Feau déjà les vire in debut d’carrière
Tout autour del berche du premier marmot
L’in y est a tou prix, poul l’impécher d’braire
Partisan del tute, et l’aute i nies pas
Et cha fait des comptes , et cha fait des scènes
Pendant qu’el pétit brai in même temps
Les deux premiers mots qui connot à peine
El pus vielle rengaine
Papa et Maman

Bétot ché moment d’ses premières étutes
Et- pusque sait cha l’bas d’l’instruction
Li y fait l’morale, comme as n’habitude
Elle comme d’habitude, ell dit : Bah chez bon
Et qui fuche ou non , eine elef modele
Toul long d’ses primaires el tiot archelles
I apprind ses triangles et ses parallèles
Intre deux candelles
Papa et Maman

Mais vla qui sin va poul grante école
La cha ’d’vient sérieux, faut quin tire s’plan
Ya comme ein séquoit la d’din qui console
Chez qu’un paire d’ an , dinl fond, chane dur mi longtemps
Al’ armisse des prix , el arrive bin vite
Et on sin radieux….et géné pourtant
Puisqu’au fond del salle, ar connot tout suite
Deux bras qui s’ agitent
Papa et Maman

Et quant té tin va pou faire ed service
Combin d’fot qui arrive, alors qué sul soir
L’sergent t’appele, din ptit air complice
Pout dire qui a queuquin pour ti au parloir
Et t ‘espéro tant l’visite del jonne fille
Qué ta interpri , hier in dinsant
Et quest qué vo ,là , tout prés del grille
Timides et tranquilles.
Papa et Maman

Mais tou sournoisemin, el grand moment y approche
Qui faut leur z’amnez, ein jour àl mazon
Celle, qui comint dire ?….qué s’cœur el est plus proche
E qu’il faut faire face à leu réaction
On a presqu’invie d’crier : al détinte
Quant on pousse el porte et la tou trannant
D’vant lélue desse cœur, on sin s’cœur qui tinte
Quant t’on li présinte
Papa et Maman

Et puis quant arrif el jour du mariache
Qué t’sins libéré, d’in l’émerveillement
D’in campe ed l’ hotel prévu din voyache
Quant tartrouffe à deux et qu’té dis :enfin
Quant touffe el lit poul grante avinture
Queut ché té vot, là et d’seur el drap blanc
In p’tiot bouquet fleurs , ein guise ed verdure
Et ein signatre
Papa et Maman

Et ta pas fini, d’subir leu n’ emprise
Parsqué tout tot long de n’instalation
Bé, té va toudis d’surprise ein surprise
Pars qué….yal conflit des générations
Touch qué t’ interprint, t’diros cha les géne
I distent que ché bin, mais y font semblant
Et on s’dit souvin, presqu’a bout d’haleine
I nous in font einne
Papa et Maman

Seulmint, ptit z à ptit, comme y zon pris d’ lache
I da ein des deux, ein jour subitement
Qui sin va din cot, pour el grand voyache
Et té ninr vien pas qu’il est parti ein sin
Et ta bio trouver des mots et des gestes
Té sait bin, alors qué chel grant tournant
Et qui n’aura pu, d’ paradis terreste
Pour es ti qui reste
Papa ou Maman

Et cha traine in sin, toul restant desse vie
A parler d’souvenir, à parler d’ antan
Au point qui a défo, qué ta presque l’invi
Dis dire, : Bin ché bon, va printe du bon temps
Mais channe sert à rin, ché pal bon système
Et lin ou bé lotte, i nin fait tout autant
Maman sans papa, ché toute a fait l’même
Et chel même problème
Qu’ papa sans maman

Et in bio matin , comme eine fleur fanée
El dernier des deux,y sinva ach tour
El cheul qui est parti, d’ pul eine paire d ‘ année
Pour el deuxième fois , y meur el même jour
Car ché la seulmint, din l’fond dé détresse
Qué té comprint quechtot, ed pu t’nach dinfant
Inn moncheau d’ amour , in moncheau d’ caresses
In moncheau d’tindresse
Papa et Maman

Et si ché bin vrai, quailleurs que sur tierre
On sartrouffre tertous à la fin des ans
Et connot déjà, quant cha sra m’heure dernière
Ceux qui véront m’quère
Papa et Maman.

Merci à Monsieur Didier DU BOIS originaire de Bruay-sur-Escaut, cité Thiers