ça sent le printemps
Par Regis Lenglos, samedi 26 novembre 2005 à 09:28 :: Poèmes chti :: #242 :: rss
Il va nous falloir encore attendre un peu pour la venue du printemps en ce jour de fin novembre mais ce poème est si beau, qu’il va nous faire patienter et ressentir les émois … du printemps.
Un grand merci à Jean POTTIER, émouvant poète Chti
Cha sint l’ printemps
L’ solel, cras comme enn’ motte ed’ burre
Vient d’ moutrer s’ nez au d’zeur l’hayure…
Les tiots pierrots sont fin bénaches :
I’ babill’nt pir’ qué des agaches
Et can’nt jusqu’à l’ nuité tombant …
Y a mie à dir’, cha sint l’ printemps !
Dins min courtil, l’hierbe al’ arpousse,
Les aillets biqu’nt-té d’sous la mousse ;
Un greus lum’chon part in balate
Pou s’impaffer dins mes salates ;
Et mi, j’ l’arwette in rigolant ;
Y a mie à dir’, cha sint l’ printemps !
Les jonn’s fill’s mett’nt d’ si tiot’s jupettes
Qu’in leu vot presqu’el beurdouillette !
Les fieux in sont tout artournés !
I’ bourgeonn’ nt pir’ qué mes proniers
Mais jut’nt les farauds, in chiffant …
Y a mie à dir’, cha sint l’ printemps !
Mi, j’ai les yeux pleins d’ebluittes,
L’ leumièr’ m’ fait mau, tant al’ espite !
J’ mé sins l’âm d’un vrai galuriau,
J’ sus al’ ducass’, j’ vos tout in biau
Et j’ cros bin qu’ j’artrouv’ mes vingts ans
Dé m’ dir’ qu’infin, cha sin l’ printemps !
Jean POTTIEZ
Né en 1936
Les aillets biqu’nt-té d’sous la mousse ;
Un greus lum’chon part in balate
Pou s’impaffer dins mes salates ;
Et mi, j’ l’arwette in rigolant ;
Y a mie à dir’, cha sint l’ printemps !
Les jonn’s fill’s mett’nt d’ si tiot’s jupettes
Qu’in leu vot presqu’el beurdouillette !
Les fieux in sont tout artournés !
I’ bourgeonn’ nt pir’ qué mes proniers
Mais jut’nt les farauds, in chiffant …
Y a mie à dir’, cha sint l’ printemps !
Mi, j’ai les yeux pleins d’ebluittes,
L’ leumièr’ m’ fait mau, tant al’ espite !
J’ mé sins l’âm d’un vrai galuriau,
J’ sus al’ ducass’, j’ vos tout in biau
Et j’ cros bin qu’ j’artrouv’ mes vingts ans
Dé m’ dir’ qu’infin, cha sin l’ printemps !
Jean POTTIEZ
Né en 1936
Commentaires
Aucun commentaire pour le moment.
Ajouter un commentaire