juin18
L'embouchure de la Canche - Le Touquet
Marie Toutoule all' dit qu'in vot tout cha, in été !
j'a vu eun' rimée dins ch' gardin
j'a vu un bayou vert dins ch'l'ape
j'a vu un tahu noir dins ch'ciel
j'a vu eun' onglée dins tes mains
j'a vu de l'fraiquetène dins l'pature
j'a vu eun' païelle dins ches nuaches
j'a vu des mahons dins ches camps
Relevé dans Commint qui dijot Pépère ?
Guy Dubois
Version sonore Régis Lenglos : Marie Toutoule in été
Fil des commentaires de ce billet
j'a vu eun' païelle dins ches nuaches
Eune païelle, ch'est pos eune poêle ? 
Quo qu'al' fout dins les nuaches ?
Régis, t'in r'mets ein' louche ?
Quo qu'ch'est ein' rimée, ein bayou, ein mahon ? Et c'mint qu'té fais pour avoir l'onglée in été (ou l'piquette) et ein' païelle dins les nuaches ?
Et je persiste et signe, dins min coin, ein tahu, ch'est ein' drache !
alle est là par hasard!ch'est comme je l'disot quind j'étos jonne:"parfois ch'ciel i'utilise les nuaches pou' nous faire des biaux dessins !!
Quo qu'ch'est ein' rimée
C'est eune gelée blanche !
Trés, très, très courante in été !
ein mahon ?
T'as pos bien lu l'billet précédent ! Ch'est un coquelicot !
ein bayou
J'sais pos c'que ch'est...
Eune "rimée", ch'est eune g'lée blanque!
Al a p't'ête vu cha, Marie Toutoule, in été dins l'Nord .......d' l'Islande! Et chelle payelle dins chés nuaches, ch'étot pos les chindres de ch'volcan?
Sacrée Marie Toutoule! 
Marie Toutoule, ale vaut pon miu qu'Zélie Queuqueue !
Ch'est bizarre, l'commintaire 4 d'Galibot d'9h02, yé apparu bin tardiv'mint! Robocop s'rot il réveillé?
J'connos pos Zélie Queuqueue, mais dins min coin, yavot: Nénette Galoche; rapport à sin minton comme eune trappe à coulons!
Un bayou, là, cha s'rot putôt in Louisiane;
Marie Toutoule, à dot avoir des problèmes in géographie! 
Zélie queuqueue!??ch'est un sobriquet cha!Jonne homme,j'ai connu eune finme qu'in appelot:zélie motalape !parc'qu'alle étot soupolait !pou' un rien alle disjonctot!
Eune question echo-logique: est-ce qu'i'y a des coquelicots à fort-MAHON?
Ch'est bizarre, l'commintaire 4 d'Galibot d'9h02, yé apparu bin tardiv'mint! Robocop s'rot il réveillé?
Bin non! min commintaire ed 9h 02, y'étot inscrit ! J'avos vérifié ! Quind j'ai l'timps à min traval, j'vas j'ter un coup d'oeul vers 14 h et y 'étot toudis là !
Y aurot disparu intre timps !? V'là cor un mystère !
A moins qu'cha seuche tin clavier écran d'ordinateur qui t'jues des tours !
Ou bin eune (?) tiote bière intre copains, ch't'aprèm' ?
zélie motalape !parc'qu'alle étot soupolait
"motalape" cha veut dire "monte à l'arbre" noléon ?
(Ou j'me plinte dins l'interprétation?)
J'dis cha pasque si y a des nouvieaux qui s'connectent su ch'blog et qui veulent s'initier à not' patois, i faudrot p'têt' des fos qu'in esplique certains mots ou expressions, non ?
dins min coin, yavot: Nénette Galoche
Dins min coin, y avot Nénette Pochtronne ! (j'cros qu'j'ai pos b'soin d'espliquer pourquo...)
Mi, j'm'interroche toudis su c'que cha veut dire "bayou vert"
Ya personne qui connot ? J'sins qu'j'vas pos dormir !...:(
(J'sais bin qu'Marie Toutoule, al raconte n'importe quo, mais...)
Bin, pour mi ch'bayou, ch'est m'jeunesse, chés premiers flirts fleurtes (escuse me Mozinpef!) su ch'musique là, chés filles, al craquottent !
Mais j'pinse pos qu'ch'est avec cha qu'in espliquera c'qu'al' veut dire 'Marie Toutoule avec sin Bayou !!
Là, Galibot, je suis bin d'accord avec ti, j'ai presque tous ches diks ed CCR, et d'John Fogerty, in solo.(tant pis pour chés non-initiés ).
Bref, après eune nuit blanque à cacher ch'que cha voulot dire "bayou", in patois, (pour mi, ch'est un osiau, ou un insecte?); va falloir que Régis, ou Guy Dubois, nous donne l'traduction!
"motalape" pus facile à prononcer qu'à ecrire!!!BRAVO!g@libot!c'est effectivement "monte à l'arbre";comme on peut dire aussi"monte au plafond"mais ch'est pus grave ,in arrive à l'apoplexie!c'qu'in n'souhaite à personne!
Ch'est comme "grimper aux rideaux ?" Pasque y a plusieurs sens...
Derniers commentaires