Le Blog chti

Partache

Ravisez comme ch'est bieau
Pour un jour ed' fiête, ou bin d'ducasse,
Quand l' taïonne* all' décope ech' gâtieau
Pour in faire el-partache !

Ravisez comme ch'est bieau
El' jour, quand sus l' grand-plache,
Saint-Martin i a décope sin mantieau
Pour in faire el' partache !

Ravisez comme ch'est bieau,
El femelle ed' mouchon qui arvient de l' cache
Pour donner à minger à ses jonnes moniaux*
Et quand al' fait el' partache.

Ravisez comme ch'est bieau, Dins l'autobus quand y a pus d' plache Qu'in vot es' lever un galurieau* Pour, de l' sienne, faire el' partache. Ravisez comme ch'est bieau
Pour un malheureux sans âche
Quand in vot déssaquer des satiaux*
Pour l'aumône du partache.

Comme cha pourrot été bieau.
Si tertous à s'n'ouvrache
In pins-rot à cheux qui ont du mau
Et quin in f'rot el' partache.

Comme cha pourrot êté bieau,
Si ed-main , ed'sus eun' blanque pache
Nos infants sav'int incor écrire ech' mot,
Ech' mot qui veut dire...partache.

Roger Bar

* taïonne : aïeule
* moniaux : moineaux
* galurieau : gamin
* satiaux : sacs

Un vulcain, sur une fleur de lilas de mer.





Un très joli poème de Pierre Sébert d’Arras.

El' rosée

Dins un gardin sogné, superpe
Eun’ rose étot dins tout s’bel’té. (beauté)
All’ rayonnot au-d’zeur de ch’l’herpe
Au grand solel d’un bel été.

Un papillon qui l' vot éclose
Tout duchett’mint comm’à l’ confesse,
Li dit « Surtout n’seuche pont morose ! »
Et pis fait des longués baisses.

Cor là rivé au crépuscule,
Nou volage est fait prijonnier
Et durant tout l’nuit, sans scrupule,
I continue à l’imbrasser.

Au jour, el’ rose eufe es’ corolle (ouvre)
A ch’ti qui li a appris l’amour.
Mais comm’un traîte, un sans parole,
I s’in va sans espoir d’artour.

Et v’là pourquoi qu’ celle rosée
All’ existe ed’ pis el’ viux temps :
Parc’ qu’un jour eun’ rose imbaumée
A brait s’n’ami in s’révillant.
Pierre Sébert

Version sonore : Régis




Eul’ guernoule qui voulot éte aussi grosse qu’eul bœuf

Un jour ein’ biell’ guernoule qu’y’ étot sortie d’l’étang
Pou s’cauffer au solel aperçot un géant.
Ch’étot un bœuf qui v’not à l’mare pour boir’ un d’mi.
A vir ein’ si gross’ biêt’ eul’ guernoul’ fut saisie.
Elle se dit in ell’ même « j’ai invie d’essayer
Eud fair’ grossir min vint’ afin d’li arsembler »
Et l’v’la qui comminche à faire infler sin corps
In d’mindant à s’petite sœur « j’y sus point incor ? »
Eh bé non. – Et à ch’t’heure ? – Te n’ n’est lon. – Bon, et là ?
- T’as bieau fair’ euj sus sûr que t’y arriv’ras pas.
- Eh bin ch’est ch’qu’on va vir ». Mais à forc’ eud gonfler
Ses boyaux dins sin vint’ ont fini par péter.
Ch’est triste mais au fond, in busillant bin
Dins la vie ch’est parel. Et y a toudis des gins
Qui n’ont jamais assez, et te vos des machons
Qui voudrottent rouler dins l’autio d’leur patron.


fablenchti
Auteur: Jo Tanghe
Editions GabriAndre
IBSN : 2-909788-88-1

Lire la suite

Version sonore : Régis




Tiote, viens donc vir...
( d'après Ronsard)

Hé, tiote, viens donc vir dins ch' gardin
Si chelle rose, équ' timpe* à ch' matin,
S'étot dessaquie* d'sin saclet*
Et qui s'ardrèchot* si fièremint
Avec un si fraîche sintimint,
All' n'est point, à ch' t'heure-chi, pamée*!

In peu d' temps, ravise* ichi
Commint qu'all' est dev'nue toute réquerpie*.
All' étot si bellote à ch' matin,
Et pis l'voilà toute desséquie* !
Crénom des os, que tchienne ed' vie !
In n'a vraimint pus l' temps d'arien*.

Té sais, tiote, oeuv' bin tes orelles !
T'es là qu' t'es belle comme un solel !
T'es à croquer, té pètes el' fu !
Alors, profite pindant qu' t'es jonne !
Parc'quand qu'té s'ras comme eun' vielle pronne*
Personne d'sus ti n' s'artourn'ra pus !

Mis en chti par José Ambre

Lire la suite

Mille merci à Coffin Elie pour cette belle photo d'sin coin :

Le Portel-Plage en décembre 2006.

Noël est un poème ed Jean Dauby qui restot à Famars, tout près de Valenciennes.

Poème lu par : Régis




Le poème version écrite :

Noël

L'infant Jésus n'a même point d'berche : et s'n'ochennoire
Ch'est un bac pour l'minger des bêtes, dins ch'étaffe noire
Implie d'l'odeur du boeu et de ch'baudet,
S'maman, douch'mint, cante eun' canchon dormoire
Dont in n' comprind point les couplets
Mais qu'l'air i est plus douche qu'eun' flûte
Au pied d'eun' source, au temps qu'l'hiver s'déhutte.
Joseph, inch'pé, piétenne, tout comme un homme qu'i est.
Dins l'nuit claire, in intind passer des frôl'mints d'ailes
Et s'incourir des pas d'bergers, premiers fidèles.


Traduction :

L'enfant Jésus n'a même pas de berceau : et son berceau que l'on balance
C'est un bac pour le manger des bêtes, dans l'étable noire
Emplie de l'odeur du boeuf et du baudet,
Sa maman, doucement, chante une berceuse
Dont il ne comprend pas les couplets
Mais dont l'air est plus doux que celui d'une flûte
au pied d'une source, au temps que l'hiver s'en va.
Joseph, embarassé, piétine, tout comme un homme qu'il est.
Dans la nuit claire, on entend passer des frolements d'ailes
Et se presser des pas de bergers, premiers fidèles.

D'après le livre de Guy Dubois : Commint qu'i dijot Pépére ?