"Laichez-me vife, j' sus si jonne !
J' sus trop maîque pour ête bonne,
Pour vous faire un plat à minger ...
Laichez-me m'in aller
M'nourrir un tiot peu dins ch' monde,
J'vous r'viendrai bien pus ronde !
O z'avez qu'à rapasser,
Mi j' m'in vas m'ingraisser.
J' demeure dins ch' tiot tro par ichi,
J' vous donne em' parole ed' souris !"
Ch' viux cat i a fait l' sourd' orelle,
I est bin trop malin pour in croire eun' parelle !
"Ch'est bon, ch'est bon, qu'i dit,
J'ai pus querre mingere min rôti
Tandis que je l' tiens tout cuit !"

L' miux, ch'est de jamais s' mette
Dins les griffes d'un matou comme chà.
Ch'est à mon d'ches gins comm' à mon d' ches bêtes !
Arténez bin l'histoire de ch' cat.

Ch'est eune tiote fable ed' Marie-Ange Merlier qui restot à Carvin.

Défournaquer : sortir du four
J'ai pu querre : j'aime mieux
à mon : chez (à la maison)