Chblog, le blog chti

Catégorie :

Recette chti

Fil des billets

Recette chti : les poireaux au gratin

dans la catégorie Recette chti

Alcoolo

Poriaux au gratin

J' sais qu' t'as querr' les poriaux, et j' vas t'in faire préparer aujord'hui à l' mod' d' m' mémère Augusta.

Pindint 20 mn, te cuis à l'iau bouillante et salée 1 kg l' poriaux equ' t'as néttiés et findus in deux par el' mitan.

Eun' fos cuits, te z'é laiche réchuer jusqu'à c'qu'i seuch'nt bin égoutés.

Là, te prinds eun' pinte ed' bière blonde, t'in bos eun' mitan, pis l'aut' mitan, te l'mets à cauffer !

Dins eun' cass'trole, te fait fond' 50 gr ed' burre, te saupoud's là d'dins 40 gr ed' fareine, te toulles pour point qu' cha attaque ech' fond, et te laiches cuire 2 à 3 mn.

Acht'teur, accoute me bin sinon te vas cor' dire equ' t'as point comprind... Te balles ed' dins : l' demi pinte ed' bière (cheull' equ' t'as point bue et qu't'as fait cauffer), un monet d'poif', eune' ziqu' ed' sé, te rajoutes 180 gr ed' gruyère copé in fine lamelles, et te laiches mitoner pindant 5 mn.

Bon, ach'heur', ch'est l' momint ed' déflaquer tes porieaux dins l' fond d'un plat in terre equ' t'as point eu les troulles ed' bin graicher au burre.

T'arcoeuv's tes poriaux aveuc et' sauce equ' t'as préparée et te laiches gratiner au four pindant 10 mn.

Te sers cha tout caud et te verras qu' ch' est gramint meilleux qu' del' soup' à caillaux !

Relevé dins l' minger à l' bière de José Ambre


Recette de pieds de veau chti

dans la catégorie Recette chti

José Ambre



Les pieds d' viau àl' mod' de m' mémère.

In dira qu'in est six, et t'accates six pieds d' viau.

Pou' qu'mincher, dins eun' marmite, te détoulles 6+0 gr ed' fareine aveuc tros lit's d'iau. Te balles ed'dins 1/4 ed' lit ed' bière blond', et là, accoute me bin n' baill' point à cornal's.

Dins t' marmite, te rajoutes 60 gr d'ogons, tout cha copés in rondelles, eun' branqu' ed'thym, eun' feull' ed' laurier, et eun' pugnie d' gros sé.

Te mets dins tin jus les six pieds d' vieau qu' t'as bin écrapés, et te laiches cuire duch'mint pindant 4 heur's.

Là, t'as tout tin temps pou' préparer t' sauce.

Te fais un roux aveuc 30 gr ed' burre et 40 gr ed' fareine. Te mouill's aveuc 1/2 lit' d'iau, te mets là d' dins 100 gr ed' tous tiots ogons , te sales et te poif's.

Te laiches cuire, et au bout d' 1/4 d'heur' te rajoutes un jus d' citron, un verre ed' bière, et te loyes cha aveuc un gaune d'ué d' glenne.

Te peux fair' à côté eun' pallée d' riz ou quèqu' poen'é'terr's à l'iau.

Des pieds d' viau ch'est bon, mais quand qu' te les présintes aveuc pad'zeur eun' sauce pouillette ainsi, sers te ch' preumier, sinon, t'aras pus qu'à ronguer ch' plat !

L' minger à l' bière - 40 recettes à la bière racontées en patois par José AMBRE


Des gauffes al'cassonate

dans la catégorie Recette chti

Photo de gauffres

Des gaufres à la cassonade
Des gauffes al'cassonate

Cha t’prindra pour préparer : 30 mn, te dos laicher arposer ch’el’ pate 2 heures in tout, ch’est pas dur du tout et ch’est trop bon !

