Ell’ sortot justemint de s’ cache,
Quand ils l’ont pris’, ch’est émouvant,
Et même avé s’ tiêt dins l’ liache, (liache : filet)
I’ m’ semblot qu’ell’ criot : Maman !
J’ai eu biau réclamer tout d’ suite,
Pour réponse, un méchant blanc-biec
M’a crié : Décampez bien vite, (decampez : dégagez, tirez vous !)
Où j’ vous prinds dins l’ carette avec !

Refrain :
- Ah ! Plaignez Finette :
Elle est dins’ l’ carette,
Y m’ l’ont collée, ches capons, ches vauriens,
Dans cheull’ carette à quiens.

Quand j’allos pou’ fair’ min p’tit somme,
Ell’ manquot jamais d’ fair’ comm’ mi,
J’ l’aimos grammint bien mieux qu’ m’ n’homme,
Elle étot pus fidèl que li.
A l’ quinzain’ s’y faijot bombance, (bombance ou ripaille)
Faut vous dir’ qu’ ch’est l’ roi des grainneux, (grainneux : hargneux ?)
S’y volot m’ donner eun’ biell’ danse, (danse : raclée, dégelée, volée de coups)
Finett’ sautot inter nous deux.

Refrain :
- Ah ! Plaignez Finette :
Elle est dins’ l’ carette,
Y m’ l’ont collée, ches capons, ches vauriens,
Dans cheull’ carette à quiens.

Maleureus’mint je n’sus point riche,
Mais pour ravoir min cher trésor,
Je donn’ros bien jusqu’à m’ quemiche,
Car m’in passer, cha s’rot ma mort.
Mes bonn’ gins, pou’ ravoir Finette,
Cha coût querre et j’ n’ai point l’ moyen, (cha coût querre : c’est cher)
Inter vous, fait’ eun’ petit’ quête,
Et j’ vous aim’rai autant qu’min quien.

Refrain :
- Ah ! Plaignez Finette :
Elle est dins’ l’ carette,
Y m’ l’ont collée, ches capons, ches vauriens,
Dans cheull’ carette à quiens.