Femme moche
Crédit photo : Forum.fr

Flouquette : Hier, i pleuvot à z'yeux d' vaque ; Antoinette n'a pas été gâtée pou s' mariache.

Lafrite : Antoinette ?

Flouquette : Ouais ! Antoinette Larsoul, l' fille à Eugène.

Balicours : Antoinette i s'a mariée ? Alle est laide comme les sept péchés ; alle f'rot manquer eine couvée d' singes ! Et alle a trouvé quéqu'un ?

Lafrite : I n'y a pas d' si laid pot qui n' peut trouver s' couvièpe ! Elle comminchot tout d' même à printe dé l' boutelle.

Flouquette : Acoute, Gusse ! Ch'est dins les vieux pots qu'in fait l' meilleure soupe !

Extrait de L'Estaminet Pittoresque , feuille d'Annonces, Valenciennes, 26 avril 1975, d'Emile Morival (1913 - 1976)