L’pauvre homme dot créver d’fain : i a dîné sur plache

D’un cantiau d’pain sec, in l’dossant d’un oignon.

Bien sûr qu’in route i pinse à c’qui ming’ra d’bon !

Mais i vot s’femme sur l’porte et cha l’rind tout bénache.


I rintrant in peut vir qu’i est bien rattindu,

L’candelle est allumée, l’fricot guernotte sus ch’fu,

L’soupe est dessée sus l’tafe. Mais ch’n’est point cha qu’i r’wette.


I a vu dins un coin eun’tiote berche in osier,

I réchue s’bouque à s’manche, et défaijant s’casquette,

I queurt drot à s’n’infant … i a fiam de l’ bajer.

Théophile Denis.


Théophile Denis vivait à Douai au XIX siècle


L'aoûteux : Le travailleur du mois d'août, qui fait l'août (la moisson)

Arcan : fatigué

Un cantiau : un bon morceau de pain

Dosser : frotter la croute avec de l'oignon ou un ail

Bénache : content, à l'aise

Fricot : ragot

Guernotte : commence à bouillir

L'tafe : la table

I r'wette : il regarde

Berche : berceau

I réchueil essuie

Bajer faire un baiser