Cabane de jardin

HERBARIUM DES REMPARTS Saint-Valery-sur-Somme

Marianne, l’ braf’ feimme d’ Batisse,
Honnête et prête à reint’ service,
Avot pourtant un grand défaut
Qué s’n homme i’ li r’prochot quéqu’fos :
All’ n’avot point d’ goût au ménache,
Et souveint négligeot s’n ouvrache,
Aimant mieux s’occuper d’ ses fleurs.
Li, cha li faisot mau à s’ cœur.
All’ li dit par un bieau dimainche,
Jusse au momeint qu’i cangeot d’ linche :
« Arvette, in vot bin qu’i fait bon,
Em’ rosier, il a des boutons !
- Dains ç’ cas-là, qu’i répond Batisse,
I est pus heureux qué m’ quémisse !