Le Blog chti

Quand il est mort, l' brav' Tir'-Fond Philogomme,
S' femme, désolé d' perdre un homm' si vaillant,
Su l' grêl' cercueil où Tir'-Font f'sot l' long somme,
A grands cops d' poing, all' buquot in criant :

"A r'voir, Tir'Fond ! a r'voir ! un si bon homme !
Dûss' que t'in vas ? M' biau ! Mi qué j' t'aimos tant,
Té peux r'vénir, Tir'-Fond, comm' té m' laiss', comme
Té m'artrouv'ras, quand cha s'rot dins vingt ans !"

Su l' boite ed bos, s' poing résonn', lamintape,
Jusqu'au mommint qu' Philogomme, el pauv' diape,
Quittot s' maison pour el gardin grinn'-dints.

Trois mos après cheull' douleur tant prouvée,
L'femm' Tir'-Fond qui s'étot sans dout' trompé
Ténot ménache avec Zant' Muscadin.

La terre des galibots (1923)

Jules Mousseron

El gardin grinn'-dints : le cimetière (le jardin grandes dents)
Buquot (buquer) : tapait
Su l' boîte ed' bos : le cercueil

Et l'soir i compt' doube à doupe...
Avez vous connu
Un homme' si nunu ?

Desrousseaux

Doube : petite monnaie
Nunu : minutieux, qui fait des petits comptes ; se dit nunnut en artois.

Quand j'étos jeun' fillette
Ah qu' j'avos du plaisi,
Je n' pinsos qu'à m' toilette,
A l'amour, au lari.

Desrousseaux (La femme du pérruquier)

Lari : Joie bruyante, plaisir

Une expression Lilloise :

Saint Longin, patron des lambins.

Longin : lent, nonchalant.