I t’faut :
500 g de fareine
125 g de burre
200 g de burre mou
3 oeus
200 ml de lait
30 g de chuqu' in poud
1 sachet de chuqu' vanillé
1 sachet de levure de boulanger (ou de levure fraîche)
500 g cassonate (vergoise blonde)

Pou mette dins l'pate :
Te qu'minches par touiller insenne el' levure et 3 cuillières à soupe ed' lait.
Te fais fonte ech'beurre (125 g).

ch'el' pate :
Te prinds un saladier, ed' dins te fais un tro dins fareine et te balles là dins : oeus ed glenne battus in ommelette, chuq in poud et vanillé, ch'burre fondu et ch'lait, te toulle et qu'in l'pate est bin lisse et homogène, t'arcouves d'in torchon et te l'laisse s'arposer 1 heure.

Chucrat' du milieu :
Toulle chés 200 g ed burre mou evec d'el cassonate et te laiche su l'coté.
Té peux rajouter 4 cuillèr' à l' soup de rhum tout in touillant ; comme té veux.

Cha vient bon :
Te fait des tiotes boules avec ch'el' pate et te les laiche su l'coté pindint 1 heure.

Te fais kauffer tin gaufrier et te mets tes boules ed'dins ! (2 mn inviron).

Quand ch'est cuit, te les ouves in deux et bourre ed'dins el'chucrat ; te s'arferme ; pas b'soin bièffer et d'attinte el momint du dessert pour t'régaler, ch't'in plaiji qu'tes point là d'oblier.


Tarte au libouli, une recette de ch'nord, pur chti garantie !

dans la catégorie Recette chti

Du libouli caud' aveuc' des peumm's

Cha i-est ... v là I' momint du dessert... si qu’ t'as été sach' et que n'in est point privé, ti qu' est eun’ g|uiff à chuqu’, te dos qu'mincher a béffler... j' vos d' ichi t’asif qui guill' tout du long d'tin minton ... ! J' vos qu'mincher par eun' chucart' que m' mémère Augusta all me faijot quand qu' avos point été par trop indign', du libouli caud' aveuc des peumm's ...

Hummm ... ! Accoutes ichi :

D’abord, te pleumes 1 kg d' peumm's, te les copes in quat’, et te les laiches cuir’ tout duchèt'mint, in compote, pindant 10 mn.
Bon, après ch' là, te casses quat' ués d’glenne dins eun' telle, te touffes aveuc 150 gr ed' chuqu in poud', et t' ajoutes 125 gr ed' fareine tamisée.
Te balles là d'dins 125gr erd’ crêm’ fraîch’, un lit' ed' bonn' bière blonde, et te parfeum's aveuc eun' ziqu ed' vanill'.
Te laiches cha querre 2 mn, el timps d' prinde un plat au four, equ' te vas graicher au burre, sins raviser à n' in mett' eun' pallée, pass'qu i faut point qu cha attaqu’ dins l’fond.
Te saupoud's aveuc un monet d' fareine, te verses el mitan de t' pâte, te mets les peum’s equ t' as préparées d’ t' à l'heur, et t' arcoeuf aveuc el' ress' de t' pâte.
Te cuis à feu fort douch' ( 5 - 6 ) dins tin four, pindant eun' bonn' demi heur', et te sers cha tout funquant au momint du dessert...
Ch' est simp', ch' est bon, et j'te promets qu cha r'met tin tiot cœur à plache pou’ l' restant du jour !

40 recettes à la bière racontée en patois
Par José Ambre.


José Ambre
Recette extraite du livre de José Ambre
L' MINGER A L'BIERE

Lire la suite...


Le sirop de navets

dans la catégorie Recette chti

Printe un biau naviaux dins ch’gardin, el’keuper in rondelles, li mette t’sus du chuque, et laicher cha tout l’nuit.
I a pu qu’à boire cha timpe au matin, all’pétite cuillére.
Ch'est bon pour les inchifernés, cha dégache, les bronches.


Prendre un beau navet dans le jardin, le couper en rondelles, lui mettre dessus du sucre et le laisser comme cela toute la nuit.
Il ni a plus qu'à boire ça tôt le matin, à la petite cuillère.
C'est bon pour les enrhummés, ça dégage les bronches.


Merci à Paul C.


- page 2 de 3 -