al dit : " Rvéttiez padvint paddère,
j'vas-t-i bétot rsin.ner à ch'grint brouteu d'gakière ?
Va oui ! - Achteur j'y sus ? - Cha non ! - Ch'cop-chi j'el sins !
Vous n'êtes pos cor si ron.ne qu'eine chitroulle ed gardin !
No guernoulle al a si bin goflé s'carcasse
Qu'al s'a épautrée comme ein pétard al ducasse.
Invieux comme el gauernoulle, el mon.ne il est plo d'gins
qui s'erruinetent pou faire accroire qu'is ont d'l'argint.
Ch'ti qui a ein.ne tiote mason i vorot eine batisse ;
et même si i est varlet, sin rèfe ch'est d'ête minisse.
Morse, sins se laicher ébluir,
vlà mes gins chou qu'i vous feut r'tenir :
In n'drot jin.mais faire d'écapette
pus heut qu'al est plachée s'tropette.

2. Mozinpef le lundi, juillet 23 2012, 17:46

D'zéclettes d'ail, ch'est chés gousses. Et si t'in plante dins tin gardin, faut prindre seulemint chés éclettes au pourtour ed ch'eule tiête d'al, et non chés éclettes du mitan de l'tiête.
Ch'étot la minute culturelle culturale de Mozinpef

3. Kimberlotte le lundi, juillet 23 2012, 17:56

Frotter s'tartine aveuc ein' éclette, cha s'appelle ein' dossée. Et l'fromache qu'in met d'ssus, bien sûr, ch'est de l'boulette ed' Caimbrai !

4. Mozinpef le lundi, juillet 23 2012, 17:58

Véritape éclettes d'al d'arleux:

http://i47.tinypic.com/rcodao.jpg

Contrefaçon:

http://i46.tinypic.com/2z4e25z.jpg

5. Galibot le mardi, juillet 24 2012, 08:30

6. Galibot le mercredi, juillet 25 2012, 08:16

- T'as acaté du saucisson à l'ail, té sais que je ne le digère pos !
- Ch'est vrai , chaque mets d'ail à son revers...

7. Galibot le mercredi, juillet 25 2012, 08:18

Pourquo qu'in plante ed l'ail el long des autoroutes ?
Réponse : pasque l'ail, ch'est bon pour la circulation...

8. Galibot le mercredi, juillet 25 2012, 08:31

Et si t'in plante dins tin gardin,
T'as un "champ d'ails" ? Té dos pos avoir frod !

9. Galibot le mercredi, juillet 25 2012, 08:34

L'ail ch'est excellint pou l'santé ! Ch'ti qui n'in minche pos, i f'ra pos d'vieux aulx !

10. Galibot le mercredi, juillet 25 2012, 08:37

Comme dit Régis, l'meilleur ail ch'est ch'ti d' Berck ! "Le Berck ail"...

11. Kimberlotte le mercredi, juillet 25 2012, 09:24

T'es in rude forme, c'matin, Galibot ! Cha finque !

12. Galibot le mercredi, juillet 25 2012, 11:53

Bin, j'ai mingé beaucoup d'ail ! Cha dope !
Comme dit (ou presque) la pub "Il n'y a que l'ail qui m'aille !"

13. Mincoin le mercredi, juillet 25 2012, 12:42

Ouais, vraimint in forme ech'Galibot