Poste de policie légo

Un agint d' police, rinte chez li, su s' soir aveuc un gros bouquet ed' fleurs. S' femme comprind pon quo qui li prind à s' n' homme.

- Ch'est pour qui chés fleurs ? cha fait bin 15 ans qu'in s'a mariés et té ma jamais offert eune fleur !

- Accoute, ch'est un bouquet qu' j'a gagné au commissariat.

- Au commisariat, qu'o té berdoule !

- Bin ouais, ch' commisaire i a ti pon organisé un concours intre nouzautes, et ch'est mi qui l'a gagné !

- Ti, vingt diousse, té m'prinds pou inne babache ! quo ch'est qu'in demindo ?

- Bin i fallot calculer combien cha faisot 9 fos 9 ?

- Et quo t'as répondu ?

- J'a répondu 87

- Bin, té n' yé pon, 9 fos 9 cha fait 81 !

- Peut-ête, mais ch'est mi qui étot l' pu près !