Le Blog chti

Ch’est un diape ed’ tros ans : i met s’première culotte.
S’ mère a dû li tailler dins l’ dos d’eun’ vielle capote.
I a l’air d’un p’ tit homme, sin bieau p’ tit garchon.
In li a fait des bertelles avec un bout d’ clach’ ron. (ficelle)

Dame ! Cha n’est point copé d’après l’ pus dernière mote, (coupé, mode)
Par el’ tro de s’ brayette, el’ pan d’ quémiche i flotte ! (chemise)
Mais fier comm’ Artaban, l’ mioche écorche eun’ canchon (chanson)
L’ mère est heureuse d’ vir sin gosse gai comm’un pinchon. (pinson)

All’ le suit du coin d’ l’oeul et l’ ravisse sus chaque face (regarde)
I est bieau comme un Diu pour elle, et all’ l’imbrasse :
A’ n’ fait point attintion si l’ habit est trop long.

Mais, malheur ! Du marmot, l’ position d’ vient critique !
I attrape tout d’un cop eun ‘ désastreuse colique,
El l’ mère n’a point l’ temps d’ défaire el’ patalon ! (pantalon)

Jules Coine
Les chants de la Muse Noire.
Ostricourt
1912
Jules Coine était ouvrier mineur à la Fosse n°6 des Mines d'Ostricourt

Mon père dans son fauteuil favori, avec son chien.

Min papa,

Viens, pa, mets-té chi à l’ coyette (confortablement installé)
J’ai dégotté tros quat’ gayette, (morceau de charbon)
Assis-té tout près dé t’ garchon,
In fac’ du feu, duss qu’i fait bon…
Tients… v’là m’ toubak, bourre ein’ bonn’ pipe, (tabac)
Et pou nous préserver d’ la grippe
In va boire un bon g’ nièfe à deux… (genièvre)
Dé t’ vir, papa, j’ sus si heureux !

Lire la suite

Les pépères

Les pépèr’s, ch’est les vieux qui tot’nt jadis les forts,
Qui, l’ figur’ racarpi’, march’nt in courbant l’échine,
Dont les yeux r’flèt’nt incor l’ lueur des espoirs morts,
Les souv’ nirs ed bonheur et d’ misère et d’ débine.

Lire la suite