J'm'a laiché dire ! Ch'vindeux i étot tell'mint amiteux. J'a acaté eun'carrette qu'all'parle ectronique.

All'dit si qu'y a cor assez d'essence, par dù qu'i faut passer si ches portes all'sont bien freumées.

All'dit tout, et t'nez-vous bin, all'parle patois, j'ai cuji l'option PATOIS.

All'dit - "Bonjour, assis-te mais j'peux pas mette in route parc'que t'as pas ablouqué t'cheinture !"

Hier, ej'monte dins m'n'auto, all'dit - "Dù qu'in va ?" J'li dis qu'in va in ville acater du pain, pis l'gazette, pis à la poste et v'vlà qu'all'bertonne ;

-"Quoi ! Té vas m'déringer pour cha ! Té f'ros miux d'printe tin vélo et pis dù qu'in va cor estationner ? J'va cor ête cholée !"

Mon Diu,que j'argrette-ti em'deudeuche ! All'téquot mais all'avanchot sans rien dire.

Aussi j'in profite pour mette eun'annonche pour arvinde em'carrette qui parle.

Mais, nallez point li dire, j'nintindros pour mes quate sous !

Guy DE CH'BOS