juil.13
I n'faut jamais s'vanter d'eun' bielle journée, d'vant qu'all' seuche passée.
Il ne faut jamais se vanter d'une belle journée avant qu'elle soit passée et ne pas vendre la peau de l'ours avant de l'avoir trouvée.
Fil des commentaires de ce billet
I fait biau! 
Mi, j'appelle cha:
"de l'provoque" 
Bin non, su ch'blog i fait toudis biau 
Jamais arsu inne goutte in l'visitant, si sauf in fos, j'ai rinversé inne bière sur min clavier... rin à faire après les touches alle colotent, j'ai du in racater in nouviau !!
Ch'est p't'ête l'même mésavinture qui est arrivée à Galibot, avec sin clavier qui doublonne?
"Ch'est p't'ête l'même mésavinture qui est arrivée à Galibot, ave"c sin clavier qui doublonne?
Hé voilà ! Même euch' Grind Maîte Ouaibmastaire ya connu les mêmes désagrémints que mi !
"rin à faire après les touches alle colotent"
Cha ch'est terripe ! Cha m'est arrivé quind j'ai rinversé eune tasse ed café su min clavier et eune aute fos, j'cros qu'ch'étot avec du Macvin!
Té tapes sur eune touche et all'armonte pos !
J'ai dû démonter mes touches ed clavier eune par eune ! Et ch'est pos de l'tarte ! (au chuque) !Surtout quind i faut les réincliquer ...
Hé bin yin avot toudis eune qui marchot pos....C'qui esplique certains doublons ....)
Ah! ch'matériel, yé pos fiable ! Heureuzmint que leur proprio l'est ! 
Sur chés saisons
Qu'y pleuv' l'hiver vite in vorrot qu'y gèle
Huit jours de g'lée in brait après ch'printemps,
Si vient trop tôt y n'a des mécontints,
Mais s'y s'attarge, in s'laminte d'pus belle.
Pis, sitôt là, qu'y neige ou bin qu'y grêle
Mon Diù ! Seigneur ! d'là-haut te les intinds
Crier qu'l'été s'in veinche et qu'y n'est qu'timps.
Eun' fos in train ch'l'été qu'tout l'monne appelle,
Au moindr' tahu pour sûr, tout va pourrir,
Ch'solel y s'muche, adon rien n'va mûrir ;
S'y cauffe d'trop, qu'il éclaire ou qu'y tonne,
In queurvra d'faim et d'misère à s'mason.
L'été passé, ch'est parel pou l'automne,
Et l'ain d'après, mêm' caichon chaq' saison.
Charles Lamy, poète patoisant cambrésien (1848-1914)
Cha, ch'est un biau poème avec des rimes dites: alternées ou embrassées.
A lire ch'poème, in croirot intindre un cinsier: toudis à s'plaindre du timps!
J'dis cha mais mi, j'fais parel, surtout ch't'année!
Ch'est vrai, ch'est un biau poème, mais j'ai fait ein' faute, j'ai écrit caichon au lieu d'cainchon ! Charles Lamy i va s'artourner dins s'tombe...
Ch'est vraimint in biau poème.
Au fait, i fait biau, ichi solel i est arvénu !
Derniers commentaires